بدون عنوان

للرجوع الي صفحة سامسونج Galaxy S4 I9500 الرئيسية اضغط هنا

MRMRR

2014-06-14 (03:16:55AM)

انا الحمدلله ياجماعة جبت الموبايل بقالى يومين وطبعا انطباعى الاول عنه كان محترم جدا وجهاز فعلا انيق شكلا ومضمونا وطبعا اخص بالذكر الاستاذ سمسم واحمد محمد لانهم تعبو معايا جدا جدا وهما اللى نصحونى بيه والحمدلله
الجها ماشاء الله فى كل حاجة حلوة من شاشه طبعا للاوبشن اللى فيه حاجه جميله جدا بس بصراحة كانت ملاحظاتى الاولية
1- البطاريه بصراحه مش بتكمل معايا يوم يعنى اخرها معايا تقريبا 12 او 16 ساعة فمثلا انا شحنته 100% الساعه 9 صباحا قمت من النوم 3 لئيته 94% ازاى ولا ده العادى
وفيه حاجه اسمها نظام تشغيل اندرويد ده بئا بيسحب جامد جدا جدا من البطاريه من ساعه ما جبتها وبصراحه مش عارفه هوا عبارة عن ايه (اصلى ياجماعه اول مرة امسك اندرويد)
2-الحساسات بصراحه مشاء الله كويسه لكن بحس انها ساعات تلقط معايا وساعات لا
يعنى مثلا لما اكنسل على حد الائى نفسى بفتح عليه
3-الريموت بئا مش عارفه اظبطه نهائى يعنى مثلا (ايه جهاز فك التشفير)وايه(مشغل اقراص بلورى)وايه(مستقبل سمعى بصرى)وايه(مشغل وسائط البث)وايه(جهاز العرض)امال فين التكييف والريسيفر هههههههه انا بجد مش فاهمه وازاى اثبت الريموتات على الشاشه الرئيسية بحيث تكون جاهزة
وسمعت كمان ان المكالمات الوارده ناطق يعنى الاسم والرقم كده يعنى
ومحرر الصور مش موجود خالص وكمان استاذ احمد محمد قبل كده قال اعملو للراماتclearاعملها منين وليه
وعلى فكرة موبايلى نسخته 4.3 وانا يا استاذ سمسم كان نفسى اجيب البلاك اديشن بس اللى جابلى الموبال جبهولى بلاك ميست زى استاذ احمد محمد بس حلو برده
وانا بعتذر على كتر الاسئله الممله ده لانى خايفه اعمل حاجه غلط فى الجهاز
وياريت تقولولى على برنامج حلو للفيرس واسامى شوية لعب حلوة كده وشكرا جدااااااااا

botyyounis

2014-06-14 (05:31:26AM)

اللي اقدر افيدك فيه
انا ان شاء الله ناوي اجيب الجهاز
وعايز اقولك :-
انا حاسس ان البطارية عادية و حلوة جدا كمان و استاذ سمسم يفيدك اكتر لكن نظام تشغيل اندرويد هو عبارة عن الأندرويد نفسه ، يعني النظام اللي مشغل الجهاز كله ، وده طبيعي يكون بيسحب جامد
غير كده بقى انا مش عارف :D

botyyounis

2014-06-14 (06:26:53AM)

اه صحيح الرام بتعملها كلير عن طريق انك
بتدوس على الزرار الرئيسي اللي تحت الشاشة في النص دوسة طوييييييييلة لغاية ما يظهرلك شاشة سودة فيها برامج
هتروح على علامة الدايرة المتقطعة في الشريط الأسود من تحت
هتدخل فيها هتلاقي من فوق تبويبات فيهما واحدة اسمها Ram
ادخل فيها هتلاقي زرار كبير اسمه رام :D
و مبروك عليك :)

semsemSiR

2014-06-14 (10:37:32AM)

الف الف الف مبروك , وربنا يباركلك فية ويحفظهولك

هجاوبك على الاسئلة بالترتيب

1- البطارية : المفروض انتى التليفون هتخلصى الشحن اللى فية للاخر لحد مالتليفون يفصل , وتحطى التليفون فى الشاحن لمدة 8 ساعات وهو مقفول , ودية اول مرة فقط , وبعد كدة تشيلى التليفون اول لما ينور اخضر , وماتقلقيش البطارية هتبان قوتها بعد اول اسبوع مش دلوقتى لأ طبعا والعادى بتاع التليفون انك مثلا هتشيلية من الشاحن الساعة قبل ماتنامى 100% المفروض تصحى الصبح تلاقية 98% لو فترات النوم زادت عن 6 ساعات لكن قبل كدة هتلاقية 99%

2- نظام تشغيل اندرويد : المفروض انة هيقل لوحدة اتوماتيك مع فترة من التشغيل والمفروض بيكون

الاندرويد os : بحد اقصى 5 % , وال android system 3%

3- لو انتى مشغلة حساس الرد على المكالمات بالاشارة , يبقى هو مخصص للفتح فقط مش لالغاء المكالمة ( خلى بالك ) , واى حساسات تانية شغالة بكفاءة بدرجة 100%

4- الريموت : كل اللى عليكى انك مثلا هتظبطى ريموت ال t.v هتروحى داخلة على قسم ال t.v فى الريموت , وتفضلى معلقة ايديكى على زرار الباور ماتشيليهاش لحد ماتلاقى ال t.v قفل او فتح على حسب الوضعية اللى عليها وبعد كدة تختارى حفظ لل device دة وتسمية بأسم عشان كل device جديد هيبقى لية room مخصص لية

بالنسبة للريسيفر , هتفعلى ال wi-fi او الباقى وتنزلى التحديث الجديد , هينزلك فية الريسيفرات وتختارى بس لو عندك ريسيفر استرا , للاسف مش هتلاقية ضمن المجموعة و وغالبا هينزلوا تحديث تانى هيكون فية بس لسة شوية

5- نطق اسم المتصل : هتروحى على setting ثم my device ثم hands free mode وتعلمى على read incoming call

- محرر الصور موجود عندك : كل اللى عليكى تتدخلى على ال gallery وتعمل اوبشن وتعملى edit للصورة هيدخلك على ال photo editor وعيشى فية لانة بجد ممتاز جدااااااااا , او ممكن تصورى الصورة من الكاميرا عادى جدااا , وتعمليلها edit زى مانتى عايزة

6- مافيش فرق مابين ال B.E وال B.M غير الظهر الجلد فقظ لاغير والخلفيات , ولو عايزة الظهر الجلد موجود فى التوكيل وهيبقى كمان اشيك على التليفون من البلاك ايديشن عشان تليفونك علية فرام لامع لكن التانى لأ

7- عشان تعملى CLEAR RAM كل فترة مع انك مش هتحتاجيها مع الاس 4 نهائى , بس هتدخلى على ال WIDGET وتدورى على ACTIVE APPLICATION وتنزليها عندك على اى شاشة وتدخلى من خلالها تقفلى البرامج المفتوحة , وتعملى CLEAR RAM لو عايزة

وماتنسيش ضغطة مطولة على زرار الهوم هتلاقى البرامج المفتوحة تقفليها كلها , او جزء منها عن طريق سحب كل برنامج جهة اليمين او جهة الشمال

واى سؤال احنا فى الخدمة

MRMRR

2014-06-14 (06:05:33PM)

انا اولا اشكر استاذ botyكتيير على رده واهتمامه وانشاء الله تجيبه على خير

ثانيا استاذ سمسم تعباك معايا والله انا عارفه ربنا يكرمك
1-موضوع البطاريه ده حجربه وانشاء الله يكون زى ما انت قولتلى اول اسبوع وموضوع البطارية ده يتظبط وحجرب واقولك
2-موضوع نظام تشغيل الاندرويد غير نظام الاندرويد فى السحب يعنى اكتر حاجه بتسحب من البطاريه هو نظام التشغيل اندرويد تقريبا60% والباقى بئا 10% او 5% وده بيكون متفاوت بين المكالمات والشاشه هوا بس اللى جننى ان نظام تشغيل الاندرويد سحب من البطاريه وانا نايمه 20% ازاى مش عارفه
3-كلامك مظبوط فعلا وانا جربته
4-معلش بئا الموضوع ده مش فهماه شويه وبالنسبة للريسيفر برده مش فاهمه مع انى بشتغل على باقه مش واى فاى
5-انا كده اطمنت على الموضوع ده بس بئا امشى معايا step by stepعشان مش عارفه اوصل اصلا لنطق اسم المتصل
6-عندك حق فعلا واستاذ احمد محمد اكدلى الكلام
7-كدة تمام
وشكرا جداجداا

semsemSiR

2014-06-14 (08:38:34PM)

لا ان شاء الله تلاقى تحسن قوى فى البطارية

- عندك عالى جدااااااااا, وهو دة اللى عاملك بردة تأثير على البطارية , عموما ياريت تدخلى على

setting ثم more ثم application ثم running واقفلى البرامج اللى قدامك , وهتلاقى فوق اختيار اسمة
show cash process ادخلى علية واعملى force stop للبرامج , هتلاقى عندك ال android قل شوية

- عشان برنامج watch on يشتغل لازم تفعيل موبايل داتا او wi-fi , هيحمل شوية , وهتلاقى بقى عندك اختيار جديد خاص بالرسيفير , بعد كدة هتضغطى علية هيجيلك زرار الباور على شاشة التليفون , تدوسى عليها وماتشيلش ايديك لحد مايقفل او يفتح , بكدة هو اتسجل عندك

- كل اللى هتعملية انك تنزلى شريط الاشعارات هتلاقى حاجة اسمها driving mode اضغطى عليها ضغطة مطولة , هتروح على الاختيارات علمى على اول اختيار , واى حد هيتصل بيكى هتلاقية بينطق اسم المتصل , بس مجربتش هل بينطق كمان اللغة العربية ولأ لأ

MRMRR

2014-06-14 (09:40:38PM)

استاذ سمسم انا فعلا دخلت علىrunningبس وفعلا لئيت برامج كتير جدا مفتوحة بس لللاسف مش عارفة اقفلها ازاى يعنى ادخل على كل واحده واعمل stopولا ايه
-دخلت بعد كده علىshow cash وملئيتش برده force stop موجودة فين ولا يمكن علشا ممسحتش البرامج فىruning
-والريموت بئا حنتظر لما الائى شبكة واى فاى لانى باقة موبينيل بس التكييف برده من الواى فاى ولا ايه
-يااستاذ سمسم والله مفيش حاجه اسمها driving mode فى شريط الاشعارات مش موجوده خالص
بجد انا اسفة انا مش عارفه اشكرك ازاى على مساعدتك ليا بس قوللى الحاجات ده اوصلها ازاى

semsemSiR

2014-06-15 (01:26:23AM)

بالنسبة لل running application هتدوسى على كل برنامج وتعملى stop هيتقفل وحتى لو لقيتى بعض البرامج اتفتحت تانى , بس هتكون اتفتحت بإستهلاك اقل بكتير من الاول

- شوفى , هتنزلى شريط الاشعاارت هتلاقى فوق على اليمين فية مربع وجنبة رسمة قلم هتدوسى على المربع هيظهرلك قائمة اضافية اكبر , هتلاقى فيها ال driving mode

واسألى براحتك زى مانتى عايزة مافيش اى مشاكل , احنا موجودين عشان نساعد بعض

MRMRR

2014-06-15 (04:15:22AM)

والله يااستاذسمسم مفيش حاجة خالص فى شريط الشعارات بهذا الإسم
طب مفيش مكان تانى ممكن توصله اخويا معاه نفس الموبايل وبرده معندهوش

MRMRR

2014-06-15 (05:20:16AM)

هوا فى حاجة اكتشفها اسمها وضع حر اليدين
وفيها ناطق ارسم وتقول بعد اﻻسم answer or reject هل هوا ده المقصود

semsemSiR

2014-06-15 (10:07:34AM)

طيب ادخلى على hands free mode هيدخلك على الى انا بقولك علية

semsemSiR

2014-06-15 (10:10:18AM)

هتعلمى على اول وحدة , incoming call وبعد كدة هتلاقى اى حد بيتصل بيكى بينطق اسمة

asmaa1003

2014-08-14 (05:54:18AM)

انا اسفة انى دخلت فى الموضوع بس عندى سؤال يا استاذ سمسم انا لسة شارية موبايل note3 3g و بصراحة مليش خبرة فى الموبايلات دى بس لاحظت ان فى حاجة اسمها android system ده كان بيسحب من البطارية من 10-5%...بس دلوقتى زاد و مش بيقل....انا عندى صرف البطارية بيبقى كده
screen 26%
android system بيبقى 40 وبعد كده ميقلش عن 26%
android os 12%
device idle 9%
cell standby 8%
معلش انا عارفة انى طولت بس عايزة اعرف هو دا طبيعى

تلك الخدمة مخصصة للأعضاء فقط