بدون عنوان

للرجوع الي صفحة سامسونج Galaxy S4 I9505 الرئيسية اضغط هنا

zman2yahob

2013-11-28 (01:45:20PM)

اخوتى الكرام اصحاب الهاتف الجميل

يعانى البعض من مشكله فى البطاريه والتهنيج

اليوم معى الحل ان شاء الله

اول حاجه هنتعود ان عدد البرامج عندنا مايزيدش عن 30
مش اكتر من كده ياريتده هينهى مشكله التهنيج
ودالوقتى الى عنده زياده يشيلها والى مش فارق معاه الحاجه الى على الموبايل يعمل ضبط المصنع ويريح نفسه اما لو فارق معاه الداتا يبئى بعد مايخلى 30 و 30
يشيل طبعا اى برنامج ليه علاقه بالبطاريه واى انتى فيرس
تمام كده . نبتدى الشغل
هنحمل ال3 برامج دول من ضمن الـ10 الاساسين عندنا
1
GO_Battery_Saver

دى نسخه هديه شخصيه منى ليكم .. دى النسخه المدفوعه يعنى الى تمنها اكتر من 20 جنيه مجانا ليكم
بعد تحميل البرنامج وتثبيته تفتحه وتختار الوضع الى تحبه وفيه منه ويدجيت وبرنامج ممتع جدا واكتشفو مميزاته بسهوله

التحميل من هنا

2
Mobile AntiVirus Security PRO v3.4.2.1 APK

برنامج انتى فيرس بسيط جدا فى التعامل ويدعم اللغه العربيه والمميز فيه من خلاله تقدر تعمل ويدجيت للشاشه الرئيسيه وتقدر من خلال الويدجيت تعمل scan وتعمل كلير للميمورى وتقفل البرامج الى شغاله فى الخلفيه والى مش كتير عارفين تقدر من خلاله تعرف مكان موبايلك لو لاقدر الله ضاع منك

التحميل من هنا

Clean Master

وده برنامج متميز جدا بيخليك تعمل كلير ويدعم اللغه العربيه وفيه مميزات كتير هتكتشفوها

التحميل من هنا

......................................................

بعد ماخلصنا البرامج .. هنتبع النصائح البسيطه دى

1. نشحن الهاتف من كابل اليو اس بى من الكومبيوتر او الاب
عشان الكهربا توصل للهاتف مظبوطه ان شاء الله
2. نخلى السطوع فى المنتصف ونقفل كل حاجه مش بنستخدمها زى البلوتوث والواى فاى
3. نخلى استخدامنا للهاتف بصورة متعادله يعنى مانشدش عليه شغل اوى
4. مانستخدمش خلفيات متحركه
5. مانحملش اى برنامج او لعبه مش عارفينها وكل حاجه نحملها تبئى من الستور وبس

.................................................

بعد الخطوات البسيطه دى والى تصلح لآى هاتف يعمل بنظام الاندرويد وبأى نسخه كمان

لو التزمنا هنلاقى فى تحسن وتغير ملحوظ جدا
الهاتف او الفابلت او حتى التابلت ان شاء الله مافيش تهنيج نهائيا والبطاريه بتقعد بشكل جيد

لا تنسونا من صالح دعائكم الطيب . ادعولنا بالشفاء ان شاء الله . الى حابب ينقل الخطوات دى يديها لآى حد يديهاله وماينسناش من دعائه
وماتخلوش الفون يمنعكم عن ذكر الله او الالعاب تلهيكم عن الصلاه

احبكم فى الله .. Żmàņ3_ŷĂ7øβ

lomy

2013-11-30 (01:05:11AM)

اوﻻ جزاك الله خيرا وشفاء الله وعافاك وعفي كل مبتلي
اوﻻ انا منزله 23برنامج من البلاي ستور
ومقلله السطوع جدا اقل من النصف كمان وقافله الواي فاي والبلوتوث بس بشحن من الكهربا عادي ومنزله الclean ;avc virus:
ومع ذلك البطاريه ﻻزم تتشحن 2 في اليوم لكن التهنيج بصراحه محصلش معايا غر مره تقريبا
هو البرامج اللي انت كاتباها ﻻزم احملها اﻻول علي الكمبيوتر وبعدين انقلها علي الموبيل ﻻني جربت برنامج الفيرس اللي انت كاتبه مفتحش من الموبيل

zman2yahob

2013-11-30 (03:12:06PM)

شكرا لكلامك الطيب اختى الكريمه ...

لو حضرتك اتبعتى الخطوات جيدا ان شاء الله هتلاحظى فرق فى البطاريه

اه التحميل من الكومبيوتر .. ولو عايزاهم من الستور اكتبى الاسم بس ماعدا طبعا برنامج البطاريه لآنك هتلاقيه بفلوس

lomy

2013-11-30 (03:41:13PM)

ﻻ علي فكره برنامح البطاريه ﻻقيته علي اﻻستورز مجاني وكتبت نفس اﻻسم اللي انت كاتبه
واﻻنتي فيرس هو اللي منزﻻه والكليين برضه كان صديق الموقع سمسم جزاه الله خير نصحني بيهم

lomy

2013-11-30 (04:44:38PM)

في حاجه ﻻحظتها الموبيل كان بيشحن معايا تقريبا في ساعتين وشويه من الكهرباء ولما نزلت برنامج البطاريه ده حاطاه في الشحن من الساعه1 ولحد دلوقتي 6اﻻربع ولسه 93% فده عادي

semsemSiR

2013-12-01 (11:30:26AM)

لأ طبعا مش عادى , بس مافيش علاقة مابين البرنامج ومابين الشحن , انتى بس حاولى كدة تجربى تشحنى التليفون من ال usb

zman2yahob

2013-12-01 (12:17:46PM)

الى موجود على الستور نسخه للتجربه يعنى مافيهاش المميزات الى موجوده فى النسخه المدفوعه يعنى مش هتقدم جديد

لو جربتى النسخه المدفوعه هتعرفى الفرق

واضح للآسف انك تاعبه الهاتف معاكى ببرامج كتير عشان كثره اسألتك بخصوص الشحن وخلافه

داومى على استخدام الكلينر .. حددى استخدامك قليلا بخصوص الهاتف عشان مايحصلش مشاكل تقلقك

lomy

2013-12-01 (10:32:06PM)

lomy

2013-12-02 (12:42:59AM)

زمان يا حب
هو انا مش للدرجه دي تاعبه الموبيل يعني مش اكتر من الفيس والواتس مفيش يوتيوب ةﻻ العاب خالص وهما 23برنامج اللي زياده عن برامج الموبيل وطبعا مش 24ساعه شغاله ع النت ياتري ده يعتبر استهلاك زايد علي الموبيل
بالنسبه لبرنامج البطاريه هو النسخه اللي بعتها دي المجانيه وله اللي باشتراك
معليش فدني في البرامج المجانيه افضل
طيب بالنسبه كمان لموضوع ان نغمه الموبيل بتقل لوحدها دي حلها ايه وله اوديه الضمان كان سمسم قالي ممكن الكفر يكون بيضغط علي زرار الصوت بس اتاكدت من كده ﻻقيته بعيد عنه في حل وله ايه
وشكرا لتعبكم كله بثوابه معليش

zman2yahob

2013-12-02 (01:08:22AM)

اختى الكريمه انا مش بعاتبك .. ابدا والله .. بعرفك عشان لو دى مشكله بتخلص البطاريه

البرنامج ده المدفوع بيبئى فيه مميزات مقفوله فى النسخه المجانيه

جربيه . لا ضرر منه اطلاقا .. ده برنامج عادى

lomy

2013-12-03 (01:56:55AM)

عارفه طبعا انك مش بتعاتب وﻻ حاجه بس انا كنت بعرفم استهلاكي في الموبيل ازاي
مش عارفه حسه ان الموبيل مش مظبوط معايا
حتي موضوع الصوت انه بيقل لوحده اعالجه ازاي صديق الموقع سمسم كان قالي ممكن الكفر يكون بيضغط علي زرار الصوت بس ى ﻻقيته بعيد احلها ازاي اودبه التوكبل وله ليه حل تاني
وياريت تفيدنا بالبرامج المحانيه المفيده

تلك الخدمة مخصصة للأعضاء فقط