بدون عنوان

للرجوع الي صفحة سامسونج Galaxy S4 I9505 الرئيسية اضغط هنا

karimsasa

2014-02-22 (05:05:38AM)

السلام عليكم الجميع انا لسه شارة الموبايل ده اليوم بصراحه حاجه فيه بس ممكن اعرف ازاى إليه كيت كات ويأتي هيبقى أفضل ولا بلاش أحدث

semsemSiR

2014-02-22 (10:36:57AM)

الف مبروك

لو انت شارى النسخة دية 9505 ,

يبقى انتظر لسة التحديث مانزلش غير لدولتين بس او ثلاثة

واول لما تدخل على setting ثم more ثم about device ثم software update , واعمل check for update لو لقيت فية تحديث اعملة بس خلى بالك لازم يكون ال wi-fi قريب والسرعة كويسة وتحاول تعملة فى وقت النور مش بيقطع لانة هياخد وقت كتير

او تشترى دماغك ودية الطريقة اللى انا ارشحهالك وتنزل النسخة من عن طريق موقع sammobile

وتحملها على جهازك عن طريق الاودين

ال kitkat مش فارق كتير لو انت معاك النسخة ال 4.3 , حاجات قليلة جدااااااااااا

youssefshabana

2014-02-22 (11:28:50AM)

الف مبروك يا استاذ كريم شوف يا باشا النسخة ال I9505 لسه منزلهاش ال كيت كات في اي دولة في العالم لغاية دلوقتي اصبر شهر ونص او شهرين بالكتير وهيكون نزل لكل الدول اللي نزله الكيت كات رسمي هيا النسخة I9500 ونزل لروسيا بس لغاية دلوقتي ولسه باقي الدول وطريقة التحديث زي ما قالك الاستاذ الفاضل semsem وعشان تتابع الدول اللي نزلها التحديث شوف الرابط ده

karimsasa

2014-02-22 (02:17:07PM)

شكرا سمسم وشكرا يوسف والله يبارك فيكم
وانا راح انتظر الميعاد الرسمى لمصر
وادعولى بقى اعرف كل شئ فى هذا الاختراع (اس 4 ) هههههههههه
انا جبته زيرو وارد السعوديه بكل مشتملاته +جراب رائع +وسكرينه ضد الخدش ب 2950ج والكل قالى سعر فى غاية الجمال خصوصا انه زيرو ومتحطش فيه خط

hardtime

2014-02-23 (07:26:56PM)

بص يا كريم باشا هو لسة التحديث الرسمى منزلشى فعلا بس فى نسخة تجريبة نزلت
ودة الرابط بتعها

ahk252

2014-02-23 (07:43:13PM)

semsemSiR>> ايه رايك في الكيت كات وايه اللي يختلف عن الجيلي بين واخبار الرام والبطارية ايه

karimsasa>> الف مبروك علي الموبايل وعاوزينك تقولنا جبته منين بالسعر ده

semsemSiR

2014-02-23 (10:53:07PM)

انا منزلتش الكيت كات , انا شوفت مقارنات توضح الكيتكات تمام على ال S4 وفى النهاية طلعت بفروقات بسيطة جداا, ممكن تشوفها فى صفخة ال 9500 S4

karimsasa

2014-02-24 (03:26:25AM)

لا انا ضد النسخ التجريبيه
وبالنسبه للاخ ahk252 الله يبارك فيك هى ارزاق بس لو تعرف انا بحوش فلوس الموب من امتى هاصعب عليك هههههههه انا قررت انى احوش فلوس عشان اشترى موب اندرويد بعد نزول الاس 2 مصر بشهر
هههههههههههههه والله هو واحد عرفت انه بعت حد يجيبله النوت 3 فجابله الاس فور فطبعا قرر يتخلص منه من اجل حلم النوت3 يعنى مصائب قوم عند قوم فوائد هههههههه
بس انا عايز اعرف ليه الذاكره بتاعتى بتقرا 9جيجا مش 16 على النت قالولى ان ال4.3 هو اللى فيه الخلل الشكلى ده وانا جهازى 4.3

youssefshabana

2014-02-24 (07:34:07AM)

ايوة هوا اندرويد 4.3 بيقرا الذاكرة 9 جيجا بس لما ينزله الكيت كات هيرجع يقرأها 16 جيجا متقلقش

hardtime

2014-02-24 (07:50:56AM)

لو بتكلم ان الصافى الذكرة الدخلية عندك 9 جيجا فدة شى طبيعى ودة بسبب البرامج والنظام اللى عندك
اما لو ببتتكلم عن الموضوع بصفة عامة يببقى اكيد دة راجع للنسخة الاندرويد زى ما قال ليك يوسف

semsemSiR

2014-02-24 (11:07:53AM)

على فكرة انا صاحبى فى الشغل معاة النوت 3 , يعتبر الجهازين واحد الفروقات مابينهم قليلة جداا

ahk252

2014-02-24 (11:40:13AM)

karimsasa>> انا كنت بدات اتوغوش من السعر ده .. بس ما شاء الله السعر فعلا لقطة وربنا يبركلك فيه وسلمي علي صاحبك اللي عاوز يجيب النوت 3
بالنسبة للذاكرة هي فعلا 16 بس المتاح للاستخدام 9 والباقي ملفات السيستم
والف مبروك مرة تانيه
ههههه حبيبي

تلك الخدمة مخصصة للأعضاء فقط