موضوع ضد المياه .. وموضوع السماعة

للرجوع الي صفحة سوني Xperia Z2 الرئيسية اضغط هنا

modyz82

2014-08-10 (08:09:58PM)

ياجماعة انا عاوز اعرف دلوقتي ايه حكاية ان التليفون ضد المياه .
هل الموضوع ده فعلا حقيقي لاني شفت كلام ناس كتير اوي انه نزلوا بيه المياه وباظ منهم وناس بتقول لأ .. مفيش للاسف تأكيد على الموضوع ده وناس بتقول هو للمياه العذبة فقط .. طيب بالنسبة لمية البسين ماهي فيها كلور يعني الواحد يصور بيها في النيل مثلا .. طيب ايه الميزة في انه ضد المية .. والناس اللي بتقول انه باظ منها من اول دقيقة في المية ... مش عارف والله الموضوع ده مقلقني لاني كنت ناوي اجيب التليفون عشان موضوع انه ضد المية ده وممكن اصور بيه تحت المية ده وكمان مكتوب انه نص ساعة بس .. يعني نص ساعة مدى الحياة ولانص ساعة وبعدين ينشف ويصور نص ساعة تانية ولاليك نص ساعة وخلاص مش فاهم بصراحة الحتة ده

اما بقى حكاية السماعة noise cansle هل السماعة ده موجودة في كل الفرجن اللي نازلة للتليفون لاني شفت علب كتير للتليفون صغيرة وكبيرة وفيه صديق هنا كان بيقول العلبة اللي موجود عليها استيكر مكتوب عليها lte ده مفيهاش السماعة ده والسماعة اللي فيها عادية .. لكن لازم العلبة اللي موجود عليها استيكر السماعة هي ده اللي بتكون فيها السماعة ,, فهل المعلومة ده صحيحة ... وازي اتاكد من موضوع السماعة ده

ellithy

2014-08-10 (08:28:37PM)

فى ناس كتير جابت ونزلت بيه البحر والتلفون شغال عادل بس شركة سوني حذرة من المياه الملحه
وبعدين لازم تتاكد من غلق الاغطيه اللى على الجناب حتى لا تتسرب المياه للداخل

semsemSiR

2014-08-10 (11:20:50PM)

شوف ياباشا هنصحك نصيحة

اى تليفون مكتوب علية ضد المياة , اى كانت الشركة اللى مصنعاة

تحافظ علية جدااا , ولا تنزل بية مياة ولا اى حاجة اخرك لو التليفون مثلا محطوط على تربيزة وجية علية مياة , او وقع غصب عنك فى مكان فية مياة ., تشيلة وتخرجة من المياة على طول وتنشفة

غير كدة انت بتغامر لان الجهاز فية ناس حصل معاهم مشاكل وفية ناس مافيش اى مشكلة

ولو وديت التليفون للتوكيل واكتشفوا انة مشكلة مياة , هيقولك ماليش دعوة والتكلفة على حسابك

فخليك فى الامان , التليفون سعرة مش قليل

modyz82

2014-08-10 (11:33:54PM)

هو ده اللي بتكلم فيه .. ان فيه ناس بتنزل بيه وبتصور بيه في المية ومش بيحصلوا حاجة وناس بمجرد لما بتحطه بس ثواني بيبوظ ... ازاي مش فاهم ... امال الاختبارات اللي بنشوفها على اليوتيوب ده ايه والناس بتغطسه في المية انا مش عارف مش المفروض الشركة قبل لما تنزل التليفون تبقى عارفه انه لو حصله حاجة من المياه يبقى ده مشكلة عندهم .. مايقولوش بقى انه ضد المياه
... وياترى محدش يعرف حاجة عن السماعة

ellithy

2014-08-11 (02:08:07AM)

انا فى اصحابى كتير نزلو بيه المايه ومحصلوش حاجه المايه اللى هيا ماية البحر قلولى محصلوش حاجه بس سوني حذرت من المياه الملحه للتلفون على اي حال اعقدها وتوكل اغلق الجوانب كلها وان شاء الله مش هيحصلو حاجه وللتاكيد ده رقم سوني 16727

semsemSiR

2014-08-11 (09:04:28AM)

شوف ياباشا دية مثلا مشكلة الاس 5 لما نزل المياة

ودة تقرير الزد 2

وعشان افهمك حاجة

طالما الشركة محددة المدة اللى يقدر الهاتف يصمد خلالها ومايدخلش لية مياة , يبقى معناة ان كدة كدة الهاتف هيكون معرض للمياة انها تدخل فية لكن بعد مدة

فعموما انا نصحتك النصيحة , وانت عايز تجرب براحتك وان شاء الله مايحصلش حاجة

ellithy

2014-08-11 (09:50:04AM)

مفيش حاجه اسمها لم يحدد المده اي جهاز ضد المايه لازم يكون محدد المده وبعدين تصميم سوني لحميته من الميا افضل بكتير من ال اس 5

semsemSiR

2014-08-11 (10:58:22AM)

انا ماقولتش لم يحدد المدة ؟؟

انا بقولة طالما الجهاز مددتة متحددة , يبقى لازم تعرف انة هيدخلة المياة عاجلا او اجلا وانت ونصيبك

ماطبيعى مافيش جهاز هيصمد الا لو مصنوع خصيصا للمياة ودية بتبقى تكلفتها اعلى بكتير

ellithy

2014-08-11 (11:11:24PM)

يا باشا المده دي علشان متر ونص تحت الماء يستحملها ضغط المياه نصف ساعه ومن الطبيعى انت مش هتعد فى المسافه دي تحت الماء فى الوقت ده

abdo20112

2014-08-12 (01:13:31AM)

بص بره مصر بيكون في ضمان 6 شهور ضد ان التليفون يبوظ من المايه لكن هنا مفيش انا شوفت واحد هنا علي الموقع معاه zr و باظ منه في المايه انا شايف انها في الاغلب بتكون عيب صناعه مع اني شايف ان حكايه ضد المايه ديه يعني لو جه عليه مايه لكن متضمنش لو نزلت بيه يحصل ايه في صحابي بينزلوا بيه و محصلش حاجه انت شوف لو في ضمان ال6 شهور ده متقتلقش و انزل و لو حصل حاجهه روح نام عندهم لحد ميغيروه و مسئول في ال جي برده قال لما سالوه علي موضوع ليه g3 مش ضد المايه قال ان مفيش معلومات كافيه عن الحمايه وان مثلا لو نزلته 29 ديقيه و طلعته و نزلته تان ي ايه الي هيحصل و كده يعني بيشكش في الحمايه و برده علي موقع سامسونج مصر في ناس بتقول ان s5 مش ضد الميه و ان سامسونج بتكدب (انا عارف انه ضد المايه ) اما السماعه معرفش عنها حاجه

تلك الخدمة مخصصة للأعضاء فقط