أدأ بطارية s 4

للرجوع الي صفحة سامسونج Galaxy S4 I9500 الرئيسية اضغط هنا

fghahkj

2014-06-20 (01:59:46PM)

فعلا كلام سمسم مظبوط بطارية s4 من أفضل بطاريات سمارت فون
ودى صوره بطاريتى استخدام متوسط استمرت اكتر من 60 ساعه[url=

]

fghahkj

2014-06-20 (02:03:30PM)

MRMRR

2014-06-21 (03:57:55AM)

ازاى معلش ده البطارية اخرها معايا يوم والله
طب ازاى عندك نظام تشغيل اندرويد 6% بس ده عندى على طول 50% مثلا
وحضرتك بتعمل ايه فى سكون الجهاز طب والشاشه اضائتها على كام
بس معنى كده ان حضرتك مش بتيجى جمب الموبايل لسبب التحدث بس

Medo44447

2014-06-21 (04:19:58AM)

غريبه انا الشاشه بتسحب عندى 50% وساعات اكتر مع انى عامل اقل اضاءه طول الوقت

fghahkj

2014-06-21 (06:16:50AM)

على فكره انا كنت بستخدم الموبايل عادى خالص ولعبت عليه سابواى ونيد فور سبيد وتصفح الفيس بس كله مدد قليله وإلى خلى أداء البطارية يفرق معايا انى باستمرار قافل ال 3G و Wi fi بفتحهم عند الحاجه فقط وبالنسبه للشاشه انا عامل السطور تلقائى

semsemSiR

2014-06-21 (10:20:12AM)

انهاردة ان شاء الله لما اروح هحط سكرين شوت من استخدام التليفون

semsemSiR

2014-06-21 (10:25:24AM)

وخلى بالك ياباشا انت عندك استخدام الاندرويد عايز ينزل شوية

عشان انا بيكون عندى 3% او 4 %

وال android system بيكون 2% او 3 %

MRMRR

2014-06-21 (04:01:53PM)

امال انا بئا يا استاذ سمسم عندى لسة استخدام الاندرويد 40 و50% تقول ايه بئا ومش عارفة ايه السبب لحد دلوقتى والله

youssefshabana

2014-06-21 (05:04:39PM)

40 و 50 % ده استهلاك عالي اوي المفروض يعني أقصي حاجة لل android system 7% وال android os 8% المفروض متعلاش عن كده انصحك تعملي اعادة ظبط المصنع و تفضي بطارية الجهاز خالص وتشحنيها لمدة 8 ساعات وشوفي المشكلة دي هتتحل ولا ﻷ

youssefshabana

2014-06-21 (06:10:43PM)

بس جربي اﻷول تدخلي الكود ده #0228#* وشوفي البطارية هتتظبط ولا ﻷ

fghahkj

2014-06-21 (10:31:07PM)

ايه ده يا سمسم انا دخلت الكود والبطاريا كانت 18% وبعد الكود بقت 2%

semsemSiR

2014-06-21 (11:53:19PM)

هو كل دة كان شحن وهمى , والكود اللى انت عملتة دة , بيعمل اعادة تهيئة للبطارية , وبيظبط الفولت بتاعها , بس يفضل تفضيها خالص بعد ماعملت الكود دة , وتشحن التليفون وهو مقفول

semsemSiR

2014-06-22 (12:17:23AM)

دة استهلاك البطارية بتاعتى

ودة استهلاك لمدة 10 ساعات تقريبا وتحدث لمدة ساعة و8 دقائق من بطارية ممتلئة 100%

MRMRR

2014-06-22 (02:55:38AM)

معقولة ماشاء الله طب انت عارف ان انا اتكلمت ساعه من 100% بئا85%
طب انا اعمل ايه دلوقتى فى الموضوع ده ديه حاجه غريبه فعلا قولولى

semsemSiR

2014-06-22 (03:12:39PM)

اللى عايزة منك بقى انك تدخلى على المسار الاتى

setting- more- application - running application وتعملى force stop ونشوف فية اية فى الموضوع دة

او نعمل فورمات من ال recovery عشان يشيل اى حاجة قديمة

وعايز اعرف راماتك قد اية ؟

MRMRR

2014-06-22 (08:01:14PM)

فعلا دخلت على كل ده وعملت stop وبعد كده كله رجع تانى بعدها بدقيقة تقريبا
والرامات بتاعتى بعدclean(1.83-1.04 جيجا(

semsemSiR

2014-06-22 (08:42:59PM)

ماهما لازم يشتغلوا , تانى بس بيكونوا بمساحات قليلة جداا

عموما قدامك ساعة او اتنين , لو ال android system مانزلش , يبقى كدة لازم نعمل format recovery

فهتاخدى backup من ال contacts- message واى حاجة على الذاكرة الداخلية للجهاز عشان كل دة هيطير وطبعا ال application والالعاب بال saving files بتاعتها , يعنى الجهاز هيرجع جديد , وهيفرق معاكى جداا فى كل حاجة

MRMRR

2014-06-22 (09:57:43PM)

يعنى حعمل اعادة ضبط مصنع من الاول طب البرامج اللى عندى وكل حاجة حتتمسح ولا خليهم يتمسحو احسن وخلاص
اصلى كنت منزلة لعب وبرنامج للبطارية اسمهمmaster clean وd.battery ايه رايك فيهم
وعلى فكرة اخويا معاه نفس موبايللى وفيه نفس المشكلة.
ولو حنعمل اعادة ضبط امشى معايا بئة وحدة وحدة وانا معاك فى اى حاحة تقولها

semsemSiR

2014-06-22 (11:52:33PM)

انا مش بحب اى برامج لتوفير الطاقة , ومش منزل اى برامج عندى ولا حتى مفعل نظام توفير الطاقة

وعموما هتعملى الاتى :

1- هتقفلى التليفون , وتضغطى على ( power + home + volume up )

2- ماتشيليش ايديكى من على الزراير الا لما يظهرلك كلمة samsung

3- هيجيلك الانسان الالى , وبعد كدة هيجيلك قائمة

4- اختارى منها wipe cash partition ودوسى دوسة واحدة من زرار الباور عشان تأكدى الاختيار
وهتنزلى على الاختيار عن طريق زرار ال volume

5- بعد ماتعملى الخطوة رقم 4 , هيرجعلك تانى لنفس القائمة , تختارى منها wipe data/ factory reset

6- وبعد كدة هيخلص الفورمات وهيرجعك بردة لنفس القائمة , فهتختارى منها reboot system now

وبكدة انتى رجعتى الجهاز كانة جديد وتابعية وقوليلى الدنيا ماشية ازاى

MRMRR

2014-06-23 (01:24:46AM)

سؤال بس معلش الفرمطة ده مش غلط على الجهاز اصل اللى اعرفه ايام نوكيا انه كان بيهنج الجهاز

MRMRR

2014-06-23 (03:22:21AM)

بخصوص الفورمات اول لما يظهرلى الاندرويد اصلا القائمة حتبقى فيها wipe data factory resetثمyes ثمreboot طب اختارها على طول ولا لازم اختار الاول wipe cash partition ثم wipe data factory.
-هوا كمان حسابى بgamil -chromحيتلغى واعمله من الاول لان الباسورد بتاعى نسياه خالص
-وفى حد قبل كده تعرفه عمل الفورمات والبطارية اظبطت

semsemSiR

2014-06-23 (09:54:47AM)

الفورمات مش غلط على الجهاز نهائى , وكل حاجة بتتشال حتى حساب الجى ميل

انتى هتلاقى القائمة فيها كل اللى قولتلك علية فوق

واعملى بالترتيب زى ماقولتلك , عشان الاول هنشيل ملفات الكاش وبعد كدة هنفرمت

وهقولك حاجة كمان , بعد مالجهاز يفتح بعد الفورمات , اعملى فورمات تانى من ظبط المصنع بتاع الجهاز

انتى البطارية عندك كويسة مافيش فيها اى حاجة , بس اللى احنا هنعملة دة , عشان استهلاك الاندرويد عندك عالى اوى فهو دة اللى مزود استهلاك البطارية

MRMRR

2014-06-23 (02:54:14PM)

يعنى حنمسح كمان ملفات الكاش صح والله الموبايل اعد ساعه بعد الشحن مقفول خسرت 5%من البطاريه بسبب MEDIA -ANDROID OS

semsemSiR

2014-06-23 (03:07:33PM)

معلش اعملى بس الخطوات دية , وان شاء الله كل حاجة تتظبط , وعلى فكرة مش هيبان التأثير غير بعد لما الشحن يخلص , والتليفون يتشحن تانى , بس اللى هينزل معاكى ال Android system وهيوصل ل 5% - 6 %

MRMRR

2014-06-24 (04:00:46AM)

استاذ سمسم انا عملت اللى قولتلى عليه وطبعا كل حاجة كل حاجه اتمسحت انا حتى شلت الميمورى خفت عليها ههههههه ولما فتحت الجهز وحتى الان نظام تشغيل اندرويد4% ونظام اندرويد 11% وبيتناقص بالتدريج ووالشاشة 18% ووضعيه الاستعداد4% خادم الوسائط وسكون الجهاز 4% وكل ده فى 10 ساعاتونص والبطاريه قلت من65%حتى 41% والمكالمات الصوتية 39% قولى بئا ايه رايك فى النسب ده اولا.
ثانيا -انا كدة حخاف احط على الموبايل اى لعب ولا تطبيقت ولا برامج احسن المشكله ده ترجع تانى ده انا حتى خايفه احط الميمورى تانى لسه محتتهاش والله .
وعلى فكرة لسه واحده صحبتى حابت s4امبارح فقط ونزلت عليه برامج وتطبيقات كتير وبرامج ونظام تشغيل الاندرويد بتاعها علا جدا برده بقا 40% يبئا ايه السبب بئا قوللى واخويا نفس الكلام يعنى بئا منحطش على كدة اى حاجه فى الجهاز ولا ايه وكمان على فكرة الجهاز مش بئا يسخن زى الاول حاجه بسيطة اوى اوى.
فانا اعمل ايه بقا فى الخطوة اللى بعد كدة مفيش نت ولا تطبيقات ولا لعب ولا برامج قولى ايه النظام والله انا كنت عارفه ان اخرى جلاكسى بس ستار هههههه
اخر حاجة بئا قوللى التطبيقات وباقى الحاجات اللى انت منزلها عندك على الجهاز

semsemSiR

2014-06-24 (10:37:48AM)

نظام تشغيل اندرويد كويس جدااا

ونظام اندرويد عالى شوية , مع الشحنة اللى جاية ان شاء الله هينزل

وكل الارقام الباقية كويسة

لأ طبعا مافيش حاجة اسمها , انا حاطط برامج والعاب كتير ونظام التشغيل 4% ونظام التشغيل 3%

وعمرها مابتتأثر بالبرامج ولا اى حاجة

حطى اللى انتى عايزاة ماتقلقيش من حاجة , معلش انت معاكى انت s4 يعنى من افضل اجهزة الموبايلات حتى الان

MRMRR

2014-06-24 (02:32:20PM)

الجملة الاخيرة بتاعتك حسيستنى بالغرور مرة واحدة
وانا انشاء الله ححط الميمورى ووحاول اخللى بالى بعد كدة من اىحاجة تتحط حفاظا على الجهاز وبطاريته ولو فى اى حاجه حتلئينى ببعتلك
شكرا اوى استاذ سمسم على ذوئك واهتمامك ربنا يخليك

semsemSiR

2014-06-24 (03:03:04PM)

هههههههههههه

شوفى انا الحمد لله ,دلوقتى بشوى جهاز مهما كان , بالنسبالى عادى جدااا ,لان الاس 4 اللى معايا فى كل حاجة وحاجات كمان مش موجوة فى موديلات 2014

يعنى الواحد الصراحة مش هيحتاج اكتر من كدة

وعيشى حياتك فى التليفون ونزلى كل اللى انتى عايزاة , التليفون دة بجد بيستحمل اى شغل بكل سهولة وسلاسة

وانا فى الخدمة فى اى سؤال

تلك الخدمة مخصصة للأعضاء فقط