نوت 3 وﻻ الاس5

للرجوع الي صفحة سامسونج Galaxy Note 3 الرئيسية اضغط هنا

MRMRR

2014-11-17 (04:16:54PM)

محتارة ياجماعة للى معاه النوت 3 ايه رأيكم فيه وايه مميزاته اللى يتفوق عليها حتى على اﻻس4 وايه المميزات الزياده اللى بتخليه يتفوق على اﻻس4 حتى
وشكرا

Ahmed111

2014-11-18 (08:52:51AM)

معظم الفروق تتعلق بالقلم والتطبيقات الخاصة به وطبعا افضل كتير من ناحية السخونة والرامات والبطارية وانا قبل ما اجيبه قلبت النت لقيت ماحدش اشتكى منه بل بالعكس كل التقييمات والمقارنات فى صالحه اما اهم شئ فرق معايا حجم الشاشة مريح جدا للعين فى التصفح والفيديو والتطبيقات اللى ممكن تكتبى فيها ملاحظات وتحفظى فيها قصاصات من النت باستخدام القلم وهكذا وللعلم لما بمسك موبايل زوجتى ال اس 4 بحس بفرق حجم الشاشة وانه صغير وغير مريح بسبب تعودى على النوت

semsemSiR

2014-11-18 (12:46:23PM)

انتى بتقارنى نوت 3 , باس 5 ولا اس 4 ؟؟؟

عموما لو الفرق مابين الاس 4 هيكون فى حجم الشاشة والقلم فقط حتى القلم مش هتطلعية اصلا او تستخدمية

هو النوت 3 هيكون فضل لو انتى بتتصفحى نت كتير او بتشغلى ال video كتير على التليفون

لكن غير كدة , مافيش فرق ملموس مابين الاس 4 والنوت 3 كلها ارقام على ورق , الفرق الحقيقة حجم الشاشة ومواصفات القلم

والاس 4 افضل فى الكاميرا واعلى فى الصوت وافضل حجما واخف وزنا

semsemSiR

2014-11-18 (01:04:44PM)

ولو عايزة مقارنة النوت 3 مع الاس 5

لأ طبعا الاس 5 يكسب فى كل شىء , ماعدا حجم الشاشة ومواصفات القلم

شاشة افضل كالوان - ضد المياة - بصمة - شكل افضل - اسرع - نظام مختلف عن ماتعودنا والصراحة تليفون مليان اوبشن مفيد جداااااااااااااا وممتاز فعلا - دعم افضل - مافيش سخونية تماما - كاميرا افضل واوبشن اكتر بكتير - حتى الكاميرا الامامية ممتازة جدا )

MRMRR

2014-11-18 (04:04:52PM)

شكرا جدا أستاذ الحمد على زوقك ربنا يباركلك فيه
أستاذ سمسم شكرا ليك للمرة 10000000لردكك عليا سباق دايما فى الرد
انا قولتلك قبل كده على النوت 3 نيو لزوجى مش ليا لو تفتكر فلما فكرت فى اﻻس 5 لئيته نفس شكل اﻻس 4 اللى معايا بصرف النظر عن اﻻوبشن فقولت اكيد النوت 3 أحسن من النيو ايه رايك

semsemSiR

2014-11-18 (05:52:36PM)

هو طبعا النوت 3 افضل من النوت 3 نيو , دة شىء مافيش فية كلام

لكن بالنسبة للشكل , كل هواتف سامسونج زى بعض فى الشكل الفرق الحجم مش اكتر

ونفس الكلام فى سونى ونفس الكلام فى lg

لكن عن نفسى لما اشتريت الاس 5 جيبتة باللون الاسود , والصراحة شكلة شيك اوى

والاس 4 بردة ماشاء الله شكلة شيك اوى

كل هاتف من هواتف سامسونج بيمتاز بحاجة , يعنى مثلا النوت 4 نازل نسخة طبقى الاصل من الاس 5 بس بحجم اكبر ومع اختلاف فى الفرام الجانبى

انا فاكر الرسالة طبعا , بس اهم حاجة تبقى عارفاها , ان لازم عشان تحددى الهاتف اللى انتى عايزاة لازم الاول تعرفى اية متطلباتك من الهاتف , عشان تقررى صح

يعنى انا عمرى مافكرت تماما فى فئة النوت , عشان انا عارف انى ماليش استخدامات مع القلم , وكمان مش بحب الهواتف التى تندرج تحت فئة ( الفابلت ) لان حجمها بيكون كبير

يعنى عايز اقولك اتنين اصحابى واحد معاة نوت 4 والتانى نوت 3 , ومخدش منهم فكر يطلع القلم حتى الان

هية فئة النوت بتكون حلوة فى النت , وانا استخدامى سواء هنا او فى البيت معايا ( اللاب توب ) طيب هفكر لية فى فئة النوت ؟؟

اللى عايز اوصلهولك شوفى انتى محتاجة اية وبناء علية نحدد الهاتف المناسب

تلك الخدمة مخصصة للأعضاء فقط