s4

للرجوع الي صفحة سامسونج Galaxy S4 I9500 الرئيسية اضغط هنا

realsteal

2014-08-25 (07:30:15PM)

ممكن سؤال هو s4 قدم؟ و هو ممكن يبقى يتحدث لاندرويد L و هل فى موبايلات احسن منه بنفس السعر .......وانا لسة سائل عليه لئيت النسخة العادية ب 3250 و البلاك ادبديشن ب 3600 ليه بقى كل الفرق ده؟......... ارجو الرد شكرا

zman2yahob

2014-08-25 (11:08:56PM)

بالطبع لازال حديث اخى الكريم وسيتم ترقيته وبشكل غير قابل للتفاوض حتى لنسخة اندرويد الجديدة

افضل منه بنفس السعر هو جى2 من العملاقة ال جى

سعر البلاك ايديشن مبالغ فيه مش اكتر ولو سألت فى اماكن اخرى هتلاقيها بسعر اقل المفروض 400 جنية

بالتوفيق

semsemSiR

2014-08-26 (11:45:49AM)

قديم دية لسة بدرى على مانقول كدة , لان الجهاز حتى الان مواصفاتة وكل حاجة فية ممتازة جداااا

وبسبب الفروقات البسيطة اللى مابينة وبين الاس 5 , فالتليفون لسة مبيعاتة مستمرة ومحققة مبيعات كبيرة جدااا , وكمان دلوقتى التليفون دة كقيمة مقابل السعر اعلى بكتير من سعرة

وعموما عشان تبدأ تفكر تغير التليفون يبقى تستنى الاس 6 او النوت 4

ساعتها هنقول ان التليفون بدأ يقدم فعلا

اللى بينافسة فى الفئة السعرية دية هو ال lg g2 فقط لاغير , وفية ميزة هنا وعيب هنا والعكس

انا عن نفسى عملت مقارنة مابين الاس 4 واال g2 قبل مااشترى التليفون

والحمد لله استقريت على ال s4 9500 لانة تفوق علية فى النقاط اللى تهمنى واللى مجتاجها فى التليفون بالنسبالى وهية ( الكاميرا - الشاشة - الصوت - الحساسات- وحاجة مهمة جداا وانا بعتبرها من اوجة قصور ال g2 وهية ان الاس 4 امكانية تركيب كارت ميمورى بعكس الجى 2 ماينفعش يتركب كارت ميمورى- توافر الاكسسوارات وتنوعهاا عن الجى 2 اللى هيجبرك تشترى حاجة معنية وبسعر معين وانت مضطر تشتريها عشان مافيش غيرها )

اما ال g2 فهو هاتف ممتاز بردة وبتفوق على الاس 4 فى ( حجم الشاشة - اسرع شوية فى السوفت وير لانة يعتبر خام لكن كويس وفية حركات كويسة جداا مش موجودة فى سامسونج عموما - راديو - صافى ذاكرة داخلية ازيد ب جيجا ونصف من الاس 4 )

موضوع بقى البطارية فى الجهازين , عشان نكون واضحين اكتر , فية ناس بتشتكى من ان بطارية الاس 4 بتخلص بسرعة , وفية ناس لأ

وال g2 90% من اللى اشتروا التليفون بيقولوا ان بطاريتة كويسة جداا بس الكلام دة قبل تحديث الكيتكات بعد الكيتكات التليفون مابقاش مظبوط خالص فى حاجات كتير

لكن انا الحمد لله بطارية الاس 4 اللى معايا بتوصل ل 5 ايام , استخدام اقل من متوسط

واستخدام قوى جداا بتخلص معايا فى يومين

واستخدام متوسط 3 ايام ونصف

يعنى انا الموضوع دة بالنسبالى مافيش فية مشكلة تماما

وعموما انزل جرب الجهازين ومش هتندم , الاتنين ممتازين وشوف احتياجاتك اية من التليفون

youssefshabana

2014-08-26 (04:11:18PM)

ﻷ خالص يا باشا الاس 4 جهاز قوي وممتاز جدا وهو ميعتبرش قديم ولا حاجة الكلام ده يا باشا لما التحديثات ليه تتوقف تماما زي الاس 3 كده وساعتها فعلا نقدر نقول عليه انه قدم

لكن طبعا ده ميمنعش ان فيه اجهزة اقوي واحدث منه وفيه جهازين يعتبروا افضل منه بالنسبالي انا وبنفس سعره تقريبا وهما sony xperia z1 و LG G2 لكن بالنسبالي انا الافضل هو الجي 2 وهو يعتبر افضل من الاس 4 في حاجات كتير زي

( البطارية اقوي_حجم الشاشة_شاشة الوانها واقعية ومريحة اكتر للعين ( بالنسبالي )_ صوته انقي لكن مش اعلي_خاماته افضل_اسرع واخف منه وتهنيجه اقل_شكله اشيك ودي ازواق طبعا_كاميرته افضل في بعض الاوضاع مش كلها_يدعم راديو وده مهم_في حركات مش موجودة في الاس 4 اهمها او اشهرها خاصية ال knock )

واحب اضيف علي كده ان الشكاوي منه تعتبر قليلة جدا

اما الاس 4 افضل في ( انحف واخف منه_صوته اعلي لكن مش انقي_في حركات وحساسات كتيرة ( مهمة لبعض الناس ومش مهمة لناس تانية )_توافر الاكسسوارت بكثرة_بطارية قابلة للازالة ( وبردو الجي 2 بطاريته بتتشال بس في التوكيل )_امكانية تركيب كارت ميموري ( ودي حلها بسيط في الجي 2 بإنك تشتري النسخة 32 جيجا ) )

وعموما عشان متفضلش في الحيرة دي انا انصحك بإنك تنزل تجرب الجهازين قبل ما تقرر وبالمرة تجرب بردو الزد 1 ده جهاز ممتاز جدا بردو ومنافس قوي ليهم وان شاء الله مش هتندم لو جبت اي جهاز فيهم :)

realsteal

2014-08-26 (04:38:52PM)

انا متشكر جدا لسرعة الرد واهتمامكم و عموما انا احتمال اتجه للسامسونج لانى مش لاقى g2 خالص ولا حتى اكسسوراته واكتر حاجة عجبانى فى s4 ان بطاريتة بتتشال ودى مهمة اوى و ليها مميزات كتيرة بس الى مش عاجبنى فيه لما مسكته اضائتة واطية شوية ...........شكرا

moriano

2014-08-26 (04:43:38PM)

الجي تو موجود يا باشا في محلات وسط البلد وموبايل شوب والتميمي وكمان اكسسواراته بس طبعاً مش كتير زي الإس فور
وربنا يوفقك

semsemSiR

2014-08-26 (06:24:45PM)

الاس 4 اضاءتة عالية جدااااااااااا

انت مسكت الاس 4 فين ؟؟؟؟

عموما على الاضاءة على الاخر واقفل خاصية موفر الطاقة عشان بتهدى الاضاءة شوية

- مشكلة ال g2 انك صعب تجربة لان مافيش منة اى نسخ للتجربة, فحاول تنزل تجربة مستعمل

لو عايز تقارن بينهم

تلك الخدمة مخصصة للأعضاء فقط