سعر و مواصفات Samsung Galaxy S III mini I8190

وحدووووووووه يا جماعة وصلو على النبى متخلوش الشيطان يدخل بينكم انا متابع الصفحة دى من زمان اول مرة يحصل كده ياريت نهدا انتو حتحرمونا من خبراتكم الجميله والمعلومات المفيدة وانتو كلكم محترمين بجد والله انا متابع تعليقاتكم بخصوص الموبايل من زمان انا بس ظروف شغلى هى اللى مخليانى مش عارف اتواصل معاكم وتعليقاتكم دى هى اللى خلتنى اشترى الموبايل وهو جهاز روعة بس انا عندى استفسار بسيط ياريت تساعدونى
اكتر من مرة تظهر علامة تحديث البرنامج الثابت ممكن حد يفهمنى ايه البرنامج الثابت هل ده تحديث للجلي بين 4.1.2 ولا تحديث برنامج الكيز انا لما ضغط على ايقونة التحديث حملى ملف حوالى 149 ميجا وبعدين قلى يجب عمل نسخة احتياطية لكل حاجة قبل التحديث انا مردتش ابدا التحديث ضغط على ذكرنى فيما بعد ممكن حد يفهمنى دا ايه يعنى لو جتلى تانى احدث ولا لا واسف على الاطالة

يـــــــا جماعـــــــة .. يا أخـــــــــوة .. يا أعضاء تعمل فى جسد واحد .. بالله عليكم نهــــــــدى شوية

بالله عليكم مش هى دى الرسالــــــــــة اللى عاوزين نقدمــــــــها للنــــــــاس .. مش هو ده سبب وجودنا هنا .. مش هى دى رووووووح المحبة اللى كانت بينا .، واللى كانت موجودة .، واللى على أسسها أنا قررت أنى أسجل فى الموقع ده .. من أجل أن أفيد وأستفيـــــــــــد ...

الموبايل ده أحلى .! .، وللا ده أحلى .! .، وللا ده أحلى .! ...
سامحونى فى الكلمة ماتولع الموبايلات اللى هاتخلينا نعمل فى بعض كدة .. أيه ياعنى .. أحنا واخدين أيه من هذا أو ذاك .،
لكن مش عشان مناقشة بسيطة تدفعنا لفقد روح المحبة والأخوة بيننا .. لأ مش ده هدفنا كما قلت نحن أعضاء تعمل فى جسد واحد .. أخوة متحابة تتناقش وتتجادل من أجل الفايدة العامة لنا ولغيرنا من الناس فى منتدى واحد .، يبقى من أين التجريح ؟ يا أما أحنا حساسين زيادة عن اللزوم وبنغضب بسرعة من الكلام .، أو يا أما أحنا مابنخدش بالنا من كلامنا وبنجرح بعض من غير ما نحس .. ياريت نحفظ لساننا شوية فى الكلام .. لأن الكلام بيوجع وبيجرح على رأى الشاعر اللى قال :

جراحات السيوف لها التئام *** ولا يلتئم ما جرح اللسان

وطلب تانى منكم كلكم أخواتى وأنا الصغير بينكم :
( أغضبــــــــــــــوا ولا تخطئـــــــــــــــوا )

بنائا على كلامى .. سأقدم أعتذار رسمى أمام الكل وللجميع سواء من أخطئ أو من غلط فى حقه

* أستاذ سمسم .. لك أعتذار خاص منى عن أى شئ أو أى كلمة قد تسببت فى أهانتك أو تسببت لك فى اى أزعاج .. أنت أخ أكبر وأحنا بنتعلم منك رغم أى أختلاف فى وجهات النظر بيننا .، وعلى فكرة أنا لما قولت لأشرف عداك العيب وأؤيدك فى هذا الرأى كان قصدى على كلامه الذى قال فيه :
" معى إحترامى لجميع اعضاء المنتدى و خصوصا أحباب الاس سرى ميني احنا هنا كلنا بنساعد بعض ب احترام وكلنا عايزيين مصلحة بعض لكن في ناس شايفه انها منافسه وموبايلك احسن و موبايلى احسن توضيح بسيط انا معايا موبايل سامسونج نوت 3 ومعايا السامسونج اس سرى ميني و صحبى و اخويا الاقرب ل قلبى ArchieDeacon معاه بردة الاس سرى ميني و معاه الجلاكسى نوت 8 N5100 و بأختصار اى حد محتاج اى مساعدة هنا فى صفحتنا السامسونج اس سرى ميني او النوت سرى او الجلاكسى نوت 8 هتلاقيني انا و صديقي ArchieDeacon و newworld ربنا يرجعه بالسلامه ويوفقة فى دراستة " وليس على أى كلام آخر موجه ليك .. دى نقطة والنقطة التانية أنا لما مردتش عليك فى البوست الى تحت .. حضرتك أفتكرتنى طنشت أو معنديش رد لكن أنا أنتظرت البراهين والدلائل على كلامك مش أكتر .. وأنت قولتلى ياريت المقارنة تكون عادلة .. مع أن الكلام والمقارنة الفعلية اللى كنت مستنيها كانت عندك ..

* أستاذ أشرف .. لك أعتذار آخر خاص منى عن اى كلمة تسببت فى أهانتك أو تسببت فى تجريح ليك من أى حد .، وأنت صديق واخ بعتز بيه جدا من اول ما سجل هنا .، وأرجوك تتقبل أعتذارى وعدى الامور على كدة

* أستاذ Newworld .. لك أيضا أعتذار خاص منى عن أى سوء تفاهم حدث بينك وبين أشرف .. هو بس كان عشمان فيك انك تقرأ التعليقات من الاول قبل ما تحكم عليه .، وما أرسله لك من رسائل عتاب ماهى أللا من عشم المحبة .. أرجوك تقبل أعتذارى أنا نيابة عن اى كلام حدث لم يعجبك .، انت أخ وصديق محترم وأنا أستفدت منك كتير ..

أستاذ أحمد جمال .. أنا أحيك على روحك الجميلة .. وعلى رغبتك فى أصلاح الأمور .، وأنت لم تخطئ فى شئ فلا داعى لتأسفك ومش أنت السبب فى مشاكل لأنه خلاص كدة بعد كلامى ده مفيش مشاكل هى أختلافات بسيطة وأتحلت خلاص وده اللى برجوه من كل اخواتى هنا ..

نهـــــــــــاية كلامى ..

أحنا هنا ما اللا مجموعة أصحاب وأحبة نتناقش وندردش من أجل الفايدة للجميع .. وياريت نصبر على بعض شوية .، ونستحمل بعض شوية .. ولكم منى جميعكم جزيل الشكر والأمتنان .،

دمتم فى رعاية الله ..

ASHRAFASHRY

انت اية ياعم مكبر الموضوع لية

لو انت شوفت مشاركتى التانية فى اول الحوار دة ( هتلاقينى بعتذرلك عن طريقتى فى الكلام لانها ممكن تكون وصلتلك بمعنى اخر , يعنى انا من البداية ماغلطتش فيك

ثانيا : لقيتك فى كل المشاركات التانية بتقول ( واحد جاى من قسم تانى وعمال يقول قريبتة شافت المينى واى كلام بيتقال وخلاص " وتقول شغل " ...... " ( ستات ), بس بالمعنى اللى انت قولتة طيب ينفع ياباشا تقول كدة , يعنى انا هكدب مثلا ؟؟ ولا احنا بنتعامل مع بعض بالطريقة دية ؟؟

انا مدخلتش غلط فى ال s3 MINI , لو انت عايز بقى حق ربنا انت اللى فتحت الموضوع دة الاول

لما كان صاحب الموضوع بيسأل مين افضل روحت قابل اية ( ال s3 MINI افضل مليون مرة ) دية معناها اية ان الادفانس مش تليفون اصلا , لما ال s3 MINI افضل منة مليون مرة , يبقى الادفانس يتقارن ب 3310 نوكيا بقى

وانا دخلت ولا شتمت فى التليفون ولا حاجة كل اللى قولتلة الفروقات مابين الاتنين , ولا شتمت فى ال s3 MINI بالعكس انا دائما بقول ان الاتنين شبة بعض جدا فى الاوبشن وقريبين من بعض جداا بس لازم يكون فية ميزة وعيب ( يبقى انا كدة غلطت )

يعنى لما اجى اقول ال NOTE 2 احسن من ال s3 هل كدة ال s3 وحش ؟؟؟ اكيد لأ بس التانى افضل منة فى حاجات

ياباشا كبر دماغك وحاول تاخد الامور ببساطة

انت عارف مشكلتك اية , اننا كنا بنتكلم معاك بعشم وبروح الصداقة مابينا لاقيناك بتقابلنا برد كأنك مستنيلنا غلطة

عموما ياباشا لتانى مرة بقولك , ماتزعلش ياباشا لو فية اى كلمة صدرت منى ضايقتك , بس انت بردة غلطت وغلطت فى حقنا بطريقة مباشرة

فكك بقى من الجو دة , وارجع ياعم لقسمك , ومافيش حاجة اسمها قسمك وقسمى , الموقع مفتوح للجميع , واهلا بيك وتنورنا فى قسمنا وناقش زى مانت عايز مافيش مشكلة

وكل سنة وانت طيب يابو اشرف

السلام عليكم جميعا
اولا انا بتاسف للصفحه هنا عشان دخلت وعلقت (بحسن نيه والله) على الفرق بين الميني والادفانس
وتقريبا كنت السبب للمشاكل دي كلها ..
مش هقول دي صفحه المفروض الكل بيدخل يستفسر عن اللي محتاج يعرفه عن الموبيل
بس وصلت بينا اننا بنعيب ف بعض عشان خاطر حته حديده فيها خط .. !!
AshrafAshry : بتأسف ليك وكلمه ف ودنك خليك صبور شويه وبلاش تعصب ..
semsemSiR : انسان بحترمه جداا وربنا يعلم غلاوته عندي رغم اني اعرفه من الموقع هنا ..

وانا بالنسبالي العضو اللي هيجي صفحتنا : الادفانس هرد عليه ف اي استفسار
والصفحه هنا فيها اللي يعرف يرد على اي طلب احسن مني الف مره
طبعا ده ف موضوع الفرق بين الموبيلين فقط .. انما لو طلب لعبه او برنامج او اي شرح انا عن نفسي ممكن ارد عليه عادي
وده طبعا بعد اذن رجاله الصفحه

وكل سنه والجميع بخير .. واللي هيشتري الميني الف مبروك عليه.. واللي يشتري الادفانس ربنا يباركله فيه
كلها ف الاول والآخر موبيلات واكيد هتتغير مع الوقت

اخوكم احمد

رسالتى الاخيرة للاعضاء المحترمين اى حد حابب يشترى الموبايل دة يدخل يتابع ال 54 صفحة اللى فاتوا فى التعليقات اللى فاتت هتعرف وهتتعلم حاجات كتير وانا من هنا بعلن انسحابى للابد من المنتدى دة لانه كده فقد الرساله اللى بيقدمها ان اى حد يشترى موبايل يساعد الناس المقبلين انهم يشتروا نفس الموبايل و اتحول اننا ندخل صفحات الموبايلات الاخرى نعيب فيها ونقول انها اقل ونتعصب ل رأينا ونقعد نعيد ونزيد فى كلام ملوش لزمة على العموم انا هقول اسف بس مش لشخص معين هقول اسف للمنتدى

رسالتى الاخيرة ل ArchieDeacon

انته من الرجال المحترمين هنا فى المنتدى ربنا يحفظك ل اهلك


semsemSiR لا تعليق لانك متستهلش انى ارد عليك مش علشان حاجه لانى شخص غير محترم زي ما وضحت قبل كده فى تعليقاتك


newworld معى احترام ليك اذا انته مش عارف الموضوع ولا متابعه من الاول ولا عارف عنه حاجه يبقى كان الافضل تسئل وتشوف وتتابعه من الاول مش من النص قبل ما تيجي تعييب وتغلطنى

يلا فى رعايه الله جميعا

انا معايا الفون دا و لسه جايب موميري 8 جيجا امبارح .
فعايز انزل روت و البرنامج اللي بينقل من ذاكرة الهاتف للموميري .
و عايز انزل ادوين و احسن اصدار بتجربتكم و خرتكم .
و اغير الكرينيل احسن اصدار برضو .
فياريت الشرح بالروابط لكل اللي انا عايزه ده .

السلام عليكم يا جماعة ياريت حد يساعدنى ضرورى
انا جتلى رسالة اكتر من مرة على الموبايل يلزم تحديث البرنامج الثابت انا مش فاهم يعنى تحديث اصدار اندرويد ولا ايه
عموما انا ضغط عليها وبدا يحمل ملف مساحتو تقريبا 150 ميجا وبعد ما خلص تحميل جبلى رسالة تحديث الان او تحديث الكل او ذكرنى لاحقا
انا ضغط على ذكرنى واخترت بعد 30دقيقة يا جماعة انا مش عارف اعمل ايه احدث ولا لا وهل التحديث مهم

معى إحترامى لجميع اعضاء المنتدى و خصوصا أحباب الاس سرى ميني احنا هنا كلنا بنساعد بعض ب احترام وكلنا عايزيين مصلحة بعض لكن في ناس شايفه انها منافسه وموبايلك احسن و موبايلى احسن توضيح بسيط انا معايا موبايل سامسونج نوت 3 ومعايا السامسونج اس سرى ميني و صحبى و اخويا الاقرب ل قلبى ArchieDeacon معاه بردة الاس سرى ميني و معاه الجلاكسى نوت 8 N5100

لكن الصفحة هنا هتبقى شغل نسوان ولت وعجن من غير وجه حق وهنقعد نتكلم كلام ملوش لزمة يبقى بلاش منه السايت فكرته ان الناس تشترى من تجار معتمدين موثوق فيهم و رأى الناس الخبرة اللى معاهم الموبايل مش فكرتة ان كل واحد يسيب صفحتة ويدخل صفحة تانيه ويقلل من الموبايل التانى او عشان عضو مميز او مشرف عايز يفرض رأيه على الاعضاء التانيه انته مقتنع ب موبايل معين !! خليك فى الصفحة الخاصه فيه و ساعد اللى معاك لكن متجيش هنا تخبط وتعيب فى موبايل تانى

واما دخلت ل احمد جمال كان رد علي اللى عمله وكان ب حب وبعشم منه وانا رديت عليه بردة بحب وبعشم لكن هتبقى حرب ف يبقى ملوش لزمة الرد اصلا المنتدى هنا مش معمول عشان نقعد نعيد ونزيد ونفاضل بين الموبايليين ب اسلوب غلط وكله مجرد كلام واقول قريبى معاه فلوس وراح يشترى موبايل وفى الاخر مشتراش الميني دة ايه بس دة كده كلام صح ومعقول !!

ب اختصار اى حد محتاج اى مساعدة هنا فى صفحتنا السامسونج اس سرى ميني او النوت سرى او الجلاكسى نوت 8 هتلاقيني انا و صديقي ArchieDeacon و newworld ربنا يرجعه بالسلامه ويوفقة فى دراستة

لو شايف غلط فى كلامى قولى يا صحبى ArchieDeacon <<

تحياتى للجميع

ونصيحه انا معايا 2000 جنيه اشترى ده ولا فيه احسن منه

هل يمكن ترقيه هذا الموبيل ال 4.2.2 جليى بين