سعر و مواصفات Samsung Galaxy S4 I9500

ممكن حد يقولي كم سعر جلاكسي S4 في السعوديه

وشكرااا

يا جماعه لو سمحتو اللي حدث للكيت كات يقوللي الذاكره الداخليه زادت و لا قليله زي ما هي

للناس اللى عايزة تشترى الاس 4

قبل مابدأ كلامى فى تقييم الهاتف الرائع S4 9500 احب اقول حاجة عشان بس الناس تبقى عارفة انها ماتسمعش لاى كلام وخلاص , لازم تاخد الكلام من ملاك الهاتف

ونبدأ التقييم ونقول " بسم الله الرحمن الرحيم "

1- الشكل : شكل ال S4 رائع وشيك جداااااااااا وخصوصا اللون الابيض بالاطار المعدنى بيديلة شكل رائع الصراحة + ازرارا تعلية الصوت والباور المعدنية بالكامل يعنى معناة انها هتفضل كدة مش هتتغير
وعندك زرار الهوم حوالية اطار من الكرووم بشكل رائع جذاب تحس معاة بالاناقة والشياكة

( 8.5/10 )

2- الخامات : الظهر الخلفى مصنوع من مادة البولى كربونيت , لها ملمس ناعم جدااا , وشكل لامع بيديك احساس انة زجاجى مش بلاستيك , وكمان مرن جداا عنى مش سهل يتسكر وبردة صعب يتخدش الا لو بألة حادة ( 8/10 )

3- الشاشة : شاشة رائعة والوانها روعة بمعنى الكلمة , الى الان ماشوفتش شاشة افضل منها فى الالوان , والتاتش بتاعها رائع بمعنى الكلمة وكمان السطوع بتاع عالى يعنى ماشاء الله قوية الوان واضاءة ( 10/10 )

4- الاداء : يتميز الهاتف بسرعة عالية جدااااااااااااا , يعنى تقريبا شغلت اقوى العاب , وعملت اقوى شغل على الهاتف , والحمد لله الهاتف استجاب بكل مرونة وسلاسة بدون تقصير والحمد لله نسبة التهنيج ( صفر ) وتم عمل اختبار لل ANTUTN BENCHMARK والهاتف سجل 28560 الف بتحديث ال 4.3 , وتم اللعب على الجهاز العاب عالية جداا وقوية جدا فى الجرافيك بتاعها والحمد لله الهاتف حاجة تانية خالص فى الالعاب , تحس انك بتلعبها 3D و بتفاصيل مش موجودة غير على الكمبيوتر
الذى تم تجربتة على الهاتف (REAL RACING 3 - ASPHALT 8 - NFS MW - MOERN COMPACT - FIFA 2014 - SUPWAY SURFER )
(9/10 )

5- الرامات : الجهاز يأتى بأجمالى رامات 2 جيجا , الصافى للمستخدم 1.82 جيجا المستهلك بقى كام 980 ميجا بدون عمل CLEAR RAM وبعد عمل CLEAR RAM بتوصل ل 850 ميجا , ومع فتح البرامج او النت مش بتزيد عن 1 جيجا 300 بالكتير اوى
( 10/10 ) والتقييم دة عشان حاجة واحدة , عمرى مااحتجت اعمل CLEAR RAM وتقريبا مابقيتش بدخل عليها اصلا الا كل فترة للتأكد من سير النظام بصورة سليمة

6- الاوبشن والسينسورز : كل اللى اقدر اقولة ان التليفون دة فية كل حاجة انت محتاجها , انا عن نفسى مابقيتش محتاج انزل برامج او اى حاجة التليفون فية كل حاجة مهما كانت , وكل الحساسات اللى فية بتعمل بشكل مثالى , والصراحة فعلا جهاز متكامل يقدر يشغلك كل حاجة ويقضيلك مهامك بكل سهولة ويسر
( 10/10 )

7- الاصوات : 1- صوت سماعة التحدث : كل اللى هقدر اقولة انها عالية جدااا , نقية جداااااااااااا , وفية اوبشن فيها تخليك تختار ال EQUALIZER بتاعها او تفعل المايك التانى بتاع ال NOISE CANCELLATION واللى فعلا فعلا بيعزل تماما الصوت عندك ومش بيكون واضح غير صوتك انت بس , واى حد بيكلمنى وانا فى الشارع بيفتكر انى فى البيت او فى مكان مغلق
( اديها 10/10 )
2- صوت السماعات الخارجية : الصوت قوى وعالى من مشغل الموسيقى تحس كدة انك بتسمع الحاجة بجمال صوت ونقاء وصوت عالى وواضح , لكن لما بتعمل الاغنية كرنة تنبية , بيكون الصوت منخفض شوية عن مانت بتسمع الاغنية من مشغل الموسيقى , بس بيبقى مسموع وواضح فى اى مكان عادى جداااااااااا ( 9/10 )
3- صوت سماعات الاذن : كل اللى هقدر اقولة حاجة , ماسمعتش صوت فى حياتى بقوة السماعات دية ولا ال OUTPUT بتاع التليفون دة ماشاء الله علية روعة وصوت رائع وجربتة كمان على سماعات عربيتى 6 سماعات ماشاء الله علية ادانى فرق صوت تانى عن الادفانس اللى معايا لانى جربت الاتنين للتجربة ( 10/10 )

8- الكاميرا : اوبشن كتييييييييييير جدااا ورائع , وكاميرا اكثر من ممتازة وضوح واضاءة وسرعة التقاط رهيبة , وتصوير ال HDR فظيع , بيديك قوة الوان ووضح عالى جدااا للصورة
فلاش التليفون قوى جدااا , ولما بيصور وانت بتلقط الصورة كأنك بتستخدم كاميرا احترافية عالية الجودة , وكمان ميزة مهمة جداا وهية ال NIGHT MODE , وفعلا بتديك اضاءة ووضوح عالى جداا كأنك فى النهار وبتفاصيل ممتازة ( 9/10)

9- البطارية : تم استخدام الهاتف فى جميع الظروف معادا فقط الاستخدام الخفيف عشان مش هينفع معايا فكانت النتيجة كالاتى :

1- فى الاستخدام المتوسط : الهاتف عمل يومين و19 ساعة وكانت نسبة الاستخدام ( مكالمات لمدة 3 ساعات وشوية - نت لمدة نصف ساعة - العاب لمدة نص ساعة - تشغيل اغانى لفترة 15 ساعة - تصوير كاميرا لمدة نص ساعة واكتر كمان ) وكل دة والحمد لله باقى فى البطارية 30%

2- فى الاستخدام القوى : الهاتف قعد معايا يوم و20 ساعة وكان الاستخدام كالاتى :
( مكالمات لمدة 5 ساعات ونص - نت لمدة ثلاث ساعات متقطعين - لعب لمدة ساعة - شغل على الهاتف مابين فتح الاستوديو وتشغيل فيديوهات وتصوير ومشاهدة ملفات PDF وتحديد مواقع واستخدام ال GPS ) وفى الحالتين اضاءة الشاشة بتكون على اعلى حاجة , لانى مش بحب اقلل اضاءة الشاشة ( 9/10 )

10- الذاكرة الداخلية : الهاتف مزود باجمالى ذاكرة 16 جيجا , والصافى 9 جيجا
( 7.5/10 ) لان فعلا فية مساحة كتيرة متشالة على الفاضى

التقييم النهائى : الهاتف دة من اروع ماانتجت سامسونج , بجد هاتف متميز ورائع , وفية كل احتياجاتك , اللى وزيادة , وبجد بجد موبايل مش ناقصة حاجة , وخصوصا موضوع البطارية اللى ماشاء الله علية قوى جدااااااااااا , عكس ماكانت كل الناس بتقول

موضوع بقى السخونية , التليفون مش بيسخن اصلا , ولا مع مكالمات او العاب او نت مهما طالت مدة التشغيل

يعنى محدش يشغل بالة بأى حاجة من الحاجات دية ( والله كلة كلام بيتقال وخلاص ومحدش عارف حاجة ) , وعلى فكرة يقدر يتحدى اى تليفون بكل جدارة وبكل قوة , لان فعلا الهاتف من اقوى الهاتف اللى موجودة فى السوق واديلة تقييم ( 9/10 )

ودية شوية SCREEN SHOTS






اارجو ان يكون التقييم عجبكوا وانا مستعد لاى مناقشة

إستفسار ضرورى جدا لو دلوقتى قدامك تشترى النسخ الفور جى او الثرى جى من بره تشترى إنهى نسخه منهم ؟ وهل في نسخة فيهم بتسخن؟؟؟ ولا السخونية في الموبيل ده عموما؟؟؟؟

مقارنة S5 VS S4 9505

برجاء الرد عليا الان بعد اذنكوا انا هجيب الموبايل دة كمان يومين اية رائيكوا فيه بصراحة واية مميزاتة وعيوبه واية حقيقة انوا بيسخن ارجو الايضاح

تقرير بسيط عن استخدام بطارية الاس 4 , شغل مكثف جداااااااااااااااااااا , عشان اشوف اخر البطارية شغل جامد جداا هتقعد قد اية

تم شحن الهاتف يوم 31-3-2014 ,فى تمام الساعة السابعة وهو على 1% و وتم شحن الهاتف 100% فى تمام الساعة التاسعة بالدقيقة

سيبت الهاتف ماجيتش جنبة , لحد الساعة 7:30 صباحا , صحيت لقيتة على 99% طبعا بعد كمان المنبة معمل تنبيهة لمدة ثلاث مرات

تم استخدام الهاتف على النحو التالى :

1- تم فتح ال mobile data , وتشغيل لعبة subway لمدة نصف ساعة , قفلت اللعبة وبعديها على طول دخلت نت من على التليفون لمدة نصف ساعة

2- مسكت التليفون ماسيبتوش , من تغير لخلفيات , من مشاهدة فيديوهات , لتشغيل مشغل الموسيقى

3- تم تصوير حوالى 25 صورة , وتصوير فيديو بتاع 15 دقيقة , وكررت الموضوع دة لاكتر من مرة عشان اشوف افضل اوضاع التصوير وتجربة جميع خصائص الكاميرا

4- عمل مكالمات تجاوزت ال 3 ساعات على مدار اليوم

5- عمل chatting عن طريق yahoo messenger لمدة نصف ساعة

6- لعب subway تانى لمدة ساعة ونصف

7- تجربة جميع الحساسات فى الجهاز

8- طبعا الشاشة على اعلى اضاءة وبدون تشغيل موفر الطاقة

9- تشغيل لعبة real racing 3 لمدة ربع ساعة

والحمد لله التليفون وصل ل 5% فى يوم 1/4/2014 الساعة 9 ونصف مساءا

يعنى مدة التشغيل على الهاتف كانت يوم وكام ساعة

بطارية الاس 4 ياجماعة روعة بجد انا بجد اليوم دة ماسيبتش الهاتف من ايدى والله , كنت ماسكة طول النهار والليل لحد قبل مايتشحن

وقولت اعمل التقرير دة عشان الناس اللى بتسأل على بطارية الجهاز

هام جداااااا*** الى كل الاعضاء .. سواء ليهم اكونتات هنا او زائرين فقط

بسم الله الرحمن الرحيم

البوست ده يارب اقدر اكرره كل اول شهر
كلنا بنسعى ورا الموبايلات الجديده لآنها وسيله لرفاهيتنا
بنصور بيها وبنتفرج على صورنا وفديوهاتنا وبنلعب ونتسلى ونتكلم
الموبايلات كلها مختلفه فى كل حاجه الا حاجه واحده بس بتجمعهم
حاجه واحده بس ممكن كل الموبايلات تعملها
الموبايلات كلها بتشترك فأنها ممكن تنقذ روح وتستر جسد وتأكل ام وطفل وتصرف على يتيم
كل الى هتعمله انك اول كل شهر تشحن بـ35 جنيه بس . وهتبعت 7 رسائل لـ7 ارقام
قيمه كل رسالة 5 جنيه فقط
جوه الصورة دى فيه الارقام وجنب كل رقم انت هتساعد مين

الصورة .....

لو ماحبيتش تساعد من فضلك ساعدنا بنشر الصورة فى كل مكان
وماتضايقش لما يجي اول كل شهر وتشوف البوست ده فى اغلب الصفحات هنا
وياريت كمان لما تشوف البوست تقلل الردود الجديده عشان البوست الناس تشوفو بشكل كويس

لو 35 جنيه كتير عليك كل شهر ابعت رسالة واحده بس بـ5 جنيه لآى رقم من الى فى الصورة
اختار تساعد طفل مريض بالسرطان . او طفل يتيم نفسه يعيش حياه عاديه
او اسره محتاجه للآكل عشان تعيش . او طفل محتاج عمليه زرع قلب

شكرا لكل واحد هينشر البوست .. وكل واحد هيحاول يحافظ ان البوست يفضل متشاف ومايضفش ردود جديده الا لو هيسأل فى حاجه مهمه

بالتوفيق ....

يمكن اروع حاجه شوفتها فى اس4 تصميم الى نوعا ما دالوقتى حلو بالمقارنه مع اس5
ونحافة الهاتف الجميل جدا
ومناسب بشكل غير عادى للأيد
وكاميرا لطيفة وبتدى نتائج حلوة ومرضية جدا

واستغربت جدا من حجم اس4 ميني
اصغر من اس2 فى العرض
حسيته صغير بصراحه

مبروك لكل واحد هيجيب الهاتف الجميل اس4 الى لازال الطلب عليه جيد

السعر الان 4100 بضمان
3600 من غير ضمان
2600 مستعمل
ولازال الكثيرين يفضلو فئه النوت على اس4 .. ومعاهم حق فى العتاد القوى والتصميم الجديد
وده مايقللش من قيمه اس4 وحبيته جدا . بس ماتحمستش لفكرة شرائه للآمانه لآنه مش الابداع للآسف .. ابداع اخر 2013 و2014 كاملة هو oppo n1 حتى بعد صدور هاتف رائد oppo7

بالتوفيق اجمعين ...

سعر الهاتف اليوم بضمان دولى 3600 ... سعر جيد جدا

بالتوفيق .