eitaa
نوع الموبايل
Samsung Galaxy S III I9300
اخر زيارة
-
تاريخ الاشتراك
منذ 15 سنة
عدد التعليقات
17
الدولة
مصر
أحدث المشاركات
Huawei Honor 3X G750
2014-10-12 (02:31:25PM)
بصراحة يا جماعة الموبايل دة لسة جايبة بقالة اسبوعين من موبايل شوب بس فى الحقيقة ياعنى سامسونج واتش تى سى هيزعلو بمعنى الكلمة ... الموبايل رووعة جدا وامكانياتة جميلة وسعرة تحفة بالنسبة لمنافسية واجمل حاجة عجبانى اووى ان بطاريتة بتستحمل شغل ولعب ونت لان الاس ثرى كانت معايا قبلة وكانت بطاريتها مابتلحقشى تقعد معايا والخطين بيشتغلو سوى عادى مافيش مشكلة فيهم ومش تقيل ولا بيهنج وبنصح بية بصراحة اى حد عايز يغير ويجيب حاجة فيها امكانيات كويسة جدا وبسعر معقول يبقى يخلية فى الهواوى بجد شركة واضح ان هايبقى ليها مستقبل عالى اووى فى مصر هيا بس محتاجة شوية دعاية زيادة ويزودو الاكسسوارات بتاعت الموبايل وتبقى متاحة بطريقة اكتر فى المحلات
Samsung Galaxy Grand I9082
2013-10-20 (01:21:31PM)
الله يكرمكو يا شباب عايز رد صريح ومريح فى نفس الوقت انا عايز اغير من نوكيا واخش للسامسونج ومحتار ما بين الاس3 و الجراند فا ياريت لو تكسبو فيا ثواب وتريحونى وتدلونى على الاختيار الصح والامثل وياريت يكون عن تجربة وشكرا ليكم
Nokia C6
2011-06-05
يا جماعة فى الc6 استعمال خفيف جاية من برة كل محتوياتها معاها من غير ضمان للبيع على 1450 للجادين فقط انا من عين شمس ودة رقم موبايلى 0185921265
Nokia C6
2011-01-26
شخصيا عن رايى انا شايف ان الc6 افضل لانة معايا ومجربة شخصيا وعلى فكرة هما زى بعض اصلا باختلافات بسيطة فى الشكل الخارجى والامكانيات الداخلية بس الc6 اجدد طبعا وشكلة انيق واشيك من الn97mini ونفس الامكانيات والسعر واضح طبعا ان الc6 اقل من ال n97mini فا ياريت انتا تقدر تشوف الموبيلين عن قرب عشان تقدر تميز اكتر وتعرف تختار
Nokia C6
2011-01-09
الكاميرا كويسة جدا وصورها عالية الدقة والصور بتطلع نقية اوى والتصوير الليلى ممتاز الموبايل معايا وجربتها كتير فى اوضاع مختلفة ماتقلقيش منها وبرضو ابقى اتاكدى وشوفى بنفسك
Nokia C6
2011-01-08
انا الى معايا تقفيل كورى وكويس ومافيهوش اى مشاكل وزى الاخ djdefox حتى لو صينى كلهم فعلا واحد الاختلاف بس فى خط الانتاج لكن الامكانيات والخامات والتقفيل كلة واحد مايتخافشى منة اهم حاجة انة يبقى مطابق لمواصفات نوكيا القياسية وبس
Nokia C6
2010-12-18
اة فعلا والله فية شبة من الريموت بس الواحد ماكنشى واخد بالة طيب وامكانياتة عالية يا موتو الموبايل دة ؟
Nokia C6
2010-12-17
لا يا موتو غلب حمارى بصراحة انتا قلها احسن بقا وخلاص وماتقلقشى يا سكوربيون مش هنجيب زيها ماتقلقشى ههههههههههه
Nokia C6
2010-12-17
والله يا موتو انا دورت بصراحة ودخلت وشوفت كل العدد فى الال جى بس حاسس ان كل العدد طبيعية احسن حاجة قلنا هيا فى انهى صفحة وانهى صف واحنا نقلك عليها على طول ههههههههه
Nokia C6
2010-12-16
ميرسى ليك يا موتو على المعلومات القيمة دى بس لللاسف انا ماعرفشى اجابة السؤال بتاعك !!!
Nokia C6
2010-12-16
فى الاول طبعا انا بشكرك يا استاذ موتو انك اهتميت ورديت عليا بس بصراحة لاازم اقلك ان حكاية التهنيجة دى ماحصلتشى معايا لحد دلوقتى وبالنسبة للصوت هوة فعلا الصوت بتاعة مش عالى اووفر زى بقيت العدد صوتة مسموع عادى مش اكتر ودة احنا عارفينة وبالنسبة لنوع الشاشة ابقى كداب بصراحة لو افتيت فيها لانى مابفهمشى فى موضوع الشاشات دة وانواعها وكنت اتمنى لو توضح اكتر اية المقصود بالشاشة وانواعها الكويسة اية وماعتقدشى ابدا ان ممكن الموبايل دة يوصل سعرة بصراحة للى انتا بتقولة هههههههه خالص اة انا معاك انة مش الى ياما هنا وياما هناك وان فية احسن منة بس مش للدرجادى وحش ياعنى لانة بصراحة معايا مش شايف فية اى مشاكل من المشاكل دى كلها بالعكس ماشى كويس جدا معايا ولو فية مشاكل زى مانتا بتقول كدة ربنا يسترها واتمنى انها ماتطلعشى وتظهرلى وشكرا لاهتمامك مرة تانية
Nokia C6
2010-12-15
طيب مع احترامى الشديد ليك يا استاذ موتو ممكن تقلنا طيب اية بالظبط الى مش عاجبك فى الموبايل لانى ملاحظ ان انتا اكتر واحد على الموقع دة بصراحة الى بيظهر عيوب الموبيلات ومميزاتها ومصمم اوى انك تظهر عيوب الموبايل دة فا ياريت بجد توضحهالنا ياعنى مادام انتا شايف انة وحش للدرجادى على الاقل حتى عشان ابقى عارف اية عيوبة واقدر اقرر ازا كانت كدة فعلا ولا لا
Nokia C6
2010-12-14
والله كلامى للجميع انا نصحت بية وقلت انة حلو عن تجربة 3اسابيع ورا بعض مافيش اى مشكلة ولا اى عطل صدر منة معايا الموبايل جميل جدا وبسعر مناسب وانيق اووى وانا ملاحظ ان ناس كتيرة بتتكلم عنة انة وحش وبتفضل الn97mini عنة وانا متاكد ان كل الى بيتكلم كدة بيتكلم بناءا على ان سلسة نوكيا n series من اول السلاسل الى نزلتها ومن اشهرها كمان عشان كدة الكل واخد انطباع عنها مميز مش اكتر لكن فعلا الموبايل دة هوة والc7 الاحدثمنة على طول احسن منهم واقيم منهم وبسعر اقل بكتير من المبالغ المبالغ فيها اوى عنهم ويكفى اووى ان هما الاحدث حتى الان ياعنى ودة رايى الشخصى عن تجربة ملموسة للموبايلين الc6و c7 وبرضو ارجع واقول لولا اختلاف الاذواق لبارت السلع وكل واحد ولة راية الشخصى انا قلت انطباعى ورايى عن الموبايل لانى استخدمتة ولانى شوفت ناس كتيرة بتهاجمة ودى حرية شخصية طبعا للكل بس انا بنصح بية للى عايز امكانيات واوبشن وشكل زى الn97miniلانة افضل منة سعرا
Nokia C6
2010-12-13
يا جماعة بلاش الى يتكلم يتكلم من دماغة كدة الموبايل دة فعلا موبايل جميل جدا وفية امكانيات جميلة جدا والكلام دة مش عشان انا شايلة والله لا بس هيا دى الحقيقة بجد والى بيقولو ان امكانياتة نيلة دى انا مش عارف بيتكلم على اى اساس بالظبط دة فعلا نسخة تانية من الn97mini ويعتبر افضل منة سعرا وحجما كمان لكن نفس الامكانيات باختلافات بسيطةفى الاوبشن بس لكن حقيقى يا جماعةالعدة بقالها معايا 3اسابيغ هالكها شغل وتحديثات مشوفتش ولا حسيت فيها بتهنيجة ولا باى مشكلة والناس الى بتقول ان صوتها واطى هوة فعلا ممكن يكون صوتها واطى حبتين بس نقى ومسموع جدا ياعنى ماينفعشى خالص نقارن عدد نوكيا بالموبيلات الصينى وكلنا عارفين ان نوكيا عمرها ما بتدى اى عدة من عددها كل المميزات كاملة بس حقيقى صوتها مش وحش للدرجادى عشان الناس تخاف منها وممكن يبقو يجربو ويسمعو لو شافوها قدامهم بس انا بجد عن تجربة انصح بيها الجميع يا جماعة افضل واحسن بكتير من الn97mini وبالنسبة للn97 فالc7 بجد تحفة وافضل منها لانها مع والدى وفعلا فيها مميزات جميلة جدا وافضل منها بكتير لانى مش عارف اية السبب بجد الى مخلى اسعارالn97miniوn97غاليين اوى كدة على الرغم ان والله الc6و c7 افضل منهم سعرا وامكانيات ولتانى مرة والله مابقول كدة عشان شايل العدة لا دى حقيقة انا شايفة ولامسها وحبيت اقلها لانى شايف ناس كتيرة بتعيب فى العدة اوى ومعلش طولت عليكو