بدون عنوان

للرجوع الي صفحة سوني Xperia Z1 الرئيسية اضغط هنا

Engmsm2000

2013-12-12 (10:36:35PM)

بص بقي يا أستاذ ccccccccccccccccccccccc
انا هجبلك من الأخر , موبايلات سامسونج محترمة جدا جدا جدا وبالأخص من ناحية السوفت وير أعلي بكتير من السوني , لكن من ناحية الهاردوير والقوة والتحمل , فطبعا لسوني , يعني عن تجربة لو موبايل
سامسونج وقع منك علي الأرض يبقي شكرا , هتلقية أربعة أو خمسة قطع و يبقي جاب شاشة علي الأقل , لكن سوني جهاز قوي جدا ويتحمل الشغل بجد عن تجربة , أنا كان معايا جهاز سوني إركسون إستمر معايا 7 سنوات شغل بدون تغيير بطارية ولا سوفت وير ولا هاند فري ولا إتفتح ولا أي حاجة , لكن سامسونج لازم يحصل فيه حاجة إما سوفت وير أو تغيير أي جزء من مكوناتة, جهاز z1 هو جهاز ضد الكسر ويعمل في الظروف الصعبة وبحكم عملي كمهندس أحتاج إلي جهاز يتحمل الصدمات ويكون مقاوم للتراب والماء وياريت تكتب علي اليوتيوب أختبار السقوط لجهاز إكسبريا z1 وانت هتشوف بنفسك , لكن والله أجهزة سامسونج محترمة جدا وفيها إمكانيات حلوة جدا بس إمكانيات سوني بالنسبة ليا أنا ممتازة جدا وكمان أنا بحب حاجتي جدا يعني أنا بحب أشتري جهاز يعيش معايا فترة طويلة علي الأقل خمس سنوات بدون ما أغيره وكمان لما أحب أغير بعد فترة مش ببيع أجهزتي القديمة ولكن بحب أحتفظ بها للذكري و واللي عايز يشتري الجهاز دة من مكان مضمون يروح علي دريم 2000 سعرة دلوقتي 5075 جنية , ودة رأي أنا وكل واحد بيشوف الأمكانيات اللي هو عايزها ويختار الجهاز اللي يناسبة , وأسف علي الإطالة وشكرا .

ellithy

2013-12-12 (10:42:50PM)

تمام اوى واشكرك على رئيك

semsemorg

2013-12-12 (11:02:56PM)

كلامك عجبنى اوى واحب اقولك انا مغير 3 اجهزة سونى اريكسون و ال3 احلى من بعض ولسة شغالين لحد دلوقتى معايا واحد فيهم بقالو 8 سنين فعلا اجهزة قوية التحمل انما سامسونج بحس انو من جوة بوردة بتاعت لعبة اطفال ومفيش اى shield من جوة لتقوية هيكل الجهاز وحمايتو حتى الهيكل الخارجى من خامات رخيصة دا غير التهنيج والجهاز يعمل Restart من نفسو حاجة زفت اوى

omyoussef

2013-12-12 (11:22:59PM)

فعلا انا كان معايا نوت2 وقع منى مرة جاب تاتش
وقع منى تانى جاب شاشة
ركنته ومش هاصلحه دلوقتى وجبت z1 اه فعلا فى فرق كبير فى السوفت وير بس اشتريت دماغى

zoukazo

2013-12-12 (11:51:04PM)

رأيك موضوعي جدا
وتقريبا هو هو نفس رأيي

CCCCCCCCCCCC

2013-12-13 (12:21:52PM)

هيا دى الموضوعية فى النقاش
رأيك يحترم و 95% منه صحيح بالنسبة لسونى و اجهزتها
اكبر عيوبها صغر عمر البطارية و هدوء الصوت
مش زى كلام القهاوى و الفتوات
ونصيحة بلاش تمدح السونى كتير لحسن فى ناس هنا ممكن تتهمك بالعمالة و بتوع توكيلات لسونى
ربنا يشفى

zoukazo

2013-12-14 (05:54:43AM)

النهارده شوفت واحد صاحبي مشفتوش من زمان وكان معاه سامسونج ولقيته ماسك اكسبيريا زد
قولتله ده ايه ده قالى غيرت وجبت سوني فسألته عن السبب فقاللى الخامات والتهنيج الكتير فى السامسونج
والله هذا ما حدث

sherif2090

2013-12-17 (07:19:13AM)

الخلاصة زى ماقل اخوتا Engmsm2000
سونى تليفون عملى ويستحمل اكتر من انة تليفون مليان امكانيات وميستحملش ( مع العلم ان نص الامكانيات مبتستخدمش )
سام لو تطور خامتها وتخف السوف وير بتعها شوية هتاكل السوق كلة بدون نقاش
ولكن مفيش جهاز كامل وكل جهاز فية عيب او نقطة ضعف بالبسة للنمافسين

وانا شايف ان سونى ابتدت تنتشر فى مصر كل يوم اكتر من اللى قبلة سواء مبيعات تسويق ودعايا واعلان وطرح الاجهزة بقا اسرع من الاول اى متاخرين عن باقى العالم ولكن بقا اسرع
ودة دليل على ان سونى مشية صح وان الناس مبقتش تهتم بالمميزات السوفت وير على قد باقى الامكانيات ودة يدل على وعى الناس

تلك الخدمة مخصصة للأعضاء فقط