السلام عليكم

للرجوع الي صفحة سامسونج Galaxy Note 3 الرئيسية اضغط هنا

ahmedsultan

2014-03-19 (09:41:14AM)

الاساتذة الافاضل هارد واشرف عشرى عندى سؤال بعد اذنكوا .. انا لما بكون قافل كل حاجة ومش فاتح اى صفحة نت وبدخل اشوف ال RAM بلاقيها فى حدود 1.80GB/2.66GB فهل ده طبيعى ولا فى حاجة مش مظبوطة .. سؤال كمان لما بفتح الكونتكت بتاخد كام ثانية لغاية ما تفتح مع العلم ان عندى حوالى 180 اسم .. وشكرا جزيلا

semsemSiR

2014-03-19 (11:28:33AM)

طول مانت مش فاتح اى حاجة , هية بتكون فى حدود 1.6 جيجا , فانت اعمل force stop دائما للبرامج اللى انت بتفتحها من ال application manager

وبالنسبة للكونتاكت , فهية فعلا فى ال note 3 بتاخد وقت بتاع ثانيتين ونص على ماتفتح حتى لو عندك contacts قليلين , وخصوصا لو انت عامل clear recent files

لكن لو عايز تتفادى الموضوع دة ممكن ماتمسحش الphone من ال recent files وخلية وامسح اى تطبيقات تانية مفتوحة فى الخلفية

ahmedsultan

2014-03-19 (11:43:37AM)

متشكر جدا لحضرتك استاذ semsemSIR بس لو عملت force stop ده ميضرش الموبايل ؟ معلش ممكن تكون اسئلتى ساذجة بس ده لانى اول مرة اشترى موبايل اندرويد .. وشكرا تانى لزوق حضرتك

hardtime

2014-03-19 (11:57:23AM)

احمد
بص ياباشا
موضوع الرام متقلقشى منوا انا ممكن اخليك تنزل لانشر هيخلى الرام عندك مش تعدى 1.50 ودة عن ثقة
موضوع الاسماء عندنا كلنا كدة ودة مش بيحصل الا لما تكون تفتح الأسماء لاول مرة
والحل هيكون معا الكبت كات متقلقشى
تقبل تحياتى......

ahmedsultan

2014-03-19 (11:59:06AM)

استاذ هارد .. تحياتى لحضرتك وكالعادة مبتتاخرش عن اى استفسار .. ربنا يكرمك

AshrafAshry

2014-03-19 (12:18:01PM)

تحت امرك يا صحبى معلش جيت متأخر لظروف شغلى بس و سفرى على العموم حضرتك تقدر تعمل ستوب فورس Stop Force من ال Application ل اى تطبيق حضرتك مش محتاجه و كمان ياريت لو تلغى الاشعارات انها تجيلك عشان مش تتسبب ان البرنامج يفتح

وبالنسبمة ل الكونتكت زي ما سامح وضح لحضرتك و الافضل ياريت تحفظ الاسماء الخاصه بيك على الشريحة هيكون افضل ليك فى كل شىء عشان لو لقدر الله قررت تمسح او تعمل اعادة ضبط مصنع مش يكون فيه اى مشاكل لقدر الله بالتوفيق اخي الفاضل تحياتى لحضرتك :)

AshrafAshry

2014-03-19 (12:19:55PM)

ونصيحة لوجه الله بلاش برامج مساعدة لان دة خطر على موبايلك اذا كنت حضرتك شارية ضمان دولى او من غير ضمان بلالالالالالالالالالاش برامج مساعدة خلى موبايلك ب طبيعته أفضل

ahmedsultan

2014-03-19 (12:38:53PM)

متشكر جدا يا استاذ اشرف على زوق حضرتك .. بس طبعا ال stop force بيبقى لتطبيق مش محتاجة مؤقتا .. اقصد انى ممكن استخدم التطبيق بعد كده عادى صح ولا ايه ؟

hardtime

2014-03-19 (12:56:55PM)

احمد
بص ياباشا فى الغالب لو عملت force stop ﻻى برنامج وبلاخص لو كان برنامج نازل معا الجهاز هيعملك مشكلة فى الجوجل بلاى
وبتالى الحل اى برنامج مش بستحدموا تعمل لة مسح بيانات وبعدين تحذفوا
طيب لو برنامج نازل معا الجهاز اعمل لة مسح للبيانات وحاول متفتحهوش تانى الا ازا كنت هتستخدموا
عايز بقى تستفاد اكتر تبعنى النهاردة فى حلقة البث المباشر الساعة 10 بالليل على اليوتيوب. ومتقلقشى من اى حاجة دووووس وانا معاك
تقبل تحياتى.

semsemSiR

2014-03-19 (01:12:49PM)

ahmedsultan

force stop دية انت بتعملها عشان توقف عمل البرنامج ومايكونش شغال فى الخلفية وبمجرد مابتدخل علية تانى البرنامج بيشتغل عادى تمام بدون اى مشاكل

لأ طبعا مش هتضر الهاتف , دية بتفيد الهاتف عشان بيكون دائما مافيش تحميل علية

وزى مقال اشرف عشرى , مافيش داعى تنزل اى حاجة , التليفون اداءة سريع بدون اى حاجة

ahmedsultan

2014-03-19 (01:30:57PM)

شكرا جزيلا ليكم كلكم هارد واشرف عشرى و semsemSIR .. جزاكم الله خيرا

AshrafAshry

2014-03-19 (02:46:45PM)

ahmedsultan < اعمل ستوب فورس براحتك يا صحبى مافيش اى مشاكل هتواجهها نهائى انا معايا النوت ثرى و الاس ثرى ال2 و اعتقد ان حضرتك ما شاء الله عليك فاهم وعارف كويس انك مش هتعمل ستوب فورس ل برامج السيستم نفسه لكن زي الفيس الالعاب مثلا الواتس اب لاين وغيرة زي الانتى فايرس نصيحة ابعد عن اى برامج زي لانشر و الكلام دة غلط ع الجهاز خلى جهازك طبيعي بدون اى برامج او تطبيقات كل اللى بتعمله تديك اداء كويس وفى نفس الوقت بتضغط على الجهاز فى حاجات كتيرة الموبايل 1.6 شغاليين طبيعي مش تقلق حضرتك تقدر تعمل ستوب فورس ل البرامج الى مش بحاجه ليها حضرتك و ان شاء الله يكون تمام بالتوفيق اخى الفاضل و اعتقد فى كذا رأي قدامك شوف اللى قادر يقنعك ب رأيه و بالتوفيق ديما واعرف احنا هنا مش علشان اى حاجه غير اننا نساعد بعض و نتعلم من بعض مش نحجب على رأي حد بالتوفيق يا استاذ احمد وطمنى عملت ايه

AshrafAshry

2014-03-19 (02:49:43PM)

وبالنسبة ل سؤال حضرتك اكيد تقدر تستعملة بمجرد ما تتغط عليه طبيعي مش تقلق انا مثلا عايز العب لعبه زي ديوكس اللعبه صعبه جدا جيرافيك عااالى جدا بصراحة لازم ميبقاش فيه اى مشاكل عشان تقدر تلعب براحتك وانا بلعب ب جوي ستيك (دراع بلاي ستيشن ) ف اللى بعمله بلغى ال Power saving بقفل كل التطبيقات سواء فايبر او واتس او فيس او غيرة عن طريق ال Stop force عشان مينفعش اكون بلعب ويطلع حد يكلمنى او يبعتلى اتصال :D و بشغل خاصيه ال بلوكينج مود بردة :D وفى كل الحالات الموب محترم ومش بيهنج نهائى

moslim

2014-03-19 (08:00:30PM)

بص يا احمد
اعمل ريستارت للجهاز وسيبه يفتح براحته وبعد النظام مايستقر وقبل ماتعمل اى حاجة
اعمل كلير للرام حاتشوف رقم اول مرة تشوفه يمكن 888/2.66جيجا او اقل كمان
بعد كده بقى اول بأول اعمل غلق لكل البرامج الفالقايمة واعمل كلير رام
الرامات الثابت بتاعها حايبقى معاك بالكتير بعد كده تقريبا 1.35/266
وكمان كل 3 ايام ابقى اقفل الجهاز وافتحة تانى ده شئ اساسى فالاندرويد عشان استقرار النظام زيه زى اى نظام تشغيل

تلك الخدمة مخصصة للأعضاء فقط