سعر و مواصفات Samsung Galaxy S4 I9500

تقرير سهل و بسيط عن الهاتف على نفس نمط تقرير العضو المميز semsemSiR

"بسم الله الرحمن الرحيم"
الشكل :
الجهاز شكله تحفة و لو كان ملوش شبيه هيبقى افضل شكل في الهواتف الحالية كلها
لكن للأسف شكله شبه اللي قبله "اس 3" تماما مع بعض التعديلات البسيطة
لدرجة ان الناس كلها فاهمة اني لسة مغيرتش ال اس3 :D
لكن عموما الجهاز شكله تحفة و هيعجب اي حد
(8.5/10) فقط لأنه شبه معظم أجهزة سامسونج

التصميم :
الجهاز سمكه قليل و الحواف حول الشاشة صغيرة و عشان كده تصميمه ممتاز و حجمه مناسب جدا بالنسبة لشاشة 5 بوصة
لكن فقط مكان السماعة كان أفضل في الاس3
لكن بصراحة تغييره كان ضروري عشان ميبقاش نسخة من الاس3 ... مش ناقصة اصلها !
(9.5/10)

الشاشة :
رائعة جدا و دقتها عالية جدا و سطوعها عالي و كويسة جدا في الشمس
(10/10)

التاتش :
ممتاز و سلس و دقيق
(9.5/10)

الصوت :
السماعة الخارجية
صوتها عالي و لكنه تقريبا نفس صوت ال s3 مع زيادة في النقاء
و صوت النغمة أقل من صوت الموسيقى .... لكن كويس برضو و مفيش مشاكل
(9/10)

سماعة المكالمات
ممتازة و واضحة و عالية
(10/10)

ال headphones
صوتها ممتاز و أفضل من سماعة ال s3 بشكل ملحوظ
لكن مشكلتها إن فكرة الجلدة دي رخمة شوية و السماعة مش بتثبت كويس في الأذن و إستخدامها مش سهل
أنا بفضل السماعات التانية
(8.5/10)

الذاكرة الداخلية :
المتاح منها 8.94 جيجا ...... يعني تقريبا 9 جيجا و ده قليل عن الاس 3 بـ حوالي 2.5 جيجا
(7/10)

الرام :
هي 1.82 جيجا
لما بتعمل CLEAR بيديك من 850 لـ 1150 ميجا فاضية
حسب إستخدامك و حسب المدة من آخر مرة عملت فيها ريستارت للجهاز
لكن نقدر نقول في المتوسط 1000 ميجا فاضية بعد ال CLEAR
و ده تقريبا أكتر من 3 أضعاف الرام في الاس 3 لأنه كان بيديك حوالي 300 ميجا بعد ال CLEAR
يعني الحمد لله مفيش مشاكل في الرام و الجهاز ده هينسيك موضوع ال CLEAR تماما
(10/10)

الكاميرا :
هي قريبة جدا من الاس 3 .... كنت فاهم إن الفرق كبير أوي لكن إكتشفت إنه صغير
يعني في الإضاءة العالية مش هتحس بفرق تقريبا
لكن بيظهر فرق بسيط في الإضاءة المتوسطة و الضعيفة
و عموما الكاميرة ممتازة جدا و فيها خصائص جديدة تحفة و الفلاش قوي
(9/10)

الكاميرة الأمامية :
هي نفس كاميرة الاس 3 لا أزيد ولا أقل
و صورتها كويسة جدا في الإضاءة العالية
(8/10)

النظام و الواجهة :
هي نفس واجهة السامسونج اللي ملينا منها :(
لكن لا أنكر إنها عملية و سهلة الإستخدام
و عموما اللي زهق منها ينزل أي لانشر .... مش مشكلة يعني
و النظام ثابت لأبعد الحدود و مفيش أي تهنيج إن شاء الله
(10/10)

البروسيسور :
النسخة اللي معايا i9500 ... البروسيسور قوي و الأداء ممتاز
لكن للأسف كالعادة في بعض التأخير عند فتح أيقونة الهاتف أو جهات الإتصال
كنت فاهم إن الموضوع مختلف مع الاس4 .. لكن مشكلة بسيطة إن شاء الله
(9/10)

السخونة :
هي أكتر الإشاعات اللي طلعت على الاس3 و الاس 4
لكن الجهازين سخونتهم عادية و مقبولة جدا .... أنا لا أعتبره بيسخن !!
(9/10)

ال Sensors :
ممتازة و شغالة تمام

لكن تماما مثل الاس 3 ... في مشاكل في ال Smart stay, Smart pause
لا يمكن إستخدامهم أو الإعتماد عليهم مطلقا
فقط محسوبين علينا من ضمن الأوبشن بتاع الجهاز :(
(8.5/10)

البطارية :
بالإستخدام التقيل تستمر أكتر من يوم
و بالإستخدام المتواصل تستمر 16 ساعة على الأقل
و بالإستخدام المتوسط على الأقل يومين

و ده أدائها معايا في الإستخدام التقيل :

و مدة الشحن الكـــامل من صفر% إلى 100% بالضبط ساعتين و 5 دقائق
(9.5/10)

الخلاصة :
لما تجمع التقييمات تلاقي الجهاز واخد 145 من 160
يعني تقييمي ليه بمنتهى الحيادية 90.6%
و بنفس الطريقة هنلاقي أستاذ semsemSiR إداله 119 من 130
في التقرير بتاعه
-(semsemSiR
يعني تقييمه للجهاز 91.5%

يعني نفس التقييم بتاعي تقريبا .... و ده تقييم ممتاز و فعلا الجهاز رائع و أي حد هيشتريه مش هيندم إن شاء الله
و ما زال من أقوى الأجهزة اللي في السوق و حتى بعد نزوله بسنة يقدر ينافس أي جهاز تاني قريب من سعره أو مش قريب !

أي حد بيفكر يشتريه يتوكل على الله و يشتري بدون تردد

و بالنسبة للون هو أزواق لكن أنا إخترت ال black mist
لأن الخطوط الكرومية أكثر وضوحا فيه و بتديه مظهر جمالي أكتر
زي الفريم المعدني أكثر وضوحا و إشراقا

ال white ــــــــــــ
ال black mist ـــــ

و النقوش في الإطار حول الشاشة شكلها أوضح

ال white ــــــــــــ
ال black mist ـــــ

و الإطار الكرومي حول زر الهوم شكله أشيك و أوضح في ال black mist


و النقاط اللامعة في غطاء الظهر أوضح




و الإطار الكرومي حول الكاميرا أوضح في ال black mist

بعد اذنكم 3 اسئله انا معاي s4 4.3 استني كيت كات هوائي والا أحدث اودين ثانيا لو هحدث اودين أي نسخه الإمارات سعوديه والا بولندا أو روسي أو نسخ اوربيه افضل ثالثا لو نزلت نسخه اوربيه اغير اللغه لعربي ازاي آسف للاطاله

اﻷس 4 black edition معروض علي سوق دوت كوم ب 3666 جنيه

انا كنت عايزه اعرف ايه الفرق بين الشاشه الاموليد والسوبر اموليد لانى كان معايا نوكيا شاشته اموليد بس مش عارفه الفرق بينها وبين الاس4
وايه الفرق بين ال9500و9505 لانى انشاء الله احتمال اجيب ال9505 من السعودية لانه سعره ارخص من 9500 وايه السبب فى انه ارخص وهل فيه عيوب ولا احاول ازود شويه واجيب ال9500 وشكرا جزيلا

طبعا كلنا عارفين إن الجهاز فيه مستشعر حرارة و رطوبة و ضغط جوي
لكن لا نجد تطبيق يظهر قرائتها

البرنامج ده يظهر الحرارة و الرطوبة و الضغط في الغرفة أو مكان الجهاز
من المستشعرات .... يعني بدون إنترنت
برنامج خفيف و سهل الإستخدام ........ مساحته نص ميجا !
رابط مباشر :


و دي صورة توضيحية للبرنامج

السلام عليكم
هو تحديث الكيتكات نزل مصر ولا لأ يا شباب

أنا جبت الجهاز نسخة i9500 هو على 4.3 و فتحت تحديث البرامج لقيت بيقولي تم تثبيت آخر التحديثات بالفعل

أجرب بالكيز ولا هو لسة منزلش ؟؟!!!

انا عارفة ان السؤال مش مرتبط بالموبايل ده بس مش لاقية اى معلومات عن Samsung I9502 Galaxy S4 وكنت عايزة اعرف هو بيهنج ولا لأ ... انا محتاجة موبايل بشريحتين يكون كويس ومش مهم السعر لانى مش بغير غير بعد فترة ...

ممكن حد يقولي كيف انقل الصور والاغاني من جلاكسي اس 4 الى الكمبيوتر

هل يجب علي تنزيل برنامج لنقل الصور الى الكمبيوتر

وشكراااا

يا رجالة انا جبت النهاردة ال s4 و واخد العلبة من البائع متبرشمة دة انا حتى مرضتش افتحها عندة فى المحل و كدة . و خدتها معايا البيت و فتحتها ف اتفاجئت ان الشاشة مكنش موجود عليها الاسكرين الى مكتوب عليها شوية معلومات عن الجهاز و كدة . بس لقيت على الشاشة الاسكرين الشفاف العادى الى احنى بنشترية دة . فهل طب طبيعى و لا اية . يا ريت حد يفسرلى اكون ممتن له ..

بعد اذنكوا ياجماعة محدش يعرف ميمورى 32جيجابكام