MOOHAAMEED
أحدث المشاركات
LG G Pro Lite Dual
2014-08-13 (01:54:39PM)
السلام عليكم وبسم الله الرحمن الرحيم ، أنا أول ما جالى التحديث بصراحه منزلتوش علطول ودخلت على موقعنا الجميل وعلى صفحة البرو لايت علشان أشوف أراء الناس اللى سطبوه على مدار يومين وبصراحة لما شوفت التعليقات قلقت شويه ولكن توكلت على الله وسميت وابتديت أسطبه عن طريق الضغط على install وسبته شغال لوحده لحد ماخلص وبعدين عملت فاكتورى ريست من جوه الموبايل وده ضرورى جداً لأنه بيظبط الموبايل على السوفت وير الجديد وبعد ما خلص أبتديت أشتغل على الموبايل عادى ، ودى بعض النقاط اللى شوفت منها شكوى من الأعضاء ، أولاً حكاية فايبريشن اللوك سكرين محصلتش عندى خالص ثانياً التقل ما فيش وبسم الله ما شاء الله سريع ثالثاً من الأفضل أن متعملش ريستور للبرامج اللى كنا مسطبنها على الموبايل قبل التحديث لأن هى دى الى بتقل الموبايل بعد كده وأنا عامة نزلت البرامج اللى كانت عندى تانى من جوجل بلاى وبقت أفضل وأحسن وبصفه عامه الموبايل بقه أدائه كويس جداً وسريع وما فيش أى مشاكل خالص ولسه برده جارى تجربته لمعرفة جميع مميزاته وعيوبه ودى بس اول ملاحظاتى بالنسبه للجهاز بتاعى وقلت أقوللكم عشان الكل يستفيد وشكراً
LG G Pro Lite Dual
2014-03-09 (01:10:25PM)
أستاذنا العزيز 2lnassry55 بغض النظر عن الحلاوه لأن مولد النبى عدى خلاص أنا بعد الكلام اللى أنه قولته فى رد حضرتك بحثت تانى على النت فى مواقع أجنبيه وعربيه لاقيت أن الجى برو فقط هو اللى حينزله دلوقتى الكيت كات زى ما كاتبه المواقع وفى نفس الوقت شركة ال جى بتعمل أختبارات على أجهزتها الأخرى على نفس النظام ودى بتاخد فيها وقت شويه لحد ما تتأكد أنه شغال تمام بدون أى مشاكل ثم تنزله وفعلاَ معظم المواقع نقله الخبر من بعضها وفى الأخر يقولوا أنها أشاعه ولذلك حبيت أوضح ده فى ردى لأن أنا شايف أنى أتسرعت أنا كمان فى نقله وأخيراَ لك جزيل الشكر لتنبيهك لى وأرجو كمالك لهذا التليفون الجميل جداَ أن ينزله التحديث وأن كنت لا أستبعد ذلك . وأسف على الأطاله