بدون عنوان

لأ طبعا

عادى جدااااااا , التليفون اصلى وزى الفل

اصل انا كنت ناوى اجيب الفون ده من هنا بس فى واحد صاحبي نازل من السعوديه خلال اسبوع وقالى انه تمنه من 1300 ل 1400 ريال يعنى حوالى 2500 او 2600 مصرى يعني فرق جاااااامد فى السعر بس قالى انه كله ((صنع فى الصين بواسطه سامسونج)) وهو معاه الاس 4 كده برضه
الصراحه انا قلقت...
حاجه كمان هل فى كذا اصدار من الفون ده ولو فى ايه الافضل
كمان كنت عاوز اعرف هل بييجي معاه كارت ميمورى
وياريت تقولولى عن جراب كويس نوع معين بحيث يجيبه معاه بنفس اللون بالمره
كمان هل فى واقى للشاشه الواحد يجيبه ولا عادى ملوش لازمه لانى سمعت كذا واحد بيتكلم عنه...
اخر حاجه بقه علشان يبقي قلت كل حاجه
هل الفون لما ييجي قبل ما استعمله هل لازم احطه على الشاحن مده معينه قبل الاستعمال
وهل اقول لصاحبي يفتح العده هناك ويشوفها ولا عادى طالما المكان كويس يبقي مقلقش
وانا اسف جدا على الاطاله بس ارجو من حضراتكم المساعده
وشكرا

1- التليفون سواء فئة s أو note المصنوع في الصين بواسطة سامسونج أفضل من الفيتنامي المُنتشر بالسوق و الذي يعاني منه البعض مشاكل في السخونه و درجة وضوح الشاشه أو البطارية أحياناً ، النسخه الصيني الأصليه هي الأفضل بعد الكوري و نادراً ما تجد أحداً يشتكي منها.

للتأكد من محتويات العلبه بالشكل التالي /

- السيناريو الأول / إذا قالك التليفون "صنع في الصين بواسطة سامسونج" تتأكد من التالي:
- تنزع غطاء الظهر للتليفون و من المفترض أن تجد تحت البطارية Made in China by Samsung
- البطاريه نفسها سيكون مكتوب عليها Made in Korea, assembled in China أو Made in Japan assembled in China
- الكتالوجات مكتوب عليها printed in China

- السيناريو الثاني / إذا قالك التليفون "صنع في فيتنام بواسطة سامسونج" تتأكد من التالي:
- تنزع غطاء الظهر للتليفون و من المفترض أن تجد تحت البطارية Made in Vietnam by Samsung
- البطاريه نفسها سيكون مكتوب عليها Made in Korea, assembled in Vietnam أو Made in Japan assembled in Vietnam
- الكتالوجات مكتوب عليها printed in Vietnam
* لا يُنصح بالنسخه الفيتنامي بشهادة الكثير من مالكي التليفون.

- السيناريو الثالث / إذا قالك التليفون "صنع في كوريا بواسطة سامسونج" تتأكد من التالي:
- تنزع غطاء الظهر للتليفون و من المفترض أن تجد تحت البطارية Made in Korea by Samsung
- البطاريه نفسها سيكون مكتوب عليها Made in Korea, assembled in Korea أو Made in Japan assembled in Korea أو Made in Korea فقط.
- الكتالوجات مكتوب عليها printed in Korea
* تقريباً لن تجد هذه النسخه بعد 6 شهور من التاريخ الرسمي لإصدار التليفون ، و هي غالباً غير متوفره الآن للجالاكسي إس 3

- السيناريو الرابع / إذا قالك التليفون "صنع بواسطة سامسونج" فقط ، تتأكد من التالي:
- تنزع غطاء الظهر للتليفون و من المفترض أن تجد تحت البطارية Made by Samsung
- البطاريه نفسها سيكون مكتوب عليها Made in Korea, assembled in Vietnam أو Made in Japan assembled in Vietnam أو Made in Korea, assembled in China أو Made in Japan assembled in China أو Made in Korea, assembled in Korea أو Made in Japan assembled in Korea أو Made in Korea فقط.
- الكتالوجات مكتوب عليها printed in Vietnam أو printed in China أو printed in Korea
* هذه النسخه غير مُحدد فيها مكان الصنع و لكن يُمكن إكتشاف ذلك عن طريق المكتوب على البطاريه و الكتالوجات و هي غالباً كوري أو صيني و قد تجد منها في السوق الآن.


- بالنسبه للتأكد من إن التليفون أصلي ولا لأ بيبان من وضوح الشاشه و تتأكد من رقم السيريال على الورقه إللي جوه العلبه إنها نفس الرقم لما تشغل التليفون و تدوس *#06# ، أيضاً كود *#1234# بيجيب إصدار التليفون و المفروض يطلع i9300


- بالنسبه لإصدارات التليفون النسخ العالميه إتنين فقط i9300 و i9305 ، الأول هو المنتشر و الأفضل من حيث الدعم و ما إلى ذلك و يُنصح به ، الثاني الرامات أفضل 2 جيجا و يدعم الجيل الرابع على حد علمي و لكن البعض إشتكى من بطارية الثاني.


- محتويات العلبه / التليفون ، الشاحن و به وصله usb تتفك و تتركب فيه ، السماعه ، البطاريه ، الكتالوجات ، ولا يوجد كارت ميموري ، و دي صورة لمحتويات العلبه


- بالنسبه للجرابات متوفره هنا في مصر أصليه من سامسونج tpu بكذا لون بس مش هتلاقي إسود.


- واقي الشاشه أو السكرين بروتكتور مُهمه للتليفون حتى لو فيه جوريلا جلاس ، و أفضل نوعين هما buff كان ذكره الأستاذ محمد سمير في رد سابق و أيضاً السكرين بروتكتر الأصليه من سامسونج و هي متوفره في مصر.


- بالنسبه للتليفون إنت ممكن تشغله عادي أول ما تفتح العلبه و في المحل للتجربه ، مش زي التليفونات القديمه ، لأن بطاريات الليثيوم الجديده بتيجي من المصنع مشحونه بـ 50% تقريباً حسب ما أتذكر.


- آه طبعاً يُفضل تقول لصاحبك يفتح العلبه هناك و يتأكد من المحتويات بنفسه و لو يعرف يشغل التليفون كمان و يتأكد من كل ما ذكر أعلاه بالتفصيل قبل مغادرة المحل.


- بالنسبه للسِعر إللي إنت هتجيب بيه التليفون يعتبر جيد و الفرق بينه و بين مصر هنا تقريباً 400 أو 300 جنيه ضمان دولي.


*لو تعرف تجيبلي معاك واحد من هناك اليومين دُول إبعتلي رقمك ف الخاص و ننسق مع بعض و أكون شاكر ليك ، و لو مش هينفع مفيش مشاكل ، وأي سؤال تحت أمرك.

و مُبروك مُقدماً إن شاء الله.

مع التحيه.

اولا انا متشكر جدا للاجابات الوافيه دى وانشاء الله اجيبه
بالنسبه للسؤل بتاع حضرتك
ده اسم الاكونت بتاعى على الفيس بوك ضيفنى ونتكلم
Mohamed Wasel Rohiem
هو هتلاقيه اسم واحد بس موش هتلاقيه متشابه مع اى اسم تانى
وان كان فيه نصيب يبقي ربنا يكرم

المعذره أنا لا أملك آكونت على الفيس ، بس عندي على الياهو بنفس الإسم إللي بكلمك بيه.

مع التحيه ،،،

معلوماتك قيمه جدا والله الله يباركلك بس ياريت حضرتك تقول مصدر المعلومات دى منين يعنى لو موقع ولا حاجه تحط الرابط بتاعه

تِسلم أخ مٌصطفى ، دي معلومات مُجمعه من بحث مكثف على النت ، جوجل ، xda ، gsmarena ، و ريفيوهات و نقاشات كتيره جداً على اليوتيوب و المواقع الأجنبيه و العربي + معلومات و تجارب شخصيه من أصدقاء و معارف.
و للعِلم الكلام ده مش عام على كل التليفونات ، ده زي ما ذكرت سامسونج فئة s و note فقط الصناعه الفيتنامي ، و مش كله برضو إشتكى من الفيتنامي في ناس بتقول التليفونات شغاله معاها زي الفل ، لكن عامتاً الكوري أو الصيني لم أجد منهم أي شكاوي تذكر بخلاف الفيتنامي ، وإن كان ساعات الكوري في أول باتش أو باتشين بيحصل مشاكل في خطوط الإنتاج زي ما حصل في الـ s2 كانت مشكلة ريسوليوشن شاشة و سخونه تقريباً و النوت 1 كانت مشكلة بورده بعد تحديث جيلي بين حسب ما أتذكر ، عشان كده أنا عامتاً مش بحب أشتري تليفون لسه نازل السوق جديد مش قصة فلوس بس لأ عشان كمان يكون إتجرب من فئات كتيره و تقدر تحدد مميزاته و عيوبه بوضوح.
الأهم من ده كله الواحد يتأكد بس إن التليفون أصلي أهم حاجه لإن للأسف شوفت تليفونات نسخه طبق الأصل من الأصلي و لكنها تقليد بس غالباً بتبقى الرامات أو الذاكره الداخليه أقل و وضوح ألوان الشاشه برضو بيبقى مش مظبوط و أقل من الأصلي.

و بالتوفيق ،
مع التحيه.

تسلم يا باشا و شكرا .

طيب يأخ Lessismooore
لو سمحت انا اشتريت اس 3 اول امبارح من الشناوى فى طنطا
ولقيت الموبايل made by samsung
وعليه لزقه اسكرين بروتكتور جاهزه والسوفت اللى عليه 4.3
فعايز اتاكد كده الموبايل مضروب ولا ايه
لانى كلمت 16580 سامسونج قالولى لازم الموبايل يكون made in .... by samsung
وشكرا