بدون عنوان

للرجوع الي صفحة سوني Xperia Z1 الرئيسية اضغط هنا

mo7amedrady

2014-01-20 (06:08:48PM)

هو ال z1 فيه عيب الكاميرا والصوت المنخفض والبطاريه الضعيفه زي الz
وممكن حد يقولي سعره بالضمان بكام وخارج بكام؟

CCCCCCCCCCCC

2014-01-20 (06:37:37PM)

المقارنة دى حتفيدك
بس للعلم صوت الزد1 اعلى وانقى من الزد
سعر الزد1 بالضمان 5200
وبدون من 4750

omyoussef

2014-01-20 (06:41:07PM)

لا خااالص
انا زوجى معاه z وانا معايا z1
فعلا z صوته واطى جدا وده كان شئ قالقنى انى اجيب z1 بس الحمد لله z1 صوته عالى ومسموع كويس جداااا
البطارية اه انا عن نفسى مش راضية عن ادائها بس فى اعضاء هنا بيقولوا بتقعد معاهم يوم ويوم ونص
انا بتقعد معايا نفس المدة بس مكالمات بس و استعمال نت خفيف انما لو استعمال عادى هاتتشحن مرتين
الكاميرا انا شيفاها كويسة جدا و كان فيه مشكلة فى التصوير اللليلى فى z والمشكلة اتحلت تماما فى z1 وانا جربت الاتنين بنفسي فى نفس الصورة اخدت موبايل زوجى و صورت صورة بيه و نفس الصورة صورتها بموبايلى
الصورة فى الزد طلعت منغبشة ومش بايل لها تفاصيل انما فى الزد وان طلعت كويسة جدا و تفاصيلها واضحة حتى فى اقل اضاءة
هو الناس هنا بتشتكى من الزووم بس انا شايفة ان طبيعى يبقى فيه بكسلة فى الزوم وده عن نفسى مش مشكلة بالنسبالى
الجهاز سرعته عاليه جدا فى التصفح او التاتش و شيك ومتين و ضد المايه ودى مميزات كويسة جدا

mo7amedrady

2014-01-20 (06:50:26PM)

وبالنسبه للكاميرا لان كام zسيئه جدا والبطاريه مش بتكمل يوم

mo7amedrady

2014-01-20 (06:57:38PM)

انا معايا note2 وعايز اغيره بz1 وخايف اندم

OnlyOne2013

2014-01-20 (07:31:08PM)

انا جبت الجهاز بالظبط من اول امبارح طبعا لازم يتشحن الاول انا شحنته لغاية 6% بس الكلام ده الساعة 11 بالليل فضلت مشغله و فعلت الايميل و و عملت شوية اعدادات بالواي فاي وصل 4% الساعة 4 فجرا و شغلت الstamina mode و نمت و صحيت الساعة 12 الضهر لقيته 1%.
الصوت واضح جدا و نقي جدا.. توضيح صغير : الصوت بتاعه كل ما تبعد عنه تسمعه اكتر.
الكاميرا والله كنت خايف منها بس الحمد لله طلعت ممتازة خصوصا بعد 4.3.

omyoussef

2014-01-20 (08:59:41PM)

حضرتك تقريبا اللى كنت فى صفحة الزد صح ؟
هو زى ما قلت لحضرتك هناك انا كان معايا نوت ٢ وشاشته اتكسرت
و بالتالى لو حضرتك من الناس اللى يهمها السوفت وير يبقى مش هيناسبك الزد وان
عندك مثلا smart stay مش موجودة
multi windows مش موجودة
يعنى شوية اوبشنز فى السوفت وير كده هاتفتقدها فى الزد وان بس فى المقابل هتاخد سرعه اعلى و شياكة و متانة اضافه الى خاصية ضد المايه طبعا

omyoussef

2014-01-20 (09:04:46PM)

ونسيت اقول لحضرتك ان البروسيسور فى النوت 1.6
فى زد وان 2.2 و ده طبعا بيدى سرعة فى التصفح و الالعاب و بيقلل مشاكل التهنيج لو بفتح كذا حاجة ورا بعض

mo7amedrady

2014-01-21 (01:31:25AM)

ايوه انا ي omyoussef معلش تعبتك
انا من الاسباب اللي مخلياني عايز اغيرللz1 الماتريال لان النوت مفتاح الباور اللي ف الجنب لقيته لما بيضغط بيعلق فبصراحه اتعقدت منه ولسا جديد فانا هبدله فبفكر لو المحل هيغيره اخليني ف الz1 احسن

omyoussef

2014-01-21 (01:35:55PM)

لا خالص والله مفيش تعب ولا حاجة انا مقصدش كده خالص انا اقصد بس اننا اتكلمنا قبل كده ف حضرتك عندك خلفية عن اللى هاقوله مش اكتر
لو من ناحية الماتيريال ف الزد وان يكسب لان بردو اللى قفلنى من النوت 2 موضوع الماتيريال
انا وقع منى وقعه عادية خالص على وشه جاب تاتش كلفنى 550 جنيه
وقع منى تانى بس وقعه جامدة بصراحة جاب شاشة سألت على سعرها لاقيت اقل واحده ب 1250 و كان ممكن اصلحه بس قفلت منه بردو
ركناه دلوقتى ومنتظرة تخفيضات على الصيانة فى التوكيل و هاعمله
بس جبت الزد وان و ملاحظة سرعة تاتش اعلى وسرعة تصفح اعلى البطارية اقل بس هى بترجع لاستهلاك كل واحد
صوت النوت 2 اعلى شوية بس مش كتير
الافضل ان لو فى امكانية تشوف الجهاز وتمسكه وتجربه قبل ما تشتريه يبقى افضل و اعتقد ان بعض الاعضاء هنا قالوا ان فى مولات فيها الموبايلات موجودة للتجربة وفى منهم مسكه واتعامل معاه ممكن تكتب سؤال عن الاماكن دى و ان شاء الله يفيدوك

تلك الخدمة مخصصة للأعضاء فقط