بدون عنوان

للرجوع الي صفحة سوني اريكسون XPERIA Neo الرئيسية اضغط هنا

hooka1989

2011-10-27 (03:18:05PM)

انا قررت اشترى xperia neo
بس كنت عايز اسأل عن البطارية بتاعته قويه ولا فعلاً مش بتكمل يوم مع الاستخدام المتوسط ؟
وبالنسبه للفلاش قوى ولا لا ...... لأن فى ال n73 فى dual led flash لكن ال neo فيه led flash
وهل يمكن عمل zoom خلال التصوير بال 6 او 8 megapixle من غير تغيير السوفت وير ؟
و صوت الموبيل عالى ولا متوسط
شكرا ً مقدماً

soha

2011-10-27 (05:04:27PM)

البطارية ضعيفة
يومين مع الاستخدام المتوسط
الفلاش كويس الكام عموما حلوة اوى
مينفعش زوم مع 6 8 mp
بس اعتقد لو عاوز تعمل زوم بتقلل وتعمل زوم
الصوت متوسط
ونصيحة الصوت العالى مضر جدا يعنى كون الصوت وسط دى مش عيب
توكل على الله الموبيل حلو عيبة البطارية فقط

hooka1989

2011-10-28 (12:31:49AM)

اولاً شكراً على ردك
ثانياً انا هحاول اتأقلم مع حوار البطارية ده
وبالنسبه للزوم فى 6 و 8 megapixel تقدرى تتغلبى عليه عن طريق عمل update للجهاز وهتقدرى تعملى زوم لكن فى الفيديو لا
لكن بالنسبه للصوت عايز اعرف هو زى n73 مثلاً ؟

soha

2011-10-28 (08:22:47PM)

انا مش عارف بالضبط بس غالبا زية بس مش اعلى منة

hooka1989

2011-10-29 (09:40:22PM)

تمام ...... جربتى ال wi fi ولا لسه ؟؟ عشان سمعت انه بيقطع كتير :) وان الجهاز بيسخن
المهم انتى لو بتهتمى بالصوت العالى ببرده ممكن تعملى update من على النت و بينزل برنامج اسمه xloud ده بيخلى الصوت عالى

moriano

2011-10-30 (03:22:27AM)

بمناسبة ال Xloud أنا لقيته موجود عندي أصلا من غير تنزيل و لا حاجة من ال Sounds فيه ليه علامة اعلم عليها و بس

soha

2011-10-30 (04:36:13PM)

انا فتحت الsounds ملقتش حاجة انت وصلتلة ازاى؟

soha

2011-10-30 (04:43:44PM)

الواى فاى حاولت اجربة بس امشتغلش لانى معنديش روتر قريب منى

hooka1989

2011-10-31 (09:59:28PM)

شكرا يا soha انتى و moriano

Adel.Gamal

2011-11-03 (02:00:45PM)

معلومة بسيطة يا جماعة اللى بيقول ان بطارية النيو ضعيفة وانها عيب كبير فيه ... اسمحولى اعلق على الموضوع ده لان النيو معايا بقاله فترة وان شاء الله اقدر افيدكم فى ان البطارية تكمل معاكم اكتر من 4 ايام وممكن أيام كمان ....

حاجة بسيطة جدا وبدون لف ودوران علشان الناس اللى ضعيفة لسه فى نظام اندرويد .. ادخل قائمة الهاتف اللى فيها حاجة كتير دى عارفينها طبعا (الرمز اللى فى الوسط فى الشاشة اللى كله مربعات) ...

دوروا على حاجة اسمها support دى تقريبا هتلاقوها فى تانة صحفة لو انتوا معدلتوش فى اماكن الايقونات ... تدخلوا support وبعدين تضغطوا على tools وبعدين > battery saver

هنا بقى فى شوية حاجات كتير هتعملوها علشان نقدر نحافظ على البطارية تقوم تكمل معانا اكبر وقت ممكن فى الشحنة الواحدة

أولا ال screen timeout دى هتعملوها 30 ثانية
ثانيا : الوضوح او brightness هتخلوه 50%
ثالثا : Network settings الكلام هنا على كل حاجة تحتها بمعنى كل حاجة
هتعملوها كلها Off كلها كلها

ان شاء الله مستنى منكم الرد بعد ما تعملوا الموبايل بالوضعيات دى كلها وبعدين تشحنوا الموبايل شحن كامل مية مية وبعدين تقولولى رأيكم ايه فى الموضوع ده هل جاب نتيجة ولا لأ ... اى حد يقول ان الموضوع ده معملش نتيجة معاه يبقى سورى اكيد بطاريته هى اللى جاية خربانة

بعد تنفيذ الكلام ده ان شاء الله اللى بيستخدم الموبايل استخدام مكالمات متوسطة ومش فاضى للموزيك طول الوقت هتكمل معاه اكتر من 5 أيام من غير كلمة

لو انت بتحب الموزيك طول الوقت ومكالمات الى حد ما متوسطة هتكمل 3 ايام زى الفل

لو انت بتحب تلعب جامز كتير وتدخل نت وتعمل مكالمات كتير هتكمل معاك يوم زى الفل يوم 24 ساعة مش 12 ساعة :) ....

بالتوفيق ان شاء الله

تلك الخدمة مخصصة للأعضاء فقط