سؤال لمستر سمسم

للرجوع الي صفحة سامسونج Galaxy S4 I9500 الرئيسية اضغط هنا

ahmeeed25

2014-05-16 (07:36:23AM)

قولي انهو الافضل بين اس3 وبين الجراند 2 علشان اخويا عايز واحد ومحتار بينهم وقولي الافضل هيكون افضل ليه

semsemSiR

2014-05-16 (11:39:53AM)

الاس 3 افضل

لكن الجراند 2 افضل رامات وافضل حجم شاشة

ahmeeed25

2014-05-16 (02:22:23PM)

ايوة يعني نجيب مين فيهم من حيث الشغل الجامد ونت وكدا

ahmeeed25

2014-05-16 (02:23:59PM)

وايه رايك في الاس 3 ابو خطين ورمات 1ونص

أحمد محمد

2014-05-16 (02:51:24PM)

الجراند احسن في حجم الشاشة و الرام و البطارية
و الاس 3 احسن في نوع الشاشة و الذاكرة الداخلية
الباقي فروق بسيطة

انا رأيي تنزل اي فرع سامسونج و تشوف الجهازين بنفسك

و انا لو مكانك هجيب الجراند 2
لو كان جهاز كويس مفيهوش عيوب زي الجراند 1
لاني مش عارف عيوبه بصراحة
اسال العضو المميز وليد

ahmeeed25

2014-05-16 (02:56:03PM)

خلاص شكلي هتكل علي الله واجيب الجراند كله قالي امكنيات واوبشن فيه كتير بس هو عيبه الوحيد موضوع الشاشه بس شكلها مش هتفرق معايا لاني عمري ما جربت اندرويد قبل كدا

ahmeeed25

2014-05-16 (02:57:51PM)

بس انا مش هينفع اجرب لاني هجيب من السعوديه انا جيبت اس 4 لاخويا وهجيب يا جراند يا اس 3 لان سعرهم رخيص 1900 جنيه بس

أحمد محمد

2014-05-16 (05:23:54PM)

يا احمد اي فرع سامسونج معتمد او محل كبير بيبقى فيه اجهزة للتجربة
مش هتفتح علبة جهاز عشان تجربه
يعني ممكن تشوفه من غير ما تشتري و غالبا الناس بتروح هناك عشان تشوف الجهزة و محدش بيشتري حاجة !! :D
هتلاقي الاجهزة معروضة كده

طالما انت ناوي الجهاز يقعد معاك 4 سنين يبقى الافضل تشوفه قبل ما تشتري

semsemSiR

2014-05-17 (01:30:02PM)

شوف هو الاس3 افضل من وجهة نظرى من حيث

الوان الشاشة وكثافة البيكسل

الصوت اعلى وانقى سواء فى السماعة الخارجية او التحدث

التاتش افضل

ضد الخدوش

اسرع وافضل فى الالعاب

افضل فى الذاكرة تقريبا فرق الضعف او اكتر شوية

الكاميرا كتصوير

تفوق الجراند 2 على الاس 3

الرامات

حجم الشاشة

الخطين

افضل فى اوبشن الكاميرا

شوية اوبشن زيادة بسبب السوفت وير لكن الاس 3 مع تحديث 4.3 عادى جدااا موجود فية كل حاجة

من الاخر الاس 3 بالنسبالى افضل , ودة مايعيبش ابدا الجراند 2 بس صدقنى فئة الاس عموما بتبقى هية التوب فى حاجات كتير

أحمد محمد

2014-05-17 (02:28:25PM)

بس يا سمسم ال 4.3 على الاس 3 خلى البطارية ضعيفة و الرام مسحوبة
و بقى يهنج و غيرها كتير من المشاكل

و ده بالتحديد سبب اني بفضل الجراند 2

الاس 3 في نظري زمنه خلص
و مينفعش يبقى جهاز جديد تجيبه دلوقتي و يقعد معاك سنة ولا اكتر
خلاص راحت عليه
و السبب .. الرام قليلة و دعمه وقف و آخر تحديث مليان مشاكل
لكن ممكن يجيب الاس 3 neo .... معقول شوية

semsemSiR

2014-05-18 (12:42:41PM)

انا معاك ياباشا فى موضوع التهنيج دة , بس دة مش على كل الاجهزة , يعنى فية اجهزة شغالة ب 4.3 زى الفل

هو الاس 3 دعمة خلص وكل حاجة , بس هيفضل من الاجهزة المحترمة , اللى هتلاقى فيها كل متطلباتك

يعنى مثلا جهاز شاشة ممتازة وضد الخدش + سريع وبيشغل كل الالعاب + صوت عالى + ذاكرة كبيرة

كاميرا حلوة جدااا

اوبشن كتير وممتاز , يعنى جهاز ممتاز وسعرة قليل

لكن الجراند 2 : شاشة Tft ولا تاتش ولا الوان زى الاس 3 + ذاكرة ضعيفة 5 جيجا فقط + تهنيج + صوت واطى + كاميرا كويسة مش ممتازة زى الاس 3 + سخونية عالية

يعنى هل دة ينفع يكون جهاز يقعد معاك سنة ؟؟

أحمد محمد

2014-05-18 (02:11:26PM)

هي اذواق
بس انا لو بشتري دلوقتي بالميزانية دي مش هجيب الاس 3
لكن زي ما قلت في اول تعليق اني معرفش حاجة عن الجراند 2 لكني مش بنصحه بالاس 3
مع اني كنت شايله اكتر من 9 شهور ...
و بعدين يا سمسم احنا نسينا انه قال عاوز جهاز يقعد معاه 4 سنين مش سنة واحدة
انت رأيك ان الاس 3 ينفع في حاجة زي دي ؟

semsemSiR

2014-05-18 (02:53:55PM)

ماهو ياباشا كل واحد فينا نفسة يشيل جهاز يقعد 4 سنين ميغيروش , بس هل فية جهاز كدة فعلا

يعنى احنا معانا الاس 4 ماشاء الله علية جامد جدااا ,بمجرد نزول النوت 4 , فى شهر 10 الى جاى مثلا هيبقى الاس 4 قديم , واهوة عدى علية سنة ونصف فقط , متخيل بقى ان فية جهاز يقعد 4 سنين من غير ماتحس ان قديم , عموما التكنولوجيا مش بتقف وكل يوم فى تطور

بس صدقنى لو واحد بيدور على جهاز يقعد معاة 4 سنين , يبقى يفكر فى دول بس

( s4 - s5 - note 3 ) دول من سامسونج

سونى ( z2 )

ال lg g2

htc one m8

دول الاجهزة اللى يقعدوا 4 سنين وماتزهقش منهم اوتحس انهم قدموا

لو معاك تمنهم دوس ياباشا

والاس 3 لأ طبعا اخرة سنة ونصف بالظبط ويصبح جهاز قديم

أحمد محمد

2014-05-18 (05:20:14PM)

صح كلامك يا سمسم

AbodyGalal

2014-05-20 (06:31:04AM)

حضرتك لو انا هاشتري الجرند 2 في كبر الشاشه وكل حاجه اما الاس 3 1 قدم 2 قطع غيارو تقريبا مش متوفره اما الجراند 2 انا معيا منو كتير ومجربو علشان تجار هواتف سامسونج

AbodyGalal

2014-05-20 (06:32:16AM)

حضرتك لو انا هاشتري الجرند 2 في كبر الشاشه وكل حاجه اما الاس 3 1 قدم 2 قطع غيارو تقريبا مش متوفره اما الجراند 2 انا معيا منو كتير ومجربو علشان انا تاجر هواتف سامسونج

تلك الخدمة مخصصة للأعضاء فقط