سعر و مواصفات Sony Xperia Z2

ازاي اعرف الفرق بين النسخه الفور جي والنسخه الثري جي ؟
ثانيا انا قرات حاجه مش فاهما
طبعا السماعة بخمس حلقات وهي اول مرة تصدر لجهاز ومخصصة فقط لاجهزة اكسبيريا....؟؟ يعني ايه خمس حلقات

لو سمحتم انا كنت بدور على مكان اشترى منه الهاتف ب الباند بتاعه و السماعة الجديدة

اتمنى من كل الى جابو الموب يقولولى هى الكاميرا بتقفل لوحدها او فى سخونية شديدة اوى و لا اية بالظبط و يقولوا رأيهم فى الموب و بالذات الصوت

و يريت المتعصبين لسامسونج ميفتوش

مقارنة بين الاس 5 و الزد 2 في سرعة فتح التطبيقات

انا سمعت ان زد تو اتسحب من السوق كزا مره عشان عيوب صناعه وكمان ان فيه ناس بعد اما اشترتو قالو ان الموبيل فرقع عشان امكانياته عاليه جدا
يا ترى الكلام ده حقيقي عشان انا ناوي اشتريه وخايف جدا

بسم الله الرحمن الرحيم

بعد تجربتي للزد 2 انا شايفه انه من افضل الاجهزة اللي انا جربتها اذا مكنش افضلهم بالفعل وشايفه انه جهاز اكتر من ممتاز في كل شئ ويعتبر اقل الاجهزة عيوبا وانصح الناس بيه ودي تجربتي له

مع العلم ان انا امتلك الاس 4 وقارنته مع الزد 2 في كل حاجة تقريبا

نبدأ بسم الله .


اولا السرعة :-

الزد 2 بأمانة من اسرع الاجهزة اللي انا جربتها والسرعة دي سواء في تصفح النت او فتح الجيمز او فتح و غلق الجهاز فهي اكتر من ممتازة وقارنتها مع الاس 4 بتاعي والتفوق كان بجدارة لصالح الزد 2 وتقيمي للسرعة 9.5/10


ثانيا الخامات :-

طبعا بلا شك الجهاز خاماته نضيفة جدا وشايفها افضل من خامات الايفون وافضل من كل المنافسين واديلوا في الخامات 10/10


ثالثا الشكل :-

الزد 2 شكله فخم جدا ومسكته مش رخمة ابدا هو صحيح حجمه يعتبر كبير نوعا ما لكن سهل وبيتحط في الجيب بسهولة واديلوا في الشكل 9.5/10


رابعا الشاشة :-

شاشة الزد 2 من افضل الشاشات اللي انا شوفتها سواء في الحجم او في الوان الشاشة وزوايا الرؤية ممتازة جدا وطبعا قارنتها مع شاشة الاس 4 ال Super Amoled ومش شايف فرق كبير بينهم بل بالعكس انا شايف ان الوان الزد 2 واقعية اكتر علي عكس ال Super Amoled الوانه مش واقعية زي شاشة الزد 2 وكمان جربت الجهازين علي اعلي اضاءة ومفيش فرق بينهم وشايف ان تفوق شاشة الاس 4 في اللون الاسود و الابيض فقط اما باقي الالوان شايفها افضل او بمعني اصح واقعية اكتر في الزد 2 واديلوا في الشاشة 9.5/10


خامسا الكاميرا :-

فيه ناس كتير جدا سألوني في موضوع الكاميرا ده وقلقين جدا منها . انا عن تجربتي ليها شايفها افضل كاميرا موجودة حتي الان وانا كنت فاكر ان كاميرا الاس 4 و الاس 5 افضل من كاميرا الزد 2 لكن طلعت غلطان انا قارنت كاميرا الزد 2 مع كاميرا الاس 4 وبأمانة كاميرا الزد 2 تفوقت في جميع الاوضاع سواء علي وضع Auto او علي وضع Manual وبفلاش او بدون وطبعا فلاش الاس 4 اضائته اقوي من فلاش الزد 2 لكن بردو التفوق كان لصالح الزد 2 في الصور اللي بفلاش وطبعا الصور وهي علي وضع Manual افضل من وهي علي وضع Auto زي كل موبايلات السوني اللي انا مسكتها واديلوا في الكاميرا 10/10


سادسا الصوت :-

من غير كلام كتير صوت الزد 2 من اقوي وانقي الاصوات سواء في السماعات الخارجية او في الهاند فري وصوته واضح جدا وتفوق علي الاس 4 واديلوا في الصوت 9/10


سابعا الاداء في اﻷلعاب :-

انا جربته في الالعاب وبيشغلها بكل سلاسة ومفيش فرق بينه وبين الاس 4 في الالعاب الخفيفة زي subway و candy crush وغيرها كتير لكن الفرق بيبان في الالعاب التقيلة واللي الجرافك بتاعها عالي زي asphalt 8 و the walking dead و the amaizing spiderman 2 و the dark knight rises طبعا التفوق فيها كان لصالح الزد 2 واديلوا 9/10


ثامنا البطارية :-

بأمانة من افضل البطاريات اللي انا شوفتها يعني مقارنتا مع الاس 4 و النوت 3 و الاس 5 و ال htc one m8 كمان ده يعتبر افضلهم في البطارية واديلوا 9.5/10


الخلاصة :-

الزد 2 من افضل الاجهزة الموجودة علي الساحة طبعا انا مقدرش أقول انه الافضل لان انا لسه مقارنتوش مع ال HTC One M8 ده اللي هيحسم المنافسة وان شاء الله قريبا اعمل مقارنة بين الجهازين واقولكوا رأيي فيهم بكل أمانة بدون تحيز لجهاز معين لكن احب اقول للناس اللي خايفة تجيبوا اقولهم توكلوا علي الله ومتقلقوش من اي حاجة لاني زي ما قلت الجهاز ده يعتبر اقل الاجهزة عيوبا بين المنافسين واي سؤال انا في الخدمة ^_^


تقبلوا تحياتي


youssefshabana

ياا جدعاان سااعدوونى كلكم انااا ناازل بكررة اشتررى مووب جديد ومحتاار بين ال Z2 وال M8 فقولولى رأيكم ويااريت تردوا علياا فأسررع وقت ممكن

أنـا أشتريت Z2 وده أول تعـامل ليـا سمـارت فـون يـــاريت تفدوني بأفضل برامج أنزلها عليه
من حيث الفيروسات والتنضيف وكده وكل حاجه لأني فتحت الجهاز ومش فاهم في اي حاجه خالص :(

انا الحمد لله اشتريت ال z2 بعد تفكير بجد تليفون جميل في كل حاجه انا كان معايا الz1 بس انا شايف ان الz2 اسرع والكامير رغم انها واحد 20.7 لكن في الz2 انا شايفها افضل واي حد عاز يستفسر عن اي حاجه انا موجود

السلام عليكم زوار الصفحة خاص sherif2090
انا امتلك Z1 والحمد لله مريحنى جدا خاص بعد اخر تحديث
وكنت متحمس جدا انى اغير الجهاز للZ2 بعد ماشوفت مرجعات كتير وفديوهات كتير
عن التليفون ؟
بس تحمسى ده اتغير بعد ما جربت الجهاز بنفسى واتضح ان الفوارق بين الجهازين ليست جوهرية الفرق الوحيد من وجهة نظرى هو فعلا صوت الجهاز الاكتر من رائع ممتاز فعلا
ورجعت الجهاز بعد ماجربتة 24 ساعة؟
انا انصح اى حد عايز يشترى الجهاز لازم يجربة الاول ولا يعتمد على المرجعات والفديوهات اللى على اليوتوب ؟ يجربة بمعنى يمسك الجهاز بأدية ويقلب فية كويس ؟
لاكن عن الفرق بين الجهازين لم الاحظ فرق الا فى الصوت وبعض الحركات زى النقر على الشاشة لفتح التليفون ورفع التليفون للرد المكالمة على طول ؟
طبعا فى نا س هتقولى الشاشة انا لم الاحظ فرق بل العكس z1 بالنسبة لى شايفة اجمل
وده بردو من وجهة نظرى انا ؟
حاجة اخيرة بالنسبة للشاشة انا عليت سطوع شاشة Z2 الاخر لائيت الجهاز بيقول سيتم فصل الجهاز بعد 15 دقيقة للاستهلاك المفرط للطاقة ؟

واى سؤال انا فى الخدمة