بدون عنوان

للرجوع الي صفحة سوني اريكسون Xperia Arc S الرئيسية اضغط هنا

Crazy rozy

2012-11-02 (04:20:37PM)

السلام عليكم..
معايا الموبايل دا وكنت مرتاحة معاه جدا جدا وكان سريع وجميل تقريبا حسدته ولا ايه بقى بيهنج وبيفتح ابليكشين لوحدة ممكن يعلق مع لعبه ويفتحها لوحدة وكل ما اخرج من حاجة يفتح حاجة تانيه وهكذا لازم اقفله خالص وارجع افتحه تاني .. دا بقى من ايه؟؟ واعمل ايه عشان يرجع سريع تاني لاني زهقت وقربت اكرهه مع اني كنت بحبه اوي وخليت ناس اصحابي يشتروه..
ياريت حد يقولي ايه الي فيه واعمل ايه؟؟؟؟

pienqo

2012-11-03 (05:53:19AM)

وعليكم السلام والرحمه....
اعتقد ان الموبايل محتاج لتنزيل نسخه تاني لو مش حدثتيه الى الايس كريم ساندوتش يا ريت تركبيه باليو اس بي وتحدثيه للنسخه الجديدة ولو حدثتيه يبقى حاولي تنزلي النسخه مرة تانية ومهم جدااااااا تنزلي برنامج Advanced task Manager
ده برنامج مهم جدااا للموبايل شغليه على الاوتوماتيك ولو عندك لعب مش بتعلبيها كتير يا ريت تشليها وشوفي اخر حاجات انتي نزلتيها ايية من الماركت وابتدى الموبايل بعدها يعمل كدة وشليها كمان لو عندك جو لانشر ممكن تستغني عنه لانه السبب الرئيسي في تهنيج الموبايل وممكن تنزلي لانشر تاني اسمه Launcher هو اسمه كدة بس ممتاز وجميل وخفيف وبيديكي اغلب التاثيرات بتاع جو لانشر بس نسخته اخف واسرع وافضل من جو
انا تليفوني عمل كدة فترة بس لما عملت الحاجات دي رجع ظبط مرة تانية
ولو الاخ mido888شاف كلامك هيفيدك اكتر مني وانتظري رده قريبا لانه مش بيدخل الا كل يومين اعتقد
والسلام عليكم ورحمة الله وبركاته

Crazy rozy

2012-11-03 (07:37:31AM)

ميرسي جدا جدا على ردك وافادتك .. انا فعلا منزله جو لانشر هاشيله كدة وانزل البرنامج التاني واشوف ... وميرسي مرة تانيه

Crazy rozy

2012-11-03 (11:40:21AM)

فعلا الجو لانشر هو الي كان مهنج الجهاز بس البرنامج التاني مش حلو زي الجو مافيهوش ثيمات وكدة.. مافيش حاجة تخلي الجو لانشر يبقى خفيف؟؟؟؟؟

ونزلت برنامج Advanced task manager وفعلا برنامج حلو بس سؤال هو زي برنامج Android booster حسيته زييه عشان لو كدة امسح دا واخلي التاني ..

mido888

2012-11-04 (04:32:36AM)

السلام عليكم ..........
الاخ معاذ انا عن نفسي مش منزل الجو لانشر لاني مش حابب اتقل العدة ده غير البلاوي اللي سمعناها عنه و شكرا ليك علي احترامك الزايد ده بس نصيحة للاخت crazy ياريت تشوفي طريقة للتحديث من النت الاول قبل متحدثي لانه لو التحديث عطل او توقف ف النص هياثر علي اداء الجهاز

تلك الخدمة مخصصة للأعضاء فقط