استفسار

للرجوع الي صفحة سامسونج Galaxy Note II N7100 الرئيسية اضغط هنا

rrrrmmmm

2014-06-02 (01:43:20AM)

لو سمحتو انا محتار بين النوت 2 وال s4 انهى الافضل وانا استخدامى هيبقى نت والعاب

ahmadyaya

2014-06-02 (10:10:14PM)

مافيش اختلاف ملحوظ في الاداء بين الاثنين
السؤال محتاجه قلم ولا لا والشاشه المناسبه ايه

saber1977

2014-06-03 (02:51:36AM)

بص يا سيدي أنا من خلال استخدامي للاتنين أقدر أقولك إن النوت بيمتاز بحاجات كتير زي : البطارية الجبارة ، والقلم ، والشاشة الكبيرة ، والكاميرا الرائعة . أما الـ s4 فكل ما يميزه هو ألوانه . وانت بتقول إن استخدامك نت وألعاب يبقى من غير كلام هات حاجة بطاريتها أقوى . ودي طبعا وجهة نظري . تقبل تحياتي .

rrrrmmmm

2014-06-03 (02:53:35PM)

هو الفرق فى البطاريه بين التليفونين واضح عشان برضو دى تفرق لانى سألت فى صفحه الs4 فضلولى ال s ولما قريت فيها لقيتهم بيقولو البطاريتين تقريبا بيقعدو فتره قريبه من بعض مفيش فرق فالكلام ده صح ولا غلط
وهل النوت فعلا بيسخن اكتر من الs4
وانا القلم بتهيالى ميفرقش معايا والشاشه كبيره اللى هو يا s4 يا النوت لكن مش اقل من ال s
انا تايهه ومش عارف :)

rrrrmmmm

2014-06-03 (03:01:26PM)

بالنسبه للكاميرا اكيد ال s4 لانها 13 لكن النوت 8
ولا ايه رأى حضرتك ؟

semsemSiR

2014-06-03 (06:08:37PM)

ahmadyaya , saber 1977

هو طبعا وجهة نظركوا تحترم , بس الفرق مابين الاس 4 والنوت 2 زى الفرق مابين تليفون بتكنولوجيا 2011 وتليفون بتكنولوجيا 2014 فتخيل بقى الدنيا عاملة ازاى

الاس 4 اشد من النوت 2 فى كل حاجة ماعدا ثلاث حاجات فقط مافيش غيرهم ( حجم الشاشة - الراديو - القلم )

غير كدة النوت 2 لا يرقى تماما للاس 4 فى التعامل , ودة ميقللش من النوت 2 , بس فعلا الاس 4 عالى عنة فى كل حاجة

موضوع البطارية الاس 4 زى النوت 2 بس لما كان النوت 2 بتحديث 4.1.2 لكن مع تحديث ال 4.3 انسى خالص , الاس 4 يتفوق بكل جدارة

medo84

2014-06-03 (07:16:17PM)

هات النوت 2 وادعيلى موبايل فاااااااااااااااااجر من الاخر ويستاهل كل جنيه اندفع فيه والبطارية مش هاتلاقى زى بطارية النوت 2 ابدا
شغل فحت وردم جيمز ونت وpdf ناهيك عن استخدامت القلم التحفففففففففة وبعد التحديث ل4.3 البطارية بقت افضل والموبايل اسرع عكس كلام الاستاذ سمسم مع احترامى لرائيه بس واضح انه متحيز شوية لللاس 4 وشوف تقريير كانت عاملاه عضوة هنا عن التحديث والبطارية خصوصا .والحجم صدقنى مسالة تعود مش اكتر
الاس 4 موبايل ممتاذ ايضا ولكن فئة النوت من سامسونج ليها طعم تانى غير كل الموبايلات السامسونج والموبايلات عموما ...انزل شوف الموبايلين وامسكهم واللى ترتاحله هاته ... ربنا يوفقك ايا كان اختيارك

youssefshabana

2014-06-03 (08:44:52PM)

شوف يا باشا اﻷس 4 أفضل من النوت 2 في الشاشة والسرعة افضل بفرق بسيط جدا وافضل طبعا في الكاميرا وفي الشكل و الوزن وهيستقبل تحديثات اكتر من النوت 2 ﻷنه أحدث منه واحتمال النوت 2 يقف عند تحديث الكيت كات لكن النوت 2 بيتميز بانه بيدعم قلم ودي ميزة مهمة بالنسبة لبعض الناس وكمان بطاريته اقوي وشاشته اكبر

semsemSiR

2014-06-03 (09:54:26PM)

medo84

ياباشا انا مش متحيز والله بس لو عايز مقارنة فعلية مابين الاتنين اتفضل المقارنة دية

1- دقة الشاشة :

الاس 4 : 1080x1920 وكثافة البيكسل 441

النوت 2 : 720x1280 وكثافة البيكسل 267

الاس 4 علية طبقة حماية من نوع corning gorilla glass 3

النوت 2 : علية corning gorilla glass 1

طبعا فرق شاسع مابين الاتنين فى كل حاجة فى الشاشة

2- السرعة :

الاس 4 : octa cores يعنى ثمان انوية , مقسمة على معالجين يعنى اربعة لكل معالج
واحد quad core 1.6 cortex a15 والتانى quad core 1.2 a7

النوت 2 : quad core 1.6 cortex a9 يعنى النوع القديم مش زى الاس 4 a15 ودة طبعا فارق كتير جداا فى حاجات كتير

كارت الشاشة :

الاس 4 : PowerVR SGX544MP3

النوت 2 : mali 400

وطبعا الاس 4 اقوى من ال mali بفرق محترم

3- سرعة النت :

الاس 4 : يعمل بسرعة 42.2 ميجا

مقابل سرعة 21 ميجا للنوت 2

الواى فاى فى الاس 4 / بيعمل بتقنية : Wi-Fi 802.11 a/b/g/n/ac

مقابل : Wi-Fi 802.11 a/b/g/n للنوت 2

يعنى الاس 4 احدث من النوت 2

4- ال usb : الاس 4 بيعمل بأحدث تقنية ال mhl 2 مقابل mhl فقط للنوت 2 ودية بتفرق فى سرعة نقل البيانات

5- الكاميرا :

طبعا مش محتاجة كلام , كاميرا الاس 4 حتى الان من اقوى الكاميرات اللى موجودة فى الهواتف

والنوت 2 مايجيش جنبها حاجة , كااوبشن وسينسور كاميرا وكل حاجة

6- الاوبشن :

طبعا الاس 4 فية كمية اوبشن غير موجودة فى النوت 2

1- ال infra red

2- كمية السينسور الموجودة فى الاس 4 وغير موجودة غير فقط فى النوت 3 والاس 5

كل دة وبتقول متحيز للاس 4

مايتفوق بة النوت 2 على الاس 4 :

1- الراديو

2- القلم ( خلى بالك ان الاس 4 بيدعم القلم عادى جداااااااااااااا ) لان القلم فى النوت 2 عادى مش زى النوت 3 , يعنى لو جيبت s-pen للاس 4 هيكون هو هو النوت 2

3- حجم الشاشة

طبعا دة غير وزن النوت 2 اللى تقيل جدااااااااااا وزنة 183 جرام , مقابل 130 فقط للاس 4

وكمان الاس 4 ارفع 7.9 مقابل 9.4

يعنى من الاخر الاس 4 يتفوق بجدارة , اى حاجة غير كدة يبقى غير مطابق للواقع

وعلى فكرة كل دة مقارنة فعلية مش ارقام انا صاحبى معاة النوت 2 وعارف كل حاجة فية

واى حد هيشوف النوت 2 والاس 4 طبيعى لازم يختار الاس 4 لان دة جهاز المستقبل

ودة ميقللش من النوت 2 , بس طبيعى ان يكون فية جهاز اقوى منة

medo84

2014-06-04 (01:06:54PM)

ههههههههههههه ياراجل دا انت مرمت النوت 2 خالص ..انا مش هبيعه انا هرميه بعد الكلمتين دول:d ومش اى حد لازم يختار الاس4 ..ابسلوتلى .. عادى جدا انا كان قدامى الاتنين تقريبا بنفس السعر واخترت النوت2
انت راصص المقارنة دى كلها على اساس انى ممسكتش الاس 4 خالص ..كل دا كلام على ورق
بص علشان منحرقش بنزين كتير على قلة فايدة فى الشاشة(اللى عليها جلوريا جلاس 1!!) والوزن (تقيل جدااااااااا !!!) والسرعة والبطارية والقلم( اللى فى النوت 2 ومش زى النوت3!! واى قلم ب20 جنيه يقدر يقوم بمهامه)
الاس 4 مع زميلى فى الشغل ومبعملش حاجة غير مقارنات بينهم ..(مقارنات فعلية برضو مش ارقام على ورق) ومن الاخر لو فى تفوق واضح وظاهر لموبايلك اللى بتدافع عنه بشراسة يبقى فى الكام فقط ..
العيوب مش هاذكرها بس انت اكيد عارفها وخد لفة فى المنتديات والمواقع ... كل واحد شايف موبايله التوب ومفيش زيه وطبيعى يدافع عنه ..عموما ربنا يباركلك فيه ويحفظهولك وتستخدمه فى الخير ...دمت بود

semsemSiR

2014-06-04 (03:25:15PM)

لأ انت فهمتنى غلط , انا مش بدافع عن التليفون , الحمد لله , عندك ياباشا كل حاجة موجودة فى صفخة الاس 4 بال screen shot مافيش فيها جدال

وكل الحاجات اللى انا قولتهالك دية , حاجات واقعية , انا ولا جيبتلك سكور من antutu bench mark ولا قولتلك اسرع منة , انا بقولك اوبشن وحاجات واقعية قدامك

وانا والله معايا صحابى فى الشغل معاهم ( نوت 2 - ونوت 3 ) وعارف كويس الاس 4 اية

وماليش دعوة بالمنتديات اللى برة , انا ليا جهازى واللى انا شايفة فية واللى قدامى , وكمان معانا زملاء رأيهم من رأى , ممكن حضرتك تبص بصة

وانا مقولتش ان النوت 2 وحش , بالعكس جهاز جميل جدااااااا ويقضى الغرض وكفاية كمان , بس الدنيا فى تطور مستمر , وعمر الحاجة ماهتفضل زى ماهية

يعنى الاس 4 كمان سنة بالظبط هيبقى قدم وهكذا , مافيش حاجة بتفضل على حالها ياباشا
وكلها اجهزة , فى الاول وفى الاخر

بس فى الاخر والحق لازم يقال صعب مقارنة النوت 2 مع الاس 4 لاسباب كتير اللى انا قولتلك عليها فوق

- هو انت مسكت فى الشاشة على الحماية اللى عليها , بس ماتشوف قدرة الشاشة نفسها

فين اللى كلام على الورق ؟؟؟؟؟؟؟؟؟؟؟؟؟؟؟؟؟؟؟؟؟؟

يعنى مثلا الاس 4 فية infra red على الورق والحقيقة لأ , فية اوبشن عندك فى التليفون غير موجود على الحقيقة ؟؟؟

ولتانى مرة بقولك انا مش بدافع عن موبايلى بشراسة , مش انا اللى مصنعة عشان ادافع عنة , بس فى حد بيسأل عن التليفون مين افضل , لازم اقول الواقع ( ولا عايزنى اقول النوت 2 افضل وهو غير مخالف للواقع )

- دة شىء واضح للجميع مش محتاج انى ادافع عنة

ماتبص كدة بصة على دة

medo84

2014-06-05 (01:27:09AM)

يعنى انت ملكش دعوة بالمنتديات والمواقع وجايبلى مقارنة من موقع ....عجبا
انا مش هجيبلك فيديوهات ولا هقولك بص على دا او دا ..لان كل واحد مقتنع برايه وكلها فى الاول وفى الاخر موبايلات
بالنسبه لكلام الزملاء الافاضل انا فعلا بصيت... بص انتا تانى على اول تعليقين من الاعضاء وراجع 102 صفحة للنوت2... وبعدين تعليق الاستاذ يوسف (المنصف ) شوف الراجل قال ايه.. دا افضل فى ايه والنوت 2 افضل فى ايه
على العموم يكفينى الشاشة الرائعة والقلم والبطارية الجبارة لللهاتف والاداء الممتاذ للنوت 2
ومبارك عليك الرائع الاس 4 بكاميرته العملاقة واداءه العالى وحجمه المتميز وتقنياته الكثيرة ...دمت بخير

semsemSiR

2014-06-05 (09:35:06AM)

انا جايبلك الموقع عشان تشوف الامكانيات ليس اكتر , يعنى تعرف انى بتكلم فى حاجات واقعية , لانك بتقولى ان كل الكلام دة على ورق

وبالنسبة لكلام الاخ يوسف , اعتقد هو قال كل حاجة , نفس كلامى بالظبط , الراجل مقلش اى ميزة فية غير مميزات القلم - شاشة اكبر - وبطارية اقوى ( ودية كل واحد ادرى بيها لان دة تليفون واستخدام ) يعنى انا مغلطش فى المقارنة مابين الاتنين

عموما ياباشا كل واحد , ينزل يجرب ويختار اللى يعجبة

بس فية ناس ماتعرفش حاجة فى الموبايلات وخصوصا الاندرويد فدة واجبنا اننا نعرفهم كل عيوب ومميزات كل حاجة قبل الشراء

انا مش هتسفاد حاجة لما اطلع النوت 2 سىء و بردة مش هتستفاد حاجة لما اطلع الاس 4 ممتاز والعكس

انا كل اللى يهمنى ان كل واحد يكون عندة فكرة ودراية هو نازل يشترى اية واية الافضل منة فى نفس السعر او اغلى شوية , بس موبايل يعقد معاة لقدام مايزهقش منة , ولما يشوف موبايل احدث ميحسش ان تليفونة قديم , لانة بردة مش بسعر قليل

لان مش كل يوم الواحد هيجيب تليفون ب 4000 جنية

تلك الخدمة مخصصة للأعضاء فقط