بدون عنوان

للرجوع الي صفحة ال جي G2 الرئيسية اضغط هنا

jecko

2013-10-09 (03:25:45PM)

الموبايل ده لو نزل قريب وتمنه عدى ال 4500 انا من وجهة نظري يبقى النوت 3 افضل بكتير . هو يعتبر منافس شرس جدا للأس 4 بل انه اقوى منه . لكن النوت 3 اقوى من الجي 2 بكتير ، من حيث الذاكرة ، الرام ، مميزات القلم المتعدده والممتعة في الاستخدام ، شاشة اموليد قويه جداااا وتتحدى بها سامسونج جميع الهواتف الذكية ، حجم الشاشة اكبر 5.7 بوصه ومستغله بالكامل مقابل 5.2 بوصه للجي 2 وهناك حوالي نصف بوصة لأزرار التحكم ، الحركات التي تتميز بها سامسونج واهمها الــ air view ، البطارية وقت تحملها في الاستخدام العادي 75 ساعة مقابل 62 ساعة للجي 2 ، بطارية قابله للتبديل ، شكل وخامات النوت 3 افضل بكثير من الجي 2 ، سرعه التحديثات ( ال جي بطيئة جدا في التحديثات دا اذا اتحدثت اصلا الاوبتيماس جي موبايل العام اللي فات من ال جي وقف تحديثة عند النسخة 4.1.2 ) ، سعر اعادة البيع . انتشار الأكسسوارات وقطع الغيار للسامسونج ، سهوله التصليح وانتشار مراكز الخدمة .

خلاصة الكلام وده من وجهة نظري ان الموبايل ده ( لو نزل قريب ) تمنه عدى ال 4500 يبقى الواحد يكمل ويجيب النوت 3 افضل بكتير .

madooo12

2013-10-10 (12:27:15AM)

الأموليد مشكلتها انها بتبوظ بسرعة (burn ins), أنا شايف ان الPLS أو IPS LCD أحسن

jecko

2013-10-10 (01:31:47AM)

بتبوظ بسرعه ازاي ؟ بتكسر بسرعه يعني ولا بيحصل فيها ايه . انا مجرب شاشات الاموليد في كذا تليفون وكانت شغاله زي الفل

DrGeorge

2013-10-10 (02:35:15AM)

True HD IPS vs HD Super AMOLED

ياريت تتفرجوا على الفيديو دة بصيغة ال HD لو امكن وهاتعرفوا يعنى اية شاشات IPS

madooo12

2013-10-11 (12:32:57PM)

معروف جدا, ان شاشات الأموليد فيها كل subpixel بتنور نفسها بضوء لونه معين, لكن المشكلة انه كل ما تنور, بتبدا تضعف تدريجيا, لحد ما يظهر كده, ده ممكن يبان على شاشتك بعد فترة ممكن تكون قصيرة (ممكن لو استخدامك عالي, خاصة في الكيبورد, ممكن تبوظ في خلال كام شهر) على حسب استخدامك, ده بيظهر أكتر في أماكن الkeyboards و الnotification bar و كده

و لو عاوز تعرف أكتر أو تشوف صور

و لو عاوز تعرف أكتر عن الburn-ins بشكل عام في مختلف أنواع الشاشات

jecko

2013-10-11 (05:35:59PM)

mado اللى انت بتقول عليه ده حاجة عامة ممكن تحصل في مختلف انواع الشاشات . انا بستخدم شاشات الاموليد من سنين و كل اصحابي تقريبا معاهم سامسونج وعمري ما شوفت شاشة حصل فيها كده . ومع العلم اني استخدامي للموبايلات استخدام تقيل في النت والشات وغيره .. يعني استحالة الشاشة تبقى شغاله كويس وتبوظ خلال كام شهر زي ما بتقول الا بقى لو حالات فردية في اجهزة فيها عيوب صناعه . والعيب ده ظهر السنة اللي فاتت في htc one x يعني مش حاجة في شاشات الاموليد فقط . ممكن تبقى في اي نوع شاشة اخر وحالات قليلة اووي اللي بيحصل فيها كده

semsemSiR

2013-10-12 (02:04:15PM)

الفيديوهات دية غير واقعية تماما

هات اى تليفون بشاشة Super amoled مش هقولك hd واتفرج على الوانها وصورها عاملة زااى

الا بقى ازا كان الفيديو جايب تليفون super amoled بتاع شركة تعبانة اسم وخلاص

madooo12

2013-10-12 (05:47:53PM)

jecko

أيوه, بتحصل في كل الشاشات, بس الLCD ممكن تقعد سنين كتير جدا شغالة قبل ما تبوظ, الأموليد بيقعد فترة أقل بكتير, و كل الreviewers و حتى سامسونج قالو انها كده

semsem

طبعا انتو حتقولو فيديوهات متفبركة و كلام من ده...

"هات اى تليفون بشاشة Super amoled مش هقولك hd واتفرج على الوانها وصورها عاملة زااى "
الألوان مش دقيقة خالص, و زي ما قلت, دي حاجة بتحصل بعد فترة

madooo12

2013-10-12 (05:48:47PM)

و اللي مش عاوز يصدقني, براحته, أنا مغصبتش حد على رأيي, أنا بس كنت بقوللكم على واقع

ahmedaliyossef2010

2013-10-12 (05:56:05PM)

هو ايه ده اللي غير واقعي ؟؟

معروف ان الأموليد علشان تكلفة صناعتها العالية بتلجأ في أحيان كتيرة لأن تكون البكسلات بترتيب pentile matrix يعني البكسل بيتكون من 2 بكسل صغير " مصطلح لتسهيل الفهم " فبكدة الوضوح لما ييجي يتقارن مع شاشة بنفس كثافة البكسلات من نوع تاني و ليكن lcd الوضوح هيكون لصالح ال سي دي أكيد

الناس عندها معلومات ان السوبر أموليد دي أحسن شاشة في أي حاجة و خلاص

لكن الصح ان كل شاشة ليها مميزاتها و عيوبها
هتقولي ألوان الأموليد جميلة جدا و مش عارف ايه بس بالنسبة ليك ممكن تبقى زاهية و لغيرك تبقى فاقعة و برضه الألوان مش هتبقى طبيعية

تاني حاجة في حين ان اللون الأسود فيها بيبقى الأفضل
اللون الأبيض فيها بيبقى سئ نسبيا

و برضه سطوع الشاشة بيبقى أقل من الشاشات ال سي دي " بمقارنة اس 3 بآيفون 5 مثلا "

DJTaL

2013-10-14 (11:49:13AM)

madooo12 كل شيء وله مميزاته وله عيوبه .. السوبر اموليد منتشرة اكتر لانها من مدة .. ولذلك اتعرف جدا مميزاتها وعيوبها .. لكن الانواع الاخرى مازالت حديثة مش كتير استعملها .. لما تاخد نفس المدة هيبان العيوب والمميزات .. والحوار ده بيفكرني بالحوار الدائر ايهم أفضل ويندوز مايكروسوفت ولا نظام آبل ماك من حيث الثغرات والاختراق . نظام ما يكروسوفت منتشر على الصعيد العالمي كله اكثر انتشارا والكل عرف مميزاته وعيوبه .. اما الماك محدش استخدمه كتير ولذلك لم تظهر عيوبه كثيرا .. اعتقد ده شبيه بموضوع الشاشات اللي كثر فيها الكلام والاختلاف في الرأي .

madooo12

2013-10-15 (08:28:52PM)

DJtail

LCD أقدم مليون مرة من الأموليد

ahmedalyyoussef

ده اللي أقصده, و من المزايا الأخرى للpentile انها بتزود عمر الشاشة, لأن ممكن نخلي البيكسلات الخضراء أكبر, و لأن عمرها أقل, فده يخليها تعيش أكتر

تلك الخدمة مخصصة للأعضاء فقط