s4 vs s5

للرجوع الي صفحة سامسونج Galaxy S5 الرئيسية اضغط هنا

MRMRR

2014-11-05 (08:45:00PM)

انا بفكر فى s5 ايه رأيكم يستحق فرق السعر اللى بينه وبين اﻻس 4 وﻻ ميستحاش وﻻ أفكر فىz2 ايه رأيكم وشكله أحلى واجمد من اﻻس 4 وﻻ عادى

youssefshabana

2014-11-05 (09:27:15PM)

فرق السعر بين الاس 5 والاس 4 قل كتير مش عارف ايه السبب بس انا شايف انه يستحق الفرق ده عشان احدث منه واقوي منه تقريباً في معظم الامكانيات

( كاميرا_سرعة_شاشة_بطارية_ضد المياة_البصمة_احدث ) فانا شايف انه يستحق فرق السعر اللي بينهم خاصاً بعد النزول الرهيب في سعر الاس 5

بالنسبة للزد 2 فهو جهاز ممتاز جداً بردو يتفوق علي الاس 5 في بعض النقاط [ السرعة_الكاميرا ( في بعض الاوضاع مش كلها )_البطارية_الخامات_الرامات_الشكل افخم _يدعم راديو ] اما الاس 5 يتفوق في [ الواجهة شكلها احسن_الكاميرا ( في بعض الاوضاع )_الحساسات اكتر_بطارية قابلة للازالة_اقل في السعر _اكسسواراته منتشرة في مكان ]

الجهازين ممتازين جداً وكل تليفون فيهم يتفوق علي التاني في حاجة انتي تشوفي احتياجاتك ايه من التليفون وعلي هذا الاساس تقرري انتي هتشتري انهي

وسواء اشتريتي ده او ده مش هتندمي ان شاء الله :)

semsemSiR

2014-11-05 (09:39:02PM)

انا جيبت الاس 5

اقدر اقولك والكلام قولتة قبل كدة , الفرق مابينهم , مش كبير

الفرق مابينهم كالاتى :

1- الاس 5 اضاءة الشاشة اعلى سنة من الاس 4 , يعنى منورة اكتر لكن الالوان بنفس الدرجة

2- السرعة : الاس 5 اسرع قليلا ودة بسبب السوفت الجديد الرائع بجد بتاع الاس 5

3- الاوبشن : الصراحة دية الحاجة الوحيدة اللى بجد فرقها واضح عن الاس 4 , لان الاس 5 فية اوبشن كتير جداا واكتر من اى تليفون تانى وفية مميزات روعة الصراحة

4- الكاميرا : الفرق مابين كاميرا الاس 5 والاس 4 فى النهار , تقريبا هيكون فى الوان الصورة بس , لكن فى الاضاءة الضعيفة الاس 5 افضل, وطبعا الاس 5 بيمتاز اكتر بالاوبشن بتاع الكاميرا وهو حتى الان اكتر هاتف فية اوبشن ضمن المنافسين كلهم

5- الرامات : الاس 4 يتفوق على الاس 5 فى الرامات بدون كلام سواء فى الصافى او المتبقى

6- الذاكرة الداخلية , الاس 5 صافى الذاكرة الداخلية 11.58 جيجا , مقابل 8.92 جيجا

7- الشكل : الاتنين ممتازين بس شكل الاس 5 افضل من الظهر عن الاس 4 ومن الامام كل واحد فيهم ليه طابعة الخاص والاتنين شكلهم تحفة من قدام

المهم فى الاخر ان الاس 5 افضل من الاس 4 بفرق مش كبير , يعنى الاتنين متقاربين , ودة لان فعلا الاس 4 جهاز محترم جدااا

عموما جربى الاس 5 فى اى فرع لموبايل شوب , وشوفى الدنيا معاكى هتبقى عاملة ازاى

semsemSiR

2014-11-05 (09:49:43PM)

بالنسبة لل z2 , شوفى انا ليا تجارب مع z2 تخلينى ابعد عن الشركة دية تماما

بس بردة انزلى وشوفى ال z2 وجربية لو عجبك توكلى على الله , هو انا بس مستغلى تمنة على امكانياتة و موديلة , وخصوصا ان z3 نزل فى السوق وسعرة زيادة الف جنية عنة وهو هو التليفون تقريبا

MRMRR

2014-11-05 (10:42:28PM)

ربنايخليكم بصراحه يا استاذ سمسم يوسف افدتونى بس بجد بفكر انى اشتريه فعﻻ وانت يا استاذ سمسم اللى خالتنى أجيب الاس 4 بس ايه موضوع انه ضد الماء ده يعنى زى السونى بيصور تحت الماء وﻻ ايه نظامه ومبروك عليك الجهاز تستهله

saadtaha

2014-11-05 (11:04:05PM)

بصراحة انا مش مقتنع باي موبايل من سامسونج غير النوت 4 :/
ومعيش غير تمن الاس 5 :D
بصراحة النوت 4 يعتبر نقطة تطور كبيرة
اظن انه تغلب ع مشاكل بطئ السامسونج والتعليق و الخامات

بصراحة عاوز اصبر لحد سعر النوت ما ينزل بس المشكة اني معيش سمارت فون دلوقتي :D

يا تري تمن النوت ف السعودية عامل كامل ؟

MRMRR

2014-11-06 (03:26:26AM)

بس يا استاذ سعد غالى جدا ﻻنه لسه نازل ممكن تنتظر 7 شهور لحد لما اﻻس6 ينزل ممكن ساعتها يرخص وهوا سعره فى السعوديه 2800ريال

MRMRR

2014-11-06 (05:52:14AM)

سؤال تانى أستاذ سمسم:هل بطاريته أعلى من اﻻس 4-
وموضوع البصمة ده ممكن الغيه واخلى الفتح زى اﻻس 4 مثلا -
وبالنسبةلمدخل USB او الشاحن نفس شاحن اﻻس4 وﻻ ﻻ
ﻻنى اخدت بالى انه أكبر

youssefshabana

2014-11-06 (06:59:00AM)

بطارية الاس 5 افضل من الاس 4 فعلاً وكمان في حاجة في الاس 5 اسمها Ultra Power Saving Mode وده بيخلي البطاربة تقعد فترة طويلة من غير شحن

وموضوع البصمة عادي ممكن تفعليه او تلغيه براحتك

وبالنسبة لمدخل ال USB فهو v3.0 وده فعلاً اكبر و اللي بيميزه انه بيشحن في وقت قصير وبينقل بيانات اسرع من v2.0 اللي هو في معظم التليفونات منهم الاس 4 ومع ذلك ينفع يتشحن عادي بشاحن الاس 4 اللي هو v2.0 لكن مينفعش تشحني الاس 4 بشاحن الاس 5

semsemSiR

2014-11-06 (09:36:38AM)

saadtaha

هقولك حاجة واحدة , ماتتوقعش منى انى ادفع مبلغ 4000 جنية فى موبايل مايستاهلش خصوصا ان كان معايا الاس 4 , يعنى جهاز عالى جدا ومواصفاتة ممتازة وصعب انك ترضى تغيرة غير بحاجة فعلا تستاهل

النوت 4 : انا نزلت اشترية مع صديقنا emadazmy , وعملنا مقارنات لاكتر من ساعة ونص مابين الاس 5 والنوت 4 , وان شاء الله هعمل المقارنة دية قريب بس هخلى عماد صاحب النوت 4 يكون مشترك معايا فى المشاركة عشان تبقى كل حاجة بحيادية تامة

بس صدقنى فئة الاس , فعلا تستحق الاحترام

mrmrr

شوفى موضوع البطارية : دية ان شاء الله هنزل تقرير اول لما البطارية تخلص واعملها سكرين شوت , عشان انا مش بحب اتكلم بدون ادلة , بس كل اللى اقدر اقولة انا ماكنتش متوقع كدة من بطارية 2800 امبير

اة عادى ممكن تلغى البصمة مافيش اى مشاكل

ال usb بتاع الاس 5 بيتقسم لجزئين ,جزء ممكن تحطى فية شاحن usb عادى او كابل usb 3 بيتركب فى كامل المكان , يعنى سواء كدة او كدة كل حاجة بتركب

والهاتف فعلا ضد المياة , وتقدرى تصورى بية داخل الماء عادى بس بشروط , وكمان الصراحة مافيش عندة الجرأءة انة ينزل تليفونة المياة مهما كان , وفية فيدوهات وصور متاخدة من الاس 5 تحت المياة عادى جدااا

تلك الخدمة مخصصة للأعضاء فقط