بدون عنوان

للرجوع الي صفحة سوني Xperia Z1 الرئيسية اضغط هنا

aldaba7

2013-11-26 (01:18:08AM)

احب ارد علي الاستاذ CCCCCCCCCCCC
انا النهردة كونت في وسط البلد و عملت بنصيحة حضرتك و قارنت الجهازين z1 و note3 بصراحة و منغير مبالغة انا اصلا عمري ما مسكت اندريود ولا مسك سوني و لا سامسونج اصلا بس صراحة z1 ملهوش حل في الالوان الالوان فعلا طبيعية و الكاميرا فرق شاسع جدا بين التلفونين دة غير ان الالوان ببتاعت الكاميرا بتاعت السوني افضل من سامسونج و من ناحية الوان الصور علي الشاشة طبعا سامسونج سوبر امو لد الوانها تحفة بس مشبعة زيادة لدرجة تتعب العين اصلا اما سوني تحس ان الالوان طبيعية و هادية حتي في التصورير و المقارنة طبعا تمت بعد ما فتح الشاشة علي الاخر في التلفونين و شاشة سماسونج بردو كويسة جدا مقدرش اعيبها بس التفوق لسوني دة غير شاشة سوني عمرها الافتراضي اطول من شاشة سامسونج بكتير و اعطال سامسونج اكتر و من ناحية الصوت فا السوني كان اوطي حاجة بسيطة لم تلاحظ الا عند التدقيق جامد و الصراحة بردو السوني افضل و انقي بكتير مع ان سامسونج صوتها تحفة بردو عجبني بعض الخواص في السوفت وير الي بتتميز بها سامسونج ان اقدر افتح الصورة بدون لمس الشاشة او اقلب الصورة طبعا انتوا عارفين الباقي و من ناحية البطارية انا مقدرتش اقارنها طبعا و البروسيسور طبعا كان اقل علشان دي النسخة 3g نيجي لموضوع الرامات و دة كلام الشخص الي كان موجود في موبايل شوب ان رامات جهاز سوني مع انها 2G بس بس بتقدم اداء اعلي من 3G في سامسونج مش متأكد من الكلام دة بس دورت في المواقع لقيتة صح 100% نيجي من ناحية جودة الصنع انا حسيت ان سامسونج مصنعة الخامات تحت السلم بلظبط طبعامقارنتا بل سوني طبعا انتوا عارفين خامات سوني و سامسونج و كان سعر التلفونين السوني 5777 و السامسونج 6000 طبعا اسعار مبالغ فيها علشان السوني سعرة ما بين 5000 الي 5200 انا جبتة بي 5000 جنية فقط بضمان دلتا و السامسونج سألت علية النسخة 3G بضمان افضل سعرفيها 4950 و الي من غير 4550 و النسخة 4G من غير ضمان 5100 جنية و في النهاية انصح بشراء النسخة 4G لو انت هتشتري حابب تجيب سامسونج علشان ال 3G فيها بروسيسور ضعيف مقارنتا بل 4G و GPU اعلي
بصراحة زي ما قالت سوني في المؤتمر هاتف ثوري في كل شيء شكرا سوني علي دقة التصنيع و الشاشة المذهلة

zoukazo

2013-11-26 (02:20:35AM)

الله ينور عليك
كيفتنى

aldaba7

2013-11-26 (02:24:10AM)

تمت المقارنة في موبايل شوب فرع وسط البلد

mohaamedshafey

2013-11-26 (09:08:56AM)

الف مبروك وربنا يباركلك فيه

asaadgad

2013-11-26 (11:07:20AM)

اهو ده الواحد عمال يحكى فيه من شهر اكتوبر من ساعة ما جبت الموبايل و الناس برضو لسه محتارة

الله ينور عليك

semsemorg

2013-11-26 (04:30:28PM)

اشكرك جدا بس عايز اعرف حضرتك جربتو فى فرع موبيل شوب فين فوسط البلد انا اعرف ان فى اكتر من فرع ممكن تحدد لو سمحت

ellithy

2013-11-26 (05:58:41PM)

اولا فرع وسط البلد فى شارع عبد العزيز من الاخر مش من ناحيه ميدان العتبه
اما عن التلفون كتير جدا من صحابى ندمو انهم جابو نوت 3 اصلا وكان عاوزين يبعوه ويشترو اس 4
اما عن زد وان فانا نفسى اشتريه بس امكنياتى المديه لا تسمح بذالك بس اصحابى كتير جابوه وبيشكرو فيه جدا
واشكرى صاحب الموضوع عن دقة تعبيره

CCCCCCCCCCCC

2013-11-26 (06:33:39PM)

مقارنة ممتازة كنا فى امس الحاجة لها
والحمد لله على ما توصلت لية من نتائج
ويا رب يكون لك نصيب من هاتف سونى الثورى

aldaba7

2013-11-26 (06:35:52PM)

انا بصراحة معرفش اسم الشارع الي فية موبايل شوب علشان انا شوفتة بلصدفة تقريبا متفرع من شارع طلعت حرب هو جنب راديو شاك كونت داخل اسأل علي اكسسوار للموبايل و ملقتش فا لقيتهم عرضين التليفون فا جربتة الشيء الي نرفذني جدا انهم مكانوش عرضين لية ال sony z1 مع انهم بيبعوة يعني لو طلعوا تليفون و حطوة مع السامسونج الناس تقارت و تشتري هيكون افضل مش لاقي تفسير للموضوع دة ياريت لو حد عندة تفسير يقول ؟؟؟

CCCCCCCCCCCC

2013-11-26 (06:39:46PM)

يمكن فبريكة برشمة علب سونى لو اتفتحت
المشترى يفقد مصداقية البائع
وتكون مجازفة كمان مع تمن الموبايل العالى

kariam

2013-11-27 (10:27:15AM)

مش هقوالك غير كلمه واحده بس عاوز تعمل مقارنه صح ف الصور صور بهاتف من سونى وبهاتف من سمسونج ونزال الصور ه الكمبيوتر وهتشوف الفرق علفكره انا من عشاق سونى بس بعد ما شلت سمسونج عرفت فعلا انى كميرات سمسونج وهم واقوى سوقت وير بتاع سمسونج سونى متخدش منها غير الخمات فقط بنسبه للصور تشوفها ع الفون تلاقيها وهم تنزل بقه ع الكمبيوتر تلاقيها زى الزفت وعن تجربه والله لكل هواتف سونى ويارب اكون افتدك

linux

2013-11-27 (07:12:50PM)

عندك حق أنا جربت كاميرا سوني اكسبيريا اس 12 ميجا + السمعة لصالح سوني
و جربت كاميرا الجراند 8 ميجا .. إتصدمت من السوني لما لقيت الصورة أحسن في الجراند
ده غير اني بقالي كام يوم محتار ما بين السوني z او النوت 2 و جربت مواقع مقارنة كتير
النوت يكسب .. و الأحلى كاميرا ايفون 4 إس وهم بجد مع صديق ليا و مش مصدق نفسي
و لولا كرهي للأيفون كنت إشتريته .. مشكلتي بدور على كاميرا بموبايل و مش العكس ..

CCCCCCCCCCCC

2013-11-28 (01:09:21AM)

يعنى مفيش تعقيب من اى و احد من طيور الظﻻم على الكلام الجامد دة
يا جماعة و الله فعلا التجربة خير برهان

ellithy

2013-11-28 (11:22:41PM)

انا قارنت كاميرا زد الترا فى النهار وتلفون صديقة زوجة اخى اللى معاها نوت 3 كاميرا 13 ميجا
كاميرة الصونى تصويرها ممتاز النيله الناتى ده الصوره الونها زياده عن اللزوم وتحس انها غير طبعيه بما ان الصوره الوقعيه ليس بها الالون بزياده اوى كده هيا نفسها انبهرت وكانت عاوز تشترى السونى انا وجهتها للزد وان وقلتلها جربيه لانه افضل يكتير ووعدتنى انها هتجربه

totalaza

2013-12-02 (09:31:48PM)

من كلامك عن الموبايل ومن المواصفات المكتوبه فى الموقع يبقى كده الموبايل ممتاز بس بصراحه انا مستحرمه 5000 جنيه فى موبايل فياريت حد يرشحلى موبايل يكون كويس والكاميرا بتاعته كويسه جدا وفى حدود 3000 جنيه وايضا الشاشه تكون 5 بوصه ياريت حد يرد عليا

ellithy

2013-12-03 (02:12:15AM)

عندك SP
شاشه4.6
جوده الوضوح 319
رام جيجا
ذاكره داخليه 8 جيجا
5.8 للمستخدم
بروسيسور دويل كور 1.7
كاميرا 8 ميجا
شريحه اتصال واحده
السعر فى حدود 2500 ممكن يعلى ميه او ينقص ميه بس فى الحدود دى

ــــــــــــــــــــــــــــــــــــــــــــــــــــــــــــــــــــــــــــــــــــــــ
C
شاشه 5 بوصه
جودة الوضوح 220
رام جيجا
ذاكره الداخليه 4
2 للمستخدم
بروسيسور كواد كور 1.2
كاميرا 8 ميجا
مذدوج الشريحه
سعره فى حدود 2200

تلك الخدمة مخصصة للأعضاء فقط