بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

AshrafAshry

2013-11-03 (12:02:36AM)

معى إحترامى لجميع اعضاء المنتدى و خصوصا أحباب الاس سرى ميني احنا هنا كلنا بنساعد بعض ب احترام وكلنا عايزيين مصلحة بعض لكن في ناس شايفه انها منافسه وموبايلك احسن و موبايلى احسن توضيح بسيط انا معايا موبايل سامسونج نوت 3 ومعايا السامسونج اس سرى ميني و صحبى و اخويا الاقرب ل قلبى ArchieDeacon معاه بردة الاس سرى ميني و معاه الجلاكسى نوت 8 N5100

لكن الصفحة هنا هتبقى شغل نسوان ولت وعجن من غير وجه حق وهنقعد نتكلم كلام ملوش لزمة يبقى بلاش منه السايت فكرته ان الناس تشترى من تجار معتمدين موثوق فيهم و رأى الناس الخبرة اللى معاهم الموبايل مش فكرتة ان كل واحد يسيب صفحتة ويدخل صفحة تانيه ويقلل من الموبايل التانى او عشان عضو مميز او مشرف عايز يفرض رأيه على الاعضاء التانيه انته مقتنع ب موبايل معين !! خليك فى الصفحة الخاصه فيه و ساعد اللى معاك لكن متجيش هنا تخبط وتعيب فى موبايل تانى

واما دخلت ل احمد جمال كان رد علي اللى عمله وكان ب حب وبعشم منه وانا رديت عليه بردة بحب وبعشم لكن هتبقى حرب ف يبقى ملوش لزمة الرد اصلا المنتدى هنا مش معمول عشان نقعد نعيد ونزيد ونفاضل بين الموبايليين ب اسلوب غلط وكله مجرد كلام واقول قريبى معاه فلوس وراح يشترى موبايل وفى الاخر مشتراش الميني دة ايه بس دة كده كلام صح ومعقول !!

ب اختصار اى حد محتاج اى مساعدة هنا فى صفحتنا السامسونج اس سرى ميني او النوت سرى او الجلاكسى نوت 8 هتلاقيني انا و صديقي ArchieDeacon و newworld ربنا يرجعه بالسلامه ويوفقة فى دراستة

لو شايف غلط فى كلامى قولى يا صحبى ArchieDeacon <<

تحياتى للجميع

ArchieDeacon

2013-11-03 (01:01:56AM)

تسلم يا صاحبى .. عداك العيب ,, أوئيدك فى هذا الرأى .. وبرده باب المناقشة مفتوح للكل فى حدود الأدب والمحبة المتبادل بينا .. وأضيف على كلامك :

اى حد محتاج اى مساعدة هنا فى صفحتنا بخصوص السامسونج اس سرى ميني او النوت 1 أو النوت 2 أو الأس ثرى أو الوندر أو الأس تو أو النوت ثرى او الجلاكسى نوت 8 هتلاقيني انا و صديقي AshrafAshry و newworld فى خدمته دايما .، دمتم فى رعاية الله

AshrafAshry

2013-11-03 (01:41:31AM)

ArchieDeacon < تسلم يا صحبى

semsemSiR

2013-11-03 (09:03:53AM)

الواضح جدا الصراحة عداة العيب !!!!!!!!!!!!!!!!

بيغلط وبيوجة كلام بأسلوب غير لائق وبالتعبيرات اللى بيقولها وبيكدب فى الناس

عموما شكرا ولا تعليق بعد الكلام اللى اتقال

newworld

2013-11-03 (08:01:03PM)

انا شايف يا جماعة ان احنا اكبر من كدا ودا ردى على التعليقات السابقة
اشرف انت اخوى وانت عارف كدا لكن رغم كدا انت ممكن نتيجة نرفزتك انك زودتها شوية فى اسلوب الكلام
بالنسبة للاستاذ سمسم انا مش هاقدر اقاوح معاك فى حاجة انا اثبتها قبل كدا وهى ان الاس 3 مينى افضل من الادفنس لكن انت متحيز جامد جدا لموبايلك هاتفولى بطارية افضل هاقولك بفارق بسيط ساعتين بين الموبايلن و20 فى الكلام هاتقولى كاميرا هاقولك طبعا طبعا وانا لسه مستنى الفيديو الى انت قولتلى عليه من 3 شهور :(
بالنسبة للجوريلا جلاس يعنى ويكبيدا كاتبة ان معلهوش جوريلا جلاس وسامسونج كاتبة ان معلهوش الجوريلا جلاس ومن الموقع الرسمى للجوريلا جلاس فى موديلات السامسونج الادفانس مش موجود اصل ولا حتى مكتوب على علبة الادفانس وانا وريتك اللينكات قبل كدا كل دوول غلط وموقع جى اس ام ارينا هو الى صح الى كاتب فى الشرح ان فيه جوريلا جلاس وكاتب فى المواصفات ان مفهوش؟ بديهى ان ديه غلطة هاتقولى وسبحان الله بتصدق جى اسم اريا لم يقول ان فيه جوريلا جلاس فى غلطة ومبتصدقهوش لم وريتك مقارنة بين كاميرتين الاس 3 مينى والادفانس وكانت الاس 3 مينى افضل فاهتقولى بقى فيه جوريلا جلاس هايبقى ردى عليك "طبعا طبعا"
هاتقولى كاميرا احسن هاقولك "طبعا طبعا"
هاتقولى صوت اعلى وانقى هاقولك "طبعا طبعا"
والكامير الامامية صحيح انها فيجا الا انها بتصور بقدرة 1.3 وانا ممكن ارفعلك صورة وقت متحب بالكاميرا الامامية
والرامات لو زى ما انت بتقول يجى هنا سؤال "هى شركة سامسونج عبيطة علشان تخسر نفسها فى رامات ليها نفس القدرة برمات اقل منها وتقريبا هاتكون ارخص "
ملحوطة "طبعا طبعا" دى مش معناها انى موافق على كلامك بس مش هاقدر اثبتلك حاجات انت اصلا عارفها ومتاكد منها لكن متحيز لحاجة تانية الحاجتين الى انا بقدر اشهدلك بيهم فى الموضوع دا كله ومش بتريق والله ان انت كنت بتتكلم باحترام وبتتناقش بادب

AshrafAshry

2013-11-03 (09:40:58PM)

newworld< وهل من الطبيعي انك تدخل تعيب فى الموبايل وتقلل منه وتكره الناس فيه انا معايا الميني ابقى ملزم ب صفحتى مروحش صفحة تانيه واعيب فى الموبايل دة مش اسمه انتقاد ونرفزة ايه يا صحبى اما يتريق عليا فى صفحة تانيه و اقابل دة ب صدر رحب وهو يجيي يزعل يبقى ميبدأش التريقة تابع كلامه معايا من الاول وبعد كده ابقى انتقد وقول مين الصح ومين الغلط وكمان ايه الجمال انى اجي صفحة الميني اعيب فى الموبايل وايه الفكرة انى اروح صفحة الادفانصد واعيب فى الموبايل المنتدى هنا معمول عشان الناس اللى معاها الموبايل تساعد الناس ب خبرتها مش علشان نقعد نعيب فى بعض ونكره الناس فى موبايل معين تابع التعليقات مش على صفحه واحدة بس وابقى انتقد

semsemSiR

2013-11-03 (10:01:45PM)

على فكرة انا هرد هنا تانى عشان واحد بس ( هو انت new world ) لانك بجد انسان محترم , واكتر واحد استمتعت بالمناقشة معاة , حسيت انى بتكلم مع انسان فاهم وفى نفس الوقت بينقض بأدب وبأحترام , وعموما انا مش هتكلم تانى فى مقارنات , خلاص الناس عندها كل المقارنات والفرق مابينهم
اصبح معروف للجميع

وحمد لله على السلامة ونورت القسم تانى

AshrafAshry

2013-11-03 (11:44:52PM)

والله المحترم عارف نفسة و الغير محترم بردة عارف نفسة بس اللى شايف ان موبايله كويس يبقى يخلية فى القسم بتاعه و يساعد الناس اللى جايه تسئل عنده ميجييش هنا يعيب فى الموبايل ونقعد نعيد ونزيد فى كلام فاضى انا قولت رأي و الراجل المحترم دة دخل ArchieDeacon قال الصح داخل حضرتك تتريق على كلامة !! وتقول الواضح جدا الصراحة عداة العيب !!!!!!!!!!!!!!!!

بيغلط وبيوجة كلام بأسلوب غير لائق وبالتعبيرات اللى بيقولها وبيكدب فى الناس

عموما شكرا ولا تعليق بعد الكلام اللى اتقال

يعنى بتغلط وبتعيب فيا وتقول بيكدب فى الناس وتقولى لا تعليق هههههههههههههههههههههههه يا صحبى خليك فى قسمك وساعد الناس وبلاش تيجي هنا تقلل من موبايل وتعيب فيه ربنا يهديك

newworld

2013-11-04 (01:03:38AM)

يا جماعة اهدوا احنا كبار على اننا نعمل الكلام دا ونفرج المنتدى علينا
مفيش حاجة اسمها قسمى وقسمك ومفيش حاجة اسمها انا وانت
احنا هنا كلنا واحد وممكن اكون انا مشفتش الموضوع كله من الاول لكن بجد يا اشرف انا اول مرة اشوفك بتتكلم بالاسلوب دا مع حد وهو فعلا اسلوب مستفز وانت عارف انى مليش اى مصلحة فى انى اقول كدا
احنا هنا علشان نساعد من الطبيعى ان احنا نتعصب واحنا بنتشناقش دا عادى بس علشان احنا اعلى من كدا وارقى من كدا وفاهمين دا ينعديه عادى وسواء الاس 3 مينى احسن ولا الادفانس احسن فاحنا هنا كلنا اخوات واصحاب ولازم نحافظ على الصداقة دى
وانا بشكرك يا سامح على انك تاجوزت ورديت علشانى وبتمنى منك انك تكمل معانا هنا وهناك ونبقى كلنا نساعد بعد ونكمل معلومات بعض (احنا بشر وبنعيش علشان نتعلم من بعض طبعا بعد عبادة ربنا طبعا)
انا بستمتع جدا بالمنقشات الراقية اي نعم ممكن اتعصب او اتشد او حتى اضايق ودا جزء من المتعة (فى اطار الادب)
اتمنى منكم انكم تهدوا وكل واحد زعلان من التانى على اسائة منه امسحوها فى انا وسامحوا بعض وانتهى الموضوع وخلاص

AshrafAshry

2013-11-04 (01:42:54AM)

طلاما شايف ان الصح اروح قسم اى موبايل اعيب فيه واقول الموبايل دة افضل وكده ابقى بساعد الناس ؟؟ يبقى انا بعلن انسحابي من المنتدي كله تحياتى للجميع سلام

AshrafAshry

2013-11-04 (01:45:23AM)

لانى مش هتوصل انى اشد معاك يا نيو ورلد اما هو يعيب فيا ويتريق عليا ع صفحتة وتيجي انته تغلطنى وانته مش متابع الحوار من اولة خلاص ربنا يوفقكم جميعا واقسم بالله انى مش داخل المنتدى لانى مش مجبر اطبل لحد وادخل فى كل الصفحات اعيب فى موبايل واحد ومش ب ادله لا عافيه وغصب واقول قريبتى معاها 2600 جنيه وعجبها الايس ربنا يهدى الجميع سلامى ليكم

newworld

2013-11-04 (03:17:08AM)

يعنى ايه قسمى وقسمك احنا داخلين هنا نساعد مش نقسم دا ليك ودا لى
وبعدين دى مناقشة سواء كانت هنا هناك فى اى مكان مش هاتفرق
وانا مش بقولك ادخل فى كل قسم وعيب فى كل موبايل انا بقول لو فى نقطة نقاش اتناقش دا من حقك

تلك الخدمة مخصصة للأعضاء فقط