سعر و مواصفات Samsung Galaxy S5

نزل الملف دة وسطبة على الكمبيوتر وان شاء الله هيقرى وهيشتغل عادى

الموقع مش موجود يا سمسم ... مش بيفتح

نزلته وبردو مش بيقرأ؟؟؟؟؟؟؟؟؟؟؟؟؟

أنا النسخة عندي بعد التحميل وفي أول التنزيل بيفصل ويديني error message
يا تري ده حله إيه؟؟؟

نزل النسخة دية بتاعة الامارات

حملت نسخة الامارات وستبتها وعملت فورمات قبل وبعد بس للاسف التليفون بيهنج سرعته مبقتش زى الاول ينفع ارجع للولى بوب تانى

نزل نسخة مصر
بس على فكرة التليفون سريع جدا جدا بعد التحديث لمارشيميلو

لا اول لما يجى هتخلص الشحن اللى فية لحد مايقفل وتحطة على الشاحن زى ماهو مقفول , واول لما يوصل 100% تشيلة

وتستخدمة عادى جدا

ماتستخدمش التليفون وهو بيتشحن او توصلة بالشاحن قبل 15%

فى ناس كتير بتقولى محدسوش للولى بوب عشان هيسحب من البطارية بشكل كبير
الكلام دة صح ؟

مافيش اى فروقات بس اللولى بوب يستاهل التحميل فعلا

البطارية افضل فى الكيتكات و لا اللولى بوب ؟؟

الاتنين زى بعض

بيديني error message ليه كده وحلّه إيه يا سمسم؟

البصمة الاول لازم يتم تغير السوفت وير ونشوف هل مشكلة سوفت او هارد , لو ماتحلتش بالسوفت يبقى كدة مشكلة هارد وير

طريقة تنزيل السوفت

اول حاجة هتفرمت التليفون من ال recovery لو عندك اى اسماء - رسائل - اى حاجة على ذاكرة الهاتف اعملها backup الاول عشان كل حاجة هتتمسح

طريقة ال format :

1- هتقفل التليفون

2- هتدوس على power + home + volume up مع بعض لحد مالتليفون يفتح وسيب ايدك من زرار الباور فقط , وهتلاقى انسان الالى ظهر على الشاشة

3- هتنزل على اختيار wipe cash partition / factory reset وتأكد الاختيار , هيدخلك على قائمة تانية تنزل عند اختيار yes delete all user data وتأكد الاختيار , لما يخلص العملية دية هيرجعك للقائمة الرئيسية

4- تنزل عند اختيار wipe cash partition وتأكد الاختيار , لما ينتهى هيرجعك على القائمة الرئيسية

5- اختار reboot system now

" يتم تأكيد الاختيار بضغطة واحدة على زرار الباور

* ويتم التحرك مابين الاختيارات عن طريق volume up - volume down

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الجهاز هيغيب شوية ماتقلقش بعد الفورمات لحد مايفتح , وهيرجع كأنك لسة مطلعة من العلبة , يعنى هتدخل الاعدادت تانى من اول وجديد , اعملها كلها skip ماتدخلش اى حاجة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خطوات تنزيل النسخة :

هتقفل التليفون

2- وتدوس على power + home + volume down مع بعض

3- هيديك رسالة تحذيرية , دوس على volume up عشان تكمل

4- وصل التليفون بالكمبيوتر عن طريق الكابل

5- افتح برنامج الاودين

6- هتستنى لحد ماتلاقى على الشمال فوق لون مربع بقى لبنى فاتح مربع اللى هو تحت ال id:com , وهتلاقى فية كلام اتكتب فى المربع اللى مكتوب على اولة message هتلاقى كلمة add
كدة معناها ان التليفون تمت اضافتة

7- بعد كدة هتروح على خانة ap وتختار المكان اللى انت حافظ فية النسخة اللى نزلت ولازم تفك الضغط بتاعها الاول طبعا

8- تستنى لحد ماتلاقى المربع بتاع ال message اتملى كدة بكلام وفى السطر اللى قبل الاخير هتلاقى كلمة finished successfully

9- اتأكد ان كل حاجة فى الصورة اللى عندك دية هية زى اللى عندك بالظبط




10 - قول بسم الله الرحمن الرحيم , ودوس start

*-ماتحركش التليفون خالص لحد ماتلاقية فتح لوحدة , ودخل كل الاعدادات لحد ماتلاقى نفسك بتستخدم التليفون عادى , بعد كدة شيل الكابل

11- تعمل فورمات من الريكفرى زى اول طريقة انا كاتبها فوق بعد تنزيل النسخة

ودية نسخة برنامج الاودين , اللى هنستخدمة فى تنزيل النسخة



لو شايف الموضوع صعب عليك اقرى الاول الطريقة ولو فية حاجة صعبة قول عليها قبل ماتبدأ


3- الاس 7 سعرة بالضمان 5950 , والايدج ب 6800 , طبعا التليفون سعرة هينزل عن دلوقتى اكيد , زى كدة الاس 6 سعرة فى اقل من سنة نزل حتى 2500 جنية ودلوقتى واقف على 3900 جنية وارخص كمان شوية

الاس 7 انا جربتة هاتف ممتاز بس فية عيوب بالنسبالى ( صوتة واطى شوية - مافيش ال ir - البطارية اة 3000 بس مش حاسسها بقوة ال3000 فى هاتف بحجم شاشة 5.1 - تصوير الكاميرا ب 4:3 ودية معناها ان اى صور اتصورت واتعرضت على الكمبيوتر هتيجى كلها صغيرة وفيها جنبين اسود فلازم تكبر عشان تشوف الصورة بكامل الشاشة ) دية بالنسبالى عيوب الاس 7

شكرا يا استاذ سمسم انا عملت الي قلت عليه بس اخترت من موقع sanmobil دا نسخه ال s5 بتعتي بس اخترت
2016-03-28
United Kingdom (O2)
5.0
فتحت الموبيل لقيت اكن فيه سمز ميه وخلفيه تانيه مش زي بتاعت سامسونج المهم اني عاوز سوفت زي الي فات اختار اني بلد الامارات
2016-03-28
United Arab Emirates
ولا اي بظبط ؟ ونا علي ال O2 دي بجرب البصمه برده بيقلي رستر الجهاز فا دلوقتي عاوز السوفت زي الي فات اختار اني بلد ! ؟ وبلحق اخر تحديث جالي علي الموبيل كان 25 تقريبا. قبل ما اعمل اي حاجه اختار دلوقتي اني بلد بقا ! ؟ وبعد كدا البصمه دي الرجل قلي بورده ولازم اكسر الشاشه علشان اوصلها يعني كله 4000 هل الكلام دا صح ولا !

نزل نسخة مصر افضل هتنزلك بدون اى مشاكل بنفس الطريقة اللى قايلك عليها , ولو بردة لسة البصمة زى ماهية , يبقى انصحك تتعايش معاها كدة وكأنها مش موجودة

وطبعا اللى بيقولة دة غلط هو يقدر يفك الشاشة بدون مايكسرها بس هو معندوش الادوات بتاعتها عشان يشيلها صح عشان كدة بيقولك هيكسرها

نزلة ياباشا هو هيتم تحديث ال security patch لشهر مارس - تحسين فى اداء الجهاز - استقرار اكتر للاداء- تحسين اداء البطارية بنسبة قليلة

هل أعمل format قبل ما أنزله وبعد التنزبل ولا أحدثه على طول

مش لازم هو تحدسث صغير 270 ميجا تقريبا على مااتذكر

انا عن نفسى عملت فورمات , وممكن ماتعملش مش هتفرق خالص بس انا بحب دايما اعمل فورمات عشان اقدر فعلا اقيم التحديث وتغيراتة

خليك على النسخة الاصلية افضل , واستنى المارشيميلو هينزل قريب

شكرا لردك.
فعلا وجدت كل الرومات المعدلة بها مشاكل حتى الان.

الاتنين كويسين جدا بس اللون الاسود اشيك , ودية بردة ازواق , لكن اللون الاسود ممتاز فى الاس 5
لأ ياباشا مش بيتوسخ ولا اى حاجة و صعب الظهر يتجرح الا لما يكون فية الة حادة عدت علية جامد

موضوع النسخة الافضل , الاتنين كأداء زى بعض , اللى بيشتغل هنا بيشتغل هنا الفروقات فى الاتى :

ال g900h يتفوق على ال g900f فى :

1- صافى الرامات 1.75 جيجا مقابل 1.66 جيجا

2- اختبارات الهاتف على البينش مارك اعلى من ال g900f , بفرق 4 الاف نقطة او 3 الاف نقطة

3- الصوت افضل واعلى من ال 4جى لان السماعة مختلفة ونوعها افضل فى ال 3جى

4- اقل مشاكل ويكاد يكون مافيش عيوب صناعة فى ال 3جى , بعكس ال 4جى اللى كانت ظهرت فية اكتر من عيب

ال g900f يتفوق على ال g900 :

1- download booster

2- 4g

3- كارت الشاشة نظريا اقوى شوية لكن واقعيا مافيش اى فرق تماما


اة ياباشا الاتنين فيهم تصوير 4k

تمام متشكر جدا لردك يا استاذsemsemSiR2016
انا فعلا خلاص طلبت الجهاز و هيجيلي يوم الاحد او الاتنين ان شاء الله 3جي لون اسود.

بس عندي استفسار تاني، انا معايا نوت 10.1 2014 و لما نزلتله لوليبوب البطارية بقت وحشية جدااااا و الجهاز ككل بقي بطيئ جدا و بيسخن عن الكيت كات، فهل اعمل تحديث للاس 5 ل اللوليبوب لما يوصلني ان شاء الله، ولا التحديث وحش برضه عن الكيت كات و محدثوش؟

و هل الافضل احدثه عن طريق تحديثات OTA و اعمل بعدها هارد ريسيت؟ ولا الافضل احدثه عن طريق برنامج الاودين؟

و لو بالودين انزل نسخة انهي دولة علشان تبقي مستقرة؟ و هل لو حدثته بالاودين الضمان هيروح؟

معلش تاعبك معايا :)

اتأكد الاول ان الجهاز من مكان كويس ومصدر موثوق منة , وكمان يكون متبرشم

الاس 5 فى البطارية كويس جدااااا , يعنى لو عايز ارفعلك استهلاك بطاريتة مافيش مشكلة هية بتعمل معايا من 6 ساعات ونص الى 7 ساعات ونص screen time on ( نت - مكالمات ) على اضاءة متوسطة

مافيش سخونية تماما درجة الحرارة مع اقوى الالعاب ( dead triiger 2 - nfs no limits - asphalt 8 - fifa 2016 ) مش بتعدى فى الجو دة 30 درجة , وفى الصيف اخرها 35 درجة , يعنى مافيش سخونية تماما

انا عن نفسى بحب تحديثات الاودين عن ال ota

فعموما ممكن تنزل النسخة بتاعتة من sammobile وتفرمت التليفون قبل وبعد التنزيل وان شاء الله هيبقى تمام

على فكرة استهلاك الرام بتاع اخر تحديث بقى خرافى بجد , يعنى الجهاز الفرى رام بيكون مابين 800-700 ميجا ومع فتح الالعاب واى برامج مهما كان عددها بيكون الفرى رام المتبقى ليك 550 ميجا , وطبعا دة شىء ممتاز انة يشغل اى حاجة بمنتهى السلاسة واكتر من تطبيق بدون تقل مش هقولك تهنيج

* التليفون مسجل على برنامج antutu وانا عندى الاسكرين لو عايز تشوفها 51500 الف مقارنة ب 46500 فى الكيتكات , يعنى الجهاز اتحسن جداااااااااا فى اخر تحديث لية للولى بوب

والاس 5 قريبا جدااا هينزلة الاندرويد 6 المراشيميلوا خلال شهر او شهرين بالكتير مع انهم قايلين فى الصفحة انة هينزل فى شهر 3 بس كل الهواتف اتأخرت

يعنى النوت 5 المفروض كان فى شهر 12 مانزلش لحد دلوقتى

الاس 6 كان فى شهر 1 مانزلش لحد دلوقتى

انا هجيبه من موبينيل يعني المفروض انه مكان مضمون و قبل ما استلمه اكيد هتطمن ع انه متبرشم و كل حاجة طبعا :)

خلاص تمام هحدثه اول مستلمه ان شاء الله ع ضمانتك :D

بس حضرتك مقولتليش ف جزئية اني لو هحدثه بالودين انزل نسخة انهي دولة علشان تبقي مستقرة؟ و هل لو حدثته بالاودين الضمان هيروح؟

النسخة الG900H اقل سخونية وافضل فى استهلاك البطارية بس الفرق مش كبير يعنى كلها حاجات بسيطة والاتنين بعد التحديث مافيش اى سخونية والبطارية بقت كويسة جدااا , لكن الافضل ال G900H

وال G900F افضل منة فى ( ال 4جى - الداونلود بوستر - وكارت الشاشة نظريا افضل , لكن واقعيا مافيش اى فرق )

متشكراا جدا

المفروض هتتحل فى المارشيميلو

طيب ماتعرفش ايه سببها يا سامح ؟؟؟

حتى الان مافيش اى سبب للموضوع دة , كلها اسباب عادية اكيد مافيش حد عندة مشكلة فيها

Make sure that you use the Samsung charger and cable that shipped in the box. It should say Adaptive Fast Charging on it.
Make sure that you are plugging directly into a wall socket and not a computer, extension cord, or surge protector.
Make sure that your Note 5 case isn’t blocking the cable from plugging in securely.
Some people have found success by repeatedly unplugging the cable and plugging it in again, or pushing harder when plugging in. This sounds like it might be a faulty port and something is loose. If you keep pushing it in hard, then it’s pretty likely to deteriorate further. It might be best to contact Samsung, your carrier, or retailer to, see about a repair or replacement.
Make sure that your cable and the charging port of your Note 5 are clean.

طيب دى كلها حاجات بديهيه. ايه الجديد الى قالوه
اكيد بنستخدم الشاحن والكابل الاصلى وبنشحن من الكهربا مباشره
هو تقريبا المشكله فى الكابل