سمسم الحقني يا ريس

للرجوع الي صفحة سامسونج Galaxy S4 I9500 الرئيسية اضغط هنا

ahmeeed25

2014-07-04 (01:22:33PM)

انا جيبت الجراند 2 من السعوديه امبارح اول اما شغلت الجهاز وجيت اخش علي الواي فاي الجهاز هنج 3 دقايق مش راضي يعمل اي حاجه ومش عليه ولا برامج ولا العاب فاضي خالص
الحاجه التانيه السمعات الهاند فري بتطلع موسيقي بس مش بتطلع كلام لو بسمع اغنيه الاقي موسيقي حلوة بس الصوت نغمشه وفي المكالمات مش بتطلع حاجه غير نغمشه بس اللي اكلمه بيسمعني جربت غيرها مش بتشتغل علي الموبايل ولو جربت الهاند فري علي موبايل تاني مش بتشتغل برضوا ايه الحل ؟

semsemSiR

2014-07-04 (02:25:02PM)

تهنيجة الواى فاى , ان شاء الله مش هتحصل تانى , ولو حصلت اعمل للتليفون اعادة ظبط مصنع

مشكلة بقى السماعة , ممكن تكون كدة بايظة , وهات سماعة اى تليفون سامسونج او اى واحدة وجربها , لو مشتغلتش بردة

مافيش قدامك غير حلين , انك تعمل FORMAT RECOVERY وتجرب هل هتشتغل ولا لأ

ولو مافيش فايدة , حاول ترجع التليفون دة بسرعة

ahmeeed25

2014-07-04 (02:47:38PM)

ارجعه ازاي دا من السعوديه اللي نازل مش راجع دلوقتي خالص طيب هو ايه FORMAT RECOVERY اعمله ازاي دا

semsemSiR

2014-07-04 (03:31:23PM)

هتقفل التليفون , ودوس على power+ home + volume up مع بعض لحد مالتليفون يجيب اسم الجهاز وسيب , الزراير هتلاقى الجهاز جابلك انسان الى , وطلعلك قائمة

انزل على wipe data/ factory reset وبعد كدة yes delete all user data ولما يخلص هتلاقية جية على نفس القائمة وفيها فوق reboot system now

يتم التحرك مابين القوائم بزرار ال volume up/down

ويتم تأكيد الاختيار بضغطة واحدة فقط من زرار الباور

ahmeeed25

2014-07-04 (03:47:48PM)

مع اني مش فاهم بس هحاول اعمل

ahmeeed25

2014-07-04 (03:53:32PM)

انا عملت كل اللي انت قولت عليه دا هو عمل وخلص ورجع للقايمه تاني من الاول اشغل الفون ازاي بقي ولا اطلع ازاي ؟

semsemSiR

2014-07-04 (04:04:44PM)

اعمل reboot system now

ahmeeed25

2014-07-04 (04:15:05PM)

انا بعد اما خلصت دوست علي زرار الباور وطلعت والموبايل فضل واقف خمس دقايق ورجع اشتغل تاني بس نفس العيب موجود جربت السماعه علي موبايل اخويا شغاله زي الفل ركبتها علي موبايلي بتعلق شوية تطلع صوت وشوية لا

semsemSiR

2014-07-04 (04:21:05PM)

للاسف كدة التليفون ممكن يكون فية عيب مخرج سماعة

لو تعرف ترجع التليفون يبقى تمام , مش هينفع يرجع , ودية لاى مركز صيانة يكسف علية

semsemSiR

2014-07-04 (04:21:30PM)

*يكشف علية *

ahmeeed25

2014-07-04 (04:23:14PM)

الف شكر سمسم اشتغلت طلع العيب ان الجراب مش بيدخل السماعه لاخر لما شيلت الجراب ودخلت السماعه جامد لاخر اشتغلت
سؤال تاني بقي معلش هو انا لما عملت فورمات ومش عملت دي اعمل reboot system now
دوست علي الباور علي طول دا غلط ولا عادي وهل الفورمات بياذي الموبايل ؟
تاالت حاجه بقي الموبايل ابيض مش عليه ولا ابلكيشن ولا لعبه انزل منين وازاي لان واحد قالي اللعبه ب30 جنيه والابلكيشن الواحد ب5 جنيه

semsemSiR

2014-07-04 (04:32:29PM)

ههههههههههههههه

طيب الحمد لله ياباشا , ماتعرفش والله فرحت انة اشتغل , مش تخلى بالك من السماعة انها مش راكبة كويس

عموما الحمد لله انها جت على كدة

ولا فية اى ضرر ولا اى حاجة , انا دية خليتك تعملها لما قولت الجهاز فية مشكلة تهنيج حصلت مع ال wi-fi فى بداية التشغيل + قولت يمكن يكون الجهاز مع التهنيج وقف عمل السماعة

هتنزل من play store كل اللى انت عايزة , كل اللى عليك الاول تعمل حساب على ال g-mail عشان تقدر تدخل على ال play store

وكل الالعاب بنسبة 90% مجانية ولو لعبة عجبتك بفلوس , قولى وانا اجيبهالك مجانية

ahmeeed25

2014-07-04 (04:36:39PM)

علي العموم الجهاز بجد من اجمل الاجهزهاللي سكتها كله امكنيات علي قد سعره والبطاريه شغلتها وسيبتها لحد اما جت 7% وقفلت الموبايل وسيبته علي الشاحن 8 سعات بس اول اما فتحته بقي 97% مش عارف ليه بس الاداء بتاعها امبارح كان حلو اوي من 11.30 الصبح كانت 40% وصلت ل2 باليل بقيت 7% وهي جديده
متعرفش بقي جراب الاس فيو الاصلي يعمل كام لحسن الجراب التعبان دا شاريه ب90

semsemSiR

2014-07-04 (04:41:15PM)

البطارية , المفروض تسيبها لحد ماتقفل لوحدها وبعد كدة تحطها على الشاحن 8 ساعات وهو مقفول

ودة عيب فى الجراند 2 , ان البطارية لما بتفتحها وهو مشحون بيكون 97%

بالنسبة للجراب , الاصلى بيبدأ من 250 جنية

ahmeeed25

2014-07-04 (04:45:29PM)

طيب الاسكرينه النضيفه اسمها ايه ولا نوعها ايه لان عندنا في اسكندريه محدش فاهم حاجه بيركبو اي حاجه وخلاص

semsemSiR

2014-07-04 (04:51:01PM)

هات اسكرينة puff ممتازة

وفية سكرينة من سامسونج اصلية ب 100 جنية

وفية عندك سكرينة ضد الكسر بس دية بتبقى تقيلة شوية فبتعيق الرؤية شوية والتاتش

وفية عندك سكرينة شفافة ودية بتبقى ولا كأنك حاطط حاجة وفى نفس الوقت بتحمى , وتمنها من 15- 20 جنية على حسب المكان

تلك الخدمة مخصصة للأعضاء فقط