s5 vs note 3

أنا كنت محتار زيك بالضبط بين النوت 3 و الاس5
و في الاخر اشتريت LG G3
هقولك اهم الفروق بينهم
و ده رابط المقارنة كاملة لو عاوزها

النوت 3 :
مميزاته
شاشة كبيرة 5.7 1080p
قلم s-pen
رام 3GB
ذاكرة داخلية 32GB
فيه مستشعر الحراره و الرطوبة و الضغط الجوي
USB 3.0

عيوبه
حجمه كبير شوية و صعب تستخدمه بايد واحدة
استهلاك الرام عالي بالرغم انها 3GB لكن هتحس كأنها 2GB
الجهاز اصدار 2013 لذلك دعمه و تحديثاته مش هتستمر كتير
الكاميرا كويسة جدا لكن اقل من الاس5 و الg3
ال USB 3.0 مش مدعومة في اجهزة كتير و غالبا جهازك لا يدعمها لذلك مش هتستفاد بيها .. بالعكس هتلاقي وصلة موبايلك مش شغالة علي معظم الموبايلات التانية
لذلك هي تقنية سابقة أوانها .. و لسة مفيش شركات استخدمتها
حتي ان سامسونج شالتها من الاس6 و النوت 4
و ال USB 2.0 يقضي الغرض

الاس5 :
مميزاته
شاشة 5.1 1080p
حجمه كويس و مناسب للاستخدام بايد واحدة
اصدار 2014 و دعمه ممتد
فيه حساس البصمة
مقاوم للمياه
كاميرة ممتازه اماميه و خلفيه
بطاريه جيدة جدا
فيه مستشعر ضربات القلب
فيه مستشعر الحراره و الرطوبة و الضغط الجوي
يدعم USB 3.0

عيوبه
الرام 2GB فقط و ده قليل علي سعره لان في اجهزه بنص تمنه و نفس الرام
الذاكرة الداخلية 16GB فقط و المتاح منها اظن في حدود 10
صحيح في نسخ 32 جيجا بس قليلة و سعرها أغلي
البصمة مش عملية زي الايفون و الmate7 و الاس6
لانها بتستخدم طريقه السحب و كمان بتحتاج نفس الوضع للسحب كل مره
نفس مشكلة ال USB 3.0

LG G3
مميزاته
شاشة 5.5 فائقة الدقة 1440p
حجمه جيد جدا بالنسبة لمقاس الشاشة و انا بعرف استخدمه بايد واحدة
اصدار منتصف 2014 و دعمه لسه ممتد كتير
ذاكرة داخلية 32GB و متوفرة اكتر من نسخة ال 16
رام 3GB و استهلاكها معتدل جدا عن اجهزة السامسونج
كاميرة احسن من النوت 3 لكن اقل شوية صغيرين من الاس5
فلاش ثنائي لونين .. و ده بيخليه اقوى و ميأثرش على ألوان الصورة
يدعم راديو للنسخ D855 و D856
صوت عالي و رائع يتفوق بجدارة علي السامسونج
الشحن سريع في حدود 100 دقيقة او 115 لو كان فاصل خالص
أزرار السيستم في الشاشة و ده بيخليها more customize
يعني تقدر تغير لونهم و ترتيبهم و تقدر تضيف عليهم ازرار تانية
و كمان تقدر تخفيهم في التطبيقات اللي تحددها و بتظهرهم بالسحب
أزرار الصوت و الباور في ضهر الجهاز و لو استخدمتهم هتحبهم جدا و هتتعود عليهم بسرعة
رغم ان الشكل ازواق .. بس مفيش شك انه اجمل بكتير من اجهزة السامسونج و تصميمه مختلف و مش منتشر و خصوصا اللون الجولد شيك جدا
خاصية الريموت كنترول مطورة عن السامسونج
ممكن تشغلها بدون نت و تقدر تصمم الريموت الخاص بيك و تقدر تنسخ ريموت اي جهاز عندك مش مدعوم في البرنامج
الجراب السينسور متفاعل اكتر من جراب سامسونج
تقدر من شاشة الجراب تفتح الرسايل و السجل و الموسيقى و الكاميرا و غيرهم
خاصية ال knock code و دي تقدر من خلالها تعمل باسوورد خاص بيك من خلال نقرات معينة علي الشاشة و مش بتكون ظاهرة و انت بتعملها
و تقدر تفتح الشاشه و تقفلها بدون زر الباور عن طريق دبل تاتش

عيوبه
مش مضاد للمياه
لا يدعم البصمة
البطارية اقل من الاس5 لكنها كويسة و هتقضي معاك اليوم و لو استخدامك تقيل هتشحنه بمعدل 3 مرات لكل 48 ساعة و الشحن سريع
مفيهوش مستشعر حرارة و رطوبة لكن فيه ضغط جوي

احمد محمد الصراحة تحليل ممتاز جدااااااا وكلامك كلة صح

بس هزود ارقام بسيطة عشان تكون الصورة واضحة لصاحب الموضوع

صافى الذاكرة 11.5 جيجا للاس 5

الرامات الصافى بتاعها 1.75 جيجا , والمستهلك منها مش بيعدى ال1.4 جيجا , مهما فتحت فى برامج "

الاس 5 مع اللولى بوب بقى حاجة تانية خالص فى البصمة , بقى سريع اوى وبقت من لمسة بسيطة بتفتح

الصوت على عن الاول بصورة ملحوظة

اداء الجهاز بقى افضل من الكيتكات بكتير , فعلا الكيتكات كان مش ظاهر كفاءة الجهاز

الشاشة قوتها زادت بنسبة 15% عن الكيتكات الوان وااضاءة

طبعا يعتبر الجهاز الوحيد حاليا من اجهزة 2014 اللى فية جميع انواع السينسورات اللى للاسف اتشالت , من الاس 6 والنوت 4 تماما

من العيوب اللى انا شايفها فى الاس 5 وفعلا لو كانت مش موجودة فية كان هيبقى جهاز محدش هيغيرة ابدا

1- الذاكرة 16 جيجا

2- الراامات 2 جيجا , المفروض كأسم جهاز زى الاس 5 مايبقاش برامات 2 جيجا ابدا

3- الراديو اللى سامسونج شايلاة من اجهزتها الflagship مش عارف لية

هية دية عيوب الاس 5 مالوش تانى بعد استخدام اكتر من 7 شهور

انا متشكر جدا يا استاذ احمد و يا استاذ سامح علي سرعة الرد و المقارنة الممتازة دي انا ممكن اشتري s5 و g3 كان عاجبني اصلن بس لقيته مش متوفر اوي و الاكسسوارات بتاعتة قليلة عشان انا مش من القاهرة. ف انا اشتري s5 احسن و بالضمان فهل في حاجة اتاكد منها قبل ما اشتريه و ممكن اشتريه من اي حتة مادام بالضمان

عفوا ياباشا , اهم حاجة بس يكون الجهاز متبرشم ومن مكان موثوق فية

شكرا يا سمسم لمزيد من التوضيح

rundown
لا شكر علي واجب
و مبروك مقدما