الفرق بين نكسس 5 و اس 4 ؟

للرجوع الي صفحة سامسونج Galaxy S4 I9500 الرئيسية اضغط هنا

MRMRR

2014-05-18 (08:47:25PM)

الفرق بين نكسس5 واس4؟؟؟؟؟

أحمد محمد

2014-05-18 (11:15:22PM)

شاشة الاس 4 اكبر بفرق طفيف جدا ... 0.05 بوصة
و كمان النكسس فيه ازرار الاندرويد في الشاشة واخدة مساحة
يعني تقدر تقول شاشة النكسس 5 الصافي منها 4.7 و الاس 4 الصافي منها 5.0

الاس 4 فيه كارت ميموري و النكسس ﻻ

الاس 4 فيه انفراريد و ديه بتخليه يشتغل ريموت للتليفزيون و الريسيفر و التكييف و غيرهم
و النكسس مفيهوش انفراريد

الاس 4 يدعم كابل MHL 2
و ده بيوصله بالتلفزيون و يخلي اللي معروض على الشاشة في الموبايل يتعرض على التلفزيون بجودة 1080p
و دي ممتعة جدا لمشاهدة الأفلام و الصور و حتى اللعب و النت ... على التليفزيون
النكسس ﻻ يدعم MHL !

كاميرة الاس 4 اعلى من النكسس في الدقة ... 13 مقابل 8 ميجا بيكسل
و غير الدقة كمان في فرق في درجة الالوان و التصوير الليلي

كاميرة الاس 4 الامامية اعلى في الدقة 2 مقابل 1.3 ميجا بيكسل
و طبعا في فرق كبير في جودة الصور

الاس 4 فيه مستشعر الحرارة و الرطوبة و اشارات اليد
النكسس مفيهوش

الاس 4 اسرع من النكسس
جاب سكور 27613 مقابل 25097 للنكسس .. على AnTuTu

صوت الاس 4 أعلى .. 77 ديسبل مقابل 65 ديسبل للنكسس

بطارية الاس 4 اقوى بكتير
ده اختبار الاس 4 ...

و ده النكسس 5 ....

و كمان ادائها اتحسن عن كده بعد تحديث الكيتكات ... لكن النكسس نازل بالكيتكات اصلا و مع ذلك ضعيف

الميزة الوحيدة في النكسس ان التحديثات بتوصله قبل اي جهاز تاني
لكن للعلم فترة دعم النكسس 18 شهر فقط بينما اجهزة سامسونج الرائدة تصل ل 22 او 24 شهر

semsemSiR

2014-05-19 (12:44:36AM)

ماشاء الله مافيش كلام بعد المقارنة دية

تسلم يابو حميد

ضيف على دة بس قوة الوان الشاشة سوبر اموليد

MRMRR

2014-05-19 (03:07:46AM)

الله اكبر عليك بجد بروفوسير يا احمد مشاء الله عليك
انا اصلى كنت محتارة شويه بس كده تماام تمام
انا بس كان عاجبنى شكل النكسس اكتر و كنت سمعت ان التكسس احسن عشان اندرويد خام وانا بينى وبينك معرفش يعنى ايه خام اومش خام وبيقولو ان تطبيقات الاندرويد فى سامسونج ملهاش لازمة
عامة كدة تمام تسلم ايدك

أحمد محمد

2014-05-19 (07:48:41AM)

تسلم يا سمسم
انا منسيتش نقطة الوان الشاشة .. بس شاشة ال True HD IPS+ رهيبة بجد و عن تجربة وﻻ تقل عن السوبر اموليد

MRMRR
الاندرويد الخام ده يعني بدون تطبيقات سامسونج وﻻ واجهة ال TouchWiz
فقط يحتوي على تطبيقات جوجل الاساسية
و دي مش ميزة جامدة في النكسس .. لأن بعض تطبيقات سامسونج مهمة
و كمان ممكن تنزلي Launcher مطابق لواجهة النكسس
و تستخدميها بدل واجهة السامسونج ....
و كمان تقدري تلغي تطبيقات سامسونج اللي مش بتستخدميها

semsemSiR

2014-05-19 (09:29:47AM)

انت عارف يااحمد اية اكتر حاجة عجبتنى اوى فى الاس 4 , ان الشاشات السوبر اموليد بتاعة اى جهاز سامسونج كانت اضائتها ضعيفة , لكن فى الاس 4 الالوان قوية جدااا + اضاءة عالية جدااا , يعنى عمل المعادلة صح ودة شىء جامد جدااااااا بالنسبالى

وانا عارف ان دلوقتى خلاص بقى فية شاشات تعادل قوة السوبر اموليد بس لسة بردة التفوق للسوبر اموليد فى استهلاك البطارية + اللون الاسود الصريح + التاتش السلس اكتر

كل دة فى صالح السوبر اموليد

MRMRR

الكلام دة ممكن يتقال مع اى جهاز تانى , انك عايزة سوفت خام عشان التليفون مايهنجش , لكن بجد الاس 4 مايعرفش حاجة اسمها تهنيج , انسيها تماما

الحمد لله التليفون مابيهنجش اصلا وبيعمل كل حاجة بمنتهى السرعة والسلاسة

shehabm3arek

2014-05-19 (05:11:40PM)

حضرتك انتا نسخة تليفونك 4g ولا 3g يا استاو smsm

أحمد محمد

2014-05-19 (07:14:47PM)

بس يا سمسم الشاشة التانية ممتازة جدا
لدرجة نستبعد التفضيل بينهم في المقارنة
ده قصدي

shehabm3arek
سمسم نسخته 3G

semsemSiR

2014-05-20 (09:58:42AM)

اصل انا شوفت كل الشاشات اللى بتعمل بال true hd ips اللى يأتى بعد شاشة السوبر اموليد الخاصة بالاس 4 - النوت 3 - الاس 5 , هو ال lg g2

لكن النيكسس ماكنش مقارب ليهم اوى بس شاشتة كويسة جدا

تلك الخدمة مخصصة للأعضاء فقط