بدون عنوان

للرجوع الي صفحة سوني اريكسون Xperia neo V الرئيسية اضغط هنا

minaa

2012-03-19 (09:34:35AM)

لو سمحتم إيه افضل مكان اشتري منه موبايل سوني اريكسيون .. موبايل شوب ولا رزق الله وإيه الفرق بين ال 2 .. وبالنسبة للموبايل ده هو مش بيبقى معاه لزقة حماية الشاشة وفي موبايل شوب مش موجودة في كل الفروع .. لو حد جاب الموبايل ده يا ريت يقولي جابها منين . شكرا

3aysh

2012-03-19 (04:00:14PM)

أنا ماعرفش نظام رزق الله، بس موبايل شوب في العادي بيكون سعره أغلى من الأسعار التانية لأنه بيديلك ضمان من عنده غير ضمان الوكيل
مش كل الموبايلات بتكون موجودة في فروع موبايل شوب، اللي بيحصل إنك لو الموبايل مش موجود عندهم بتسيب بياناتك وبتدفع تقريباً 100 أو 200 جنيه وتحجز الموبايل وبيجيبهولك بعد يوم أو يومين وبتدفع باقي التمن وقت الاستلام
كمان موبايل شوب عندهم خدمة توصيل بس مش متوفرة في كل الأماكن

TronLegacy

2012-03-19 (06:02:04PM)

minaa

في موبايل شوب سعره 2030 و مبيجيش معاه لا اللزقة ولا وصله ال HDMI و دة ملوش مبرر انا لسه كنت هناك النهارده و قالولي لا مبيجيش معاه , اما سعره في المحالات التانيه حوالي 1930

بالنسبه للاحسن كا توكيل فا انا كنت لسه هسال السؤال دة لانه فعلا مهم و ياريت حد يفيدنا

minaa

2012-03-19 (07:39:57PM)

شكرا للردود
ويا ريت حد يفيدنا
أنا أعرف إن توكيل سوني في مصر رزق الله ودلتا
موبيل شوب بيبيع دلتا فـهل دلتا كويس ولا لأ عشان فيه ناس قالت إن رزق الله أحسن واضمن من دلتا
ويا ريت لو حد يعرف ال سكرين بروتكتور ممكن اجيبها منين عشان مش لاقيها

3aysh

2012-03-20 (03:06:26AM)

لو مالقتش البروتيكتور بتاع الجهاز، ممكن من راديو شاك تجيب سكرين بروتيكتور بتكون حجمها أكبر وتقص منها على مساحة الشاشة وهيفضل عندك جزء زيادة كمان، أنا بصراحة ماجربتش النوع دا بس بيقولوا حمايته عالية لكن ممكن يكون له تأثير بسيط على التاتش

تلك الخدمة مخصصة للأعضاء فقط