التقرير الثانى للاس 5

للرجوع الي صفحة سامسونج Galaxy S5 الرئيسية اضغط هنا

semsemSiR

2014-11-08 (11:57:44AM)

دة التقرير الثانى بعد استخدم الاس 5 لمدة اسبوع ونص تقريبا او ازيد شوية

اولا : اداء الهاتف :

الصراحة الهاتف كل يوم بيثبتلى انة هاتف محترم جدااا , سريع لابعد حد بينفذ كل الاوامر بمنتهى السرعة والسلاسة , يعنى الحمد لله كنا الاول بنقول ان سوفت ال sony - lg خفيف عشان كدة التعامل جواة بيكون اسهل من سامسونج , لكن مع الاس 5 جمع مابين الاتنين سرعة التنقل والشكل والحمد لله فترة بعد فترة قدرت احسن من اداء الرامات جدااا , مع انها بردة ولا بتفرق فى اى حاجة حتى لو اتملت على الاخر ولا هيكون فية اى مشكلة تماما , ودية صورة للرامات

ثانيا : البطارية :

الحمد لله بطارية الهاتف فوق فوق الممتازة ودة التقرير بتاعها :

1- سماع اغانى لمدة ساعة وربع متواصل : البطارية مانزلتش غير 1% فقط

2- محادثة لمدة ساعة كاملة متواصل : نزلت 2.5% فقط

3- ماحدثة لمدة 36 دقيقة متواصلة : نزلت 1%

4- محادثة لمدة 15 دقيقة متواصل : مانزلتش حاجة خالص

5- 7 دقائق نت : 1%

6- من 100% الى 99% نزلت فى خلال 3 ساعات ونص يعنى رقم مهول الصراحة

كل الاختبارات دية : اتعملت بدون تشغيل وضع توفير الطاقة

ودية شوية صور لاستهلاك الجهاز

دية صور الجهاز قعد اية من 100 % الى 99% بدون اى استخدام , فقط بعت رسالتين واستقبلت رسالتين

ودة استهلاك البطارية عموما وكان الاستهلاك كالاتى :

( حوالى 6 ساعات تحدث - نت لمدة نص ساعة - تصوير لاكتر من 50 صورة - تشغيل مشغل الموسيقى لمدة نص ساعة - تجارب فى الهاتف ) وكل دة والحمد لله فية 8%

الهاتف كلة شحن معايا فى حوالى ساعة وعشر دقائق تقريبا من صفر الى 100%

طبعا السخونية مافيش اصلا ولا هو بيشحن او فى النت او فى الالعاب سواء فى الجراب او خارج الجراب

صوت التليفون على بعد حوالى 4 ايام لوحدة وبقى ممتاز الصراحة صوت ونقاء

الحمد لله نزلت على الهاتف ( اسفلت 8 - amazing spider man - modern compact 5 - traffic racer - قرأن - google earth - whats app - yahoo ) والتليفون فى الالعاب ماشاء الله تحفة فنية

واى سؤال انا فى الخدمة

EmadAzmy

2014-11-08 (12:02:35PM)

تقرير محترم بصراحة يا سامح

gogo2020

2014-11-08 (10:06:56PM)

تقييم اكثر من رائع

بس سؤال انت ازاى خليت الرمات اقل من 800ميجا انا جربت كذا واحد مع اصحابى

اخرة 1.18 جيجا استخدام حتى لو عملت ريستارت للجهاز

semsemSiR

2014-11-09 (10:36:35AM)

شوف موضوع الرامات دة ان شاء الله هحاول انزلة موضوع بس الكلام دة هياخد فترة شوية لحد ماتلاقى النتيجة بقت تمام

والرامات اللى انا رافعها دية , مش معمول للتليفون ريستارت عشان يطلع كدة ولا حاجة , هية كدة

ولما بفتح برامج بتوصل ل 1.1 جيجا بالكتير

بس صدقنى ولا تشغل بالك بالرامات نهائيا وشيلها تماما من حساباتك لانها مش هتاثر 1% على الجهاز مهما اتملت

تلك الخدمة مخصصة للأعضاء فقط