samsung galaxy s5

للرجوع الي صفحة سامسونج Galaxy S4 I9500 الرئيسية اضغط هنا

sherefelmasry

2014-08-14 (12:43:59AM)

كنت عايز اعرف اية رايكم فى 3G samsung galaxy s5 كويسة و كمان الجهاز سريع و كويس ولا فية مشاكل و كمان هو سعرة كام بالضمان وصوتة مسموع سواء فى المكالمات او النغمات الرنين لان السماعة انا شيفها اصغر من المحاميل الاخرى والمحمول هل يستاهل ان الواحد يشترية ولا لا فية احسن منة ولو فية احسن اية هو و بكام

semsemSiR

2014-08-14 (01:56:40AM)

الاس 5 جهاز كويس جداا من نواحى عديدة

1- كاميرا ممتازة جداااا واوبشن كتير جدااا وتقنيات مش موجودة فى المنافسين

2- واجهة مميزة عن غيرة من الاجهزة , لكن بعض الايقونات لم يعجنى شكلها الجديد

3- شاشة الوانها ممتازة كعادة الشاشات السوبر اموليد , واضاءة قوية , لكن الالوان اتقل من الواقع ففية بعض بيفضلها وبعض لا يفضلها

4- الجهاز سريع وبيشغل اى العاب , لكن مشكلة الجهاز الرئيسية هية ان الجهاز راماتة 2 جيجا والسيستم مواصفاتة وطريقة عرضة , زادت عن الاس 4 , فكان لازم يخلوا 3 جيجا و عشان كدة بعض من المستخدمين بيعانوا من تقل فى الجهاز ( ولكن انا شخصيا لم اواجهة هذة المشكلة تماما )

5- صوت التليفون متوسط مش عالى ومش واطى , يعنى لو كان معاك تليفون سامسونج قولى علية وانا اقولك اقل منة ولا اعلى , بس عموما الاس 4 اعلى منة شوية

6- صوت سماعة التحدث مجربتهاش الصراحة , بس هية ممتازة من شهادة المستخدمين

7- بالنسبة بقى ان فية حاجة افضل منة فى السوق , فكل اللى اقدر اقولة ان الاس 5 عيوبة تتلخص فى الاتى :

1- خاماتة بلاستيك

2- حجم كبير بدون داعى لانة تقريبا نفس شاشة الاس 4 بس التليفون زاد كتير اوى فى الحجم عنة

3- رامات قليلة على سيستم الجهاز

معتقدش ان فية مشاكل تانى

مايتفوق بة على المنافسين

1- الكاميرا

2- السعر

3- الواجهة

4- الحساسات

5- الشاشة كالوان

مايتفوق بة المنافسين علية

1- الرامات ( z2 )

2- الخامات ( z2- htc m8 )

3- سوفت اخف منة ( z2 - m8 )

4- شكل افضل ودية ازواق ( z2 - m8 )

دية كدة مقارنة سريعة على حسب تقييمى للاجهزة

youssefshabana

2014-08-16 (12:12:55PM)

الاس 5 جهاز كويس جدااااااااااااااا لكن النسخة ال 4G افضل من ال 3G الحقيقة لكن هو جهاز كويس جدا سواء 3G او 4G لكن في رأيي ان فيه تليفونات احسن منه زي الزد 2 و ال M8 بس طبعا اغلي شوية من الاس 5

والجهازين دول افضل بالنسبالي انا عشان

الخامات افضل

اسرع واخف بكتير ومش بيهنجوا لما بتقل علي الجهاز زي الاس 5 وده بسبب الحركات الكتير اللي في الاس 5 اللي هي مش مهمة خالص بالنسبالي انا

وبردو البطارية اقوي خاصا في الزد 2 بطاريته قوية جدا جدا جدا انا مجربها بنفسي وبصراحة مشوفتش تليفون بطاريته اقوي من الزد 2

وكمان الصوت اقوي وانقي في الجهازين من الاس 5

وشكلهم افخم واشيك من الاس 5 لكن دي اذواق

وفيهم راديو اما الاس 5 ﻷ

وبردو في نقاط تفوق للاس 5 زي

سهولة البيع والشراء

توافر الاكسسوارات بكثرة

كاميرا ممتازة وفي اوبشن كتير جدا لكن بردو كاميرا الزد 2 وال M8 ممتازين جدا وبيتفوقوا علي الاس 5 في بعض الاوضاع وبردو العكس الاس 5 بيتفوق في اوضاع تانية فالكاميرا في التلاتة ممتازين جدااااااااااااااا

وطبعاً سعره ارخص

وفي حساسات وحركات اكتر تعتبر مهمة لبعض الناس ومش مهمة لناس تانية وانا بالنسبالي مش مهمة خالص قد ما يهمني اداء وسرعة الجهاز ويكون مش بيهنج وبطاريته تكون قوية وبتستحمل وده افضل في الزد 2 وال M8 من الاس 5

ده رأيي الشخصي ولك حرية اﻹختيار وان شاء الله مش هتندم لو جبت تليفون فيهم :)

ومبروك مقدما :)

تلك الخدمة مخصصة للأعضاء فقط