بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

Deathly

2014-02-02 (08:01:01AM)

يا جماعة لو سمحتم ردوا على اسئلتى ..ياجماعة فية كذا حاجة عاوز استفسر فيها 1-زورار الى بيطفى الجهاز وزورار الى بيعلى ويوطى بيبقو سيبين يعنى مش مسكين اوى والهند فرى بردة الزورار اللى بيعلى ويوطى بيبقى سايب كدة فهل دة طبيعى 2-النت واليوتيوب بيبقو توقال فى الواى فاى مع العلم انى لسة مجربتش افتح نت او يوتيوب من الرصيد او الباقة فهل دة طبيعى 3--الصور لما اجى افتحها فى النت بتبقى بهتانة اوى وحتى لما باجى احملها على الجهاز بتبقى بهتانة بردة مع انى شوفت على اليوتيوب واحد فاتح الصور من النت وبتبقى مش بهتانة خالص حتى اما بيجى يحملها على الجهاز مش بهتانة بردة مع العلم انة معاة اس3 مينى ف اية الحل 4-اليوتيوب اما باجى افتحة بيغيب شوية عقبال مايدخل ودة حصل بعد ما حدثتة لكن اول ما جبت الجهاز كان بيدخل عادى 5-جوجل كروم هل الى بيجى مع الجهاز بيكون احدث اصدار من جوجل ولا احملة انا ولو هو اخر اصدار ازاى اظبط الاعداد بتاعة بحيث لما ادخل علية يجيلى جوجل بشكلة الحديث اللى هما الثلاث شرط اللى بيبقو فوق وهكذا مع العلم انى عملة تحديث من برنامج تحديث البرامج 6-اما اجى اضغط على زورار Home بيجيلى هزاز ازاى الغية 7-انا جبت الفليب كافر اس فيو ولما جيت احط الموبايل فية بسمع صوت تكة وبردة ام بطلعة من الجراب بسمع صوت تكة بردة فبعد فترة لما شلتة من الجراب فبمسحة عادى لاقيت فى الاطراف علامات الله اعلم دة من الجراب ولا هو جاى كدة فهو ممكن يكون من الجراب فلو كدة اشيلوا من الجراب خالص ولا اية 8-اما باجى افتح مواقع بيبقى تقيل اوى عقبال ما يحمل الموقع فهل دة طبيعى وكمان وهو مخلص تحميل بقعد اطلع وانزل بصبعى بيعلق مبيتحركش خالص اقوم جاى ضاغط على زورار الرجوع فى الموبايل كذا مرة بردة بيعلق مبيخرجش الا فين وفين فهل دة من النت ولا الجهاز وفى تلك الحالتين اية الحل 9-فى sub way الى هى ميامى بيبقى فيها تهنيجة فدة عيب من اللعبة ولا الموبايل وفى تلك الحالتين اية الحل 10-وبرنامج فلاش بلير مينفعش احملة من عادى ولا لازم ادخل على الضبط وبعدين الحماية وبعدين اختار مصادر غير معروفة مع العلم انى لما جيت اختارها جالى رسالة قالى انت المسؤل عن البرامج الى هدخلها على الجهاز وانا الصراحة خايف فبضغط الغاء 11-ضبط المصنع هل لية ضرر على الجهاز ولا لا وهو بيعمل اية وهو ممكن يرجعلى البرامج ذى ما كانت جاية مع الجهاز يعنى قبل ما احدثها ولا اية 12-وهل الحجات دية كلها مشاكل ولا حجات عادية حصلت معاكوة بردة ولو دية مشاكل اية الحل 12-وانا اسف انى طولت عليكم وشكرا :) الموضوع تانى

semsemSiR

2014-02-02 (11:57:27AM)

هو انا رديت عليك فى المشاركة الاولى , وماكنش فية داعى انك تعمل المشاركة تانى

بس عموما عشان تبقى عارف وهجاوبك تانى :

1- لأ طبعا مش بيبقوا سايبين , دة كدة عيب فى الجهاز

2- النت من الواى فاى على حسب كفاءة الراوتر وقوة الاشارة , فانت ممكن تجرب من راوتر تانى ويكون قريب وشوف السرعة , لو السرعة ماتحسنتش يبقى ( دة عيب فى الجهاز )

3- لأ طبعا صور التليفون دة جميلة جداا والوانة افضل من الواقع وشم بهتانة نهائى ( كدة فية مشكلة فى الهاتف ) وياريت تأكد بردة هل بتشوف اللون الاسود ( اسود غامق ولا لأ ) عشان لو اسود فاتح يبقى للاسف التليفون دة ممكن يكون مش اصلى

4- راجع نقطة رقم 2 لانها مرتبطة بالسؤال دة

5- الجوجل كرووم اللى مع الجهاز مش احدث اصدار , لكن انت اتوماتيك لو دخلت على play market هتلاقى طلب منك تحديث للكرووم اعملة وبكدة انت معاك اخر اصدار من جوجل كروم , ومعلش انا مش فاهم يعنى اية جوجل بشكلة الحديث ( هو شكل ايقونة جوجل كرووم اللى هية المعروفة شكلها بيكون كرة متقسمة ثلاث الوان مهما عملت تحديث لاصدارات )

6- ادخل على ال setting ثم sound ثم شيل علامة صح من امام اختيار haptic feedback

7- خلية فى الجراب افضل بس اتأكد انك جايب جراب نظيف عشان يكون خاماتة طرية ومتأثرش على الحلية الكرووم بتاعة الجهاز

8- راجع النقطة رقم 2 عشان بردة السؤال مرتبط بيها

9- subway جرب الاول تنزل اصدار يكون من ال play market وشوف لو لسة بتهنج يبقى اعمل الاول clear ram قبل ماتلعبها وشوف الدنيا فيها اية

10- برنامج flash player هو اصلا عندك على الجهاز اتوماتيك مش محتاج تنزيل بس مش فلاش بلاير هو html5 مع النسخة نفسها , لكن لو عايز فلاش بلاير , عادى مافيش مشكلة علم علامة صح على unkown sources مافيش اى مشكلة ونزل اللى انت عايزة اهم حاجة بس تكون متأكد ان البرامج اللى هتنزلها مافيش عليها فيرس

11- مافيش اى ضرر على الجهاز نهائى , كل اللى فى الموضوع انة بيشيل اى حاجة على الجهاز يعنى كأنك لسة جايبة واول مرة تستخدمة , وطبعا بيخلى كل البرامج على ظبطها الاساسى وبدون اى تحديثات وبيشيل اى تحديثات اتعملت

12- لأ طبعا الحاجات دية اول مرة نسمع عنها خصوصا ( الزراير - الشاشة الباهتة - النت الضعيف )

وياريت لو تعرف ترفع صور للتليفون بتاعك يكون افضل كشكل من الخارج - و screen shot من الهاتف نفسة

A7medGamal

2014-02-02 (08:48:59PM)

ايه كل ده o_O
اتأكد يا صاحبي ان موبيلك اصلي ولا كوبي
وجبته منين وبكام .. لان كده صراحه المشاكل كتير جداا
وزي ما سمسم قال ارفعلنا كام صوره كده من الموبيل عشان كده مش طبيعي خالص

تلك الخدمة مخصصة للأعضاء فقط