بدون عنوان

للرجوع الي صفحة سوني Xperia Z1 الرئيسية اضغط هنا

themage2010

2014-03-02 (11:56:53PM)

يا جماعة انهى الافضل الزد 1 ولا النوت 3 انا هجيب الموبايل من السعودية انشاء الله

انا استخدامى نت وتصوير والعاب ويكون شكل الموبايل حلو وتكون بطارية حلوة

ميهمنيش اوى القلم الشاشة ميهنيش الشاشة الكبيرة

ميهمنيش الاكسسورات والحاجات دى

اجيب اية :) وسرعهم كام فى السعودية

ahmedpo7a

2014-03-03 (10:15:07PM)

بص ياصحبى مبدئيا الزد 1 والنوت 3 متقاربين جدا لكن لو مش همك القلم وخدامات سامسونج هات الزد 1 تصميم انيق جدا مع ابن عمى وهو غاية فى الروعة والالعاب فيه واقعية جدا وبطارية جبارة واضافات سونى الجميلة وبالنسبة لسعر الجهاز فى السعودية فهو فى مكتبة جرير عامل 2500 ريال سعودى

omyoussef

2014-03-04 (06:35:31AM)

ده رد عضو معانا فى الموقع اسمه استاذ وليد كان رد على استفسار زى ده فى الصفحات اللى ورا

السؤال الاكثر انتشارا زد1 ولا نوت3
عموما وبأختصار شديد جدا الافضل فيهم اللي انت هترتاح في التعامل معاه ده المبدأ العام من وجة نظري.. وعلي كل حال من حيث ان النوت3 هيتعبك في شيله هو حجمة مش يفرق كتير اوي عن زد1 وشوف اي مقارنة بين الجهازين وانت تعرف
ايهما افضل في رأيي ان الجهازين من اقوي الموبايلات الموجودة في السوق
وبأختصار عايز موبايل ومحتاج فيه للقلم وللشاشة الاكبر والسوفت الغني جدا ورامات اكبر وسرعة في التحديثات وتوافر الاكسسورات وسهولة في اعادة البيع وبدون خسارة كبيرة يبقي نوت 3
بتهتم بشياكة الموبايل وجودة المواد المستخدمة في صناعة الموبايل والسرعة الخرافية في الاداء وكاميرا ممتازة وحاجة مش الكل شايلها ومش بتبدل وتغير كتير يبقي زد1
انا بقول الكلام ده لاني مجرب الاتنين وبجد الاتنين يحيروا بس انت تشوف احتياجاتك وايه اللي ترتاح له اكتر واعتقد انك لن تندم علي اختيارك لواحد منهما

وعموما وللاطمئنان اكثر انتظر رأي البرنس محمود سمير او الرائع جدا والخبير HARDTIME عشان رأي اي منهما هيكون افضل واكثر تفصيلا .. وبالتوفيق ان شاء الله

walidelsaid

2014-03-04 (08:55:43PM)

omyoussef
أولا منوره الصفحه والله وانا بالنسبة لي Z 1 يعني الأخت المحترمة omyoussef
ونلتقي قريبا ان شاء الله في صفحة الوحش الجديد Z2

omyoussef

2014-03-05 (12:24:56PM)

ده نوركم يا استاذ وليد
ربنا يكرمك
واضح اصلا ان انا اللى فاضلة فى صفحه Z1 :) .. اغلب اعضاء الصفحه باعوه .. انا كمان كنت ناوية ابيعه بس للتغيير مش اكتر وعلشان اجرب حاجة جديدة بس جالى فيه اسعار غريبة كده ف كنسلت الفكرة لان حرام بصراحه و خسارة بخسارة استعمله شوية بأه مدام مرتاحه معاه وابيعه بعدين انا مش هلاقى موبايل فى سرعته و قله تهنيجه ما شاء الله انا مش عارفه لما ده رامات 2 جيجا وعامل كده امال Z2 هايبقى عامل ازاى !!

تلك الخدمة مخصصة للأعضاء فقط