شكلى هاشترى الجهاز ده

للرجوع الي صفحة ال جي G Pro Lite Dual الرئيسية اضغط هنا

ceuped

2014-08-13 (12:59:23AM)

انا كنت مقتنع به جدا بس فضلت عليه السونى sp علشان سونى المحلات شكرت فيه حتى المحلات اللى بتبيع البرو لايت وامكانيات السونى افضل بس مع الاسف اشتريت الجهاز وكانت سمعته الداخليه والخارجيه ضعاف جدا وحاليا رجعت افكر تانى فى الجهاز ده اللى انا شايف انه واخد شهره كبيره مع ان بكسلات الشاشه ضعيفه وال جى سوقها مش كبير فى مصر وكمان خايف من جوده الكام بتاعته اما باقى الامكانيات ممتازه ..

TrainerMohamedtayel

2014-08-13 (04:29:52AM)

اولا الجهاز ده افضل بكتير من السونى و عن تجربة لان شاشة السونى tft و شاشة ال جى افضل لانها من نوع IPS و ع فكره البيكسلات بتتقاس عن طريق نوع الشاشة فمثلا لو نفس البيكسلات مع شاشة TFT تبقى وحشة جدا و هتحس انها باهته اما عن طريق IPS هتبقى كويسة جدااااااا لانها هتفرق نوع الشاشة بيأثر ع البيكسلات و نصيحة انا ماسكه من حوالى شهر و الله اقتنعت بيه جدا و كنت خايف زيك بس انا بعد كده مش هشيل غير ال جى فى الاندرويد و IPhone فى IOS
و لو عاوز تتعرف ع الجهاز اكثر هتلاقى بوستات ليا ع الموقع ف الصفحة هنا و عامل مراجعات كتير اوى شوفها و قارن بس خلى بالك نوع الشاشة بيفرق
و ده ترتيب الشاشات
Super Amolid
IPS
TFT

نصيحتى متجبش اى جهاز شاشته TFT مش هتعجبك

MOOHAAMEED

2014-08-13 (03:49:41PM)

بسم الله ، أنا كنت زيك كده كنت هاجيب السونى الsp لأنه كان عاجبنى جداً بس لما شوفت الموبايل ال LG برو لايت اعدت التفكير تانى وقارنت كويس و شفت التعليقات على ده وده وبعدين أستقريت على البرو لايت وانا اللى خلانى أسيب السونى حاجتين اولهم ان البطاريه بتاعته بلت إن يعنى غير قابله للإزاله وهو مش عيب بس أنا بحب الى بتتشال أفضل ثانيأً أنا من الناس اللى بتحب تجرب ماركات اخرى يعنى مثلاً معظم الناس شغاله على سامسونج كتير وتفضل تجيب فى تليفونات منه على طول ومش بتغير مع أن ممكن يكون فى ماركه تانيه أفضل بكثير ومش منتشره أوى علشان الناس مش مجرباها وعشان كده اشتريت البرو وكان أختيار موفق الحمد لله من وجهة نظرى جداً ومشفتش معاه مشاكل لحد دلوقتى بعد أستعمال 5 شهور وعشان كده أنصحك تشتريه ونسيت أقولك أن المحلات الى تدخلها وتشكرلك فيه خد بالك علشان فى أتفاق بينها وبين التوكيل على نسبه معينه من ربح كل تليفون يتباع من السونى وده كانت محلات وسط البلد عمله كده مثلاً فى الأفوكاتو أو المحلات الى فى شارع شريف ودى حاجه أنا شوفتها بعينى وحتى أكلمت مع واحد من اللى كان مخصوص واقف على باب المحل لبيع أجهزة السونى فقط ولما تسأله عن أى ماركه تانيه يقولك ماعرفش وده اللى حصل معايا ، عشان كده لما تسأل على موبايل اسأل الى أستعمله وماتسألش المحلات نهائى ود ه عن تجربه وأخيراً أتمنى أكون أفدتك واكونش طولت عليك وشكراً

ceuped

2014-08-16 (04:21:11PM)

شاكر جدا كل الناس اللى اهتمت وحاولت تساعد وفعلا الجهاز تحفه وانا مقتنع به تماما بس اهم ميزه فيه مش مناسبه معايا اللى هى الشاشه 5.5 انش وعريضه مش بحب المساحه ده كلها وعلشان كده اخترت s3 neo تليفون ممتاز جدا والله لو ينفع اجيب تليفون تانى هايكون البرولايت وبالمناسبه اقنعت به اتنين صحابى ووالدى ;-) بس الشاشه اكبر من المطلوب ليا وربنا يبارك لكل اللى معاهم التليفون إن شاء الله ...

تلك الخدمة مخصصة للأعضاء فقط