سعر و مواصفات Samsung Galaxy S4 I9500
-
Android
Android OS, v4.2.2 (Jelly Bean) -
1080 x 1920 pixels, 5.0 inches (~441 ppi pixel density)
-
3G
2G / 3G -
13 MP, 4...
-
2GB RAM
16/32/64 GB storage, 2 GB RAM
غير متاح
تقييم المنتج
(2313 تقييم)
مواصفات Samsung Galaxy S4 I9500
| المواصفات الاساسية | |
|---|---|
| الحجم | 136.6 x 69.8 x 7.9 mm (5.38 x 2.75 x 0.31 in) |
| الوزن | 130 جرام |
| الألوان بالأسواق | اسود,ابيض |
| الشاشة | |
|---|---|
| نوع الشاشة | Super AMOLED capacitive touchscreen, 16M colors |
| مساحة الشاشة | 1080 x 1920 pixels, 5.0 inches (~441 ppi pixel density) |
| دعم اللمس المتعدد | لا |
| الشبكة | |
|---|---|
| دعم 2G | نعم |
| دعم 3G | نعم |
| دعم 4G-LTE | لا |
| دعم 5G | لا |
| دعم HSCSD | لا |
| دعم EDGE | نعم |
| دعم GPRS | Yes |
| الاتصال | |
|---|---|
| دعم WLAN | Wi-Fi 802.11 a/b/g/n/ac, dual-band, DLNA, Wi-Fi Direct, Wi-Fi hotspot |
| دعم بلوتوث | v4.0 with A2DP, EDR, LE |
| GPS دعم | نعم |
| NFC دعم | نعم |
| دعم راديو Fm | نعم |
| دعم USB | نعم |
| معلومات عن الكاميرا | |
|---|---|
| دعم الكاميرا | 13 MP, 4128 x 3096 pixels, autofocus, LED flash |
| دعم فلاش | نعم |
| كاميرا امامية | نعم |
| مساحة الذاكرة | |
|---|---|
| الذاكرة الخارجية | microSD, up to 64 GB |
| الذاكرة الداخلية | 16/32/64 GB storage, 2 GB RAM |
| الرامات | 2 GB |
| نظام التشغيل | |
|---|---|
| نظام التشغيل | Android OS, v4.2.2 (Jelly Bean) |
| نوع نظام التشغيل | Android |
| CPU | Quad-core 1.6 GHz Cortex-A15 & quad-core 1.2 GHz Cortex-A7 |
| معلومات أخري | |
|---|---|
| الرسائل | SMS(threaded view), MMS, Email, Push Mail, IM, RSS |
| المتصفح | HTML5, Adobe Flash |
| الخصائص | |
|---|---|
| دعم شرحتين | لا |
| الشريحة | Micro-SIM |
| نوع النغمات | MP3, WAV |
| مخرج صوت 3.5mm jack | نعم |
| الاهتزاز | نعم |
| دعم انفراريد | لا |
| حماية بالبصمة Fingerprint | لا |
ملحوظة : لا يمكننا ان نضمن ان تكون المعلومات
في هذه الصفحه صحيحة 100%
أحدث موبايلات من سامسونج
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
مواضيع مميزة عن موبايل Samsung Galaxy S4 I9500
semsemSiR
أحمد محمد
semsemSiR
أحمد محمد
youssefshabana
semsemSiR
أحمد محمد
semsemSiR
semsemSiR
sayedzayyat
مواضيع و اراء عن Samsung Galaxy S4 I9500
drizzyman
2014-06-15 (12:03:19AM)
من أول وهله تشوف الفون ده تنبهر طبعا بشكله والبزل الصغيره والوزن الممتازه ده والكام الجباره والأداء الرهيب وباقى الخيارات المحترمه طبعا عندك مسلا صوت مكالمات شبكات مشغل فيديو ....إلخ................
ولكن نقاط الإحباط عندى ف الصدمه لما تشوف ضهره البلاستيكى وإللى شكله فعلا بقى وحش عشان جمال تصميم ضهر النوت3 مسلا وإس5 وضح الموضوع ده جامد...............
النقطه المحبطه التانيه هى مدى تحمل البطاريه وإشكاليه السخونه إللى علقت ف الأذهان من أول ما نزل .......... النقطه التالته هى إضاءه الشاشه ووضوحها وخير دليل شوف شاشه النوت3 وإس5 عاملين إزاى...غير كدا مفيش مشكله ف الفون ممتاز طبعا..........شكرا
ولكن نقاط الإحباط عندى ف الصدمه لما تشوف ضهره البلاستيكى وإللى شكله فعلا بقى وحش عشان جمال تصميم ضهر النوت3 مسلا وإس5 وضح الموضوع ده جامد...............
النقطه المحبطه التانيه هى مدى تحمل البطاريه وإشكاليه السخونه إللى علقت ف الأذهان من أول ما نزل .......... النقطه التالته هى إضاءه الشاشه ووضوحها وخير دليل شوف شاشه النوت3 وإس5 عاملين إزاى...غير كدا مفيش مشكله ف الفون ممتاز طبعا..........شكرا
semsemSiR
2014-06-15 (01:40:29AM)
اختلاف معاك اختلاف كلى للاسباب الاتية :
1- الظهر البلاستيكى : هو ظهر مظهرة بيوحى بالزجاجى لكنة مصنوع من مادة البولى كاربونيت وشديدة المرونة ومظهرها جميل , وعموما متوافر ظهر جلد لو حضرتك عايز , وانا اصلا حاطط جراب جلد الحمد لله شكلة احلى من اى تليفون موجود وانيق جدااااااااا
2- البطارية : والله العظيم انا ماشوفتش فى حياتى بطارية اقوى من بطارية التليفون , انا لسة حالا حاطط التليفون فى الشاحن , من بعد استخدام 3 ايام ونص بأستهلاك ( 8 ساعات تحدث - تصوير 12 صورة - تصفح نت لمدة ساعة - العاب 15 دقيقة - gps ربع ساعة ) كل دة وتقول بطارية مش بتتحمل
- السخونية , الحمد لله التليفون مش بيعدى درجة حرارة 32 مع لعبة اسفلت 8 لمدة ساعة الا ربع لعب متواصل
3- اضاءة الشاشة والوانها : والله العظيم انا لسة يوم الخميس كنت ماسك الاس 5 وبعت صورة هنا وهنا واقسم بالله الفرق مابين الاتنين صفر , انا كأنى شايف صورة فى مرايا كقوة الوان وكقوة اضاءة
ومعايا بأستمرار النوت 3 , مافيش اى حاجة من اللى بيتقال دة ياباشا , حتى اللون الابيض ونصاعتة واضح عن النوت 3
ودية اول شاشة سوبر اموليد تجمع مابين قوة الالوان + نصاعة اللون الابيض ودة شىء عاجبنى جداااااااااااااا , لان فى تصفح النت بتكون روعة
1- الظهر البلاستيكى : هو ظهر مظهرة بيوحى بالزجاجى لكنة مصنوع من مادة البولى كاربونيت وشديدة المرونة ومظهرها جميل , وعموما متوافر ظهر جلد لو حضرتك عايز , وانا اصلا حاطط جراب جلد الحمد لله شكلة احلى من اى تليفون موجود وانيق جدااااااااا
2- البطارية : والله العظيم انا ماشوفتش فى حياتى بطارية اقوى من بطارية التليفون , انا لسة حالا حاطط التليفون فى الشاحن , من بعد استخدام 3 ايام ونص بأستهلاك ( 8 ساعات تحدث - تصوير 12 صورة - تصفح نت لمدة ساعة - العاب 15 دقيقة - gps ربع ساعة ) كل دة وتقول بطارية مش بتتحمل
- السخونية , الحمد لله التليفون مش بيعدى درجة حرارة 32 مع لعبة اسفلت 8 لمدة ساعة الا ربع لعب متواصل
3- اضاءة الشاشة والوانها : والله العظيم انا لسة يوم الخميس كنت ماسك الاس 5 وبعت صورة هنا وهنا واقسم بالله الفرق مابين الاتنين صفر , انا كأنى شايف صورة فى مرايا كقوة الوان وكقوة اضاءة
ومعايا بأستمرار النوت 3 , مافيش اى حاجة من اللى بيتقال دة ياباشا , حتى اللون الابيض ونصاعتة واضح عن النوت 3
ودية اول شاشة سوبر اموليد تجمع مابين قوة الالوان + نصاعة اللون الابيض ودة شىء عاجبنى جداااااااااااااا , لان فى تصفح النت بتكون روعة
drizzyman
2014-06-15 (11:15:13PM)
تمام ياسمسم بتدينى أمل
semsemSiR
2014-06-16 (10:46:37AM)
دية الحقيقة ياصديقى
Mrkapo
2014-06-14 (12:40:08PM)
شكرا جدا على اهتمامك و متبعاتك بس عندى كام سؤال قبل ما اجهز الحاجه الى انت قولت عليها.
1-جهازى اس3 ضمان دولى بلده فرنسا.
2-هل ممكن انزل النسخه المصريه ولا فى مشاكل.
3-هل كده فى ضرر للجهاز بالنسبه لموضوع الشبكه او انو يسقط سيريال.
شكرا.
1-جهازى اس3 ضمان دولى بلده فرنسا.
2-هل ممكن انزل النسخه المصريه ولا فى مشاكل.
3-هل كده فى ضرر للجهاز بالنسبه لموضوع الشبكه او انو يسقط سيريال.
شكرا.
semsemSiR
2014-06-15 (01:16:51AM)
الصراحة مشاكل الاس 3 دائما بتكون من النسخ اللى بتنزل من برة بسبب موضوع الشبكة
عموما عايزك تشغل تليفونك على وضع ال 2g وشوف الدنيا فيها اية هل الشبكة هتفضل قوية ولا هتروح
عموما عايزك تشغل تليفونك على وضع ال 2g وشوف الدنيا فيها اية هل الشبكة هتفضل قوية ولا هتروح
MRMRR
2014-06-14 (03:16:55AM)
انا الحمدلله ياجماعة جبت الموبايل بقالى يومين وطبعا انطباعى الاول عنه كان محترم جدا وجهاز فعلا انيق شكلا ومضمونا وطبعا اخص بالذكر الاستاذ سمسم واحمد محمد لانهم تعبو معايا جدا جدا وهما اللى نصحونى بيه والحمدلله
الجها ماشاء الله فى كل حاجة حلوة من شاشه طبعا للاوبشن اللى فيه حاجه جميله جدا بس بصراحة كانت ملاحظاتى الاولية
1- البطاريه بصراحه مش بتكمل معايا يوم يعنى اخرها معايا تقريبا 12 او 16 ساعة فمثلا انا شحنته 100% الساعه 9 صباحا قمت من النوم 3 لئيته 94% ازاى ولا ده العادى
وفيه حاجه اسمها نظام تشغيل اندرويد ده بئا بيسحب جامد جدا جدا من البطاريه من ساعه ما جبتها وبصراحه مش عارفه هوا عبارة عن ايه (اصلى ياجماعه اول مرة امسك اندرويد)
2-الحساسات بصراحه مشاء الله كويسه لكن بحس انها ساعات تلقط معايا وساعات لا
يعنى مثلا لما اكنسل على حد الائى نفسى بفتح عليه
3-الريموت بئا مش عارفه اظبطه نهائى يعنى مثلا (ايه جهاز فك التشفير)وايه(مشغل اقراص بلورى)وايه(مستقبل سمعى بصرى)وايه(مشغل وسائط البث)وايه(جهاز العرض)امال فين التكييف والريسيفر هههههههه انا بجد مش فاهمه وازاى اثبت الريموتات على الشاشه الرئيسية بحيث تكون جاهزة
وسمعت كمان ان المكالمات الوارده ناطق يعنى الاسم والرقم كده يعنى
ومحرر الصور مش موجود خالص وكمان استاذ احمد محمد قبل كده قال اعملو للراماتclearاعملها منين وليه
وعلى فكرة موبايلى نسخته 4.3 وانا يا استاذ سمسم كان نفسى اجيب البلاك اديشن بس اللى جابلى الموبال جبهولى بلاك ميست زى استاذ احمد محمد بس حلو برده
وانا بعتذر على كتر الاسئله الممله ده لانى خايفه اعمل حاجه غلط فى الجهاز
وياريت تقولولى على برنامج حلو للفيرس واسامى شوية لعب حلوة كده وشكرا جدااااااااا
الجها ماشاء الله فى كل حاجة حلوة من شاشه طبعا للاوبشن اللى فيه حاجه جميله جدا بس بصراحة كانت ملاحظاتى الاولية
1- البطاريه بصراحه مش بتكمل معايا يوم يعنى اخرها معايا تقريبا 12 او 16 ساعة فمثلا انا شحنته 100% الساعه 9 صباحا قمت من النوم 3 لئيته 94% ازاى ولا ده العادى
وفيه حاجه اسمها نظام تشغيل اندرويد ده بئا بيسحب جامد جدا جدا من البطاريه من ساعه ما جبتها وبصراحه مش عارفه هوا عبارة عن ايه (اصلى ياجماعه اول مرة امسك اندرويد)
2-الحساسات بصراحه مشاء الله كويسه لكن بحس انها ساعات تلقط معايا وساعات لا
يعنى مثلا لما اكنسل على حد الائى نفسى بفتح عليه
3-الريموت بئا مش عارفه اظبطه نهائى يعنى مثلا (ايه جهاز فك التشفير)وايه(مشغل اقراص بلورى)وايه(مستقبل سمعى بصرى)وايه(مشغل وسائط البث)وايه(جهاز العرض)امال فين التكييف والريسيفر هههههههه انا بجد مش فاهمه وازاى اثبت الريموتات على الشاشه الرئيسية بحيث تكون جاهزة
وسمعت كمان ان المكالمات الوارده ناطق يعنى الاسم والرقم كده يعنى
ومحرر الصور مش موجود خالص وكمان استاذ احمد محمد قبل كده قال اعملو للراماتclearاعملها منين وليه
وعلى فكرة موبايلى نسخته 4.3 وانا يا استاذ سمسم كان نفسى اجيب البلاك اديشن بس اللى جابلى الموبال جبهولى بلاك ميست زى استاذ احمد محمد بس حلو برده
وانا بعتذر على كتر الاسئله الممله ده لانى خايفه اعمل حاجه غلط فى الجهاز
وياريت تقولولى على برنامج حلو للفيرس واسامى شوية لعب حلوة كده وشكرا جدااااااااا
botyyounis
2014-06-14 (05:31:26AM)
اللي اقدر افيدك فيه
انا ان شاء الله ناوي اجيب الجهاز
وعايز اقولك :-
انا حاسس ان البطارية عادية و حلوة جدا كمان و استاذ سمسم يفيدك اكتر لكن نظام تشغيل اندرويد هو عبارة عن الأندرويد نفسه ، يعني النظام اللي مشغل الجهاز كله ، وده طبيعي يكون بيسحب جامد
غير كده بقى انا مش عارف :D
انا ان شاء الله ناوي اجيب الجهاز
وعايز اقولك :-
انا حاسس ان البطارية عادية و حلوة جدا كمان و استاذ سمسم يفيدك اكتر لكن نظام تشغيل اندرويد هو عبارة عن الأندرويد نفسه ، يعني النظام اللي مشغل الجهاز كله ، وده طبيعي يكون بيسحب جامد
غير كده بقى انا مش عارف :D
botyyounis
2014-06-14 (06:26:53AM)
اه صحيح الرام بتعملها كلير عن طريق انك
بتدوس على الزرار الرئيسي اللي تحت الشاشة في النص دوسة طوييييييييلة لغاية ما يظهرلك شاشة سودة فيها برامج
هتروح على علامة الدايرة المتقطعة في الشريط الأسود من تحت
هتدخل فيها هتلاقي من فوق تبويبات فيهما واحدة اسمها Ram
ادخل فيها هتلاقي زرار كبير اسمه رام :D
و مبروك عليك :)
بتدوس على الزرار الرئيسي اللي تحت الشاشة في النص دوسة طوييييييييلة لغاية ما يظهرلك شاشة سودة فيها برامج
هتروح على علامة الدايرة المتقطعة في الشريط الأسود من تحت
هتدخل فيها هتلاقي من فوق تبويبات فيهما واحدة اسمها Ram
ادخل فيها هتلاقي زرار كبير اسمه رام :D
و مبروك عليك :)
semsemSiR
2014-06-14 (10:37:32AM)
الف الف الف مبروك , وربنا يباركلك فية ويحفظهولك
هجاوبك على الاسئلة بالترتيب
1- البطارية : المفروض انتى التليفون هتخلصى الشحن اللى فية للاخر لحد مالتليفون يفصل , وتحطى التليفون فى الشاحن لمدة 8 ساعات وهو مقفول , ودية اول مرة فقط , وبعد كدة تشيلى التليفون اول لما ينور اخضر , وماتقلقيش البطارية هتبان قوتها بعد اول اسبوع مش دلوقتى لأ طبعا والعادى بتاع التليفون انك مثلا هتشيلية من الشاحن الساعة قبل ماتنامى 100% المفروض تصحى الصبح تلاقية 98% لو فترات النوم زادت عن 6 ساعات لكن قبل كدة هتلاقية 99%
2- نظام تشغيل اندرويد : المفروض انة هيقل لوحدة اتوماتيك مع فترة من التشغيل والمفروض بيكون
الاندرويد os : بحد اقصى 5 % , وال android system 3%
3- لو انتى مشغلة حساس الرد على المكالمات بالاشارة , يبقى هو مخصص للفتح فقط مش لالغاء المكالمة ( خلى بالك ) , واى حساسات تانية شغالة بكفاءة بدرجة 100%
4- الريموت : كل اللى عليكى انك مثلا هتظبطى ريموت ال t.v هتروحى داخلة على قسم ال t.v فى الريموت , وتفضلى معلقة ايديكى على زرار الباور ماتشيليهاش لحد ماتلاقى ال t.v قفل او فتح على حسب الوضعية اللى عليها وبعد كدة تختارى حفظ لل device دة وتسمية بأسم عشان كل device جديد هيبقى لية room مخصص لية
بالنسبة للريسيفر , هتفعلى ال wi-fi او الباقى وتنزلى التحديث الجديد , هينزلك فية الريسيفرات وتختارى بس لو عندك ريسيفر استرا , للاسف مش هتلاقية ضمن المجموعة و وغالبا هينزلوا تحديث تانى هيكون فية بس لسة شوية
5- نطق اسم المتصل : هتروحى على setting ثم my device ثم hands free mode وتعلمى على read incoming call
- محرر الصور موجود عندك : كل اللى عليكى تتدخلى على ال gallery وتعمل اوبشن وتعملى edit للصورة هيدخلك على ال photo editor وعيشى فية لانة بجد ممتاز جدااااااااا , او ممكن تصورى الصورة من الكاميرا عادى جدااا , وتعمليلها edit زى مانتى عايزة
6- مافيش فرق مابين ال B.E وال B.M غير الظهر الجلد فقظ لاغير والخلفيات , ولو عايزة الظهر الجلد موجود فى التوكيل وهيبقى كمان اشيك على التليفون من البلاك ايديشن عشان تليفونك علية فرام لامع لكن التانى لأ
7- عشان تعملى CLEAR RAM كل فترة مع انك مش هتحتاجيها مع الاس 4 نهائى , بس هتدخلى على ال WIDGET وتدورى على ACTIVE APPLICATION وتنزليها عندك على اى شاشة وتدخلى من خلالها تقفلى البرامج المفتوحة , وتعملى CLEAR RAM لو عايزة
وماتنسيش ضغطة مطولة على زرار الهوم هتلاقى البرامج المفتوحة تقفليها كلها , او جزء منها عن طريق سحب كل برنامج جهة اليمين او جهة الشمال
واى سؤال احنا فى الخدمة
هجاوبك على الاسئلة بالترتيب
1- البطارية : المفروض انتى التليفون هتخلصى الشحن اللى فية للاخر لحد مالتليفون يفصل , وتحطى التليفون فى الشاحن لمدة 8 ساعات وهو مقفول , ودية اول مرة فقط , وبعد كدة تشيلى التليفون اول لما ينور اخضر , وماتقلقيش البطارية هتبان قوتها بعد اول اسبوع مش دلوقتى لأ طبعا والعادى بتاع التليفون انك مثلا هتشيلية من الشاحن الساعة قبل ماتنامى 100% المفروض تصحى الصبح تلاقية 98% لو فترات النوم زادت عن 6 ساعات لكن قبل كدة هتلاقية 99%
2- نظام تشغيل اندرويد : المفروض انة هيقل لوحدة اتوماتيك مع فترة من التشغيل والمفروض بيكون
الاندرويد os : بحد اقصى 5 % , وال android system 3%
3- لو انتى مشغلة حساس الرد على المكالمات بالاشارة , يبقى هو مخصص للفتح فقط مش لالغاء المكالمة ( خلى بالك ) , واى حساسات تانية شغالة بكفاءة بدرجة 100%
4- الريموت : كل اللى عليكى انك مثلا هتظبطى ريموت ال t.v هتروحى داخلة على قسم ال t.v فى الريموت , وتفضلى معلقة ايديكى على زرار الباور ماتشيليهاش لحد ماتلاقى ال t.v قفل او فتح على حسب الوضعية اللى عليها وبعد كدة تختارى حفظ لل device دة وتسمية بأسم عشان كل device جديد هيبقى لية room مخصص لية
بالنسبة للريسيفر , هتفعلى ال wi-fi او الباقى وتنزلى التحديث الجديد , هينزلك فية الريسيفرات وتختارى بس لو عندك ريسيفر استرا , للاسف مش هتلاقية ضمن المجموعة و وغالبا هينزلوا تحديث تانى هيكون فية بس لسة شوية
5- نطق اسم المتصل : هتروحى على setting ثم my device ثم hands free mode وتعلمى على read incoming call
- محرر الصور موجود عندك : كل اللى عليكى تتدخلى على ال gallery وتعمل اوبشن وتعملى edit للصورة هيدخلك على ال photo editor وعيشى فية لانة بجد ممتاز جدااااااااا , او ممكن تصورى الصورة من الكاميرا عادى جدااا , وتعمليلها edit زى مانتى عايزة
6- مافيش فرق مابين ال B.E وال B.M غير الظهر الجلد فقظ لاغير والخلفيات , ولو عايزة الظهر الجلد موجود فى التوكيل وهيبقى كمان اشيك على التليفون من البلاك ايديشن عشان تليفونك علية فرام لامع لكن التانى لأ
7- عشان تعملى CLEAR RAM كل فترة مع انك مش هتحتاجيها مع الاس 4 نهائى , بس هتدخلى على ال WIDGET وتدورى على ACTIVE APPLICATION وتنزليها عندك على اى شاشة وتدخلى من خلالها تقفلى البرامج المفتوحة , وتعملى CLEAR RAM لو عايزة
وماتنسيش ضغطة مطولة على زرار الهوم هتلاقى البرامج المفتوحة تقفليها كلها , او جزء منها عن طريق سحب كل برنامج جهة اليمين او جهة الشمال
واى سؤال احنا فى الخدمة
MRMRR
2014-06-14 (06:05:33PM)
انا اولا اشكر استاذ botyكتيير على رده واهتمامه وانشاء الله تجيبه على خير
ثانيا استاذ سمسم تعباك معايا والله انا عارفه ربنا يكرمك
1-موضوع البطاريه ده حجربه وانشاء الله يكون زى ما انت قولتلى اول اسبوع وموضوع البطارية ده يتظبط وحجرب واقولك
2-موضوع نظام تشغيل الاندرويد غير نظام الاندرويد فى السحب يعنى اكتر حاجه بتسحب من البطاريه هو نظام التشغيل اندرويد تقريبا60% والباقى بئا 10% او 5% وده بيكون متفاوت بين المكالمات والشاشه هوا بس اللى جننى ان نظام تشغيل الاندرويد سحب من البطاريه وانا نايمه 20% ازاى مش عارفه
3-كلامك مظبوط فعلا وانا جربته
4-معلش بئا الموضوع ده مش فهماه شويه وبالنسبة للريسيفر برده مش فاهمه مع انى بشتغل على باقه مش واى فاى
5-انا كده اطمنت على الموضوع ده بس بئا امشى معايا step by stepعشان مش عارفه اوصل اصلا لنطق اسم المتصل
6-عندك حق فعلا واستاذ احمد محمد اكدلى الكلام
7-كدة تمام
وشكرا جداجداا
ثانيا استاذ سمسم تعباك معايا والله انا عارفه ربنا يكرمك
1-موضوع البطاريه ده حجربه وانشاء الله يكون زى ما انت قولتلى اول اسبوع وموضوع البطارية ده يتظبط وحجرب واقولك
2-موضوع نظام تشغيل الاندرويد غير نظام الاندرويد فى السحب يعنى اكتر حاجه بتسحب من البطاريه هو نظام التشغيل اندرويد تقريبا60% والباقى بئا 10% او 5% وده بيكون متفاوت بين المكالمات والشاشه هوا بس اللى جننى ان نظام تشغيل الاندرويد سحب من البطاريه وانا نايمه 20% ازاى مش عارفه
3-كلامك مظبوط فعلا وانا جربته
4-معلش بئا الموضوع ده مش فهماه شويه وبالنسبة للريسيفر برده مش فاهمه مع انى بشتغل على باقه مش واى فاى
5-انا كده اطمنت على الموضوع ده بس بئا امشى معايا step by stepعشان مش عارفه اوصل اصلا لنطق اسم المتصل
6-عندك حق فعلا واستاذ احمد محمد اكدلى الكلام
7-كدة تمام
وشكرا جداجداا
يوجد المزيد من الردود, شاهد
جميع الردود
semsemSiR
2014-06-13 (06:08:49PM)
اية ياباشا , مختفى لية , انا قولت اسأل عليك بقالك كتير مختفى
لعل يكون المانع خير ان شاء الله
لعل يكون المانع خير ان شاء الله
MRMRR
2014-06-14 (02:51:27AM)
فعلا يا استاذ سمسم بقاله كتيير مش باين
على خير انشاء الله
على خير انشاء الله
shehabm3arek
2014-06-13 (05:19:47PM)
كنت عاوز اعرف السيريال دا بطاريتو كويسة ولا لا
YS1F216MS/2-B
YS1F216MS/2-B
Emad2014
2014-06-13 (12:47:58AM)
لو سمحتوا يا جماعة انا الموبيل معايا بقالوا شهرين والبطارية مش بتقعد كتير يعني شغل متواصل نت وجيمز ومكالمات 7 ساعات بس ده عادي ولا ايه
fghahkj
2014-06-13 (01:43:02AM)
اكتب السيريال بتاع البطاريه بتاعتك الاول لان ممكن يكون فيها مشكله
Emad2014
2014-06-13 (05:47:35AM)
السيريال AA1F122gS/2-B
youssefshabana
2014-06-13 (12:36:58PM)
ﻷ متقلقش كدة البطارية كويسة مفهاش اي مشاكل
Emad2014
2014-06-13 (01:56:32PM)
متشكرا يا باشا
Mrkapo
2014-06-12 (09:53:09PM)
ازاى انزل نسخه عن طريق الاودين علشان الغى الرووت تماما و استقبل التحديثان بالواى فاى علما بأن
1-جهازى نسخه 4.3
2-الرووت معمول علشان شبكات الشرق الاوسط
3-هل الغاء الرووت وتنزيل نسخه بالودين تؤثر على الشبكه او سيريال الجهاز
ارجو الافاده علشان مليش فى حوار ال الاودين ده واسف جدا.
1-جهازى نسخه 4.3
2-الرووت معمول علشان شبكات الشرق الاوسط
3-هل الغاء الرووت وتنزيل نسخه بالودين تؤثر على الشبكه او سيريال الجهاز
ارجو الافاده علشان مليش فى حوار ال الاودين ده واسف جدا.
semsemSiR
2014-06-13 (05:05:04PM)
عشان تنزل نسخة تانية , كل اللى عليك , تعرف رقم تليفونك لو مثلا 9300 , يبقى تدخل على موقع
samsung-update وتختار الدولة اللى انت عايز تنزل النسخة بتاعتها
وبعد كدة تنزل نسخة odin 3.09 من على النت عادى
ولما تجهز كل دة , قولى وانا اقولك الطريقة كاملة
samsung-update وتختار الدولة اللى انت عايز تنزل النسخة بتاعتها
وبعد كدة تنزل نسخة odin 3.09 من على النت عادى
ولما تجهز كل دة , قولى وانا اقولك الطريقة كاملة
adelwgdy
2014-06-11 (08:43:19PM)
شكرك جدا يا أ / semsemSiR ومعلش أنا عارف أنى ضيقتك بأسئلتى الكتيره أنا أسف وهاعمل اللى قولتلى عليه وهارد على حضرتك بس فيه حاجه برضه غريبه ساعات لما اجى أصور بالكاميرا ألاقى رساله بتطلع بتقول الفلاش لايعمل فى درجه الحراره المنخفضه والفلاش مش بيشتغل فنزلت برنامج ديو باترى فلما بتطلع الرساله دى بلاقى ان درجه الحراره صفر او 5 وبتقعد دقيقتين تقريبا علشان الفلاش شتغل تانى لكن الحراره فى الأغلب بتبقى من 30 الى 35 ونادرا ماتبقى 60 ولمده نصف أو دقيقه وتنزل على طول وبرضه لما بشحن الاقى كذا مره ممكن 4 أو 5 مرات تطلع رساله بتقول أفصل الشاحن الحراره عاليه وده فى مره الشحن الواحده وبتضطر أفصل الشاحن فتره واكمل بعد كده الشحن معلش استحملنى فى أسئلتى لأنى متضايق جدا أن الموبايل كده وأنا لسه شاريه ماكملش أسبوع وأشكرك عل كرمك وأهتمامك
أ / semsemSiR العزيز أنا جربت الكود اللى حضرتك كتبته وفعلا الموبايل نور اخضر وعمل فايبريشن ونزلت برنامج antutu benchmark وجربته 4 مرات ورا بعض أدانى القرايات على الترتيب : 1 - 24659 2- 24553 3- 23028 4- 23988 وأنا مش عارف اييه رأى حضرتك فى الأرقام دى لأنها ماجابتش الرقم اللى انت قولت عليه وهو 26500 مش عارف أعمل أييه أرجع تانى للمحل اللى أشتريت منه ولو رجعت أقوله أييه معلش وجعت دماغك وأشكرك على أهتمامك وتعبك معايا
أ / semsemSiR العزيز أنا جربت الكود اللى حضرتك كتبته وفعلا الموبايل نور اخضر وعمل فايبريشن ونزلت برنامج antutu benchmark وجربته 4 مرات ورا بعض أدانى القرايات على الترتيب : 1 - 24659 2- 24553 3- 23028 4- 23988 وأنا مش عارف اييه رأى حضرتك فى الأرقام دى لأنها ماجابتش الرقم اللى انت قولت عليه وهو 26500 مش عارف أعمل أييه أرجع تانى للمحل اللى أشتريت منه ولو رجعت أقوله أييه معلش وجعت دماغك وأشكرك على أهتمامك وتعبك معايا
semsemSiR
2014-06-11 (09:38:54PM)
لا ياباشا مافيش اى حاجة
بس مبدأيا , الجهاز دة كدة فية مشاكل , نصيحة منى رجعة وخد جهاز تانى افضل
ونصيحتى لك انك تاخد فلوسك , وتنزل تشترى التليفون من مكان انا هقولك علية , لكن لو النسخ كلها زى اللى عندة دية كدة ارجحلك تاخد فلوسك ودة حقك
وكمان لان التليفون جايب ارقام قليلة جداااااااا 23000 , واصلا التليفون دة بيوصل ل 28500 واقل حاجة لية , 26500
بس مبدأيا , الجهاز دة كدة فية مشاكل , نصيحة منى رجعة وخد جهاز تانى افضل
ونصيحتى لك انك تاخد فلوسك , وتنزل تشترى التليفون من مكان انا هقولك علية , لكن لو النسخ كلها زى اللى عندة دية كدة ارجحلك تاخد فلوسك ودة حقك
وكمان لان التليفون جايب ارقام قليلة جداااااااا 23000 , واصلا التليفون دة بيوصل ل 28500 واقل حاجة لية , 26500
semsemSiR
2014-06-11 (09:41:13PM)
قولة الجهاز بيسخن جدااااااا ودرجة الحرارة بتوصل ل 60 درجة والجهاز بيتوقف عن العمل , وكل شوية يحصل مشكلة فى الفلاش ومايرضاش يشتغل
وكمان الجهاز بطىء عن اى جهاز s4 انا مسكتة قبل كدة
تقولة ياما تغيرلى نسخة الهاتف كلة , او تدينى فلوسى لو كل الاجهزة عندك من نفس النوع دة
وكمان الجهاز بطىء عن اى جهاز s4 انا مسكتة قبل كدة
تقولة ياما تغيرلى نسخة الهاتف كلة , او تدينى فلوسى لو كل الاجهزة عندك من نفس النوع دة
adelwgdy
2014-06-13 (01:16:55AM)
أشكرك جدا يا أ / semsemSiR على نصيحتك ليا لأن فعلا رحت المحل وقولتلهم زى ماقولتلى وبصراحه هما كانوا ناس ذوق جدا سيبتلهم الموبايل يوم وأتصلت بيهم قالولى انه ماظهرش حاجه قدامهم لكن مدام أنت حصل معاك كده تعالى وخد واحد تانى مكانه وخيرونى بين S4 4g أبيض أو S4 3g أسود أو أخد واحد بضمان وأدفع الفرق فسألتهم اذا كان الجهاز اللى هو ضمان دولى من نفس الأجهزه اللى أخدت منها قالولى أيوه وأدونى السريال بتاع الجهاز S4 3g اللى هو ضمان دولى علشان أستعلم عنه فأييه رأى حضرتك أتصرف أزاى وأشكرك جدا لأن من غيرك ماكنتش عارف هاتصرف أزاى بجد وربنا يباركلك
adelwgdy
2014-06-13 (01:20:52AM)
ومعلش هل فيه برنامج أقدر أنزله على الكمبيوتر أدخل فيه السريال يدينى معلومات الجهاز من صنع فين وتاريخ الصنع زى برنامج phone info اللى حضرتك قولتلى عليه ونزلته على الموبايل وأشكرك مره تانيه على تعبك معايا
يوجد المزيد من الردود, شاهد
جميع الردود
KELDEEB
2014-06-11 (01:35:51PM)
بعد اذن أخواتنا الخبراء فى الأس 4 الأجهزة اللى جاية من برة و معاها الضمان الدولى :
1: الضمان الدولى ده بيبقى مختوم من دولة البيع (زى أن الجهاز جاى من السعودية و الجهاز جاى من هناك) ؟؟؟؟؟؟؟؟ يعنى سارى فى الدولة اللى جاى منها الجهاز لمصر
2: أمكانيات الأجهزة اللى جاية من برة عاملة أيه ؟؟نظام الأندرويد يعنى و غير من مواصفاتها ؟؟؟
3: عاوز اشترى الأس4 أتوكل و أجيبه من التميمى ضمان دولى و لا أجيب من سامسونج ستورز و أيه الحاجات اللى افحصها فى الأجهزة اللى بضمان دولى ؟؟؟؟؟؟؟؟
4: حاجة اخيرة الأجهزة الضمان الدولى صناعتها أيه ؟؟؟ و ايه مكونات البيكدج بتاعة الموبايل يعنى المكونات الأصلية علشان اعرف أن العلبة متفتحتيش فى مصر (أنتوا فاهمين بقى ) هههههههه
و اسف للأطالة و شكرا ليكم أخواتى المحترمين
1: الضمان الدولى ده بيبقى مختوم من دولة البيع (زى أن الجهاز جاى من السعودية و الجهاز جاى من هناك) ؟؟؟؟؟؟؟؟ يعنى سارى فى الدولة اللى جاى منها الجهاز لمصر
2: أمكانيات الأجهزة اللى جاية من برة عاملة أيه ؟؟نظام الأندرويد يعنى و غير من مواصفاتها ؟؟؟
3: عاوز اشترى الأس4 أتوكل و أجيبه من التميمى ضمان دولى و لا أجيب من سامسونج ستورز و أيه الحاجات اللى افحصها فى الأجهزة اللى بضمان دولى ؟؟؟؟؟؟؟؟
4: حاجة اخيرة الأجهزة الضمان الدولى صناعتها أيه ؟؟؟ و ايه مكونات البيكدج بتاعة الموبايل يعنى المكونات الأصلية علشان اعرف أن العلبة متفتحتيش فى مصر (أنتوا فاهمين بقى ) هههههههه
و اسف للأطالة و شكرا ليكم أخواتى المحترمين
semsemSiR
2014-06-11 (03:03:53PM)
بيبقى فية وفية , يعنى لو جاى مع الجهاز ورقة الضمان , يبقى لو حصل حاجة للجهاز , بتبعتة السعودية لو مثلا جاى من هناك , مع احد الاشخاص من معارفك او انت , وبيتصلح هناك عادى جداااا
لكن غير مسموح بدخول التوكيل المصرى حتى لو هتصلحة على حسابك
2- نفس كل حاجة لا يوجد اى فرق بينها وبين اى جهاز متداول فى اى دولة , كل الموضوع ان بيكون نازل بأحدث اصدار اندرويد متوافر للجهاز
3- هاتة من التميمى محل مضمون وموثوق فية , وسامسونج ستورز مش بتبيع الا الضمان المحلى فقط
4- اتاكد ان اصلى عن طريق عمل اختبار antutu benchmark - فحص للسيريال عن طريق برنامج phone info samsung بيتم تنزيلهم من الماركت
عمل كود الفحص الشامل للجهاز ( نجمة شباك 0 نجمة شباك )
5- اجهزة الضمان الدولى بتكون صناعتها مختلفة يأما ( made by sasmung - made in india by samsung - made in china - made in vietnam ) اهم حاجة يكون موجود made by samsung
6- كل حاجة ( سماعة - شاحن - usb - كيس فية عدد 4 كاوتش سماعة اضافى - الكتالوج )
لكن غير مسموح بدخول التوكيل المصرى حتى لو هتصلحة على حسابك
2- نفس كل حاجة لا يوجد اى فرق بينها وبين اى جهاز متداول فى اى دولة , كل الموضوع ان بيكون نازل بأحدث اصدار اندرويد متوافر للجهاز
3- هاتة من التميمى محل مضمون وموثوق فية , وسامسونج ستورز مش بتبيع الا الضمان المحلى فقط
4- اتاكد ان اصلى عن طريق عمل اختبار antutu benchmark - فحص للسيريال عن طريق برنامج phone info samsung بيتم تنزيلهم من الماركت
عمل كود الفحص الشامل للجهاز ( نجمة شباك 0 نجمة شباك )
5- اجهزة الضمان الدولى بتكون صناعتها مختلفة يأما ( made by sasmung - made in india by samsung - made in china - made in vietnam ) اهم حاجة يكون موجود made by samsung
6- كل حاجة ( سماعة - شاحن - usb - كيس فية عدد 4 كاوتش سماعة اضافى - الكتالوج )
KELDEEB
2014-06-11 (07:17:21PM)
ألف شكر اخى سمسم على ردك السريع و شرحك الوافى و معلوماتك القيمة و أفهم كده من كلامك أنى أتوكل على الله و اجيبه ضمان دولى من التميمى مش كده ؟
semsemSiR
2014-06-11 (07:40:45PM)
اة ياباشا تمام
samsungs4
2014-06-11 (12:58:10AM)
بفكر ابيعه واجيب htc one m8 ايه رايكوا؟
ولو بعتو يجبلي كام؟
ولو بعتو يجبلي كام؟
semsemSiR
2014-06-11 (10:50:17AM)
تعالى نعمل مقارنة كدة على الورق , لانى مامسكتش لسة ال one m8
1- الشاشة : الاتنين زى بعض لكن هيبقى الاس 4 متفوق فى الالوان
2- الرامات واحد هنا 2 جيجا وهنا 2 جيجا
3- الذاكرة الداخلية واحد 16 جيجا للاتنين
4- السرعة , صدقنى مافيش فرق والا كان فية فرق مابينة الاس 4 والاس 5 اللى هو اقوى من
ال m8 ,. يعنى فى النهاية اللى هيشتغل هنا هيشتغل هنا بنفس الاداء ونفس السرعة
5 - الكاميرا : طبعا اشد فى الاس 4 واعمل مقارنة فى اى مكان انت عايزة كاميرا الاس 4 حتى الان من اقوى الكاميرات الموجودة فى السوق
6- طبعا الحساسات : الاس 4 فية حساسات وحركات اكتر بكتير من ال htc
7- الخامات : هتلاقى خامات ال htc افضل طبعا كالعادة
8- البطارية : نفس الحجم 2600 هنا وهنا , مع ان والله حتى الان مامسكتش هاتف بقوة بطارية الاس 4
9- ال interface بتاع السامسونج اسهل وافضل من ال htc فى نظرى
طبعا هتلاقى شوية اوبشن حلوين فى ال htc زى
1- dual camera
2- dual flash
3- كاميرا امامية 5 ميجا
4- طبعا صوت الجهاز , انا مسمعتوش بس بيقولوا ممتاز , وانا لازم احكم على الحاجة بنفسى
من الاخر صدقنى بكل الريفيوهات اللى شوفتها , اقدر اقولك ان ال htc one جهاز مبالغ فى سعرة جدااا , وانا مدفعش فية المبلغ دة , وعندى الاس 4 والاس 5 , اشد منة فى حاجات كتير اللى هية المهمة للاستخدام اليومى , والسعر ارخص منة
عموما انا هحاول امسك الجهاز فى اقرب فترة ممكنة
1- الشاشة : الاتنين زى بعض لكن هيبقى الاس 4 متفوق فى الالوان
2- الرامات واحد هنا 2 جيجا وهنا 2 جيجا
3- الذاكرة الداخلية واحد 16 جيجا للاتنين
4- السرعة , صدقنى مافيش فرق والا كان فية فرق مابينة الاس 4 والاس 5 اللى هو اقوى من
ال m8 ,. يعنى فى النهاية اللى هيشتغل هنا هيشتغل هنا بنفس الاداء ونفس السرعة
5 - الكاميرا : طبعا اشد فى الاس 4 واعمل مقارنة فى اى مكان انت عايزة كاميرا الاس 4 حتى الان من اقوى الكاميرات الموجودة فى السوق
6- طبعا الحساسات : الاس 4 فية حساسات وحركات اكتر بكتير من ال htc
7- الخامات : هتلاقى خامات ال htc افضل طبعا كالعادة
8- البطارية : نفس الحجم 2600 هنا وهنا , مع ان والله حتى الان مامسكتش هاتف بقوة بطارية الاس 4
9- ال interface بتاع السامسونج اسهل وافضل من ال htc فى نظرى
طبعا هتلاقى شوية اوبشن حلوين فى ال htc زى
1- dual camera
2- dual flash
3- كاميرا امامية 5 ميجا
4- طبعا صوت الجهاز , انا مسمعتوش بس بيقولوا ممتاز , وانا لازم احكم على الحاجة بنفسى
من الاخر صدقنى بكل الريفيوهات اللى شوفتها , اقدر اقولك ان ال htc one جهاز مبالغ فى سعرة جدااا , وانا مدفعش فية المبلغ دة , وعندى الاس 4 والاس 5 , اشد منة فى حاجات كتير اللى هية المهمة للاستخدام اليومى , والسعر ارخص منة
عموما انا هحاول امسك الجهاز فى اقرب فترة ممكنة
youssefshabana
2014-06-11 (12:29:00PM)
شوف يا باشا انا انصحك طبعا بال htc one m8 جهاز رائع بكل المقاييس هوا فعلا زي ما قال الاخ سمسم انه مفهوش حساسات و لا حركات زي الاس 4
لكن فيه حاجة اهم وهي اداء وسرعة الجهاز الجهاز ده من اسرع التليفونات اللي انا شوفتها وبينافس ال iphone 5s في السرعة وبيتفوق عليه كمان
اما بالنسبة للكاميرا فالاس 4 بيتفوق في التصوير النهاري لكن ال htc بيتفوق بجدارة في التصوير الليلي والكاميرا الامامية بردو ال htc بيتفوق فيها علي الاس 4
اما البطارية الاتنين 2600 مللي امبير لكن ال htc one m8 بيتفوق فيها علي الاس 4 شوف بنفسك يا باشا
اما بالنسبة للشاشة انا مش شايف ان في فرق واضح بين الاتنين لكن شاشة الاس 4 تتميز بانها موفرة اكتر للبطارية بس بردو بطارية ال htc اقوي
اما الصوت طبعا ال htc اقوي
والخامات بردو في صالح ال htc
مبروك مقدما . تحياتي لكم :)
لكن فيه حاجة اهم وهي اداء وسرعة الجهاز الجهاز ده من اسرع التليفونات اللي انا شوفتها وبينافس ال iphone 5s في السرعة وبيتفوق عليه كمان
اما بالنسبة للكاميرا فالاس 4 بيتفوق في التصوير النهاري لكن ال htc بيتفوق بجدارة في التصوير الليلي والكاميرا الامامية بردو ال htc بيتفوق فيها علي الاس 4
اما البطارية الاتنين 2600 مللي امبير لكن ال htc one m8 بيتفوق فيها علي الاس 4 شوف بنفسك يا باشا
اما بالنسبة للشاشة انا مش شايف ان في فرق واضح بين الاتنين لكن شاشة الاس 4 تتميز بانها موفرة اكتر للبطارية بس بردو بطارية ال htc اقوي
اما الصوت طبعا ال htc اقوي
والخامات بردو في صالح ال htc
مبروك مقدما . تحياتي لكم :)
semsemSiR
2014-06-11 (01:55:12PM)
اخ يوسف , اذيك ياباشا يارب تكون بخير
انا بس هعلق على كام نقطة عشان تبقى تكون الامور كلها واضحة
1- البطارية : انت جايب اختبار البطارية من موقع gsm arena , واكيد انت عارف ان كان فية عيب فى بطاريات سامسونج فى الوقت دة فكانت بتخلص بسرعة وكمان بتبوظ بسرعة , وتم استبدالها ببطارية اخرى افضل وبدون عيوب صناعة , ودية افضل بكتير من التى تم اختبارها , والتجربة الفعلية خير دليل , وعندك تقريرى عن البطارية ممكن تقراة
2- موضوع السرعة : على الورق اسرع , لكن فى الواقع مش هقدر افيدك , بس التجربة العملية مع الاس 5 , لقيت ان مافيش فرق مابين الاس 4 والاس 5 فى السرعة , ولو فية بيكون اجزاء من الثانية فى بعض الحاجات ودة بيكون راجع للسوفت وير
3- الكاميرا : ياباشا مافيش الكلام دة كل المواقع بتؤكد تفوق الاس 4 والاس 5 على كل المنافسين , وhtc one 8 اسوء تقييم ضمن الهواتف كلها سواء فى النهار او بالليل وممكن اجيبلك اشهر المواقع بتقول كدة , راجع المواقع اللى انت تفضلها وهتتأكد من كلامى
4- شوف , مش هقولك حاجة على الصوت غير لما اجرب تفس الصوت على الهاتفيين واقولك رأى سواء فى الارتفاع او فى النقاء , بس يكفينى ان الاس 4 وانا ماشى فى الزحمة بسمعة وهو فى جيبى وصوتة من انقى انقى انقى اصوات الهواتف الموجودة حاليا
انا بس هعلق على كام نقطة عشان تبقى تكون الامور كلها واضحة
1- البطارية : انت جايب اختبار البطارية من موقع gsm arena , واكيد انت عارف ان كان فية عيب فى بطاريات سامسونج فى الوقت دة فكانت بتخلص بسرعة وكمان بتبوظ بسرعة , وتم استبدالها ببطارية اخرى افضل وبدون عيوب صناعة , ودية افضل بكتير من التى تم اختبارها , والتجربة الفعلية خير دليل , وعندك تقريرى عن البطارية ممكن تقراة
2- موضوع السرعة : على الورق اسرع , لكن فى الواقع مش هقدر افيدك , بس التجربة العملية مع الاس 5 , لقيت ان مافيش فرق مابين الاس 4 والاس 5 فى السرعة , ولو فية بيكون اجزاء من الثانية فى بعض الحاجات ودة بيكون راجع للسوفت وير
3- الكاميرا : ياباشا مافيش الكلام دة كل المواقع بتؤكد تفوق الاس 4 والاس 5 على كل المنافسين , وhtc one 8 اسوء تقييم ضمن الهواتف كلها سواء فى النهار او بالليل وممكن اجيبلك اشهر المواقع بتقول كدة , راجع المواقع اللى انت تفضلها وهتتأكد من كلامى
4- شوف , مش هقولك حاجة على الصوت غير لما اجرب تفس الصوت على الهاتفيين واقولك رأى سواء فى الارتفاع او فى النقاء , بس يكفينى ان الاس 4 وانا ماشى فى الزحمة بسمعة وهو فى جيبى وصوتة من انقى انقى انقى اصوات الهواتف الموجودة حاليا
youssefshabana
2014-06-11 (03:45:00PM)
اولا تحياتي ليك يا أخ سمسم وشكرا جزيلا علي ردك
1- انا اتفق معاك ان كان فيه عيب في بطارية الاس 4 في النسخ القديمة وانا معايا الاس 4 النسخة القديمة وواجهتني المشكلة دي لكن مكنتش المشكلة في سرعة نفاذ البطارية المشكلة هي في انتفاخ البطارية بعد فترة قليلة جدا من شراء الجهاز وسخونية البطارية و بدأت المشكلة تظهر وحصل انتفاخ وجبت بطارية تانية كانت نفس اداء البطارية القديمة لكن اتحلت المشاكل القديمة اللي هي الانتفاخ و السخونية لكن الاداء واحد مفهوش اختلاف واضح فالاختبار بتاع موقع gsmarena صحيح بنسبة كبيرة لو في اختلاف هيبقي اختلاف بسيط جدا فبطارية ال htc اقوي
2-السرعة في ال htc one m8 افضل علي الورق وايضا علي الطبيعة ومش بيتفوق علي الاس 4 بس ده بيتفوق علي الاس 5 كمان لانه فعلا بامانة مشفتش زيه في الاداء و السرعة وشوف المقارنات اللي علي اليوتيوب هتتأكد من كلامي
3- بالنسبة للكاميرا انا مقلتش ان ال htc بيتفوق علي كاميرا الاس 4 في جميع الاحوال انا بتكلم ان التصوير النهاري الاس 4 بيتفوق لكن ال htc بيتفوق في التصوير الليلي خاصا ( بدون فلاش ) غير كده كاميرا الاس 4 أفضل وشوف الصورة وانتا تتأكد من كلامي
4- الصوت مفيش كلام ان الhtc اقوي اتفضل شوف الفيديو ده
1- انا اتفق معاك ان كان فيه عيب في بطارية الاس 4 في النسخ القديمة وانا معايا الاس 4 النسخة القديمة وواجهتني المشكلة دي لكن مكنتش المشكلة في سرعة نفاذ البطارية المشكلة هي في انتفاخ البطارية بعد فترة قليلة جدا من شراء الجهاز وسخونية البطارية و بدأت المشكلة تظهر وحصل انتفاخ وجبت بطارية تانية كانت نفس اداء البطارية القديمة لكن اتحلت المشاكل القديمة اللي هي الانتفاخ و السخونية لكن الاداء واحد مفهوش اختلاف واضح فالاختبار بتاع موقع gsmarena صحيح بنسبة كبيرة لو في اختلاف هيبقي اختلاف بسيط جدا فبطارية ال htc اقوي
2-السرعة في ال htc one m8 افضل علي الورق وايضا علي الطبيعة ومش بيتفوق علي الاس 4 بس ده بيتفوق علي الاس 5 كمان لانه فعلا بامانة مشفتش زيه في الاداء و السرعة وشوف المقارنات اللي علي اليوتيوب هتتأكد من كلامي
3- بالنسبة للكاميرا انا مقلتش ان ال htc بيتفوق علي كاميرا الاس 4 في جميع الاحوال انا بتكلم ان التصوير النهاري الاس 4 بيتفوق لكن ال htc بيتفوق في التصوير الليلي خاصا ( بدون فلاش ) غير كده كاميرا الاس 4 أفضل وشوف الصورة وانتا تتأكد من كلامي
4- الصوت مفيش كلام ان الhtc اقوي اتفضل شوف الفيديو ده
يوجد المزيد من الردود, شاهد
جميع الردود