تقييم الهاتف المتميز الاس 5

دة تقييم للهاتف الاس 5 النسخة ال 3 جى (G 900h )

ونبدأ التقييم ونقول " بسم الله الرحمن الرحيم "

1- الشكل : شكل الاس 5 شكلة ماشاء الله جميل جدااا , وافضل من اى اشكال المنافسين , وبجد لا يقل جمالا عن الاس 4
وخصوصا اللون الاسود , منة ممتاز بجد ومبين تفاصيل الجهاز كلها بوضوح اكتر

( 9/10 )

2- الخامات : التليفون خاماتة كلها زى الفل , ماعدا الاطار المعدنى اللى حول الهاتف , حاسس انة ضعيف وممكن يتقشر لو ماتركبش لية حماية كويسة , بعكس الاس 4 الصراحة الاطار المعدنى اللى فية كان اقوى وافضل
( 8/10)

3- الشاشة : شاشة رائعة والوانها روعة بمعنى الكلمة , الى الان ماشوفتش شاشة افضل منها فى الالوان , والتاتش بتاعها رائع بمعنى الكلمة وكمان السطوع بتاع عالى يعنى ماشاء الله قوية الوان واضاءة , وتفرق عن الاس 4 بس ان اضاءة الاس 5 اعلى
( 10/10)

4- الاداء : يتميز الهاتف بسرعة عالية جدااااااااااااا , يعنى تقريبا شغلت اقوى العاب , وعملت اقوى شغل على الهاتف , والحمد لله الهاتف استجاب بكل مرونة وسلاسة بدون تقصير والحمد لله نسبة التهنيج ( صفر ) وتم عمل اختبار لل ANTUTN BENCHMARK والهاتف سجل 46280 الف , وتم عمل اختبار على برنامج ال geekbench3 جاب 3212 , وتم اللعب على الجهاز العاب عالية جداا وقوية جدا فى الجرافيك بتاعها والحمد لله الهاتف حاجة تانية خالص فى الالعاب
(10/10 )

5- الرامات : الجهاز يأتى بأجمالى رامات 2 جيجا , الصافى للمستخدم 1.75 جيجا المستهلك بقى عالية شوية يعنى بيوصل ل 1.1 جيجا , ومع فتح البرامج او النت مش بتزيد عن 1.4 جيجا , لكن طبعا لا يقارن بالاس 4 لان الاس 4 كان افضل منة فى استهلاك الرام بكتير , وكمان بعد ازالة اختيار الكلير رام من التليفون فبقت الرام اللى قدامك امر واقع
وكمان الجهاز اتشال منة البرامج اللى مالهاش لزمة
( 9/10 )

6- الاوبشن والسينسورز : كل اللى اقدر اقولة ان التليفون دة فية كل حاجة انت محتاجها , انا عن نفسى مابقيتش محتاج انزل برامج او اى حاجة التليفون فية كل حاجة مهما كانت , وكل الحساسات اللى فية بتعمل بشكل مثالى , والصراحة فعلا جهاز متكامل يقدر يشغلك كل حاجة ويقضيلك مهامك بكل سهولة ويسر , وخصوصا الاوبشن فية كمية اوبشن رهيبة وفعلا بنحتاجها للمهام اليومية , والصراحة افضل من الاس 4 فى موضوع الاوبشن دة وهذكر كدة افضل الاوبشن الجديد للمستخدم
1- اى حد بيتصل بيك وانت بتستخدم الهاتف سواء فى الالعاب او النت او بتقلب حتى فى التليفون , مش بيخرج من الحاجة اللى انت فيها زى المعتاد , لأ هو بيجيبلك شريط فية اسم المتصل وتحتية ال answer – speaker reject ودية الصراحة ممتازة
2- بيجيبلك معلومات المتصل فى ال log ظاهرة قدامك يعنى هو كلمك كام دقيقة والساعة كام , وكمان الرسائل اللى جت منة , وطبعا كل دة بدون الحاجة لاى دخول على كل اسم
3- تقدر تعمل قائمة التفضيلات فى ال Setting يعنى انت مثلا بتشوف اكتر حاجة بتدخل عليها اية وبتجمعهم مع بعض بحيث تقدر تدخل عليهم بسهولة جدااااااا , وكمان تقدر تقفل كل قوائم ال Setting اللى انت مش بتحتاجها
طبعا فية اوبشن كتير جداااااااااا لا يمكن تقدر تخلصة , بس كل اللى اقدر اقولة ان فعلا الجهاز مليان بحاجات مفيدة مش زى مالناس بتقول ان سامسونج بتعمل اوبشن مالوش لزمة
( 10/10 )

7- الاصوات : 1- صوت سماعة التحدث : كل اللى هقدر اقولة انها عالية جدااا , نقية جداااااااااااا , وفية اوبشن فيها تخليك تختار ال EQUALIZER بتاعها او تفعل المايك التانى بتاع ال NOISE CANCELLATION واللى فعلا فعلا بيعزل تماما الصوت عندك ومش بيكون واضح غير صوتك انت بس , واى حد بيكلمنى وانا فى الشارع بيفتكر انى فى البيت او فى مكان مغلق
( 10/10)
2- صوت السماعات الخارجية : الصوت معقول وكويس من مشغل الموسيقى تحس كدة انك بتسمع الحاجة بجمال صوت ونقاء وصوت ممتازين , لكن لما بتعمل الاغنية كرنة تنبية , بيكون الصوت اعلى واوضح عن مانت بتسمع الاغنية من مشغل الموسيقى , بس بيبقى مسموع وواضح فى اى مكان عادى جداااااااااا ( 9/10 (
3- صوت سماعات الاذن : كل اللى هقدر اقولة حاجة , ماسمعتش صوت فى حياتى بقوة السماعات دية ولا ال OUTPUT بتاع التليفون دة ماشاء الله علية روعة وصوت رائع وجربتة كمان على سماعات عربيتى 6 سماعات ماشاء الله علية ,والصراحة الاس 4 زية بالظبط مافيش اى فرق
( 10/10(

8- الكاميرا : اوبشن كتييييييييييير جدااا ورائع , وكاميرا اكثر من ممتازة وضوح واضاءة وسرعة التقاط رهيبة , وتصوير ال HDR فظيع , بيديك قوة الوان ووضح عالى جدااا للصورة
فلاش التليفون قوى جدااا , ولما بيصور وانت بتلقط الصورة كأنك بتستخدم كاميرا احترافية عالية الجودة , وكمان ميزة مهمة جداا وهية الاوبشن بتاع الكاميرا هو الاعلى حاليا مابين كل المنافسين وفية حاجات كتير , جدااا , جميلة وممتعة فى التصوير ( 10/10)

9- البطارية : كل اللى اقدر اقولة ان حتى الان البطارية ماشاء الله ماشاء الله قوية قوية قوية , واقوى من الاس 4 بحاجة بسيطة فى الاستخدام
10- الذاكرة الداخلية : الهاتف مزود باجمالى ذاكرة 16 جيجا , والصافى 11.58 جيجا
( 9/10 )
10- طبعا الهاتف ضد المياة والاتربة
11- بصمة الاصابع : طبعا جربتها جميلة جدااااا وليك بس 3 بصمات يمكن اضافتهم , وسلسة وجميلة مش وحشة , هية مش بقوة الايفون

التقييم النهائى : الهاتف دة من اروع ماانتجت سامسونج , بجد هاتف متميز ورائع , وفية كل احتياجاتك , اللى وزيادة , وبجد بجد موبايل مش ناقصة حاجة , وخصوصا موضوع البطارية اللى ماشاء الله علية قوى جدااااااااااا , عكس ماكانت كل الناس بتقول

موضوع بقى السخونية , التليفون مش بيسخن اصلا , ولا مع مكالمات او العاب او نت مهما طالت مدة التشغيل

يعنى محدش يشغل بالة بأى حاجة من الحاجات دية ( والله كلة كلام بيتقال وخلاص ومحدش عارف حاجة ) , وعلى فكرة يقدر يتحدى اى تليفون بكل جدارة وبكل قوة , لان فعلا الهاتف من اقوى الهاتف اللى موجودة فى السوق واديلة تقييم
الاس 5 الان يعتبر من وجهة نظرى افضل هاتف موجود فى السوق حاليا , من ناحية الاوبشن والشاشة والاداء وضد المياة
والبصمة وال
( .59/10 (
عيوب الجهاز :
1- الاطار المعدنى مش بالقوة الكافية اللى كان عليه الاس 4 كان لازم يكون اقوى من كدة
2- لازم تفتح غطاء الusb بحرص جدااا والا هيتقشر منك بسرعة
3- الرامات معدية الجيجا على طول بس انا بحاول ان شاء الله اثبتها على اقل من جيجا

تقييم الهاتف ككل والله بدون مبالغة اديلة 10/9.5 بكل جدارة