بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

DrMobile

2013-03-17 (07:46:45PM)

أعتذر جدا لاخواني لعدم تواجدي معكم خلال الفترة اللي فاتت لانشغالي جدا بشغلي

واسمحولي اخد رايكم في حاجة تخص شغلي :

انا حاليا قدامي 4 شركات ادوية بالموصفات اللي هعرضها عليكم ومحتار بينهم جدا :

- الشركة الاولي بمرتب 3000 وعربية خاصة بي ملك الشركة بعد 6 شهور وتمليك لي بعد 5 سنوات ... مع الضغط جدا في الشغل والشروط الصارمة .. ولكن المدير المباشر محترم جدا ومتفاهم ... وبعد مصاريفي قد يتوفر من 1500 الي 2000.. الشركة مصرية

- الشركة التانية بمرتب 5000 والعربية اقوم انا بشرائها (شرط اساسي ) وايضا مع الضغط الاكثر في الشغل .. ولكن المدير المباشر شخصية قوية ولا يسمح بغلطة واحدة .. بعد مصاريفي قد يتوفر من 2000 الي 2500 ... الشركة يابانية جديدة

- الشركة الثالثة بمرتب 2100 والعربية ملكي من اول يوم وباخد عقدها بعد 4 سنوات والصيانة علي حساب الشركة والمدير لذيذ ومتفاهم .. بعد مصاريفي قد يتوفر من 1000 الي 1300 ... الشركة مصرية تعمل لحساب شركة امريكية

- الشركة الرابعة بمرتب 1900 ولا يوجد عربية والمدير متفاهم ولكن ذو مذاج متغير ( يوم كويس ويوم ضغط ) ... بعد مصاريفي قد يتوفر 1500 ... الشركة مصرية

طبعا مصاريفي في كل شركة مختلفة طبقا لنظام الشركة وال Image ( لبس جديد واكل وشرب وخلافه ))

يا ريت تفيدوني ... لاني عايز مكان استقر فيه لاني زهقت من كتر التنقل بين الشركات

ودعواتكم ليا بالتوفيق لما فيه الخير ان شاء الله

semsemSiR

2013-03-17 (07:59:23PM)

dr-mobile ياباشا افتقدناك بجد , وليك وحشة ياباشا

ربنا يوفقك لما فية الخير ان شاء الله , ويرشدك الى الصواب , ممكن تصلى صلاة استخارة اولا قبل اتخاذ القرار ولكن هقولك مين افضل شركة على حسب ماتم عرضة من معلومات

1- انا رأى افضل شركة هية الشركة الاولى , بس حاول تظبطها على ان اللى يطلعلك صافى 2000 جنية

والشركة التانية فى حالة واحدة بس لو انت معاك عربية لكن لو مش معاك عربية يبقى بلاش لان اقل قسط عربية دلوقتى يتراوح مابين 2000-2500 جنية , دة غير انك لازم تدفع على الاقل 50% من ثمن السيارة اولا , يعنى تحمل مصاريف وممكن لاقدر الله يحصل اى مشكلة فى الشغل يبقى كدة انت هتكون خسران جامد

طبعا الشركتين التانيين مرتباتهم قليلة من 1000 الى 1300 جنية قليل جداا طبعا

دة رأى , وان شاء الله تتوفق لما فية الخير لك

eslamtov

2013-03-17 (11:27:46PM)

دكتور سيبك من العربيه اسمع مني بجد اهم حاجه في الشغل المدير ويليه المرتب وبعديه العربيه
وبالزات في شركات الادويه عشان هتشوفه علي الالق مرتين في اليوم والترقيات والشغل ده
وانا شايف ان افضل شركه هيا الشركه الاولي فعلا وعلي فكره في اي شركه ادويه بيتخصم تمنها منك من المرتب بس مبتحسش بيه يعني وبتتملكها بعد متخلص فلوسها وعلي فكره البنزين كمانبيبقي عليهم مش الصيانه بس