بدون عنوان

للرجوع الي صفحة سوني اريكسون Xperia Arc S الرئيسية اضغط هنا

FOKAHA1986

2013-02-23 (02:03:56AM)

السلام عليكم
لو سمحتم انا لسة شارية الموبايل ده وعاوزة اعرف شوية حاجات
1- ايه احسن برامج وتطبيقات ممكن انزلها؟
2- انا عاوزة اعرف ازاى اخزن الصور والفيديو عالميمورى كارد
3- انا ساعات مبلاقيش الصور اللى صورتها فى الجلارى مع انها بتكون موجودة فى الكاميرا
4- فيه حاجة ممكن تعلى صوت التليفون؟
5 - لو فيه اى نصائح ليا عشان الموبايل ممكن تقولهالى
واسفة عالاطالة

mido888

2013-02-23 (08:35:56AM)

عليكم السلام .........
اولا انا بستغرب ان اغلب الناي جايبه الموب ده امبارح او اول امبارح..........امال انا جبته ليه من 9 شهور ........
ما علينا الاجوبه بالترتيب ::
1-البرامج هي es file explorer >>>>avast<<<<<mx vidio player<<<<<recorder<<<<<<دول الاساسين بعد كده علي حسب استخدامك
2-الصور و اي ملفات تتصور تتبعت تتسجل بتتخزن لوحدها ع الكارت ......الميموري الداخلي مقصور ع البرامج فقط
3-دي مشكله اغلب الناس اللي جابو الموب و هو جديد و منهم انا بس انصحك بحاجه ..وصلي الموب بكمبيوتر و انقلي البيانات اللي عليه ع الكومبيوتر و بعدها فرمتي الكارت و ان شاء الله مش هتتكرر الحكايه دي تاني
4-التليفون صوته اخره كده و ده علي فكره عالي جدا بالنسبه للسمارت فونز و خصوصا الاندرويد منها
5-اول نصيحه الموب هتلاقيه معقد و مبهدل و متعب جدا اول اسبوعين انما بعد كده هتتعودي عليه و هتلاقيه سلس..تاني نصيحه لازم تعملي حساب ع الجي ميل عشان تنزلي حاجه من الماركت..تالت نصيحه لو تجيبي كفر للضهر و لزقه نضيفه للشاشه يبقي افضل ,,رابع نصيحه قللي السطوع بتاع الشاشه خليه مثلا 40 او 45% هيبقي احسن و برضو حفاظا ع البطاريه
و اخرا الف مبروك ع الموب و ان شاء الله وشه يكون خير عليكي

FOKAHA1986

2013-02-23 (01:24:32PM)

ميرسى يافندم على رد حضرتك الوافى والله يبارك فيك بس معلشى ممكن برده اسأل
1- افرمت الكارت ازاى
2- يعنى ايه روت ؟ وده مفيد ولا لا؟ وبيتعمل ازاى؟

mido888

2013-02-23 (03:49:12PM)

العفو ي فندم ....
الفرمته انك تدخلي الاعدادات ؤ في حاجه ف التخزين اسمها مسح بطاقه الذاكره ...
بس لو نزلتي برنامج الفايل لكسبلورو اللي كتبته فوق هيظهرلك الصور و الكارت كله و مش محتاجه فرمته.
الروت انك تفتحي الكارت كذاكره داخليه للموبايل.و هو مفيد في حاله واحد متخصص عرف يعمله كويس غير كده هيبهدل العده . منصحش بيه لانه مش مضمون تماما ...و اعتقد بما انك لسه شاريه الموب متفكريش ف روت قبل شهرين تلاته تكوني فهمتي الدنيا كويس و ساعتها هتعرفي انه مش مضمون ليه.
و حاجه نسيت اقلهالك في الاعدادات في الشبكات و الاتصال اغملي منع مرور البيانات لانه لو مش ممنوع الموب هيخش نت لوحده من الخط و يسحب الرصيد

FOKAHA1986

2013-02-23 (11:38:43PM)

طيب ممكن حضرتك تقولى ازاى اعمل روت للجهاز وياريت تشرحلى بالراحة عشان افهم؟ معلشى تعبتك معايا

mido888

2013-02-24 (12:36:09AM)

ههههههههه لا متستعجليش من دلوقت ع الروت ...انتي شايفاه حلو دلوقت عشان بس العده جديده و عاوزه تحسنيها انما مفيش عده زي مبنحلم لازم عجز و العجز هنا جه ف الميموري الداخلي....
اولا حضرتك قلتي انك لسه شارياه فنصيحه من اخوكي الصغير متدوريش علي حاجات احنا اللي لينا سنه و ممكن اتنين و تلاته محتارين فيها و خايفين نعملها ....
او بمعني تاني الموبايل الجديد زي الارك اس و اعلي منه دنيا تاني غير النوكيا و ايام نظام السمبيان القديم.....
عشان تعملي روت هتلغي الضمان ...العده هتتقل غالبا لان المحمول مش مصمم لذاكره اعلي من 1 جيجا داخليه ...ده غير لر الكازت اتحرق يبقي العوض علي الله ف العمليه كلها .و اسواء من ده كله ان الروت عشان يظهر ممتاز لازم روم معاه يعني نسخه نظام مش رسميه و ده مش هتتحمله العده بمعالجها 1.4 القديم و ده غالبا كان سبب لمنع نزول الجيلي بين للارك اس...
يعني من الاخر بلاش روت و روم و وجع المخ ده و فوق ده كله انا مبعرفش اعمل روت اصلاو حاولت و فشلت و قلت الحمد لله منفعش من اولها لاني شفت العدد الي عانله روت اتبهدلت ازاي......
و حاجه مهمه جدا جدا نسيت اقلهالك متحدثيش الموبايل للايس كريم ابدا ابدا ابدا مهما الناس قالت و هتسمعي انه حلو و سريع و زي الفل بس لو خدثتيه هتكتشفي العكس تماما....

تلك الخدمة مخصصة للأعضاء فقط