سعر و مواصفات Sony Ericsson Xperia Arc S
-
Android
Android OS, v2.3.4 (Gingerbread), planned upgrade to v4.0 -
480 x 854 pixels, 4.2 inches (~233 ppi pixel density)
-
3G
2G / 3G -
MP, 326...
-
GB RAM
1 GB (320 MB user-available), 512 MB RAM
غير متاح
تقييم المنتج
(1450 تقييم)
مواصفات Sony Ericsson Xperia Arc S
| المواصفات الاساسية | |
|---|---|
| الحجم | 125 x 63 x 8.7 mm |
| الوزن | 117 جرام |
| الألوان بالأسواق | ابيض- ازرق- فضى - اسود - بينك |
| الشاشة | |
|---|---|
| نوع الشاشة | LED-backlit LCD, capacitive touchscreen, 16M colors |
| مساحة الشاشة | 480 x 854 pixels, 4.2 inches (~233 ppi pixel density) |
| دعم اللمس المتعدد | لا |
| الشبكة | |
|---|---|
| دعم 2G | نعم |
| دعم 3G | نعم |
| دعم 4G-LTE | لا |
| دعم 5G | لا |
| دعم HSCSD | لا |
| دعم EDGE | نعم |
| دعم GPRS | Up to 86 kbps |
| الاتصال | |
|---|---|
| دعم WLAN | Wi-Fi 802.11 b/g/n, DLNA, Wi-Fi hotspot |
| دعم بلوتوث | Yes, v2.1 with A2DP, EDR |
| GPS دعم | نعم |
| NFC دعم | لا |
| دعم راديو Fm | نعم |
| دعم USB | نعم |
| معلومات عن الكاميرا | |
|---|---|
| دعم الكاميرا | MP, 3264x2448 pixels, autofocus, LED flash |
| دعم فلاش | نعم |
| كاميرا امامية | لا |
| مساحة الذاكرة | |
|---|---|
| الذاكرة الخارجية | microSD, up to 32GB, 8 GB included |
| الذاكرة الداخلية | 1 GB (320 MB user-available), 512 MB RAM |
| نظام التشغيل | |
|---|---|
| نظام التشغيل | Android OS, v2.3.4 (Gingerbread), planned upgrade to v4.0 |
| نوع نظام التشغيل | Android |
| CPU | 1.4 GHz Scorpion |
| معلومات أخري | |
|---|---|
| الرسائل | SMS (threaded view), MMS, Email, IM, Push Email |
| المتصفح | HTML, Adobe Flash |
| قدرة البطارية في التحدث | حتى 7 ساعات |
| قردة البطارية في الوضع العادي | حتى 460 ساعه |
| الخصائص | |
|---|---|
| دعم شرحتين | لا |
| الشريحة | لا |
| نوع النغمات | MP3 |
| مخرج صوت 3.5mm jack | نعم |
| الاهتزاز | نعم |
| دعم انفراريد | لا |
| حماية بالبصمة Fingerprint | لا |
ملحوظة : لا يمكننا ان نضمن ان تكون المعلومات
في هذه الصفحه صحيحة 100%
مميزات و عيوب Sony Ericsson Xperia Arc S
مميزات سوني اريكسون Xperia Arc S
- 1--الشاشة مساحة كبيرة. 2-الالوان جميلة جدا.
- 3-التصميم سلس و عصري.
- 4-النظام مرن جدا.
- 5-سريع. 6-كاميرا جبارة. 7-التاتش سهل.
- 8-الصوت نقي و جميل.
عيوب سوني اريكسون Xperia Arc S
- -لا يوجد كاميرا امامية. 2-الذاكرة الداخلية صغيرة.
- 3-الصوت و ان كان نقي فهو ليس ب العلو المطلوب يعني مش ف مستوي n73 و الجيل بتاعها و لكن العدة ممتازة بالنسبة للجيل الحالي.
- 4-الهاند فري صوتها مش ممتاز بالدرجة المطلوبة يعني لو عليت ع الاخر تشوش.
- 5-تسخن و لكن ده ف كل السمارت فونز.
أحدث موبايلات من سوني اريكسون
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
مواضيع مميزة عن موبايل Sony Ericsson Xperia Arc S
eslam1986
مواضيع و اراء عن Sony Ericsson Xperia Arc S
asoma
2012-11-17 (02:47:04PM)
السلام عليكم ورحمة الله وبركاته ,,, لو سمحتو انا عايزه اعرف سعر الموبايل بقى كام دلوقتى بالظبط وهو يكون موجود فين ,,وان شاء الله لو جبتو اجيبو وانا على اقتناع كامل بيه والا فيه موبايل تانى احسن منو ,,وشكرا :)
ahmedfo2ad
2012-11-17 (04:58:16PM)
هوا الموب روعة وسعرة بيترواح من 2000 الى 2200 ج لو عاوزاة هتلاقيه فمحلات فوسط البلد
mido888
2012-11-17 (05:01:35PM)
و عليكم السلام ورحمة الله................
الاسعار موجوده ف خانة شراء جديد و هي الاسعار الحالية ...............
انما مكان الشراء فده حسب سكنك و منطقتك ........ززز
و حكاية الاقتناع دي انا اري انه ممتاز علي سعره انما طبعا كل متزودي الفلوس هتلاقي موب بامكانات اعلي
الاسعار موجوده ف خانة شراء جديد و هي الاسعار الحالية ...............
انما مكان الشراء فده حسب سكنك و منطقتك ........ززز
و حكاية الاقتناع دي انا اري انه ممتاز علي سعره انما طبعا كل متزودي الفلوس هتلاقي موب بامكانات اعلي
diedie
2012-11-17 (05:32:32AM)
السلام عليكم
التحديث الموجود حاليا هو 4.1b.0.587
ازاي احدثه شوفت فيديوهات كتير عقدتني ومش عارف احدثه ازي وبانهي طريقه افضل
التحديث الموجود حاليا هو 4.1b.0.587
ازاي احدثه شوفت فيديوهات كتير عقدتني ومش عارف احدثه ازي وبانهي طريقه افضل
diedie
2012-11-17 (05:35:02AM)
مع العلم ان هذاالتعديل الثالث ل الايس كريم ساندوتش انا جهازي لسه على خبز الجنزبيل ماحدثتوش خالص لما بحط الوصله بيظهر التحديث دا ف ياريت حد يفيدني وياتر احدث ولا ايه وازاي
mido888
2012-11-17 (11:04:40AM)
وعليكم السلام ...التحديث الموجود هو 4.0.4انما اللي بتقول عليه ده معلومات الاصدار بتاع التحديث...عموما وصل العده و اتبع التعليمات هي ف اولها معقدة بستتعود عليها بس اتبع التعليمات النكتوبه بالحرف......
eslam1986
2012-11-17 (02:55:13AM)
السلام عليكم
معلش عندي استفسار بسيط بخصوص الذاكرة الداخلية للموبايل ده لان دي الحاجة الوحيدة اللي قلقاني منه بصراحة...كنت عايز اعرف هي ايه بالظبط الحاجات اللي بتنزل عالذاكرة الداخلية دي؟؟؟انا عارف ان فيه حاجات ممكن تتخزن عالذاكرة الداخلية وممكن تتخزن علي كارت ميموري...وفيه حاجات اكيد مينفعش باي حال من الاحوال تاخد مساحة غير عالذاكرة الداخلية...فكنت عايز اعرف الذاكرة الداخلية دي ممكن تتملي ف ايه بالظبط وايه تاثيرها علي سرعة الجهاز؟؟؟
معلش عندي استفسار بسيط بخصوص الذاكرة الداخلية للموبايل ده لان دي الحاجة الوحيدة اللي قلقاني منه بصراحة...كنت عايز اعرف هي ايه بالظبط الحاجات اللي بتنزل عالذاكرة الداخلية دي؟؟؟انا عارف ان فيه حاجات ممكن تتخزن عالذاكرة الداخلية وممكن تتخزن علي كارت ميموري...وفيه حاجات اكيد مينفعش باي حال من الاحوال تاخد مساحة غير عالذاكرة الداخلية...فكنت عايز اعرف الذاكرة الداخلية دي ممكن تتملي ف ايه بالظبط وايه تاثيرها علي سرعة الجهاز؟؟؟
miz0ooo0
2012-11-17 (05:09:42AM)
facebook 25mb
google play 10mb
whatsapp 10.3 mb
youtube 10 mb
adobe flash 7.5mb
google maps 5 mb
office suiite 5mb
ف غيرهم كتيير بس ده اكبر مساحة
و فى برامج تانية ممكن تنزلها من الماركت و تلاقيها لازم تبقى عل الداخلية
و فى حاجة برضو ان كنت عل ice cream sandwitch ال maps و ال office suite كل واحد كان حوالى 25mb لوحدو بس لما رجعت لل gingerbread المساحة قلت قوى و سطبت معظم البرامج ال بحتاجها و فاضلى 165mb فى ال phone memory بس الفكرة انا كل برنامج ليه data و cash و دى بتزيد مع الوقت فبتاخد مساحة حتى لو مسيبطش برامج
و لو قدرت تسيب مساحة فى ال phone memory حوالى 70 mb اعتقد مش هيأثر عل السرعة
وفى اسوأ الأحوال لو العملية خربت تقدر تعمل root و تنقل كل البرامج عل memory card
google play 10mb
whatsapp 10.3 mb
youtube 10 mb
adobe flash 7.5mb
google maps 5 mb
office suiite 5mb
ف غيرهم كتيير بس ده اكبر مساحة
و فى برامج تانية ممكن تنزلها من الماركت و تلاقيها لازم تبقى عل الداخلية
و فى حاجة برضو ان كنت عل ice cream sandwitch ال maps و ال office suite كل واحد كان حوالى 25mb لوحدو بس لما رجعت لل gingerbread المساحة قلت قوى و سطبت معظم البرامج ال بحتاجها و فاضلى 165mb فى ال phone memory بس الفكرة انا كل برنامج ليه data و cash و دى بتزيد مع الوقت فبتاخد مساحة حتى لو مسيبطش برامج
و لو قدرت تسيب مساحة فى ال phone memory حوالى 70 mb اعتقد مش هيأثر عل السرعة
وفى اسوأ الأحوال لو العملية خربت تقدر تعمل root و تنقل كل البرامج عل memory card
eslam1986
2012-11-15 (03:35:09PM)
السلام عليكم
يا شباب بعد رحلة بحث طويلة وعميقة ومقارنات متعبة استقريت عالموبايل ده ان شاء الله...بس كان عندي شوية استفسارات ياريت اهل الخبرة والناس اللي اتعاملو مع الموبايل ده يفيدوني فيها:
1.بالنسبة للبطارية ممكن تتشحن كل اد ايه (الاستعمال متوسط)...يعني هل هي في المعقول (يعني مرة كل يوم ونص مثلا)...ولا ضعيفة (مرة او اكتر في اليوم)؟؟
2.بالنسبة للابليكاشنز هل ممكن احملها علي كارت الميموري ولا لازم تتحمل عالانترنال ميموري؟؟
3.هل حد جرب اخر ابديت (ساندوتش)؟؟ولو حد جربه...هل بعد الابديت الجهاز ما زال سريع ولا بقي بطيء؟؟
شكرا جزيلا عالرد والافادة زي ما اتعودت منكم دايما :)
يا شباب بعد رحلة بحث طويلة وعميقة ومقارنات متعبة استقريت عالموبايل ده ان شاء الله...بس كان عندي شوية استفسارات ياريت اهل الخبرة والناس اللي اتعاملو مع الموبايل ده يفيدوني فيها:
1.بالنسبة للبطارية ممكن تتشحن كل اد ايه (الاستعمال متوسط)...يعني هل هي في المعقول (يعني مرة كل يوم ونص مثلا)...ولا ضعيفة (مرة او اكتر في اليوم)؟؟
2.بالنسبة للابليكاشنز هل ممكن احملها علي كارت الميموري ولا لازم تتحمل عالانترنال ميموري؟؟
3.هل حد جرب اخر ابديت (ساندوتش)؟؟ولو حد جربه...هل بعد الابديت الجهاز ما زال سريع ولا بقي بطيء؟؟
شكرا جزيلا عالرد والافادة زي ما اتعودت منكم دايما :)
mido888
2012-11-15 (05:08:40PM)
السلام عليكم....
البطارية مع الاستخدام المتوسط و سطوع35%تقعد يوم و نص مرتاحة جدا و ممكن تقفل يومين...و الابليكيشنز 80%منها بيتنقل للكارت دع لو مساحته صغيره اما لو كان كبير فلوحده بينزل ع الكارت .....و انا منزل ساندوتش4.0.4تقريبا مغبرش حاجة ف اليرعه ئه ان مزودهاش
البطارية مع الاستخدام المتوسط و سطوع35%تقعد يوم و نص مرتاحة جدا و ممكن تقفل يومين...و الابليكيشنز 80%منها بيتنقل للكارت دع لو مساحته صغيره اما لو كان كبير فلوحده بينزل ع الكارت .....و انا منزل ساندوتش4.0.4تقريبا مغبرش حاجة ف اليرعه ئه ان مزودهاش
pienqo
2012-11-15 (05:50:42PM)
السلام عليكم ورحمة الله وبركاته
بارك الله فيك دكتور احمد كفيت ووفيت بالشرح
وبالنسبه للاخ اسلام ربنا يبارك لك بالموبايل والف مبروك مقدما اختيار موفق باذن الله وفعلا زي ما قالك الاخ احمد الموبايل بالاستخام المتوسط يدي يوم ونص او اتنين مرتاح بس اعتقد باول فترة للموبايل معاك البطارية غالبا هتتشحن كل يوم لانه هيكون عندك فضول لاكتشاف الموبايل تنزيل ابلكيشنز تشغيل وتجريب تحديث وتظبيط وكة فبالتالي البطارية مع الاستخدام المتواصل نت وميوزك والعاب او غيرة كبيرها 7ساعات بالكتير اما بالمتوسط ممكن تدي معاك اليوم مرتاح اما الايس كريم ساندوتش معايا بالاول كان بطئ ومقرف بصراحه ولكن رجعت حدثت النسخه مرة تانية وشلت برنامج جو لانشر صار الامر تمام
والف مبروك مقدما....وتقبلوا تحياتي
بارك الله فيك دكتور احمد كفيت ووفيت بالشرح
وبالنسبه للاخ اسلام ربنا يبارك لك بالموبايل والف مبروك مقدما اختيار موفق باذن الله وفعلا زي ما قالك الاخ احمد الموبايل بالاستخام المتوسط يدي يوم ونص او اتنين مرتاح بس اعتقد باول فترة للموبايل معاك البطارية غالبا هتتشحن كل يوم لانه هيكون عندك فضول لاكتشاف الموبايل تنزيل ابلكيشنز تشغيل وتجريب تحديث وتظبيط وكة فبالتالي البطارية مع الاستخدام المتواصل نت وميوزك والعاب او غيرة كبيرها 7ساعات بالكتير اما بالمتوسط ممكن تدي معاك اليوم مرتاح اما الايس كريم ساندوتش معايا بالاول كان بطئ ومقرف بصراحه ولكن رجعت حدثت النسخه مرة تانية وشلت برنامج جو لانشر صار الامر تمام
والف مبروك مقدما....وتقبلوا تحياتي
pienqo
2012-11-15 (06:00:30PM)
السلام عليكم ورحمة الله وبركاته اخي اسلام كيف الحال يا طيب
انا ريت بالاول على اساس انك هتجيب سوني بعد ما قولت انك استقريت عليه خلاص لكن لما نزلت تحت شوية قرت لك تعليق بانك بتسال لسه على ال جي فحصل عندي اختلاط بالامر عموما لو كان قصدك السوني فدكتور احمد كفى ووفى اما لو بخصوص ال جي فالامر مش مقلق زي ما انت متخيل خصوصا ان شاشة الجوريلا موجودة باغلب الموبايلات الجديدة يعني كل الموبالايت معرضة لنفس الامر مش ال جي بس انما لو بتسال لا قدر الله ده حصل فعلا مع ال جي فموضوع الصيانه والمتابعه مش ممتاز لكنه يفي بالغرض وهتلاقي الدعم المحدود عيب ال جي زي موتورلا بالظبط شركات عملاقة وكبيرة الا انها للاسف لا تولي اي اهتمام لمتابعة الانظمة الجديدة وتحديثها بعكس سامسونج وسوني وغيرهم ده كل اللي الموجود بال جي بخلاف كدة الموبايلات تبع ال جي ممتازة ولا تقل جودة ابدا عن مثيلاتها من نفس النظام سوني وسامسونج اتش تي سي وغيرهم وعموما سوني او ال جي بارك الله لك فيه والف مبروك مقدما وتقبل تحياتي يا غالي
انا ريت بالاول على اساس انك هتجيب سوني بعد ما قولت انك استقريت عليه خلاص لكن لما نزلت تحت شوية قرت لك تعليق بانك بتسال لسه على ال جي فحصل عندي اختلاط بالامر عموما لو كان قصدك السوني فدكتور احمد كفى ووفى اما لو بخصوص ال جي فالامر مش مقلق زي ما انت متخيل خصوصا ان شاشة الجوريلا موجودة باغلب الموبايلات الجديدة يعني كل الموبالايت معرضة لنفس الامر مش ال جي بس انما لو بتسال لا قدر الله ده حصل فعلا مع ال جي فموضوع الصيانه والمتابعه مش ممتاز لكنه يفي بالغرض وهتلاقي الدعم المحدود عيب ال جي زي موتورلا بالظبط شركات عملاقة وكبيرة الا انها للاسف لا تولي اي اهتمام لمتابعة الانظمة الجديدة وتحديثها بعكس سامسونج وسوني وغيرهم ده كل اللي الموجود بال جي بخلاف كدة الموبايلات تبع ال جي ممتازة ولا تقل جودة ابدا عن مثيلاتها من نفس النظام سوني وسامسونج اتش تي سي وغيرهم وعموما سوني او ال جي بارك الله لك فيه والف مبروك مقدما وتقبل تحياتي يا غالي
eslam1986
2012-11-16 (05:02:02AM)
السلام عليكم
متشكر جدا ليكو يا mido888 انت و pienqo عالرد الوافي والتوضيح الممتاز.
بالنسبة للاخ pienqo....متشكر لاهتمامك بالموضوع بس انا فعلا اقصد اني استقريت عالسوني وده بعد ما قريت عن ال جي ولقيت ناس كتير بتشتكي منه و لقيت ليه اكتر من عيب زي البطء والتهنيج الكتير والسخونية الجامدة وفوق ده كله مفيش دعم اقدر الجأ ليه لو حصلت اي مشكلة...فريحت دماغي وقولت اجيب حاجة مضمونة شوية وانا شايف ان السوني محترم.
شكرا للافادة مرة تانية وجزاكم الله خيرا
سلام عليكم
متشكر جدا ليكو يا mido888 انت و pienqo عالرد الوافي والتوضيح الممتاز.
بالنسبة للاخ pienqo....متشكر لاهتمامك بالموضوع بس انا فعلا اقصد اني استقريت عالسوني وده بعد ما قريت عن ال جي ولقيت ناس كتير بتشتكي منه و لقيت ليه اكتر من عيب زي البطء والتهنيج الكتير والسخونية الجامدة وفوق ده كله مفيش دعم اقدر الجأ ليه لو حصلت اي مشكلة...فريحت دماغي وقولت اجيب حاجة مضمونة شوية وانا شايف ان السوني محترم.
شكرا للافادة مرة تانية وجزاكم الله خيرا
سلام عليكم
يوجد المزيد من الردود, شاهد
جميع الردود
eslam1986
2012-11-14 (06:26:48PM)
السلام عليكم
يا جماعة ممكن اعرف سعر الجهاز حاليا كام بالظبط بضمان ومن غير ضمان (او بضمان دولي)؟؟؟
في انتظار الرد...شكرا
يا جماعة ممكن اعرف سعر الجهاز حاليا كام بالظبط بضمان ومن غير ضمان (او بضمان دولي)؟؟؟
في انتظار الرد...شكرا
mido888
2012-11-14 (06:55:50PM)
السعر مكتوب فوق ف خانة شراء جديد و جنبة علامه خضرا يبقي بالضمان و لو عاوز من غير ضمان اخصم منه 200 تقريبا بس مش الاماكن بتبيعه من غير ضمان
eslam1986
2012-11-15 (04:32:38AM)
شكرا ليك يا ميدو عالرد...انا فعلا واخد بالي من السعر اللي مكتوب بس انا مش عارف السعر ده ابديتد ولاه بقاله كتير فعشان كدة كنت بسال لو حد يعرف السعر بالظبط حاليا.
mido888
2012-11-15 (06:09:04AM)
لا فعلا هو ده السعر حاليا
neho22
2012-11-14 (02:16:16PM)
عندي استفسار هو ايه معني الروت وفايدته ايه للجهاز وانا كل ما وصل الجهاز بالبرنامج علي الكمبيوتر يجي لي تحديث ل4.0.4 مش عارفه اعمله ولا لاء خايفه الجهاز يتقل ياريت اهل الخبرة يفيدوني وجزاكم الله كل خير
mido888
2012-11-14 (03:18:26PM)
الروت باختصار هو فتح الزاكرة الداخلية للعدة يعني ممكن تعملها جيجا او اتنين بدي 320 ..........
وبالنسبة للتحديث هو شغال تمام معايا لا هنج ولا نقل بس انا ملاحظتش غير ان الثيم بس هو اللي اتغير بس الفايدة بتاعته بس هتبان ف بعض البرامج اللي تتطلب وجود ics
وبالنسبة للتحديث هو شغال تمام معايا لا هنج ولا نقل بس انا ملاحظتش غير ان الثيم بس هو اللي اتغير بس الفايدة بتاعته بس هتبان ف بعض البرامج اللي تتطلب وجود ics
neho22
2012-11-14 (04:02:55PM)
طب لو سمحت اخي ميدو الروت لو اتعمل بيضر الجهاز او ليه تأثير سلبي عليه
mido888
2012-11-14 (04:24:30PM)
اولا هيلغي الضمان............
بعدين الناس انقسمو قسمين:
1-ناس بتقول انه هيسرع الجهاز علي اساس ان الزاكرة الداخلية بتزيد.
2-ناس تاني بتقول انه هياثر سلبا ع الجهاز لانه بيكون مخصص لزاكرة معينه اي حاجة غيرها مش هتكون متناسقة مع الجهز بالدرجة المطلوبة.
و ان كان عليا انا شخصيا انا جربت اعمله روت و فشل الموضوع و فرحت لاني كنت بعمله و قلقان ليبوظ حاجة ف العدة خصوصات ان ملهاش ضمان ده غير انش مش ميال للحاجات دي اللي بتلعب ع الواسع ف العدة
بعدين الناس انقسمو قسمين:
1-ناس بتقول انه هيسرع الجهاز علي اساس ان الزاكرة الداخلية بتزيد.
2-ناس تاني بتقول انه هياثر سلبا ع الجهاز لانه بيكون مخصص لزاكرة معينه اي حاجة غيرها مش هتكون متناسقة مع الجهز بالدرجة المطلوبة.
و ان كان عليا انا شخصيا انا جربت اعمله روت و فشل الموضوع و فرحت لاني كنت بعمله و قلقان ليبوظ حاجة ف العدة خصوصات ان ملهاش ضمان ده غير انش مش ميال للحاجات دي اللي بتلعب ع الواسع ف العدة
mido888
2012-11-14 (04:28:06PM)
و متهيالي حضرتك جيبة الجهز جديد فبلاش تعملي فيه حاجة زي دي علي الاقل دلوقت
يوجد المزيد من الردود, شاهد
جميع الردود
Teefa1976
2012-11-14 (11:33:30AM)
السلام عليكم
انا معايا الجهاز بس المشكله انو جاى من بره مصر وعليه ابلكيشنز كتير انا مش محتاجها
حاولت اعمل روت ببرنامج unlock root بس دايما يقوللى fail مش عارف ايه المشكله
الروم اللى عليه جنجر بريد
شكرا
انا معايا الجهاز بس المشكله انو جاى من بره مصر وعليه ابلكيشنز كتير انا مش محتاجها
حاولت اعمل روت ببرنامج unlock root بس دايما يقوللى fail مش عارف ايه المشكله
الروم اللى عليه جنجر بريد
شكرا
أحمد محمد
2012-11-14 (12:56:03PM)
لازم رووت أو تنزل روم تاني مش عليه ال apps ده كلها
دي طريقة عمل الرووت من موقع سوني نفسه
دي طريقة عمل الرووت من موقع سوني نفسه
mido888
2012-11-14 (03:28:27PM)
السلام عليكم.................
انا كنت جايب عدتي من السعودية و عليها حاجات ياما فريحت نفسي و فرمت الكارت و فضيت خلص الا ملفات النظام و بقي عندي تقريبا 319 ميجا فاضيين...........بس بكده هتضحي ف دليل الاستخدام الموجود ع الكارت او تنزل برنامج e s file explorer و تنقله للكمبيوتر و بعدها ترجعه تاني...
انا كنت جايب عدتي من السعودية و عليها حاجات ياما فريحت نفسي و فرمت الكارت و فضيت خلص الا ملفات النظام و بقي عندي تقريبا 319 ميجا فاضيين...........بس بكده هتضحي ف دليل الاستخدام الموجود ع الكارت او تنزل برنامج e s file explorer و تنقله للكمبيوتر و بعدها ترجعه تاني...
slamko
2012-11-14 (10:41:14AM)
السلام عليكم و رحمه الله
يا جماعه اللي عايز اي حاجه في اسبيريا انا موجود
واللي حدث موبايله ل (4.0.4) ايس كريم ... وعايز يرجعه لل (2.3.4) جينجيربريد
اانا هقولو الطريقه واللي عايز روت ل موبايله او عايز يفتح البوت لودر او.او....
وانا معايا الجيلي بين علي موبايلي (4.1.2) روم طبعآ وسريع جدآ واللي عايز اي حاجه يقولي في تعليق وانشاء الله انا هساعدة
يا جماعه اللي عايز اي حاجه في اسبيريا انا موجود
واللي حدث موبايله ل (4.0.4) ايس كريم ... وعايز يرجعه لل (2.3.4) جينجيربريد
اانا هقولو الطريقه واللي عايز روت ل موبايله او عايز يفتح البوت لودر او.او....
وانا معايا الجيلي بين علي موبايلي (4.1.2) روم طبعآ وسريع جدآ واللي عايز اي حاجه يقولي في تعليق وانشاء الله انا هساعدة
eslamzakaria
2012-11-14 (03:31:41PM)
انا عندى مشكلة فى تشغيل الالعاب ال HD بتاعت Gameloft ... معظم الالعاب بعد ما تتسطب مش بتفتح
mido888
2012-11-14 (04:30:51PM)
الالعاب الاتش دي اغلبها بيبقي عاوز تشتريه و اللي بينزل من غير شرا هو النسخة المحدودة للي هيا غالبا 12 ساعة ده يوم ميكون في اساسا نسخة محدودة اما الباقي فبينزل و مبيرضاش يتفتح لغاية متشتريه اولا لانه جوده عاليه يعني مكلف و ثانيا مساحته كبيرة يعني مش هينزل للمواطنين كده صدقة.............ده اعتق السبب و الله اعلم بس ده الحاصل عندي و ربنا يوفقك و تلاقي حل
eslam1986
2012-11-14 (05:45:14AM)
السلام عليكم
اولا احب اشكر كل القائمين عالموقع الرائع ده لانه فعلا مفيد جدا
ثانيا انا عندي استفسارين وارجو من ذوي الخبرة هنا الرد والافادة واسف ان الاستفسار الاول خاص بموبايل ال جي بس انا طرحت السؤال علي صفحة ال جي ومحدش رد وانا محتاج الرد ضروري وواضح ان الصفحة هنا نشيطة فاتمني اني الاقي رد:
1.كنت عايز اعرف مين الشركة اللي ماسكة ضمان ال جي في مصر وهل مستوي الدعم والخدمة جيد ولا اي كلام؟؟
2.ياريت حد يوضحلي الفرق بين انواع الشاشات وترتيبهم من الافضل للاسوأ
super AMOLED
LED-Backlit
LCD
IPS LCD
شكرا جزيلا مقدما
اولا احب اشكر كل القائمين عالموقع الرائع ده لانه فعلا مفيد جدا
ثانيا انا عندي استفسارين وارجو من ذوي الخبرة هنا الرد والافادة واسف ان الاستفسار الاول خاص بموبايل ال جي بس انا طرحت السؤال علي صفحة ال جي ومحدش رد وانا محتاج الرد ضروري وواضح ان الصفحة هنا نشيطة فاتمني اني الاقي رد:
1.كنت عايز اعرف مين الشركة اللي ماسكة ضمان ال جي في مصر وهل مستوي الدعم والخدمة جيد ولا اي كلام؟؟
2.ياريت حد يوضحلي الفرق بين انواع الشاشات وترتيبهم من الافضل للاسوأ
super AMOLED
LED-Backlit
LCD
IPS LCD
شكرا جزيلا مقدما
pienqo
2012-11-14 (09:06:44AM)
السلام عليكم ورحمة الله وبركاته اخي الغالي....
ضمان LGف مصر تابع لدلتا....هذه ما اخبرني به عامل محلات راديوطلعت حرب وكان لي تجربه من قبل مع ال جي وه يممتازة كجهاز ولكن للاسف سوء تسويقها في مصر يسبب لكثير من المستخدمين عدم الامان والراحه بشراء اجهزتها لكن اعتقد ان الامر سيختلف كثيرا بعد صدور اكثر من جهاز لLGفي مصر ونزول بعض الاكسسوارات لها اعتقد ان الامر سيتحسن كثيرا
اما بخصوص الفرق بين الشاشات فانا لا اعلم ولكن من خلال تصفحي باغلب مواقع الموبايلات فلكل منها خواصها فمنها ما هو واضح تحت اشعة الشمس المباشرة كشاشةIPS LCDومنها ما اوضح تحت الظل كشاشةSUPER AMOLED
ولكن بالمجمل اخي الكريم نحن كمستخدمين لن نستطيع ملاحظة الفروق بين الشاشات الجديدة كليا لانها تحتاج الى نظر سوبر ولكني من خلال تجربتي معLED-Backlit-LCD بالسوني والسوبر امولد بالنوت ون لم استيطع ان افرق بين وضوحهم فالاتنين وضوح ممتاز جداااااا ولكن السوني بالشمس مع زيادة سطوع الشاشة كان اوضح من السوبر امولد في النوت واعتقد ان اصحاب الخبره بهذا المجال سيردوا على استفسارك بالقريب العاجل
تقبل تحياتي
ضمان LGف مصر تابع لدلتا....هذه ما اخبرني به عامل محلات راديوطلعت حرب وكان لي تجربه من قبل مع ال جي وه يممتازة كجهاز ولكن للاسف سوء تسويقها في مصر يسبب لكثير من المستخدمين عدم الامان والراحه بشراء اجهزتها لكن اعتقد ان الامر سيختلف كثيرا بعد صدور اكثر من جهاز لLGفي مصر ونزول بعض الاكسسوارات لها اعتقد ان الامر سيتحسن كثيرا
اما بخصوص الفرق بين الشاشات فانا لا اعلم ولكن من خلال تصفحي باغلب مواقع الموبايلات فلكل منها خواصها فمنها ما هو واضح تحت اشعة الشمس المباشرة كشاشةIPS LCDومنها ما اوضح تحت الظل كشاشةSUPER AMOLED
ولكن بالمجمل اخي الكريم نحن كمستخدمين لن نستطيع ملاحظة الفروق بين الشاشات الجديدة كليا لانها تحتاج الى نظر سوبر ولكني من خلال تجربتي معLED-Backlit-LCD بالسوني والسوبر امولد بالنوت ون لم استيطع ان افرق بين وضوحهم فالاتنين وضوح ممتاز جداااااا ولكن السوني بالشمس مع زيادة سطوع الشاشة كان اوضح من السوبر امولد في النوت واعتقد ان اصحاب الخبره بهذا المجال سيردوا على استفسارك بالقريب العاجل
تقبل تحياتي
أحمد محمد
2012-11-14 (09:23:16AM)
أفضل شاشة هي ال super AMOLED PLUS
هي الأفضل من حيث الألوان و الإضاءة و الرؤية الجانبية ...... و بتحس فيها إنك شايف صورة حية
و كمان هي الأنحف على الإطلاق
و هي الأفضل في قراءة النصوص و الرسومات ثنائية الأبعاد
و إستهلاكها للطاقة أقل
و التباين فيها عالي جدا و الألوان حادة
و بتعطي إحساس إنها غامقة شوية
و كثافتها عالية جدا
و بتبقى موجودة في الشاشات الكبيرة بس
و كلها شاشات عالية الدقة بجودة HD يعني دائما ال resolution بتاعها عالي
في كمان ال super AMOLED
و ال AMOLED
و هما نفس الفكرة لكن بدرجة أقل
في كمان شاشة ال LCD و يطلق عليها شاشة الكريستال السائل
و هي إختصار ل Liquid Crystal Display
و دي كثافتها كبيرة نسبيا و عالية السطوع و الرؤية القريبة فيها أفضل بكتير
و كمان الرؤية الجانبية فيها ضعيفة نسبيا ....... السطوع و درجة الألوان بتتغير
و كمان قدرتها على إظهار التباين بين الألوان مش عالية أوي
و كمان إستهلاكها للطاقة عالي شوية
شاشات ال LED
هي نفس شاشة ال LCD
لكن بإضائة LED خلفية
و دي بتخلي الألوان أنقى و أفضل و التباين أعلى
و كمان تأثيرها أقل على العين لأن سطوعها أقل من ال LCD العادية
و كمان إضائة ال LED إستهلاكها أقل للطاقة
و بتبقى أنحف كتير عن ال LCD العادية ...... عشان كده هي أغلى
كمان في تقنية ال IPS
هي تكنولوجيا جديدة تسمح بمشاهدة الأحداث عالية السرعة بشكل أفضل
و تسمح بإنتقال سلس للصور أثناء العرض
يعني هي الأفضل لمشاهدة الأفلام الأكشن سريعة الأحداث
و المباريات الرياضية ...... لأن الكاميرا بتنتقل من أول الملعب لآخره في ثواني
تناسبا مع الأحداث
و خلال الإنتقال ده بتبقى شايف الصورة واضحة جدا و لو عملت screen shot
أثناء الإنتقال ده هتحس إن الكاميرا كانت ثابته
و كمان ال IPS تسمح برؤية جانبية فائقة الجودة
لمشاهدة جماعية بدون إختلاف وضوح الرؤية بين المشاهدين
يعني تقدر تقول إن الأفضلية علي الترتيب :
Super AMOLED plus
Super AMOLED
LED-backlit
IPS LCD
AMOLED
LCD
هي الأفضل من حيث الألوان و الإضاءة و الرؤية الجانبية ...... و بتحس فيها إنك شايف صورة حية
و كمان هي الأنحف على الإطلاق
و هي الأفضل في قراءة النصوص و الرسومات ثنائية الأبعاد
و إستهلاكها للطاقة أقل
و التباين فيها عالي جدا و الألوان حادة
و بتعطي إحساس إنها غامقة شوية
و كثافتها عالية جدا
و بتبقى موجودة في الشاشات الكبيرة بس
و كلها شاشات عالية الدقة بجودة HD يعني دائما ال resolution بتاعها عالي
في كمان ال super AMOLED
و ال AMOLED
و هما نفس الفكرة لكن بدرجة أقل
في كمان شاشة ال LCD و يطلق عليها شاشة الكريستال السائل
و هي إختصار ل Liquid Crystal Display
و دي كثافتها كبيرة نسبيا و عالية السطوع و الرؤية القريبة فيها أفضل بكتير
و كمان الرؤية الجانبية فيها ضعيفة نسبيا ....... السطوع و درجة الألوان بتتغير
و كمان قدرتها على إظهار التباين بين الألوان مش عالية أوي
و كمان إستهلاكها للطاقة عالي شوية
شاشات ال LED
هي نفس شاشة ال LCD
لكن بإضائة LED خلفية
و دي بتخلي الألوان أنقى و أفضل و التباين أعلى
و كمان تأثيرها أقل على العين لأن سطوعها أقل من ال LCD العادية
و كمان إضائة ال LED إستهلاكها أقل للطاقة
و بتبقى أنحف كتير عن ال LCD العادية ...... عشان كده هي أغلى
كمان في تقنية ال IPS
هي تكنولوجيا جديدة تسمح بمشاهدة الأحداث عالية السرعة بشكل أفضل
و تسمح بإنتقال سلس للصور أثناء العرض
يعني هي الأفضل لمشاهدة الأفلام الأكشن سريعة الأحداث
و المباريات الرياضية ...... لأن الكاميرا بتنتقل من أول الملعب لآخره في ثواني
تناسبا مع الأحداث
و خلال الإنتقال ده بتبقى شايف الصورة واضحة جدا و لو عملت screen shot
أثناء الإنتقال ده هتحس إن الكاميرا كانت ثابته
و كمان ال IPS تسمح برؤية جانبية فائقة الجودة
لمشاهدة جماعية بدون إختلاف وضوح الرؤية بين المشاهدين
يعني تقدر تقول إن الأفضلية علي الترتيب :
Super AMOLED plus
Super AMOLED
LED-backlit
IPS LCD
AMOLED
LCD
mido888
2012-11-14 (09:54:47AM)
شكرا اخواني علي التوضيح لاني لغاية دلوقت مكنتش عارف ايه الفرق فعلا
.....بارك الله فيكم
.....بارك الله فيكم
eslam1986
2012-11-14 (03:39:25PM)
والله يا جماعة مش عارف اقولكو ايه بس متشكر جدا ليكو كلكو...متشكر جدا ليك يا pienqo علي توضيحك لنقطة الضمان...متشكر جدا ليك يا أحمد محمد لتوضيحك للفروق بين انواع الشاشات...متشكر جدا ليك يا mido888 بسبب مشاركاتك المتميزة واللي استفدت منها كتير.
بس معلش سؤال اخير...يعني انا تقريبا استقريت علي موبايل ال جي اوبتيماس بلاك لاني شايف ان امكانياته عالية...بس عايز اعرف هي ينصح ب ال جي؟؟؟وهل حد ليه تجارب مع موبايلات ال جي عموما والموبايل ده خصوصا؟؟؟
شكرا ليكو مقدما
بس معلش سؤال اخير...يعني انا تقريبا استقريت علي موبايل ال جي اوبتيماس بلاك لاني شايف ان امكانياته عالية...بس عايز اعرف هي ينصح ب ال جي؟؟؟وهل حد ليه تجارب مع موبايلات ال جي عموما والموبايل ده خصوصا؟؟؟
شكرا ليكو مقدما
يوجد المزيد من الردود, شاهد
جميع الردود
elhamwaka
2012-11-14 (03:50:59AM)
طيب ممكن تقولي اجيبو من فين في السراج بالظبط ؟