بدون عنوان

للرجوع الي صفحة سوني اريكسون Xperia Arc S الرئيسية اضغط هنا

titoman5000

2013-01-10 (07:21:29AM)

الأخ الفاضل mido888 تحياتى اليك وجزاك الله عنا كل خير على ردودك
انا بصراحة من ساعة مدخات على الموقع وبدأت اقرأ عن الارك اس ولا الأدفانس ال والاقى رايك حاضر بقوة فى الارك اس وبتوضيح شديد ومتميز
وانا فعلا عاوز اشترى الموب ده للشروح الرائعة لك والأخوة الأخرين
انما الأكسبيريا P فارق معايا فى الذاكرة وحاجات اخرى
واحنا النهاردة10/1/2013 تفتكر لسة رأيك الارك اس مناسب خاصة ان سعره نزل الى 1850

mido888

2013-01-10 (06:44:59PM)

السلام عليكم و رحمه الله و بركاته.............زززز
انا علي فكرة كنت موصي علي سوني بي بس مقدرتش اجيبها لانها مكنتش اتوزعت ع المحلات ساعت م طلبت المحمول انما مش مشكله جبت الارك اس و الحمد لله شغال عال العال هو انا معاك مضايقني الموضوع بتاع الزاكره بس متعود عليه و استخدامي للزاكره شغال تمام
السعر اللي حضرتتك كاتبه من غير ضمان و هي مش فارقه من 2100 بالضمان لانها احسنلك خصوصا ف مصر لازم الضمان انما لو من بره عادي الموضوع ضمان مش ضمان مش فارقه ...
بس خلي بالك ف مقابل الزاكره ف الاكسبيريا بي هتصغر الشاشه بتاعت العده و تقريبا باقي المواصفات زي مهي...
بس لو ع السعر ده المحمول ممتاز جدا جدا جدا من حيث كل شئ كفايه تصميمه الافضل بمراحل من سوني بي ..............................

أحمد محمد

2013-01-11 (06:56:20PM)

شاشة ال xperia p ال resolution بتاعها 540p و الكثافة 275
شاشة ال arc s ال resolution بتاعها 480p و الكثافة 233

يعني مواصفات شاشة ال xperia P أحسن بكتير و الفرق في المساحة 0.2 بوصة .. فرق لا يذكر أصلا

الذاكرة الداخلية في ال xperia P كبيرة جدا ........ 16 جيجا
الذاكرة الداخلية في ال arc s صغيرة جدا ............ 320 ميجا !!!!!!

بس ال xperia p مفيهوش مكان للميموري كارد ......... لكن أكيد مش هتحتاجه !

ال xperia P راماته 1 جيجا بايت
ال arc s راماته 512 ميجا بايت

ال xperia P فيه NFC و ال arc s مفيهوش

ال xperia P بيصور فيديو بجودة 1080p
ال arc s بيصور فيديو بجودة 720p

ال xperia P فيه كاميرة أمامية و ال arc s مفيهوش

ال xperia P نزله تحديث أندرويد 4.1 جيلي بين ..... و ممكن ينزله تحديثات أخرى
ال arc s دعمه وقف عند الأندرويد 4.0 آيس كريم

ال xperia P فيه معالج ثنائي الأنوية ..... بتردد 1 جيجا هيرتز لكل نواه
ال arc s فيه معالج أحادي النواه ترددها 1.4 جيجا هيرتز

يعني بروسيسور ال xperia P أقوى

ال xperia P فيه معالج رسومات Mali-400mp
ال arc s فيه معالج رسومات Adreno 205

يعني أداء ال xperia P أفضل بكتير في التطبيقات و الألعاب الكبيرة

مايك ال xperia P بيعزل الضوضاء و التشويش الخارجي
ال arc s فيه مايك عادي !

ال arc s بطاريته أقوى شوية ...... بس كده
لكن كل الفروق لصالح ال xperia P

titoman5000

2013-01-12 (07:31:45AM)

السلام عليكم ورحمة الله وبركاته
شكرا للأخ الفاضل ميدو على توضيحه الكريم
وتجربتك مع arc s أكيد محل نظر وخير برهان
والشكر موصول للأخ أحمد محمد على ردك الوافى
وهى فعلا مقارنة رائعة وحكاية الشاشة على رأيك مش فارقة كتير فى p 4 وفى arc s 4.2
وشاشة ال xperia p ال resolution بتاعها 540p و الكثافة 275
شاشة ال arc s ال resolution بتاعها 480p و الكثافة 233
2 .من البوصة مش كتيرة فعلا مع باقى الأمكانيات الرائعة
حقيقى كان مهم جدا السؤال بالنسبة لى
ردكم الكريم أثلج صدرى

mido888

2013-01-13 (11:13:21AM)

السلام عليكم و رحمه الله و بركاته..................
الاخ الفاضل احمد محمد شكرا ليك لانك بتوضح معلومات اكتر بحكم كونك اكثرنا خبره لكن مع العلم ان لسوني بي افضل الا اني برشح الارك اس لانه الاخ تيتو قال انه علي سعر 1850 ...........

تلك الخدمة مخصصة للأعضاء فقط