تليفون ماشاء الله

للرجوع الي صفحة سوني Xperia Z2 الرئيسية اضغط هنا

Alansary

2014-08-25 (11:45:00AM)

التليفون معايا من اسبوع بجد ماشاء الله تحفه ف كل حاجه ومش بيسخن اوي زي ما الناس بتقول ولا في تصوير 4k ولا ف الالعاب هو بيسخن زي اي موبيل عادي

poly2014

2014-08-25 (02:46:30PM)

كويس والله طمنتنى و مبروك على الجهاز جبتو بكام ؟؟؟

youssefshabana

2014-08-25 (06:55:48PM)

الف مبروك يا باشا ربنا يحفظهولك يا رب :)

الجهاز ده فعلا ممتاز جدااااااا ونادرا لما حد يشتكي منه وانا عن تجربتي للجهاز عمره ما سخن او هنج ولا الكاميرا قفلت لوحدها خالص الحمد لله

عاوزين بقي نعرف من حضرتك تقييمك للجهاز وايه مميزاته وعيوبه من وجهة نظرك

و مبروك مرة تانية يا باشا :)

Alansary

2014-08-26 (09:08:03AM)

انا جايبه من بره مصر 5 الاف بالظبط عشان مش لقيته هنا من اسبوع ومش بقتنع بسوق

انا كان معايا نوت 2 فلما تيجي تقارن السرعه مختلفه خالص والكاميرا تحفه بمعنى الكلمه وعجبني انه خفيف
السماعات الي فدام حلوه بس لما تبقى مفيش دوشه جمبك عاليه غير كدا الصوت مش بيكون عالي زي ام8
استحميت بيه عادي ومفيش مشكله بس الباب بتاع الشاحن بتعامل معاه براحه كان بعمل عمليه جراحيه عشان خايف يحصله حاجه
بس في الاول والاخر كل واحد ليه وجهه نظر ع حسب ميوله للماركات بس انا كرهت سامسونج بمعنى الكلمه

الله يبارك فيك يا ريس :)

poly2014

2014-08-27 (02:38:52AM)

لو سمحت بس سؤال كمان من فضلك ممكن نغطس الموبايل كلو فى الماية و حركو شوية لمدة 5 دقايق متطلعوش و بعد ال5 دقايق طلعو و نشفو و بعدها شغل اغنية الصوت بيبقا ضعيف زى ال s5 ولا بيفضل زى ما هوا و المايك لان المشكلة دى بتزهقنى اوى فى ال s5 و لو بيعمل كدا بينشف بعد قد اية اصل انا هجيب الموب دا انشاء الله قريب الرجاء الرد ؟؟؟ :D

Alansary

2014-08-27 (08:47:41AM)

بص مجربتش الحوار دا ان اغطسه كله بس سوني بتقول ان لازم بعد ميحصل كدا يتقفل لمده 3 ساعات ويتنشف ف الشمس وكل حاجه هترجع تاني

amersuker

2014-08-28 (06:42:07AM)

ياريت يا باشا تقولنا ايه رايك فى صوته بالاخص لان معايا الزد بس وصوته واطى جدا وعايز ابيعه بسبب الموضوع ده واجيب الزد 2 فلو مفيش فرق يبقى حرام لانى هاخسر فيه كتير

youssefshabana

2014-08-28 (11:13:32AM)

يا باشا مفيش مقارنة بين صوت الزد والزد 2 فرق رهيب بينهم الزد 2 صوته قوي جدا ونقي جدا

والزد 2 بيتفوق علي الزد العادي في كل حاجة مش في الصوت بس ولو انتا اكتر حاجة مهمة بالنسبالك هي الصوت اشتري ال M8 مش هتلاقي جهاز صوته اقوي من صوت الجهاز ده ابدا

لكن لو عاوز سوني اشتري الزد 2 بردو صوته ممتاز جدا بس طبعاً مش زي ال M8

Alansary

2014-08-28 (01:59:18PM)

بص ياريس لو بتتكلم ع الصوت السمعتين الي قدام عاملين صوت قوي جدا ودي ميزه ان السماعات اودام بالزات وانت بتتفرج ع الفيديوهات وفي الهاند فري صوت ملهوش حل بس لو يهمك الصوت بس انا شايف M8 صوته اقوى بكتيير

amersuker

2014-08-29 (11:11:43AM)

متشكر يا جماعه على الرد هيا الفكره بس انى احس بفرق واضح فى الصوت بين الزد والزد تو لان موضوع الصوت فى الزد جبلى عقده لانى كنت ديما بشترى التليفونات اللى صوتها محترم وكان معايا قبليه نوكيا 95 وانا يهمنى الصوت فى الرنين اهم من صوته فى الفيديو او الهاند فرى بس بصراحة كلمة استاذ Alansary انه شايف M8 صوته اقوى بكتير دى كلمه تخوف لان المواصفات بينهم فى الصوت نفس القوه وهيا 75db وبالنسبة للكاميرا بصراحه انا شايف ان السونى برده ماعلجتهاش لان شوفت فيديوهات كتير صور السامسونج S5 احسن من السونى برغم ان السونى من المفروض ان الكاميرا بتاعته اقوى فى البيكسل

youssefshabana

2014-08-29 (11:37:11AM)

شوف يا باشا متقلقش خالص من موضوع الصوت ده لان صوت الزد 2 اعلي واقوي وانقي بكتير من الزد العادي مفيش مقارنة بينهم خالص

كلنا عارفين ان الزد العادي فيه مشاكل كتير اهمها الصوت الضعيف والبطارية الضعيفة وكمان الكاميرا

لكن الزد 2 حاجة مختلفة تماما انا معايا الجهاز يومياً وصدقتي والله صوته اكتر من ممتاز والكاميرا بتاعته ملهاش مثيل وتعتبر افضل كاميرا سمارت فون سيبك من كلام المواقع لان في حاجات كتير بتكون غلط

وكاميرا الاس 5 ممتازة جدا بردو وتفوقت في بعض الاوضاع علي كاميرا الزد 2 والعكس وانا جربت كاميرا الاس 5 لقيتها متفرقش كتير عن كاميرا الاس 4 كل الحكاية ان الصور بتتطلع منورة اكتر في الاس 5 والزووم افضل شوية

وانا عملت مقارنة بين كاميرا الزد 2 والاس 4 وكنت عامل الدقة في الزد 2 علي 8 ميجا بيكسل والاس 4 علي 13 ميجا بيكسل وكان التفوق واضح للزد 2 في الاضاءة وفي واقعية الالوان تقدر حضرتك تشوفها من هنا

انتا بقي اللي تحكم يا باشا كاميرا الزد 2 ضعيفة ولا ﻷ

وبالنسبة لل M8 هو فعلا صوته اقوي وانقي بفرق واضح عن الزد 2 لكن ده مش معناه ان صوت الزد 2 ضعيف ابدا لكن الحقيقة مش بقوة ال M8

Alansary

2014-08-30 (05:51:01PM)

بص الزد 2 صوت وكاميرا اقويه جدا بس كا صوت ام8 قوي اه بس مش معناه الزد2 ضعيف دانا بوطي الصوت ع اضعف حاجه ف الفيديوهات عاليه الجوده لان الصوت بيكون قوي جدا

تلك الخدمة مخصصة للأعضاء فقط