معلوامات يجب ان تعرفها عن الاس 4

للرجوع الي صفحة سامسونج Galaxy S4 I9500 الرئيسية اضغط هنا

semsemSiR

2014-08-20 (12:45:06PM)

ياجماعة ناس كتير بتسأل هل الاس 4 بيسخن واية اخبار البطارية

بالنسبة للسخونية :

الجهاز زى اى سمارت فون درجة حرارتة مابين ال 26 درجة الى 38 درجة , حتى لو حسيت انة بيسخن فى ايديك , الفيصل هنا هيكون البرنامج قارى درجة حرارة التليفون كام

لو لقيتها معديتش ال 38 درجة , يبقى كدة التليفون زى الفل مافيش فية اى مشكلة واى سمارت فون بيوصل للدرجة دية عادى

وعموما مشاكل الاس 4 مع السخونية كانت فى النسخة ال 4.2.2 بعد كدة الدنيا اختلفت تماما

- يبقى كدة اى حد يبقى عارف ان حرارة الاس 4 بنسخة اعلى من نسخة 4.2.2 مافيش فيها اى مشاكل للحرارة

* البطارية :

بطارية الاس 4 من اقوى البطاريات اللى موجودة , فى السوق وانا عن نفسى عامل سكرين شوت للجهاز فية توضيح لاستهلاك البطارية

- طيب اية بقى اللى بيفرق الاستهلاك دة عن التانى ودة تلاقى بطاريتة افضل من دة وجهاز حسن من التانى - الخلاصة كلها فى الاتى :

1- دائما تبقى عامل forcestop للبرامج الموجودة فى ال download وبتفرق جداا فى الرامات وكمان البطارية

2- ماتستخدمش التليفون اثناء الشحن

3- ماتشحنش التليفون الا لما يكون اقل من 15%

4- دائما اعمل مسح لل cash files ودية فية برامج كتير بتعملها افضلهم avg

5- شغل النت وقت الحاجة فقط

كل دة وان شاء الله هتلاقى بطارية الاس 4 او اى سمارت فون عموما ممتازة معاك

BlackCrow

2014-08-20 (01:32:58PM)

نصائح مفيدة جدآ , شكرآ لكْ .

fghahkj

2014-08-20 (07:43:44PM)

اختلف معاك الجهاز بيسخن جامد خصوصا مع ال gps مع النت بيعدى 42 درجه واكتر مكان بيسخن الشاشه ومحيط الكاميرا ومفيش اى تغير فى السخونه فى تحديث 4.2 او 4.3 او الكيت كات كلهم نفس النتيجه

semsemSiR

2014-08-20 (08:16:38PM)

انا اول مرة اسمع فى حياتى ان ال gps بيسخن الجهاز , يعنى عايز اقولك انا مرة سيبت ال gps مفتوح اكتر من 4 ساعات , وعمر التليفون مازاد حتى ربع درجة

وعموما ياباشا عندك تقرير الحرارة انا عاملة هتلاقية فى الصفحة الرابعة او الثالثة ., ممكن تطلع علية

واكتر جهاز S4 انا شوفتة بيسخن وصل لدرجة حرارة 40 , اكتر من كدة مافيش

ياريت ياباشا تنزل نسخة من اول وجديد , عشان تحل المشكلة دية

fghahkj

2014-08-21 (05:55:29AM)

ياباشا فتح ال gps مبيسخنش الموبايل انا اقصد استخدامه بتشغيل الخرائط والملاحه باستخدام ال gps + انترنت الشبكه دول بيسخنوا الموبايل جدا

semsemSiR

2014-08-21 (10:04:30AM)

ايوة ياباشا يعنى انا هفتح ال gps لية يعنى

انا كل اللى حصل انى كنت فى مكان وماكنتش عارف انا فين , فتحت ال gps وشغلت ال navigation وحددت المكان اللى انا عايز اوصل لية , وعايز اقولك حاجة فظيع فى النقطة دية

وفضلت مع التليفون وانا سايق , وماكنتش مشغل التكييف بتاع العربية , وعمر مالتليفون ماحسيت حتى ان درجة حرارتة رفعت درجة واحدة

الموبايل داتا معاك انة برفع درجة الحرارة بس انا عندى بيوصل ل 32 درجة فى غرفة عادية بدون تكييف

لكن مع الواى فاى , فعلا التليفون مش بيسخن

fghahkj

2014-08-21 (06:28:02PM)

خلاص يا نجم انا مصدقك حصل خير .

* وحددت المكان اللى انا عايز اوصل لية , وعايز اقولك حاجة فظيع فى النقطة دية *

مقلتليش على النقطه الفظيعه ههههههههه

semsemSiR

2014-08-21 (07:07:43PM)

ههههههههههههههه

معلش ياباشا نسيت

عموما ان التليفون دقيق جدااا , فى بياناتة وفى عرضة وفى صوت ال VOICE اللى في البرنامج

الصراحة ممتاز جدااااااااااااا وفعلا وصلنى للمنطقة اللى انا عايزها , واختصرلى اقرب الطرق

تلك الخدمة مخصصة للأعضاء فقط