سؤال بسيط

للرجوع الي صفحة سامسونج Galaxy S4 I9500 الرئيسية اضغط هنا

talal21

2015-01-01 (04:47:18PM)

لو سمحت يا أستاذ semsemSiR عاوز اعرف انهي احس Xperia Z2 ولا S4 i9500
وسعر كل واحد فيهم بالضمان ومميزاتهم وعيوبهم عشان انا محتار بينهم
وهل فعلا عيوب Z2 كتيرة بالنسبة لجودة الكاميرا وضعف الفلاش وبيسخن بسرعة ؟؟

semsemSiR

2015-01-01 (07:22:09PM)

هما الهاتفين ماينفعش يتقارنوا فعليا بسبب اختلاف الفئة السعرية

لكن من واقع تجربتى كالاتى :

1- الخامات : افضل فى السونى

2- الشاشة : افضل فى الاس 4 كالوان وافضل فى السونى كحجم 0.2 بوصة زيادة

3- الصوت : النقاء واحد واعلى فى الاس 4

4- السرعة : بعد اخر تحديثات للاس 4 اصبح الهاتف سريع جداااااااااااا ويضاهى اى تليفون سواء فى فتح الاسماء او الرسائل او لوحة الاتصال وبردة السونى سريع
واى فروقات مابينهم هتكون اجزاء من الثانية لكن الاتنين بيشغلوا كل حاجة بمنتهى السلاسة

5- السخونية : الاس 4 درجة حرارتة مش بتزيد عن 34 درجة ودية كدة طبيعية جداااااااا , بعكس الزد 2 اللى بيسحن جدااااااا

6- الاوبشن والحساسات : الاس 4 يتفوق وفية حساسات اكتر حتى لو مالهاش لزمة بس طبعا افضل

7- الكاميرا : عشان نحكم بالعدل فعلا , الاس 4 افضل فى النهار كالوان ومع عمل زووم للصورة , لكن السونى افضل فى الاضاءة الضعيفة من حيث اضاءة الصورة بس , لكن كزووم مش حلو ودة بسبب ان السونى لازم عشان تصور fhd يكون التليفون على 8 ميجا مش 20.7 لكن على وضعية 20.7 بتكون الصورة باهتة ومش حلوة , لكن الاس 4 ماشاء الله علية تحفة فى الصور فى النهار وبالليل

- تصوير الفيديو افضل فى الاس 4 عن الزد 2

8- البطارية : الاتنين نفس مستوى الاداء تقريبا والفروقات بسيطة

9- طبعا تفوق الزد 2 فى ضد المياة - رامات 3 جيجا - صافى الذاكرة الداخلية اعلى بفرق 1.5 جيجا

دية بس مقارنة فعلية مابين الجهازين

وبردة ماينفعش يتقارنوا لان فرق السعر مابينهم بيوصل ل 1000 جنية وازيد

semsemSiR

2015-01-01 (07:24:59PM)

سعر الاس 4 بدون ضمان 2500-2600 جنية وبالضمان 2950-3100 جنية

سعر الزد 2 بدون الضمان 3250- 3400 وبالضمان ب4500 جنية

talal21

2015-01-02 (01:17:53AM)

شكرا كتير يا أستاذ semsemSiR :)

youssefshabana

2015-01-02 (04:50:28PM)

talal21

شوف يا باشا انا هكلمك عن واقع تجربتي للجهازين بما انهم كانوا معايا في نفس الوقت وقارنت بينهم في كل حاجة تقريباً واحب اقولك ان لا تجوز مقارنة الاس 4 بالزد 2 دي فئة ودي فئة تانية خالص والزد 2 متفوق علي الاس 4 في كل حاجة معادا البطارية القابلة للازالة والحساسات

وبعد المقارنة اللي انا عملتها بينهم اقظر اقولك ان الزد 2 احسن في

1- الكاميرا في جميع الاوضاع بالليل او بالنهار يمكن الزووم يكون افضل في الاس 4 شوية لو ظبط كاميرا الزد 2 علي 8 ميجا بيكسل والفيديو في الزد 2 افضل

وانا عامل مقارنة بينهم في صفحة الزد 2 تقدر تشوفها وفي مقارنة للكاميرا كمان

2- البطارية بصراحة اقوي بكتير من الاس 4 الزد 2 يقدر يقعد معاك اكتر من 9 ساعات شغل متواصل بس مش جيمز طبعاً

3- الشاشة اكبر وافضل في واقعية الالوان والاس 4 شاشته ممتازة بردو بس تحس ان الوانها فاقعة ومش واقعية علي عكس الزد 2

4- صافي الذاكرة الداخلية اكبر وتقدر تحط كارت ميموري لغاية 128 جيجا

5_ البروسيسور اقوي وده واضح اوي علي ارض الواقع هتلاقي الزد 2 اسرع واخف بكتير من الاس 4 ووبردو ده بسبب الواجهة بتاعته مش زي بتاعت سامسونج

6- الرامات اعلي وده هيفرق في المستقبل في التحديثات والالعاب

7- بيدعم راديو

8- خاماته افضل بكتير

9- ضد المياة والتراب

10- صوته انقي واوضح وعالي

11- السماعات بتاعته قدام مش في ظهر الجهاز ودي ميزة مهمة لان السماعات لما بتكون في الظهر وانتا حاطت الجهاز علي ظهره الصوت بيكون مكتوم وممكن متسمعوش اصلا ودي بتفرق معايا انا شخصياً

دي كانت تجربتي للجهازين ودي الفروقات اللي انا حسيت بيها

الاس 4 بعد اخر تحديث بعد اسرع شوية لكن مهما نزله تحديثات تحسن من اداءة عمره ما هيتخطي الزد 2 في السرعة ابدا لان الزد 2 يعتبر اندرويد خام يعني سريع جدا ومش بيهنج الا نادراً

فانا شايف ان المقارنة بينهم لا تجوز ممكن تقارنه بالاس 5 او النوت 4 من سامسونج لكن اقل من كدة لأ

وبالنسبة للكاميرا حضرتك هتلاقي مقارنة بين الاتنين في موضوع مثبت في صفحة الزد 2 تقدر تشوفها لو تحب

semsemSiR

2015-01-02 (05:54:52PM)

مع احترامى لاى كومنتات بتتقال
شوف ياباشا انا عملت تقرير مصور بالفيديو عن اداء الاس 4 فى فتح الاسماء والرسائل ولوحة الاتصال واللى تفوقت على الزد 2 وان شاء الله هرفع الفيديو يوم الاحد عشان بس فية مشكلة فى النت المنزلى
بالنسبة للسرعة اى حد يصور اداء الزد 2 بتاعة وانا اصورلة اداء الاس 4 ونشوف مين الاسرع او فية فرق ولا ﻷ عادى يعنى الاس 4 جهاز محترم جدا بجد
ومعلش ليا تعليق بسيط على موضوع الشاشة . معلش يعنى اى تليفيزيون lcd.led موجود فى منازلنا عادى شوف الصورة بتاعتة كدة وقارنها بالواقع هتلاقى الالوان اقوى فى التليفزيون ودة متهيالى اللى احنا عايزينة ان تكون الشاشة اقوى والوانها واضحة وزاهية يبقى الشاشات بقى اللى بتطلع الالوان زى الواقع معلش تركن على جنب شوية عشان دية اسمها شاشة بهتانة مقارنة بالشاشات الاخرى الاكثر جمالا وخصوصا فى الالعاب

semsemSiR

2015-01-02 (06:00:56PM)

يوسف باشا ياريت تشوف تعليقات الناس على كاميرا الزد 2 سواء صور او فيديو وانت تعرف كاميرا الزد 2 اخبارها اية

youssefshabana

2015-01-03 (01:43:37AM)

اخ سمسم

انا عارف كويس اوي كاميرا الزد 2 والاس 4 عاملين ازاي والاس 4 مينفعش اصلا تتقارن بيها

ويا ريت انتا اللي تشوف تعليقات الناس علي الكاميرا في الموضوع اللي انا عامله وانتا هتعرف اخبار كاميرا الزد 2 ايه

ومعلش يعني موضوع شاشات التليفيزين حاجة والتليفونات حاجة تانية خالص وشاشة السوني اقوي من شاشة الاس 4 وبعدين محدش هيشتري تليفون علشان شاشته احنا مش بنشتري تليفزيون يبقي موضوع شاشات التليفزيون معلش هو اللي يتركن علي جنب شوية

وكمان شاشة السوني بتتميز ب X-Reality Engine_Triluminos display_Live Colour LED يعني بردو مفيش مقارنة بين الاتنين

للأسف الزد 2 اللي كان معايا اتباع مش هقدر اعمل فيديو وعموما الفيديوهات مغرقة اليوتيوب وبمقارنة مع تليفونات اعلي بكتير من الاس 4 من سامسونج وريح نفسك يا اخ سمسم كلنا عارفين ان الزد 2 اسرع من الاس 4 في فتح الاسماء والرسائل وجميع التطبيقات والالعاب ولو بفرق قليل لكن في بعض التطبيقات الزد 2 بيفتحها اسرع بفرق يوصل ل 3 او 4 ثواني وانتا عارف ده كويس

ومش هتناقش كتير في الموضوع ده لاننا اتناقشنا في كتير وجبتلك ادلة ومقتنعتش كالعادة

واتمني من الاستاذ talal21 انه يدخل علي صفحة الزد 2 في الموضوع المثبت هتلاقي مقارنة شاملة بين الاتنين في كل حاجة تقريباً وبالادلة اللي تثبت ان اصلا متنفعش مقارنة تليفون زي الاس 4 بتليفون زي الزد 2 في اي حاجة

مع احترامي لاي كلام غير كدة بس هو ده الواقع :)

semsemSiR

2015-01-03 (10:56:40AM)

شوف ياباشا واحد فى قسم سونى الزد 2 بيقارن تليفونة بكاميرا النوت 3 نيو ال8 ميجا وبيقول افضل منة وواحد تانى بيشتكى من تصوير الفيديو وانة مش عارف يصور فيديو بالليل بسبب ضعف الفلاش وانت بردة لسة مقتنع
صور الاس 4 انا رفعتلك صور من تليفونى قبل كدة الاس 4 وكل الناس شافت جودة صور الاس 4 . الصور اللى انت صورتها بتليفونك فية صور طلعت افضل فى الاس 4 والعكس وانا قايل كدة ان السونى فى الاضاءة الضعيفة افضل .يعنى اللى هقولة واللى علية هقولة .
وموضوع السرعة فى فتح الاسماء والرسائل نصيحة منى ماتفتحوش دلوقتى الا لما تشوف الفيديو .
احب اقولك حاجة اى تقييم فى فيديوهات على النت مابعترفش بيها اطلاقا
عشان عمرك ماهتعرف تقييم صح بالنت

موضوع السرعة اعتقد الاس 4 فتح اسرع بفرق ثانية فى لعبة اسفلت 8 واى فرق موجود كان قبل التحديث لكن بعد التحديث التليفون بقى حاجة تانية خالص فى كل حاجة
دة كفاية سخونية الزد 2 اللى مش عارفين يعالجوها والصوت الواطى بتاع التليفون اللى مش بيتسمع وانت فى الزحمة
وعلى فكرة تم اختبار الزد 2 فى لعبة اسغلت 8 من شحن 95%الى شحن 10% خد بالظبط 4 ساعات لعب متواصل مع شاشة سطوع متوسط فى مقابل ان الاس 4 عمل 5 ساعات وربع فى شاشة سطوع عالى
بمناسبة اية شاشة الزد 2 اقوى ؟؟؟؟؟؟ الاتنين fhdبنفس الريزيليوشن
واخب اعرفك ان الx reality نازلة عشان استخدام الهاتف فى النهار اكتر لكن معلش الاس 4 واضح جدا فى ضوء النهار وكلة كلام بيتقال من الشركات وخلاص
لكن الوان افضل فى الاس 4 جمال السوبر اموليد حاجة تانية خالص يمكن كانت الاول تفتقد لحاجات كتير لكن من اول الاس 4 الدنيا اختلفت تماما

youssefshabana

2015-01-03 (12:43:47PM)

يعني انتا فتحت صفحة الزد 2 وملقتش غير الاستاذ اللي بيقول ان كاميرا النيوا افضل وومشوفتش في بوست تاني واحد بيقول انه قارن بين الزد 2 والنوت 3 في الكاميرا ولقي ان الزد 2 افضل من النوت 3 العادي اللي كامرته اعلي من النيو

وقال كدة بالنص ( كاميرا الزد 2 اعلي من النوت 3 بمراحل ) وكاميرا الزد 2 مفهاش غلطة

اكيد شوفت البوست ده بس طبعاً عشان بيقول كلام عكس كلامك فمجبتش سيرته

وبالنسبة للسرعة انا مليش دعوة بالفيديو اللي انتا هتنزله انا عارف الاس 4 في افضل احواله سرعته عاملة ومهما كان الفيديو اللي هتنزله مبين ان الاس 4 سريع عمره
ما هيتخطي الزد 2 لو عملت ايه

وانا مسكت كذا تليفون زد 2 واس 4 واس 5 كمان والزد 2 اسرع فعليا وبفرق محترم كمان

عاوز تقتنع اقتنع مش عاوز انتا حر

وبردو انتا مش عاوز تقتنع ان السخونية في الزد 2 اتحلت من زمان ومبقاش بيسخن بزيادة غي في تصوير ال 4K اللي ملوش لازمة أساساً

وعلي فكرة تم اختبار بطارية الزد 2 شغل متواصل وتخطت 8 ساعات لغاية ما فصل

والاس 4 معداش ال 5 ساعات بنفس معدل الاستخدام ودي حقيقة مش تأليف

عاوز تصدقها صدقها مش عاوز انتا حر يا باشا

بمناسبة الشاشة بقي هههههههههههه فانتا محسسني اني قولت ريزيولوشن في الزد 2 اعلي من الاس 4

انا اقصد اقوي كالوان وانا مقصدش بيها انها زاهية زيادة عن اللزوم او بهتانة انا اقصد واقعية واقوي في السطوع خصوصاً يفي ضوء الشمس الزد 2 كان شاشته اوضح من الاس 4

شوف يا اخ سمسم عشان الموضوع شكله هيطول وانا معنديش استعداد ادخل في مناقشات انا عارف انها مش هتنتهي لو محدش غير رأيه

انتا شايف ان الاس 4 احسن تليفون في العالم وانه يتقارن باي تليفون اعلي منه ويتفوق كمان! انتا حر تقول اللي انتا عاوزه ورأيك يحترم

بس انا بقي مش مقتنع بالكلام ده وليا رأي تاني خالص غير رأيك. ويا ريت تتقبل ده

وشكراً.

ونصيحة أخيرة للأستاذ talal21 عشان حضرتك تخلص من الحيرة دي حاول تمسك الجهازين وتقارن بينهم واللي تشوفه مناسب اكتر ليك اشتريه

وحاول تقارن الزد 2 ر الاس 5 مش 4 لأنه اعلي وارقي من الاس 4 ومنافس قوي للزد 2 وبنفس السعر تقريباً

semsemSiR

2015-01-03 (01:37:57PM)

نصيحة منى زى ماقولتلك شوف الفيديو وبعد كدة احكم
انت بردة حر تقول اللى انت عايزة دة رايك وعلى فكرة والاتنين اللى انت نصحتهم بشراء الجى 2 والزد 2 كل واحد فيهم بيشتكى من المميزات اللى انت قولت بيتفوقوا بيها على الاس 4
موضوع بقى النوت 3 وان فية واحد بيشكر فية وقال الجملة دية دة رأية عادى وانا عن نفسى عمرى مابقتنع بكاميرا الزد 2 انها 20 ميجا ابدا ودة راى ناس كتير مش انا لوحدى
موضوع البطارية عماد شايف كل حاجة ووريتة سرعة الاس 4 فى فتح الالعاب ووريتة رامات الجهاز اللى كانت ساعتها 750 ميجا ووريتة كفاءة الكاميرا عاملة ازاى
وهقول بردة لصاحب الموضوع جرب الجهازين الاول واحكم وشوف هتستريح لمين

helpman32

2015-01-20 (06:13:55AM)

z 2 بيسخن جدا فيه عيوب و فارق بين الفريم و الشاشه و فيه عيوب تصنيع

مشاكل الحراره كتير معالج الجرافيك فى اس 4 يضرب ادرينو بالجذمه القديمه

لان معالج الجرافيك باور في ار نفس معالج الايفون

فى خبر ان فسم الهواتف فى سونى احتمال يعرض للبيع

شركه فشله لا جديد و لا تجديد عندها فى الوجهه البرمجيه للاندرويد و لا فى ام الشكل الى نفس

ال z1 نصيحه بلاش سونى الايام دي

تلك الخدمة مخصصة للأعضاء فقط