بدون عنوان

للرجوع الي صفحة سامسونج Galaxy Note 3 الرئيسية اضغط هنا

Alaavet

2014-02-06 (11:51:07AM)

السلام عليكم
اشتريت نوت 3 فور جي والحمدلله بس فيه مشكله وهي ان الرقم الموجود علي الكرتونه هو نفس الرقم الموجود علي ظهر الجهاز تحت البطاريه. بس لما كتبت *#06# الرقم اللي ظهر مختلف عنهم. يا ترى ده طبيعي ولا كده انا اتغشيت؟ والجهاز انا جايبه من الامارات. ياريت حد يرد عليا بسرعه. وشكرا مقدما

hardtime

2014-02-06 (12:19:00PM)

علاء
بص ياباشا انتا لو قريت البوستات اللى فاتت لى هتلاقينى
شارح النقطة دى وهى ان الرقم اللى على الكرتونة بيكون ثابت
وانك هتلاقى اما الرقم اللى تحت البطارية او الرقم imei متطابق معاة
وبتالى جهازك سليم 100%متقلقشى خالص ياباشا
تقبل تحياتى........

Alaavet

2014-02-06 (12:32:42PM)

شكرا ياباشا. انا والله لسه حالا شايف البوستات دى ولسه كنت جاى اشكرك علي البوستات السابقه لقيتك رديت. عموما شكرا جزيلا يا باشا علي الرد.

semsemSiR

2014-02-06 (02:17:10PM)

هو المفروض ان الرقم اللى يكون على العلبة هو نفس الرقم اللى على التليفون لما تعمل الكود بتاع اظهار سيريال الجهاز , وهو نفس الرقم اللى يكون موجود على شاسية التليفون ( السيريال اللى تحت البطارية )

يعنى لازم الثلاث ارقام يكونوا متطابقين

hardtime

2014-02-06 (02:21:07PM)

سمسم
ياباشا اسف الكلام دة مش صح
هما رقمين بس اللى بيبقوا متطابقين
ودة على كل الاصدرات الحديثة من سامسونج
وياريت تتاكد من كلامى
تقبل تحياتى.....

walleking

2014-02-06 (08:37:10PM)

انتو كدة قلقتوني ياجماعة انا الرقم الي علي الكرتونة نفس الرقم الي تحت البطارية نفس الرقم الي بيجي اماادخل الكود يعني التلاتة زي بعض يبقي كدة كويس وﻻ اية

semsemSiR

2014-02-06 (11:34:38PM)

ازى يا hard time

انا لسة جايب نوت 3 لصاحبى والثلات ارقام زى بعض اللى فى العلبة هو اللى على الشاسية هو على السيريال اللى داخل التليفون

والتليفون صناعة فيتنامى وبضمان سكاى

لازم يكون كل الارقام زى بعض , وانا معايا تليفونين سامسونج والارقام الثلاثة زى بعض بالظبط

( سيريال الجهاز - سيريال اللى بيظهر عن طريق الكود - سيريال اللى موجود على العلبة)

hardtime

2014-02-07 (12:56:29AM)

ياباشا لا مين اللى قالك كدة
اسال ياباشا انا بكلمك من واقع تجربة لاكتر من 80جهاز اشترتهم للناس هنا فى الصفحة
بس مش معنى ان جهازك التلات ارقام زى بعض يبقى تمام واللى عندوا رقمين بس متتطابقين
يبقى جهازوا فية حاجة غلط او هاى كوبى بالله عليك اتاكد بس وسال كذا حد فى كذا صفحة وانتا
تعرف مش هتلاقى الموضوع دة الا عند ناس معينة اما باقى الاغلبية هما رقمين اللى متطابقين

azzahisham

2014-02-07 (01:42:33AM)

انا عندى التلت ارقام زى بعض وجيباه من محل سيلكت هل فى مشكله ؟

hardtime

2014-02-07 (01:46:06AM)

azzahisham

لا طبعا يا قمر زى الفل
انا كل اعتراضى ان الموبيل يكون اصلى ومفهوش غلطة لو التلات ارقام متطابقين
لان فى اجهزة كتير رقمين بس وبتالى بلاش نقلق الناس ونخوفهم
سواء كان رقمين او تلاتة زى بعض يبقى الجهاز تمام الحمد الله

semsemSiR

2014-02-07 (10:12:37AM)

انا بردة مش قادر اقتنع ان فية هاتف يكون الثلاث اماكن اللى فيهم السيريال اتنين متطابقين وواحد غير متطابق معاهم

انا كل اللى اعرفة من اول لما اشتريت موبايلات لحد دلوقتى ان لازم الموبايل يكون كل ارقام السيريال بتاعتة متطابقة

رقم ال imei اللى بيكون فى الضمان هو نفس الرقم اللى بيكون على شاسية التليفون , وهو نفس الرقم اللى على العلبة الخارجية وهو نفس الرقم اللى بيكون موجود بكود *#06#

وهو دة الصح ياباشا , ازاى يكون موبايل لية رقمين سيريال ؟؟؟؟

وبردة لو عايز تتأكد ادخل على الموقع دة

عشان اى حد لو عايز يعرف موبايلة اصلى ولا لأ

hardtime

2014-02-07 (04:45:40PM)

ياباشا انتا لية مش قادر تفهم انا عايز اوصلك اية
اانا يابشا جهازى التلات ارقام بردوا زى بعض
بس انا وزى ما انتا شايف اغلب الناس هنا لما بتروح تجيب النوت 3 بتتصل بى
واغلبهم بس هما سيريلين اللى متطابقين
وهريحك نزل بوست فى الصفحة هنا واسال هل كل اللى معاة النوت 3 التلات ارقام زى بعض
-اللى تحت البطارية
-اللى على الكرتونة
-اللى بيظهر عند عمل كود imei
ماشى ياباشا

Alaavet

2014-02-07 (08:55:07PM)

يعني في النهايه الجهاز كده مافيهوش مشكله زى مابيقول الاستاذ هارد ولا احتمال يكون فيه مشكله؟ خصوصا ان اللي الرقم اللي كشفت عنه في موقع imei.info هو الرقم بتاع *#06# وطلع الجهاز مظبوط. فده معناه ايه؟وهل ممكن الكلام اللي بيقوله استاذ سمسم يكون صح لل 3 جى ولكن مش صح للفور جي ولا ايه؟

تلك الخدمة مخصصة للأعضاء فقط