استفسار بخصوص شاحن الموبيل

للرجوع الي صفحة سامسونج Galaxy S5 الرئيسية اضغط هنا

bodymody

2014-04-04 (01:24:16PM)

يا جماعة انا جبت الموبايل امبارح 4g بس الشاحن بتاعه زی بتاع s4 مش زی نوت 3 يعنی usb3 هل الموب ده مش اصلی ولا ايه انا طابقت السيريال اللی علی الكرتونة طلع زی اللی تحت البطارية وكمان طلع زی الرقم اللی عملته عن طريق *#06# طبع نفس الرقم وموديل الجهاز g900f
ارجو الر يا جماعة ضروری

bodymody

2014-04-04 (01:26:23PM)

بس لما حطيت السيريال علی موقع imei مطلعليش ای بيانات للموب وطلعلی بيانات موب تانی خالص

eltamimi

2014-04-04 (02:16:55PM)

مبارك عليك اس 5 أخى الكريم وتتهنى فيه ان شاء الله :)

حضرتك لو اشتريت موبايل من مكان موثوق فيه والعلبه متبرشمه برشمة من مصنع سامسونج وبضمان محلى يكون اصلى ان شاء الله :)

بخصوص الكابل usb 3 للاسف لا ياتى معه مثل النوت 3 وهذا لاحظته فى ريفيوهات على youtube

يارب يباركلك فيه ان شاء الله :)

وبالتوفيق اخى الكريم :)

AshrafAshry

2014-04-04 (02:27:04PM)

مبرووووووووووووووووووووووووووووووووووووووووووووووووووووووك عليك يا بووووووووووووووووووووووووووووووووووووووووووووووووووووووووووووووودي يا جاااااااااااااااااااااااااااااااااااااااااااااااااااااااااااااااااااامد اعمل بقى تقرير مفصل بقى لانى هشترية ان شاء الله يوم 11 النسخة الانترناشونال ال32 جيجا قولنا الموبايل مساحته كام و اليوزد رام كام الف مبروك يا صحبى

bodymody

2014-04-04 (03:59:30PM)

انا الی فاتح العلبة بايدی واول ايد استخدمت الجهاز وشاريه من واحد موثوق فيه انا بشتری دايما منه كل الفونز اللی جبتها بداية من n8 . S2 . S3 . S4 . Note 2. وكنت بجرب الجهاز من الكود وكان بيطلع تمام بس انا قلقان من موقع imei ده علشان الجهاز وارجو الرد عليا وطمنونی هل الجهاز های كوبی ولا اصلی . ارجو الرد من الاخ hardtime.
انطباعی عن الجهاز.
1- بالنسبة للموب هوه 4G. البطارية جميلة مع انی لسه مستخدمتهاش علی الشحن الكامل
2- الرام بيجيلك 1.81 جيجا المستخدم منه 8.4
3- المساحة الداخلية 16 جيجا المتاح 11.3 جيجا
4- الكام متتوصفش رهييبه ومهما اقولكم من مميزات مش هقدر لازم تجربوها بنفسكم
5- البصمة معقولة الی حد ما وكويسه
6- حساس النبضات شغال تمام قوی ومن شدة اعجاب العيلة بيه خلونی اقيس ليهم واحد واحد
7- بالنسبة لاختبار الجهاز ضد المية مجربتهوش بصراحة بس لما اجربه اكيد هديلكو تقرير عنه

rozena

2014-04-04 (04:51:19PM)

الف مبروك ربنا يباركلك فيه ويحفظهولك وكده تمام اصلى مش تقلق

semsemSiR

2014-04-04 (05:21:18PM)

ربنا يباركلك فية ويحفظهولك

alhoseny

2014-04-04 (07:19:00PM)

الموبايل الوحيد فى سامسنج اللى ممكن تعرف انة كوبى ولا اصلى من غير imei

لكى يطمئن قلبك انة اصلى ولا كوبى هات ورقة وقلم واعمل اللى هاقولك علية

جردل ممتلى بالماء وغطسة فية الموبايل ان فضل شغال يبقى اصلى وان باظ يبقى كوبى وربنا يستر بس سمى الله الاول

semsemSiR

2014-04-04 (07:23:34PM)

فية حاجة كمان

ان الهاى كوبى مافيش فية حساس ضغط القلب , لكن انت بتقول انك جربت الحساس وشغال زى الفل

تانى حاجة الهاى كوبى مابيكونش فية ال IR , جربها

نزل برنامج ANTUTU BENCH MARK والتليفون لازم يجيب معاك مش اقل من 35000 SCORE لكن لو هاى كوبى مش هيجيب اكتر من 13000

hardtime

2014-04-04 (08:17:20PM)

bodymody
انا اسف على التاخير ياباشا بس خلينى
ابعت ليك اكبر تهانئة من اكبر موقع للسمارت فون فى مصر mob4me ومن اكبر جروب للسمارت فون فى مصر egypt phone
وبجد انا فرحان جدا ان فى حد من موقعنا جاب الوحش دة من قبل ما ينزل رسمى
ربنا يباركلك فية ياباشاويحفظوا ليك من كل شر
اما موضوع اناو اصلى ولالا
خد الحتة دى من هارد اخوك وانسى بعد كدة
خش على الضبط ومنوا على عام ومنوا على حول الهاتف ومنوا على تحديث البرنامج ومنوا على تحديث ............ هيطلع ليك رسالة قولى مكتوب ليك فيها اية بس لازم تكون داخل على النت
ودى مفيهاش للعب ياباشا ولو 1% منتظر ردك يا كبير

ahmedfa125

2014-04-05 (12:29:46AM)

طب سعره كاام وحضرتك شريه منيين

bodymody

2014-04-05 (12:48:59AM)

حبيب قلبی hardtime معلشی يا جماعة كنت فی فرح بص انا دخلت علی حول الجهاز وبعدين تحديث البرنامج وبعدين تحديث الان طلعلی تم تثبيت اخر التحديثات بالفعل ظه اللی طلع بالظبط
وبعدين حساس قياس القلب شغال تمام وال ir تمام
بس البطارية لما بشتغل عليها بتقل بسرعة بس فی وضع السكون تكاد تكون مش بتستهلك حاجة خالص.
ارجو اارد يا حبيب قلبی hardtime.

hardtime

2014-04-05 (12:52:43AM)

bodymody
تسلم يا عريس ما انتا عريس الليلة
موبيلك اصلى ياباشا بنسبة مليون المية
الموضوع ببساطة مفيش موبيل هاى كوبيى بيقبل تحديثات من سامسونج
او غيرها من الماركات الاصلية
اظن الرسالة وصلت ::))

bodymody

2014-04-05 (01:36:38PM)

الف شكر ليك يا hardtime يا حبيب قلبی طمنتنی وشكرا ليك بجد علی زوقك وسعة صدرك لما بسالك ای سؤال بس انا اسف واله علی الرد عليك علشان كنت فی فرح امبارح ومعرفتش ارد عليكم كلكو ارجو منكم تقبل اسفی واشكركم كلكم .
معلش انا هغيب 3 ايام هروح الغردقة ومش هعرف اتواصل معاكو .