بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

midomomo

2013-02-08 (08:45:22PM)

بعد اذنكم بالنسبة للشبكة
انا سمعت ان الموبيل بيسقط شبكة
هو الموضوع دة حقيقى؟؟؟؟؟
ولو حقيقى ازاى اعالج المشكلة دى والمشكلة دى هيبقى ليها علاج بالتحديثات ولة لا
ولة استنى شويه واجيب اس2 ولة اية؟؟؟
انا اسف فعلا انى كل شويه اسئل انا بعتزر جدا ليكم بس متردد جدا ومش عايز ارمى فلوس وخلاص
وكمان لانى متعاملتش مع اى موبيل تاتش قبل كدة سامحونى لكتر استفساراتى وشكرا جزيلا ليكم

semsemSiR

2013-02-08 (10:39:05PM)

اولا المشكلة دية حالات فردية يعنى مش موجودة فى كل الموبايلات

وبتكون موجودة عن اللى عندهم تغطية ضعيفة فى المنزل لكن فى الشارع انسى الكلام دة خالص ,

وبتكون موجودة لما بيكون الشريحة نفسها قديمة وبقالها كتير ماتغيرتش

وعموما حتى لو قابلت المشكلة دية بتتحل ياباشا ببساطة جدااااااااااا و ماتقلقلش

عايز تجيب ال S2 براحتك موبايل كويس وافضل حاجة بسيطة من ال S advance بس فرق السعر كبير قوى , ومايستاهلش الفرق دة كلة

midomomo

2013-02-08 (10:48:05PM)

ربنا يجازيك كل خير يا سمسم انا عاجز عن شكرك لردك على كل استفساراتى وشكوكى
هو بطاريه الاس 2 وحشة اوى كدة؟ زى مانا بسمع؟
هو موضوع اس2 بالنسبالى او الموبيل عامتا انا هجيب موبيل يقعد معايه سنين اذا اشاء الله دة علشان كدة عايز اجيب حاجة كويسه مش عايز حاجة يكون فيها عيب
فقلقت جدا من الشبكة انا بعتمد فى شغلى على التليفون لانى بخلص شغلى كتير بيه فهتبقى مشكلة كبيره لو الموبيل عندى كان فيه اى مشكلة من ناحيه الشبكة
وفى نفس الوقت مجبش موبيل من اقل مكاله او استخجام للنت يسخن منى ويحصله حاجة
فعلا محتار جدا وقله خبرتى فى الموبيلات هى السبب
فانا اسف جدا ليك وشكرا جدا جدا ليك

capoza

2013-02-08 (11:11:25PM)

الاس تو اغلى كتير على الفاضى وبيسخن جامد وبطريته بتخلص بسرعه تحس انها بطرية لاب وحجم الادفانس احلى وده راى الشخصى وانت ليك الاختيار

semsemSiR

2013-02-08 (11:20:20PM)

موضوع السخونية فى s2 موجود بصورة واضحة جدا فى النسخة العالمية 9100i , لكن قليل شوية فى النسخة ال 9100g لكن طبعا يقابلها اداء اقل

بالنسبة للبطارية فطبعا ال S2 بطاريتة ضعيفة يعنى لو بتعتمد اعتماد كلى على المكالمات فى شغلك يبقى التليفون دة هيصمد فقط مكالمات ساعتين ونصف

لكن ال s advance , مافيش سخونية تماما

بطاريتة بتصمد مكالمات ل 5 ساعات ونصف

الشبكة والله ماتقلق منها خالص انا التليفون معايا داخل اهوة فى 9 شهور والحمد لله عمرها ماوقعت مرة واحدة

طبعا سعر ال S2 دلوقتى بالضمان والنسخة ال g وخلى بالك ب 3200 جنية فطبعا حرام ادفع فى تليفون بالاوبشن دة 3200 جنية

ولو عايزة من غير ضمان بيعمل 2650 - 2700 جنية جديد النسخة العالمية وانت ونصيبك وبتاخدة على مسؤليتك

لكن ال S advance فى 98% من مواصفات الs2 وب 2200 جنية بالضمان وبيعمل كل حاجة ال S2 بيعملها , اى لعبة بيشغلها ال S2 بيشغلها ال advance

شوف ال Advance روعة فى كل حاجة والجيلى بين نازلة خلاص هيبقى تحفة اكتر واكتر

midomomo

2013-02-09 (10:33:11AM)

متشكر جدا ليكم
وان شاء الله التنفيذ كدة قريب جدا جدا
ربنا يسهل
بس انتم بتقوله حاجات غريبه اوى على الموقع بصراحة هى الموبيلات دى فيها كل الحاجات الغريبه دى دة انا هبقى ابيض شكلى فى الجهاز من اكتر الحاجات اللى رعبانى فى شراء الموبيل انى ازاى هفهم كل الكلام الغريب دة
ههههههههههه
بشكركم جدا جدا مره تانية

تلك الخدمة مخصصة للأعضاء فقط