note 3 or S5

للرجوع الي صفحة سامسونج Galaxy S5 الرئيسية اضغط هنا

ahmed1020

2014-07-15 (04:06:24AM)

لو سمحت يا جماعة انا نازل اشترى بكرة موبايل ان شاء الله وقدامى اتنين
1-samsung galaxy note 3
2-samsung galaxy S5
مع العلم ان الاتنين 3G عشان ملقتش ال 4G
فعايز اعرف دلوقتى انهى الاحسن بظبت انا على الورق النوت احسن فى الرامات اما الاس 5 احسن فى الكاميرا والمعالج تقريبا
انا عايز الخلاصة من حد فيكم معلش وياريت يكون كلام مؤكد
شكرا

ahmed1020

2014-07-15 (04:09:37AM)

وهل فعلا الاس 5 بيهنج ولا دة كلام وخلاص عشان فيه ناس بتشكر فيه والعكس فانا محتار الصراحة

semsemSiR

2014-07-15 (01:55:57PM)

note 3 افضل فى ( حجم الشاشة - مواصفات القلم - الرامات )

الاس 5 , افضل فى كل حاجة بعد كدة

عيب الاس 5 ان الرامات بتاعتة قليلة على السوفت بتاعة , عشان كدة ممكن تلاقى ناس التليفون بيهنج معاها اللى هية اصلا مش عارفة تستخدم الاندرويد عموما

لكن فى المجمل الاس 5 افضل

youssefshabana

2014-07-15 (02:54:22PM)

النوت 3 افضل في حجم الشاشة و القلم و الرامات والذاكرة الداخلية والبطارية افضل بفرق بسيط جداااااا

اما الاس 5 افضل في الكاميرا و البروسيسور والشاشة و مقاوم للمياة

لكن لو عاوز رأيي هات النوت 3 أفضل ولو ممكن تستني النوت 4 يبقي تمام اوي

الاس 5 عيبه ان راماته تعتبر قليلة شوية بالنسبة للسوفت وده بيخلي الجهاز يهنج اكتر من النوت 3 و التصميم بتاعه مش حلو في رأيي النوت 3 أشيك منه

sahermas0

2014-07-15 (03:33:41PM)

بص يا باشا انا بعد مقارنة طويلة دامت لأيام اقدر اقولك والله والله

احسن تليفون موجود على الساحة الوقتى وموبايل جباااااااار بمعنى الكمة فى كل حاجة

موبايل LG G3 ممتاز فى كل شيئ فوق الوصف بجد .. احسن من s5 واحسن من Z2 واحسن

من النوت 3 .. والنوت 4 لما ينزل امكانياتة مش هتعدى الــ LG G3 .. انا بنصحك بية

دة لو انت عايز حاجة من الاخر يعنى

ahmed1020

2014-07-15 (10:47:31PM)

المشكلة ان دة عرض يا جماعة قدامى الاتنين دول بس وعرض كويس ميتسبش لو كان قدامى ال جى 3 دة كنت جبته اكيد بس يالا بقى النصيب

انا الصراحة ميال للنوت 3 اكتر شكله عاجبنى ومميزاته اكتر من الاس 5 الصراحة لو على الكاميرا مش هتفرق و ضد المياه برده مش فارقة المهم

hashim597

2014-07-18 (09:36:13AM)

لا حضرتك النوت4 هيبقى اقوى من lg g 3 راماته 4 جيجا والبروسيسور قوى سناب دراجون 805 امكانياته عالية جدا وهشكله هياخد افضل سمارت فون السنة ديه والرابط ده فى امكانيات النوت