بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

Mido77

2013-03-17 (01:03:56PM)

مين أحسن s advance ولا motorola razr
ولا أجيب جديد زى لوميا 620 أو htc 8s

semsemSiR

2013-03-17 (02:34:54PM)

والله شوف انا استخدمت موتو raza وهو موبايل تحفة وجميل جدااااااا وممتاز اوى وطبعا افضل من الادفانس فى حاجات ولكن يعيبة الاتى :

1- مالوش تقريبا اكسسوراات نهائى ولا اسكرين بروتوكت ولا جراب ولا اى حاجة جراب

2- الظهر بتاعة علية لزقة مدمج فيها ال serialnumber بتاعة الجهاز فمرخمة شكل الجهاز اوى لازم تشيلها

3- التليفون عريض جدا فمسكتة صعبة شوية ومرهقة لليد

4 - صعوبة فتح باب كارت الميمورى الصراحة كنت حاسس ان الفريم بتاع الجهاز هيتخربش منى من كتر محاولات لفتح باب الكارت

5- التليفون صوتة واطى بمعنى كلمة واطى

6- عيب من عيوب الموتو انك ماتعرفش الرامات بتاعتة شغالة بقد اية ولو فيها كام انا دوخت على التليفون عشان اعرف قارى راماتة كام مافيش قلبت فى التليفون كلة

لكن الصراحة التليفون ممتاز ( شاشة فى غاية الروعة والجمال - نت - اتصال - سرعة تاتش )

عموما الاتنين ممتازين بس انا هفضل الادفانس عشان الدعم وانتشار الاكسسوارات وكمان الفرق مابينهم قليل جدا يعنى الفرق كالاتى :

1- شاشة الموتو الوانها افضل من الادفانس بنسبة 2%

2- السرعة واحد مالاحظتش اى فرق فى السرعة

3- الكاميرا واحد مع ان كاميرا الموتو 8 ميجا الا ان كاميرا الادفانس ممتازة جداااااااااااا بجد

4- صوت الادفانس اعلى بفرق محترم

5- الادفانس مريح فى مسكة الايد

6- الاتنين شيك ,جدااااا

7- النت الاتنين نفس السرعة تقريبا

8- جربت بردة فى ال wi-fi الاتنين لاقطين نفس الشبكات

9- كنت فى منطقة الشبكة فيها ضعيفة والاتنين كانوا جايين شرطتين

10- بطارية الادفانس اقوى

Mido77

2013-03-17 (03:05:41PM)

أولا شكرا على الرد بس هل الأدفانس مش بطىء عن الرازر لأن رام الرازر 1 جيجا
وهل حضرتك شايف أن الرازر والأدفانس الأتنين أحلى من النوكيا أو htc بغض النظر عن نظام التشغيل

semsemSiR

2013-03-17 (03:52:30PM)

على فكرة مالوش علاقة حجم الرامات بسرعة الجهاز

هية كل الفكرة ان كل مالرامات بتبقى اعلى كل مالجهاز يقدر تشغل علية تطبيقات اكتر فى وقت واحد , وكمان يتلعب علية لعب اقوى

والادفانس بيحقق دة بكل سهولة مافيش لعبة فى 2013 مش بيشغلها وبدون اى مشكلة واحدة

وبعدين رامات الادفانس الصافى 555 وفى الجيلى بين اللى نازل اصبحت 625 ميجا

واى تليفون تانى بتكون الصافى بتاعها فى حدود 780 ميجا يعنى الفرق مش كبير , وخلى بالك

انت ليك بمعدل سحب الجهاز للرامات اكتر لان فية اجهزة راماتها 750 ميجا صافى والسحب مثلا 500 طيب انت كدة عملت اية ؟؟؟؟ ماهو برضة بطأت الجهاز لو حملت علية فوق طاقتة

Mido77

2013-03-17 (06:20:19PM)

شكرا يا أستاذ semsemSiR على المعلومات القيمه دى

kariam

2013-03-17 (07:01:03PM)

نصيحه منى هات اتش تى سى افضل واحسن وبزات وان اكس ولو عاوزو انا ممكن اجبهوالك جديد وبسعر مغرى جدا و 32 جيجا مش 16

Mido77

2013-03-17 (07:21:40PM)

يا أستاذ كريم الموبايل htc اللى بنتكلم عنه هو htc 8s وده أخره فى السعر 2300 جنيه لكن htc one x غالى جدا عليا لكن عموما ألف شكر على االأهتمام

semsemSiR

2013-03-17 (08:05:48PM)

طبعا ال htc 8s مشاكلة الاتى :

1- windows 8 ودة نظام ممل وصعب ومشاكلة كتير

2- الرامات صغيرة 512 الاجمالى والصافى هيكون 370 ميجا تقريبا

3- الذاكرة الداخلية قليلة جدا 4 جيجا والصافى غالبا 1.5 جيجا

4- الشاشة الوانها بهتانة مقارنة بمنافسية

5- لا يوجد كاميرا امامية

طبعا كل العيوب دية كانت ممكن تتقبل فى حالة اذا كان سرعة لا يتعدى ال1700 جنية , لكن سعرة فى السوق 2100 جنية و2150 جنية فطبعا كتيييييييير جدااااااااااا

عموما انا عن نفسى اقولك حدد اختيارك بين الاتى ( الادفانس - razar - desirex - lg l9768 )

Mido77

2013-03-18 (01:38:31AM)

أستاذ semsemSir أنا معاك فى كل اللى قلته بس المشكله أن الشكل بتاع الموبايل htc 8s داخل دماغى وعاجبنى جدا والصراحه شكل الموب أهم حاجه عندى بس أنا بختلف معاك فى شويه نقاط وهى أنى شايف أن الويندوز 8 فى الموبايلات مش فاشل ولا حاجه وهو مناسب لأى واحد لسه هيبتدى يستخدم smart phone لأول مره نظرا لسهوله التعامل معاه ونقطه تانيه أن الويندوز 8 مبيحتجش رامات كبيره زى الأندرويد بس دى أنا مش عارف ليه الصراحه أنا قرتها بس أنا مجربتش وتالت نقطه أن الموبايل ده خاماته كويسه جدا جدا بس هو المفروض يبقا أحره 1900 جنيه يبقا تمام
بس أنا لو لقيت موبايل أندرويد شكله عاجبنى هجيبه فورا
وشكرا على أهتمام حضرتك

تلك الخدمة مخصصة للأعضاء فقط