بدون عنوان

للرجوع الي صفحة سوني اريكسون Xperia neo V الرئيسية اضغط هنا

Mandaw

2012-03-29 (02:43:04PM)

ياجماعه انا روحت امبارح سألت فى موبايل شوب! قالولي الموبايل اتوقف تصنيع ومش موجود! اجيبوا منين بقى!!

waelgam2005

2012-03-29 (03:34:09PM)

هوا ايه اللى اتوقف تصنيعه؟؟؟؟
الموبايل محقق مبيعات كبيرة ولسه فيه اقبال كبير عليه ولسه جديد ازاى يتوقف تصنيعه
هوا فيه حاجه من الاتنين يا اما مش موجود دلوقتى فى مصر كلها ولسه فى شحنه جايه قريب
يا اما مفيش فى موبايل شوب وبيقولك كدا عشان تاخد حاجه غيرها

Mandaw

2012-03-29 (03:36:49PM)

ما انا استغربت برضوا !! طب اشوفوا موجود فين طيب بس يكون مضمون ومعاه ضمان زي موبايل شوب كده! وتكون قريبه من الهرم او الجيزه! ويكون معاه كل حاجه!!

Mandaw

2012-03-29 (05:14:21PM)

وممكن يوكن فعلآ اتوقف عشان سوني فصلت عن اريكسون!!!

waelgam2005

2012-03-29 (05:40:05PM)

موجود فى سليكت موبايل على حسب كلام موقعهم

ادخل هنا
هتلاقى فى قدام الحالة مكتوب New arrival
وده يدل على انهم عندهم بس المشكلة انهم فى اسكندريه بس بس عندهم دليفرى لو حبيت اتصل بيهم وحدد اللون
تمنه هناك 1950

Mandaw

2012-03-29 (09:29:47PM)

بس ده مضمون؟ يعني مش هيكون اتفتح ولا اى حاجه حصلتله وكده ولا ايه؟ وهيكون معاه كل حاجه ولا لأ؟

ahmedmido2009

2012-03-29 (11:18:36PM)

انت لو من اسكندريه هو مالى الدنيا هنا فى اسكندريه عند الشناوى وعند كل المحلات اللى فى شارع محمد احمد انا ان شاء الله ها جيبه على الاسبوع اللى جاى او من سيلكت زى ما وائل قالك

Mandaw

2012-03-30 (01:19:25PM)

ياجماعه طب انا فى القاهره! اجيبوا منين من القاهره بس يكون توكيل مضمون وكويس!!

jimmy83

2012-03-30 (04:08:30PM)

الي وقتهم خلص(اتوقف انتاجهم)
xperia neo
xperia arc
xperia mini
xperia mini pro
الneo v لسة المفروض فاضلو لشهر 7 بس ممكن جدا عشان انفصال الشركتين يكونو غيرو المواعيدو وعلو استثناء.
على كل تقدر تشوف لو الجهاز متوفر عند دريم2000 زي مهم معلنين على الموقع هنا.
او جرب بص عند

-----
وسيليكت كويسين و مضمونين و بتوصلك العلبة مقفولة و مبتتفتحش الا بعد متدفع الفلوس.

Mandaw

2012-03-30 (04:37:31PM)

xperia neo كانت موجوده!بس النيو في ماكنتش موجوده!!
طب وسيليكت ده انا مثلا محتار بين اللون الفضي والابيض!! ينفع يجيبلى الاتنين وانا اختار مابينهم ولا مش هينفع ولا ايه !! بس انا خايف مثلا يكون مفتوح او يحصلوا اى حاجه ولا ايه؟ وبيكون معاه كل حاجه؟ ولا فى حاجات ناقصه!!

jimmy83

2012-03-31 (12:22:23PM)

سبحان الله !!! كنا اندرور على النيو ومش لاقيين غير الv
بخصوص انهم يبعتولك التنين فدي مش حتستفاد حاجة لانك مينفعش تفتح الجهاز وتبص عليه قبل متدفع تمنو.. مش حيقبلو تفتحلهم جهاز ومش تشتري .. يعني لازم تقرر و تختار اللون الي انتا عايزو.
انت بتكلمهم وبتسئل عن محتويات العلبة و نبه عليهم انك عايز جهاز علبتو مش مفتوحة(متعرفش ممكن يعملوها و يبعتو مفتوحة) عشان الراجل الي حيوصل الجهاز حيبص معاك لو في حاجة ناقصة عن الي انتا اتفقت معاهم عليه.
-----
سألت 888 ولا لأ
سعرهم ارخص لو سادقين.

Mandaw

2012-03-31 (12:45:06PM)

8 8 8 منزله الموبايل على الوال وسعره 1815ج

بس هو ده توكيل برضوا ؟ ومضمون ولا ايه !

minaa

2012-03-31 (12:55:32PM)

أنا سألت في رزق الله قالوا إنه كل الفترة اللي فاتت عشان كان في شحنة اتاخرت .. بس هو دلوقت متوفر .. هو في رزق الله بنفس سعر موبايل شوب واعتقد ضمان رزق الله افضل من دلتا
وده موقع رزق الله .. شوف اقرب فرع ليك وممكن تكلمهم في التليفون وتحجز الموبايل بـاللون اللي إنت عايزه لحد ماتروح تشتريه

3amr3adel

2012-03-31 (02:12:45PM)

mobileshope b 2050 aktaar bkteer mn el as3aar dii

ana 3n nafsii kon 7ageeb mn mobileshope bss b3d ma shoft 7war el 1815 da lia nazlaa l cairo isa bss so2aal kda hwa el mobile da leeeh sianaa w kda w lw lakdar allah 7saloo 7aga ytsal7 w moklff wala eh.... ??

jimmy83

2012-03-31 (03:20:30PM)

حسب ان قانون الاحتكار حلال و مباح فمصر
****************عندك الوكيل**************
ودا الي بيخدو منو تنين هم رزق الله و دلتا وكل واحد بضمانو
بعدين كل المحلات التانية ومنهم موبايل شوب و سيليكت و دلتا و دريم وغيرهم بياخدو منهم و بضمانهم(بمسمى موزعين)
واي محل بيبيع بضمان رزق الله او دلتا بيبق مضمون
لان الاجهزة مصدرها واحد و الفاضل هو شطارة كل واحد فيهم بانو يتهرب من الضمان لو حصل حاجة للجهاز.
فلو سعر 888 زي مهو كاتب هاتو منعدو و ممكن تدفع الفرق بانك تطلب كرت ذاكرة 4 او 8 جيجا.

minaa

2012-03-31 (04:10:11PM)

jimmy
يعني افضل اشتري من رزق الله ولا موبايل شوب هما بنفس السعر .. بس الفكرة إن ناس كتير اشتكوا من دلتا في الضمان .. بيأخرو الموبايل جدا وفي الاغلب الموبايل مش بيتغير لو فيه مشكلة .. ده اللي ناس قالتلي إنه حصل معاهم .. على العكس اللي اشترى من رزق الله كان مرتاح جدا في الضمان و غيروا الموبايل حتى بعد فترة ال 14 يوم اللي في الاول

jimmy83

2012-04-01 (02:00:06PM)

انا مش مع اننا نحكم على الشركات دي بالمنظور دا
لان اغلبنا بسيئ الاستعمال و بعدين بيروح يشتكي و مش حبقى بفتي لو قلت اكتر من 90% بسيئ استعمال الاجهزة و كفاية نبص على طلبات الناس و تعليقاتهم و شكاويهم هنا لناخد فكرة عامة عن طريقة الاستخدام.
فمن ناحية بعذر الوكلاء لانهم بيحاولو يتهربو من الصيانة المجانية و بنفس الوقت بزعل على الناس الي بيستعملو الاجهزة حسب الاصول ولم تبوظ حاجة بيتشحططو ليصلحو الجهاز
------
طبعا دايما يفضل نشتري من المصدر حتى لو كان في فرق بالسعر خصوصا للناس الي بتقلق من الضمان.
و موبايل شوب بياخد من رزق الله و دلتا..فلو لاقية ان عند رزق الله نفس السعر هاتي من هناك ولو حصل حاجة لا قدر الله بيكون تعاملك معاهم مباشرة و دي بتختصر وقت و مناوشات بينك وبين موظفين موبايل شوب و نفسياتهم.

3amr3adel

2012-04-06 (03:29:00PM)

ana gbt mn delta yoom el tlaaat bleeel w mwdoo3 el dmaan da lesa shifoo w yareet 7ad ytmnii en isa delta tkoon aghztoo kwisaa zii rezk allah....... :(

تلك الخدمة مخصصة للأعضاء فقط